Deputatlar nima deydi? — Yangi chaqiriq

‼️
Ўзингиз айбдорсиз
Фирибгарга пулини олдириб қўйган ҳамюртларимиз энг кўп эшитадиган “таскини” шу бўлса керак. Бироқ, бу гап билан масала ҳал бўлиб қолмайди.
🏢
Фракция йиғилишида депутатимиз Жаҳонгир Ширинов бундай ҳолда фуқаролар айбдор бўлган тақдирдаям унинг ҳимоясини барибир таъминлаш кераклигини таъкидлабди.
👻
Чиндан биз яшаётган рақамли дунёда фирибгарлигам борган сари замон талабларига мослашиб боряпти. Фуқаронинг рақамли саводхонлиги пастлиги уни қонун ҳимоясидан маҳрум қилишга асос бўлмаслиги керак. Аксинча, давлат тизими “соддароқ” фуқаросини айёрроқ фирибгардан икки карра қаттиқроқ ҳимоя қилиши шарт.
Сизам шунақа “айбдор” бўлганмисиз, муаммонгизни қандай ҳал қилгансиз
😶
?
🧑‍🦲
@deputatlar_nima_deydi
саҳифасини кузатиб боринг

❔
Дастурхонимиздаги гўшт ва сут қанчалик хавфсиз?
✅
Аҳоли истеъмол қилаётган маҳсулотлар таркибидаги антибиотиклар ва юқумли касалликлар хавфи бугунги куннинг энг оғриқли нуқталаридан биридир. Шу билан бирга, маҳаллий маҳсулотларимизни халқаро стандартларга тўлиқ мослаштириш масаласиям бор.
Қуйи палата мажлисида айнан шу муаммоларни ҳал қилишга қаратилган янги қонун лойиҳаси биринчи ўқишда қабул қилинди.
Қонун лойиҳаси билан, эндиликда ветеринария маҳсулотлари таркибидаги антибиотикларни мониторинг қилиш ва хавфни барвақт аниқлаш тизими йўлга қўйилади.
📍
Ҳудудларни “хавфсизлик зоналари”га ажратиш
🔴
Юқумли касалликлар тарқалишининг олдини олиш учун ҳудудлар эпиозоотик ҳолатига кўра тоифаланади. Давлат ветеринария хизматига хавфсизлик зоналарини белгилаш ваколати берилиши касаллик ўчоқларини жиловлаш ва аҳоли саломатлигини мустаҳкам ҳимоя қилиш имконини беради.
🌍
Шунингдек, миллий қонунчилик Жаҳон савдо ташкилоти (ЖСТ) талабларига мослаштириляпти. Бу маҳаллий маҳсулотларимиз учун халқаро бозор эшикларини очади ва миллий брендларимизнинг дунё бўйлаб рақобатбардошлигини оширади.
🧑‍🦲
@deputatlar_nima_deydi
саҳифасини кузатиб боринг

↪️
Карта ва SIM-карта маълумотларини бегонага берганлик учун жавобгарлик белгиланяпти
Кибермакондаги тартибсизликларга чек қўйиш ва фуқароларнинг рақамли хавфсизлигини ҳимоя қилишга қаратилган муҳим қонун лойиҳасига кўра, энди:
🗣
Банк карталари, электрон ҳамёнлар ва крипто-ҳамёнларни бошқариш имконини берувчи маълумотларни ноқонуний равишда бошқа шахсларга берганлик учун энди нафақат маъмурий, балки жиноий жавобгарлик белгиланяпти.
🗣
SIM-карталар, шахсий аккаунтлар ва идентификация воситаларини (масалан, OneID) бошқа шахсларга ноқонуний бериш ёки улардан ғаразли мақсадларда фойдаланиш ҳолатлари учун ҳам жазо чоралари кескин кучайтириляпти.
🗣
Агар банк ва тўлов ташкилотларида ахборот хавфсизлиги талабларига риоя этилмагани сабабли мижозга зарар етса (масалан, пули ўғирланса), ушбу зарарни банк ёки тўлов ташкилотининг ўзи қоплаб бериши механизми жорий этиляпти.
✅
Эндиликда тергов органларига банк маълумотларини тақдим этишнинг аниқ муддатлари белгиланяпти.
Агар масъул ташкилот ушбу муддатларни бузса ё маълумотни кечиктирса, уларга нисбатан қатъий жавобгарлик чоралари кўрилади.
🧑‍🦲
@deputatlar_nima_deydi
саҳифасини кузатиб боринг

📱
Экстремизмга
қарши кураш тизими такомиллаштириляпти
Ҳозир ҳамманинг қўлида телефон, ёшларнинг асосий вақти интернетда ўтяпти. Лекин тармоқда фақат қизиқарли видеолар эмас, ёшларнинг онгини заҳарлаб, турли радикал ва экстремистик оқимларга тортувчилар ҳам “овга чиққан”.
🏢
Қонунчилик палатасида айнан шу хавфларнинг олдини олиш ва жазони муқаррар қилишга қаратилган муҳим қонун қабул қилиниб, Сенатга юборилди.
Хўш, нималар ўзгаряпти? Оддий тил билан айтганда:
🚫
Сақлаш ва тайёрлаш бўйича:
Жамоат хавфсизлигига таҳдид солувчи, экстремистик руҳдаги материалларни тайёрлаганлик ёки сақлаганлик учун биринчи мартасига маъмурий жазо белгиланяпти. Амалда бундай ҳаракатлар тўғридан-тўғри жиноий жавобгарликка олиб келар эди, яъни бу ерда биринчи хатони кечириш кўзда тутиляпти.
💰
Инсонпарварлик акти қўлланиляпти:
Эндиликда экстремистик материални сақлаш, тарқатиш ёки намойиш этишда иштирок этган шахс, агар у ҳокимият органларига ўз вақтида хабар берган бўлса ёки бошқа усул билан оғир оқибатлар юзага келишининг олдини олишга фаол кўмаклашган бўлса, башарти бу шахснинг ҳаракатларида бошқа жиноят таркиби бўлмаса, жавобгарликдан озод этилади.
🛡
Экстремизмни дин билан боғлаш амалиётига чек қўйиляпти:
Барча қонунларда "диний экстремизм" тушунчаси "экстремизм" тушунчасига алмаштириляпти.
🛡
Экстремизм тушунчаси
соддалаштирилиб, аниқлаштириляпти
Амалдаги мавҳум таърифлар чиқариб ташланиб, экстремизм тушунчаси аниқ хатти-ҳаракатлар доираси билан чекланяпти.
Хуллас, мақсад битта — юртдаги тинчликни асраш, фарзандларимизни ғаразли кучларнинг тўрига тушиб қолишидан асраш ҳамда соҳада қонунийликни таъминлаш.
❓
Сизнингча, интернетдаги зарарли контентлардан ёшларни фақат қонун ва жазо билан ҳимоя қилиб бўладими ёки оиладаги назорат муҳимроқми?
🧑‍🦲
@deputatlar_nima_deydi
саҳифасини кузатиб боринг

⁉️
Картангиздан пул ўғирлашса, ким жавоб беради?
Мажлисида кибермакондаги жиноятчиликка чек қўйиш ва фуқароларнинг рақамли хавфсизлигини таъминлашга қаратилган муҳим қонун лойиҳаси биринчи ўқишда қабул қилинди.
Ҳужжат бугунги кундаги энг долзарб муаммолардан бири бўлган интернет-фирибгарлик ва киберҳужумларга қарши курашда муҳим ҳуқуқий асос бўлиб хизмат қилади:
🔴
Ваколатли орган ва тизимли масъулият:
Лойиҳага кўра, Ички ишлар вазирлиги кибержиноятларга қарши курашиш соҳасидаги ваколатли орган сифатида белгиланди. Шу билан бирга, банклар, тўлов ташкилотлари ва интернет-провайдерларнинг масъулияти янги босқичга кўтариляпти — эндил улар шубҳали молиявий операцияларни мунтазам мониторинг қилиши ва аниқланган хавфлар ҳақида тезкор ахборот тақдим этиши керак бўлади.
🔴
Жабрланганларни қўллаб-қувватлаш тизими:
Қонун лойиҳаси билан илк бор “Кибержиноятлардан жабрланган шахсларни реабилитация қилиш институти” жорий этиляпти. Бу дегани, фирибгарлар тузоғига тушган фуқароларга нафақат ҳуқуқий маслаҳат берилади, балки уларнинг манфаатларини тиклаш учун психологик ва тиббий ёрдам кўрсатилади ҳамда уларнинг рақамли ва молиявий саводхонлигини ошириш бўйича амалий чоралар кўрилади.
🔴
Олдиндан назорат ва “Молиявий пирамида”ларга зарба:
Лойиҳа доирасида кибержиноятларни барвақт аниқлаш ва уларнинг олдини олишнинг янги механизмлари яратиляпти. Хусусан, шубҳали транзакцияларни тезкор тўхтатиш ва айниқса “молиявий пирамида” кўринишидаги фирибгарлик схемаларига чек қўйиш бўйича самарали чоралар белгиланяпти. Шунингдек, соҳада кадрлар тайёрлаш ва халқаро ҳамкорликни ривожлантириш масалалари ҳам ҳуқуқий жиҳатдан мустаҳкамланди.
🧑‍🦲
@deputatlar_nima_deydi
саҳифасини кузатиб боринг

💸
Ҳарбий хизматчилар пенсия тизими такомиллаштириляпти
✅
Ҳарбий хизматчилар ва уларнинг оила аъзоларини ижтимоий ҳимоя қилишга қаратилган янги қонун лойиҳаси ҳарбийларнинг пенсия таъминотини тубдан яхшилашни назарда тутади.
🗣
Ҳарбий хизматда 30 йилдан ортиқ фидокорона меҳнат қилган шахслар учун пенсиянинг базавий миқдорини аниқлашда иш ҳақининг ҳисобга олинадиган миқдори амалдаги 75 фоиздан 100 фоизга ошириляпти. Бу узоқ йил хизмат қилган ҳарбийларнинг моддий таъминоти сезиларли даражада ўсишини англатади.
✅
Пенсия тайинлашда асос бўладиган ҳисоблаш базавий миқдори амалдаги ўн баравар ўрнига энди ўн икки баравардан келиб чиқиб белгиланади. Бу норма пенсия тўловларининг умумий ҳажмини оширишга хизмат қиладиган муҳим ҳуқуқий механизмдир.
💬
Таъкидланганидек, ушбу имтиёзлар юрт хавфсизлиги йўлида ҳаётини бағишлаган ҳарбийларни қўшимча рағбатлантириш, соҳа нуфузини ошириш ва ёшлар ўртасида ҳарбий хизматга бўлган қизиқишни кучайтириш мақсадида киритиляпти.
🧑‍🦲
@deputatlar_nima_deydi
саҳифасини кузатиб боринг

🤝
Солиқчи ва тадбиркор cудсиз келишиб олади
✅
Бизнесни юритишда кичик бир хато қилдингиз ва банкдаги ҳисобварағингиз музлади. Бу ёғи энди ҳақиқий драма: айбингизни тан олиб, пулни тўлашга тайёр бўлсангизам, ҳисобварақни қайта очиш учун суд қарорини кутишингиз керак эди. Пул бор, лекин ундан фойдаланиб бўлмайди, бизнес эса тўхтаб ётибди.
↪️
Сенатга юборилган янги қонун лойиҳасига кўра: энди агар тадбиркор солиққа доир ҳуқуқбузарлик қилса, солиқ органи томонидан ҳисоби “музлатилади”.
Ва солиққа оид хатосини тан олса ва эътироз билдирмаса, солиқ органининг ўзи камчилик бартараф этилиши билан судсиз-сўровсиз чекловни бекор қилади.
🗣
Бу нафақат вақтни тежайди, балки бизнеснинг тўхтаб қолмасдан ҳаракатланишига имкон беради.
❗️
Аммо адолат тарозисиям унутилмаган: агар тадбиркор солиқчининг қарорига қўшилмаса, унинг пулларини фақат Иқтисодий суд қарори билангина музлатиш мумкин бўлади. Хуллас, янги тизим “хато қилдингми — тезроқ тузат ва ишингни давом эттир”деган тамойил асосида ишлайди.
🧑‍🦲
@deputatlar_nima_deydi
саҳифасини кузатиб боринг

🎤
Ялпи мажлис бошланди
🏢
Қуйи палатадан тўғридан-тўғри эфирни Қонунчилик палатасининг
расмий
веб-сайти
орқали томоша қилсангиз бўлади.
🧑‍🦲
@deputatlar_nima_deydi
саҳифасини кузатиб боринг

📣
Бугун 11:00 да ялпи мажлисимиз бор, эсинглардан чиқиб қолмасин
Мажлис кун тартибига шу
масалалар
киритилиши режалаштириляпти экан:
1⃣
«Ўзбекистон Республикасининг айрим қонун ҳужжатларига экстремизмга қарши курашиш самарадорлигини оширишга қаратилган ўзгартириш ва қўшимчалар киритиш тўғрисида»ги Ўзбекистон Республикаси қонуни лойиҳаси ҳақида;
2⃣
«Ўзбекистон Республикасининг айрим қонун ҳужжатларига тадбиркорлик субъектлари учун тартибга солиш юкини камайтиришга қаратилган ўзгартириш ва қўшимчалар киритиш тўғрисида»ги Ўзбекистон Республикаси қонуни лойиҳаси ҳақида;
3⃣
«Ҳарбий хизматчиларнинг (ходимларнинг) ва улар оила аъзоларининг давлат пенсия таъминоти тўғрисида»ги Ўзбекистон Республикаси қонуни лойиҳаси ҳақида;
4⃣
«Ахборот технологияларидан фойдаланиб содир этиладиган ҳуқуқбузарликларга қарши курашиш тўғрисида»ги Ўзбекистон Республикаси қонуни лойиҳаси ҳақида;
5⃣
«Киберхавфсизликни таъминлаш ва рақамли муҳитдаги ҳуқуқбузарликларга қарши курашиш тизими такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш ҳақида»ги Ўзбекистон Республикаси қонуни лойиҳаси тўғрисида;
6⃣
«Давлат ветеринария назорати такомиллаштирилиши муносабати билан «Ветеринария тўғрисида»ги Ўзбекистон Республикаси Қонунига ўзгартириш ва қўшимчалар киритиш ҳақида»ги Ўзбекистон Республикаси қонуни лойиҳаси тўғрисида;
7⃣
Ўзбекистон Республикаси Қурилиш ва уй-жой коммунал хўжалиги вазири Ш. Хидоятовга «Аҳоли пунктларининг шаҳарсозлик ҳужжатларига шаҳарсозлик фаолияти субъектлари томонидан риоя этилиши устидан давлат архитектура назоратини амалга ошириш борасида олиб борилаётган ишлар тўғрисида» Ўзбекистон Республикаси Олий Мажлиси Қонунчилик палатасининг парламент сўровини юбориш ҳақида;
8⃣
Ўзбекистон Республикаси ички ишлар вазири А. Ташпулатовга «Автомобиль йўлларидаги фото ва видео қайд этиш техника воситаларининг йўл ҳаракати хавфсизлигини таъминлашдаги самарадорлиги ҳамда йўл ҳаракати соҳасига ахборот технологияларини жорий этиш борасида амалга оширилаётган ишлар тўғрисида» Ўзбекистон Республикаси Олий Мажлиси Қонунчилик палатасининг парламент сўровини юбориш ҳақида.
🧑‍🦲
@deputatlar_nima_deydi
саҳифасини кузатиб боринг

🥩
Деҳқончилик ва чорвачилигимиз зўр, бозорларимиз тўкин.
Лекин, битта, ҳал қилса бўладиган муаммомиз бор эди: маҳсулотимизни Европа ё бошқа йирик бозорларга олиб кирмоқчи бўлсак, хорижликлар “Ветеринария назоратинг бизнинг талабларга тўлиқ жавоб бериши керак, маҳсулотингда антибиотик ё бошқа дорилар бор-йўқлигини аниқ билмаймиз” дейишлари мумкин эди.
Айнан шу масалага доир қонун лойиҳаси фракция йиғилишларида биринчи ўқишда кўриб чиқилди.
Нималар ўзгаряпти ўзи? Оддий тил билан айтганда:
✅
Дунё қоидаларига ўтяпмиз:
Ветеринария ва санитария қонунларимиз Жаҳон савдо ташкилоти (ЖСТ) талабларига мослаштириляпти. Яъни, бутун дунё ўйнайдиган хавфсизлик қоидалари билан ишлашни бошлаймиз.
✅
Антибиотикларга қатъий назорат:
Гўшт ва бошқа маҳсулотлар таркибидаги зарарли моддалар устидан лаборатория назорати кескин кучайтирилади. Бу фақат экспорт учун эмас, биринчи навбатда ўзимизнинг, фарзандларимизнинг саломатлиги учун керак.
✅
Бир жойда касаллик чиқса, ҳамма куймайди:
Дейлик, чорвада касаллик чиқди. Энди Давлат ветеринария хизмати фақат муаммо чиққан “кичик ҳудуд”нинг ўзини ёпади, бошқа “тоза” ҳудудларга зарар етмайди.
Хуллас, бу қонун тўлиқ ишлаб кетса, ҳам ўзимиз хавфсиз озиқ-овқат еймиз, ҳам миллий маҳсулотларимиз халқаро бозорларга чиқиб, фермерларимизнинг даромади ошади.
❓
Нима деб ўйлайсиз, жойлардаги фермерларимиз ва маҳсулот ишлаб чиқарувчиларимиз мана шундай қатъий халқаро назоратга тайёрми?
🧑‍🦲
@deputatlar_nima_deydi
саҳифасини кузатиб боринг