Isroil Tillaboyev blogi

O‘rtoqlar, ertaga 26-aprel yakshanba kuni soat 14.00 da Super Kitobxon o’quv markazida sizning farzandlringiz uchun mutlaqo bepul bo’lgan festival tashkil etmoqdamiz. Kamina ham shu joyda tashkilotchilardan.
⚡️
Festivalda bir-biridan qiziqarli bo’lgan o’yinlar , kitobga bog’liq bo’lgan musobaqalar , interaktiv mashg’ulotlar va taqdirlash marosimi bo’lib o’tadi.
📌
Festivalda qatnashish mutlaqo bepul. Qatnashish uchun izohlarda “+” belgisini qoldiring va ro’yxatdan o’ting.
📍
Manzil: Chorsu , Toshkent Kitob Markazi 2-qavat
☎️
+998888864444
💻
@superkitobxon_admin
@domlajon
t.me/domlajon

Ilm nega vositaga aylanib qoldi? So‘nggi yillarda bitta savol tobora ko‘proq o‘ylantiryapti: nega bizda ilm asta-sekin o‘z mohiyatidan uzoqlashib, vositaga aylanib qolyapti? Aslida ilm har doim yo‘l bo‘lgan. Olim bo‘lish — bu daraja olish emas, balki uzoq…

Ilm nega vositaga aylanib qoldi?
So‘nggi yillarda bitta savol tobora ko‘proq o‘ylantiryapti: nega bizda ilm asta-sekin o‘z mohiyatidan uzoqlashib, vositaga aylanib qolyapti?
Aslida ilm har doim yo‘l bo‘lgan. Olim bo‘lish — bu daraja olish emas, balki uzoq yillar davom etadigan izlanish, shubha, xatolar va yangidan boshlash jarayoni edi. Ilmiy daraja esa shu yo‘lda erishilgan natijaning bir belgisi, xolos.
Bugun esa ko‘p joyda bu tartib teskari bo‘lib qolgandek.
Ko‘pincha ilmiy daraja maqsad sifatida qo‘yilmoqda. Kimdir lavozim uchun oladi, kimdir maoshdagi ustama uchun, yana kimdir ijtimoiy maqom uchun. Natijada ilmning o‘zi emas, balki uning “natijasi” sifatida beriladigan hujjat muhim bo‘lib qolyapti.
Bu jarayonning tashqi belgisi ham ko‘rinib turibdi: maqolalar soni keskin oshdi, lekin ularning aksariyatida real ilmiy yangilik yoki chuqur tahlil yetishmaydi. Ayrim “xalqaro” jurnallar esa aynan shu ehtiyojdan foydalanib, tez va oson nashr qilishni taklif qilmoqda. Pul to‘laysiz — maqolangiz chiqadi. Natijada ilmiy faoliyat bozor mexanizmlariga bo‘ysunib qolayotgandek.
Eng xavfli tomoni esa bu jarayonning ta’limga ta’siri. Yosh tadqiqotchilar va talabalar bugungi manzarani ko‘rib, ilmga boshqacha qarashni o‘rganmoqda. Ular uchun ilm — izlanish emas, balki tezroq daraja olish vositasiga aylanib qolish xavfi bor.
Xolbuki, ilmiy daraja — bu boshlanish bo‘lishi kerak edi. U insonni yanada chuqurroq izlanishga undashi, yangi savollar tug‘dirishi kerak edi. Biz esa ko‘p hollarda uni yakun sifatida qabul qilyapmiz.
Bu muammoning ildizi albatta murakkab: tizimdagi talablar, rag‘batlantirish mexanizmlari, baholash mezonlari — bularning barchasi o‘z ta’sirini ko‘rsatadi. Lekin bir haqiqat aniq: agar ilm vositaga aylanaversa, ertaga ilmning o‘zi qadrsizlanadi.
Eng yomoni — bizda darajali, lekin ilmiy tafakkuri shakllanmagan avlod paydo bo‘lishi mumkin.
Shuning uchun bugun savolni ochiq qo‘yish vaqti keldi:
biz ilmni rivojlantiryapmizmi yoki faqat uning tashqi belgilarini ko‘paytiryapmiz?
Bu savolga halol javob bermas ekanmiz, tizimni o‘zgartirish ham qiyin bo‘ladi.
Davomi bor...
(c)
G‘olibjon Botirov
@domlajon
t.me/domlajon

#Sertifikat_natija
〰️
〰️
〰️
〰️
〰️
〰️
〰️
〰️
O‘zbekiston Respublikasi Vazirlar Mahkamasining 2025-yil 17-oktabrdagi 652-son “Musiqa madaniyati fani va jismoniy tarbiya fani o‘qituvchilarining bilim darajasi hamda kasbiy mahoratini aniqlash bo‘yicha milliy baholash tizimini joriy etish to‘g‘risida”gi qaroriga muvofiq jismoniy tarbiya fani o‘qituvchilarining bilim darajasi hamda kasbiy mahoratini aniqlash va ularga milliy sertifikat berish bo‘yicha 2026-yil 25–27-fevral hamda 3–4-mart kunlari o‘tkazilgan test sinovlari natijalari e’lon qilingan edi.
O‘zbekiston Respublikasi Sport vazirligining mazkur imtihonning ikkinchi bosqichi — amaliy (ijodiy) sinov natijalarini qayta hisoblash yuzasidan yuborgan rasmiy murojaatiga asosan imtihon natijalari qayta hisoblandi.
🆔
Talabgorlar o‘z natijalarini
my.gov.uz
saytining “Mening arizalarim” bo‘limi orqali bilishlari hamda sertifikatni elektron shaklda yuklab olishlari mumkin.
📊
Test natijalari xalqaro metodika — Rash modeli asosida hisoblangan bo‘lib, talabgorlarga to‘plagan ballari asosida quyidagi darajalar bo‘yicha sertifikatlar taqdim etiladi:
🔹
70 balldan yuqori — A+ daraja;
🔹
65–69,9 ball — A daraja;
🔹
60–64,9 ball — B+ daraja;
🔹
55–59,9 ball — B daraja;
🔹
50–54,9 ball — C+ daraja;
🔹
46–49,9 ball — C daraja.
✔️
Ilmiy-o‘quv amaliy markazning rasmiy sahifalari
:
Telegram
|
Instagram
|
YouTube

Jismoniy tarbiya fani o‘qituvchilariga katta yangilik bor:
Milliy sertifikat ballari qayta hisoblanar ekan:
https://www.instagram.com/reel/DXhZB1BDNsv/?igsh=bmFsd3F5d3d6MXp0
Navbat bilan 1-2 kunda yuklanar ekan sertifikatlar. Hammaga yetkazing, tabriklaymiz!
@domlajon
t.me/domlajon

O‘zbekistonda eng ko‘p kitob o‘qigan yoshlarga 10,3 mln so‘mdan beriladi
O‘zbekistonda eng ko‘p kitob o‘qigan yoshlar o‘rtasida har yili tanlov o‘tkazilib, g‘oliblarga pul mukofoti beriladi. Bu haqda “Yangi O‘zbekiston yoshlari – 2030” strategiyasini amalga oshirish bo‘yicha chora-tadbirlar dasturida belgilandi.
Unga ko‘ra, eng ko‘p kitob o‘qigan o‘quvchi va talabalar o‘rtasida “Top-100 kitobxon” tanlovi o‘tkazilib, g‘oliblarning 100 nafari tasdiqlangan hisob-kitoblarga asosan Yoshlar ishlari agentligi mablag‘i hisobidan BHMning 25 baravari (10,3 mln so‘m) miqdorida rag‘batlantiriladi.
Yoshlarning kitobxonlik, ijodkorlik va ma’naviy rivojlanishini rag‘batlantirish orqali intellektual salohiyat va madaniy kapitalni oshirish maqsad qilingan. Yoshlarning kitobxonlik darajasini yiliga o‘rtacha 12 ta kitobga yetkazish, elektron kitob platformalaridan foydalanish ko‘rsatkichini 2025-yilga nisbatan ikki baravarga oshirish rejalashtirilgan.
Chekka qishloq va tumanlarda yoshlarning 30 foizi kitobxonlik loyihalariga, shu jumladan, “Mutolaa” loyihasiga jalb
qilinadi.
@domlajon
t.me/domlajon

O‘zi shu Humo karta degan maxluq hech ishlamaydi, qaysi magazinga savdo qilsayiz humo ishlamayapti, o‘tkazib berasmi, deb ko‘zini loʻq qilib turishadi sotuvchilar.
Kamiga mana shunday "sovg‘asiga" aytuvdim bularni. Yeb to‘ymagan yalab to‘ymaydi, oluvringlar.
@domlajon
t.me/domlajon

Matbuot anjumanida attestatsiya masʼuli Dilrabo Davidovaga attestatsiya uchun testlar spesifikatsiyadan chetga chiqayotgani haqida savol bilan murojaat qildim.
Vazirlik masʼuliga ko‘ra ushbu testlar barchasi spesifikatsiyadan chetga chiqilmagan.
To‘liq videoda ko‘rishingiz mumkin:
https://www.instagram.com/reel/DXf7qRBDKJu/?igsh=MTNlYWdiOXdlOG9hbg==
Iltimos, instagram sahifamga podpiska bosib qo‘yinglar.
@domlajon
t.me/domlajon

Juda ajoyib kitob muhokamasida qatnashdim va o‘zim ehtiyoj sezib izlab yurgan kitobimni topdim.
Har bir ota-onaning virusdek dardiga aylangan, qanday chora ko‘rishga ojiz qolayotgan muammo, bolalar va ijtimoiy tarmoq munosabatlari haqidagi "Behalovat avlod" bestselleri muhokamasi Milliy kutubxonada bo‘ldi.
Bir nechtagina ziyolilar tashabbusi va jonkuyarligi bilan tarjima qilinib, o‘zbek xalqiga sovg‘a qilingan bunday kitob har bir ota-onaga o‘z farzandini bunday tezkor mobil texnologiyalar zamonida qanday tarbiyalash haqida ilmiy, xayotiy yo‘l-yo‘riq ko‘rsatadi.
"Behalovat avlod" internetga bolani qarshi qo‘yishni maqsad qilib yozilmagan, aksincha bolalarning diqqati pasayib ketayotgani, uning sabablari va yechimlarini dunyo bo‘yicha o‘tkazilgan ilmiy tadqiqotlardan misol keltirib yordamga kelgan.
Sizning farzandingiz bog‘chada, maktabda va xatto institutda o‘qiydimi, bu kitobni albatta o‘qishingiz shart.
Kitobda mobil qaramlikni oldini olish uchun turli rakurslardan qaralgan, davlat nima qilishi kerak, taʼlim muassasasi nima qilishi kerak, ota-ona nima qilishi kerakligi haqida batafsil yo‘nalishlar berilgan.
Hozirda maktab pedagoglari telefonga qarshi kurashda to‘g‘ridan to‘g‘ri doskaga mixlash bilan kurashayotgani barcha pedagoglarimizga aynan shu "Behalovat avlod" o‘qishi yechim bo‘lishini ko‘rdim. Pedagoglarimiz bu bestseller orqali bolani to‘g‘ri yo‘lga boshlashning ilmiy asoslangan yo‘llarini o‘rganishlari mumkin.
Kitob tumaningizdagi kitob do‘konlaridan izlang, bo‘lmasa buyurtma qiling yoki albatta onlayn bo‘lsa ham sotib olib o‘qing, har bir ota-onaning qo‘llanmasi sifatida bo‘lishi shart behalovat avlodning halovatli qiluvchi "Behalovat avlod".
@domlajon
t.me/domlajon