Doniyor Qori

#Кундалик_эслатма

#ХОЛИС_ЭСЛАТМА
"БАҚАРА" СУРАСИ – УЙИНГИЗДА БАРАКА, ҚАЛБИНГИЗДА НУР, ҲАЁТИНГИЗДА ҲИМОЯ!
📖
Азиз дўстлар, бир неча дақиқа вақт ажратиб, қуйидаги аудиомақолани охиригача тингланг. Сиз эшитган ва унга амал қилган тақдирингизда, "Бақара" сураси ҳаётингизда қандай барака ва фазилатлар келтирганини ўзингиз ҳис қиласиз, иншааллоҳ!
🔊
Аудио тарғибот — қалбга нур, ҳаётга раҳмат бўлсин!
"Бақара" сураси – уйни шайтондан ҳимоя қилади. У – қалбга сабот, руҳга куч, оилага сукунат бағишлайди.
Бу камина учун "Бақара" сураси энг севимли мавзулардан бири. У ҳақида гапириш, уни таърифлаш ва тарғиб қилиш – қалбимдаги бир меҳрдир.
Шунинг учун ҳам, Сиз азизларга ушбу муборак сурани танитишни, уни ҳаётга тадбиқ қилишни яна бир бор илинж қилиб сўрайман.
📌
Келинг, “Бақара” сурасини кўпроқ ўқиб юрайлик!
Дониёр Файз
👉🏻
@doniyorqori

#Kundalik_eslatma

​
#Сўраган_эдингиз
Қуръонни ёдлаш ёки ёдда сақлаш учун махсус тўрт ракатли намоз ҳақидаги ҳадис: илмий таҳлил ва раддия
.
❓
Савол:
Кўпчилик орасида тарқалган қуйидаги ҳадис ҳақиқатда саҳиҳми?
Ибн Аббос (розияллоҳу анҳумо)дан ривоят қилинади: «Биз Расулуллоҳ (соллаллоҳу алайҳи васаллам) ҳузурларида эдик. Шу пайт Али (розияллоҳу анҳу) келиб: “Қуръон хотирамдан чиқиб кетмоқда, уни ёдда сақлаб қололмаяпман”, деди. Пайғамбаримиз (соллаллоҳу алайҳи васаллам) унга жума кечаси махсус тўрт ракъат намоз ўқиш, биринчи ракъатда “Фотиҳа” ва “Ясин”, иккинчида “Фотиҳа” ва “Духон”, учинчида “Фотиҳа” ва “Сажда”, тўртинчида “Фотиҳа” ва “Таборак” сураларини ўқишни тавсия қилганлари ривоят қилинади...»
📌
Жавоб
:
Бисмиллаҳир Роҳманир Роҳийм
Аллоҳнинг ёрдамига суяниб шундай деймиз:
Бу ҳадис Термизийда (3570), Ҳокимнинг “Мустадрак”ида, Байҳақийнинг “Асмо ва сифат”ида ва Ибн Асокирнинг “Тарих Димашқ”ида келган.
❌
Илмий таҳлил: бу ҳадис саҳиҳ эмас
1.
📚
Ушбу ҳадисни рад этган уламолар
🔹
Имом Заҳабий (р.ҳ):
«Бу ҳадис — мункар (инкор қилинган). Менимча, у мавзуъ (ўйлаб чиқарилган уйдирма).
Балки хатони Сулаймон ибн Бинти Шархабил киритган. У мункар ривоятлар қилувчи эди, гарчи зоҳирда ҳофиз бўлса ҳам.»
📘
Манба: Сияр Аълам ан-Нубало
(9/217-218)
🔹
Ибн Ҳажар ал-Асқалоний (р.ҳ):
«Бу ҳадиснинг икки йўли ҳам муаммоли. Валид ибн Муслим эҳтимол бу ҳадисни заиф ривоятчи Муҳаммад ибн Иброҳимдан олган ва уни Ибн Журайж орқали “тадлис” қилган.»
📘
Манба: Ан-Нукат аз-Зираф ала Таҳфатул Ашроф (5/91)
🔹
Ибн Жавзий (р.ҳ):
«Бу ҳадис саҳиҳ эмас, мавзуъ – тўқимадир. Валид ибн Муслим заиф ровийларнинг исмини санаддан ташлаб, улар ўрнини кучли ровийлар билан боғлаб қўяр эди.»
📘
Манба: Аль-Мавзуъот (2/138–140)
🔹
Имом Шавконий (р.ҳ):
«Бу ҳадис на мақбул, на “ҳасан” бўлиши мумкин. Унинг мазмунида ҳам ноаниқлик ва шубҳа бор. Шунинг учун “фойдали” дейиш ҳам хато.»
📘
Манба: Аль-Фавоид ал-Мажмуъа фи Аҳадиси ал-Мавзуъа
.
2.
Саҳиҳ санад талабини бузган ривоятлар
Валид ибн Муслим — "тадлис" қилувчи ровий.
📌
Изоҳ:
"Тадлис"
нима?
Тадлис — ҳадиснинг исноди (ривоят занжири) ёки ровийларида мавжуд иллат (нуқсон)ни яшириб, уни гўёки соғлом ва мукаммал қилиб кўрсатишдир.
Бошқача айтганда, тадлис — эшитувчига ҳадисни маълум бир шайхдан тўғридан-тўғри эшитгандек таассурот қолдириш, ҳолбуки, у шайхдан бевосита эмас, балки орадаги бошқа бир шахс орқали эшитилган бўлади.
Бу амал одатда "ъан" (фалончидан) ёки "қола" (у зот айтдики) каби сўзлар билан ифода этилади. Бу сўзлар эса эшитган-эшитмаганлик эҳтимолини қолдиради — яъни эшитгани ҳам бўлиши мумкин, эшитмагани ҳам.
Бу эса ҳадисни сохта кўрсатишга олиб келади.
3.
📜
Ҳадис мазмуни — шариатга хилоф
Пайғамбаримиз соллаллоҳу алайҳи васалламдан намознинг шариатда белгиланган шакллари собитдир. Унда бундай тўрт ракатли, муайян суралар ўқилиши шарт қилинган “Қуръон ёдлаш намози” ёки ”хотирани кучли қилувчи намоз” деган ибодат йўқ.
Бундай ривоят шариатдаги суннат ва нафл намозларга зид бўлгани учун мақбул эмас.
✅
Хулоса
📌
Ушбу ҳадис ишончсиз ва инкор қилинган. Муҳаддислар ва танқидчилар унинг сўзларини на Расулуллоҳга, на саҳобаларга тегишли деб қабул қилишмаган.
Бу ҳадис асосида ибодат қилиш — бидъат ҳисобланади. Чунки бу амални Пайғамбаримиз ҳам, саҳобалар ҳам қилмаган.
📌
Қуръонни ёдлашнинг энг тўғри йўли — тақво, такрор, сабр ва дуо. Аллоҳдан ёрдам сўраб, суннат асосида ҳаракат қилиш лозим.
🌿
Холис насихат:
Азиз толиби илмлар. Сизларга такрор ва яна такрор мурожаат қилиб айтамизки, Расулуллоҳ соллаллоҳу алайҳи васаллам номларидан бирор ҳадис айтаётганда унинг сиҳҳатига яхшилаб аҳамият бериб, сӯнг уни халқимизга тақдим қилайлик. Бу иш қийин эмас.
Зеро, илм омонатдир
.
Ҳар қандай ривоятни амал қилишдан олдин таҳқиқ қилиш, муҳаддис (ҳадисшунос)ларнинг гапига таяниб, ҳақиқий динни ҳимоя қилиш ҳар бир илм аҳлининг бурчидир.
Валлоҳу аълам
Дониёр Файз
@doniyorqori

Бисмиллаҳир Роҳманир Роҳийм

#Кундалик_эслатма

📌
Фалақ – тонг. Бу ва бундан кейинги сурани қўшиб туриб, уларга «муаввазатайн», «паноҳ сўралувчи икки сура» деб ҳам аталади.
@doniyorqori

#Кундалик_эслатма

📌
Ихлос – холис қилиш, (имонни) поклаш. Сура Макка мушрикларининг Аллоҳ тўғрисидаги нотўғри эътиқодларига раддия ҳамда Пайғамбаримизга «Парвардигорингнинг наслу насаби не?» деб берган жоҳилона саволларга жавоб тариқасида нозил қилинган. Зеро, уларнинг ақидалари бўйича, Аллоҳ ягона эмас, у баъзи нарсаларга муҳтож, Унинг фарзандлари бор, бошқа маъбудаларда ҳам илоҳий куч-қудрат бор деган бузуқ ва ботил мафкура мавжуд эди. Сурада уларга қисқа ва қатъий жавоб қилинган.
@doniyorqori