e-gov.uz
#raqamlashtirish
🏠
Uy qurmoqchimisiz yoki eski uyingizni buzib, qayta qurishni rejalashtiryapsizmi?
Bunday holatda qurilish ishlarini boshlashdan oldin barcha zarur hujjatlarni rasmiylashtirish muhim.
Avvalo lisenziyaga ega
loyiha tashkilotoda
uy loyihasini tayyorlang. Keyin esa uni
my.gov.uz
portali orqali kelishib, qurilish ishlarini boshlang. Uy bitgach, ob’yektdan foydalanish uchun ruxsatnomani ham onlayn tarzda olish mumkin.
Hujjatlarsiz qurilgan ob’yektlar qonunchilikka muvofiq jarimaga sabab bo‘lishi, ayrim holatlarda esa buzdirilishi ham mumkin.
Shuningdek, elektron xizmatlar orqali:
▪️
Quruvchi tashkilotning ishonchliligini tekshirish;
▪️
Ko‘chmas mulk «snos» hududiga tushgan-tushmaganini aniqlash;
▪️
Uy-joyni QR-kod orqali tekshirish;
▪️
Yashash manzili bo‘yicha ro‘yxatdan o‘tish («propiska»);
▪️
Kommunal hisobraqamlar haqida ma’lumot olish;
▪️
Qurilayotgan ob’yektlar to‘g‘risida onlayn ma’lumotga ega bo‘lish;
▪️
Noqonuniy qurilishlar monitoringini kuzatish mumkin.
Barcha xizmatlar —
my.gov.uz
portalida.
🌐
egov.uz
|Telegram
|
Facebook
|
YouTube
|
instagram
|
LinkedIn
🎓
Qabul davom etmoqda!
☄️
Hurmatli abituriyentlar! Orzuingizdagi oliygohga yo‘l olish payti keldi!
🧑💻
Hujjatlarni qanday topshirishni bilmayapsizmi? Hech qayg‘urmang! Quyidagi videoni tomosha qiling va 2026–2027-o‘quv yili uchun
my.gov.uz
portali orqali
onlayn ro‘yxatdan o‘tish
tartibi bilan tanishing:
▶
️ https://youtu.be/8w8My6oshZY
🌐
my.gov.uz
|
egov.uz
🚀
Telegram
🔵
Facebook
▶
️
YouTube
📷
instagram
🚀
Bot
🗺
O‘zbekiston va ZTE raqamli infratuzilma sohasidagi hamkorlikni kengaytirish istiqbollarini muhokama qildi
🔵
Raqamli texnologiyalar vaziri
Sherzod Shermatov
ZTE kompaniyasi vakillari bilan uchrashuv o‘tkazdi.
🇺🇿
Uchrashuv davomida ZTE kompaniyasi tomonidan O‘zbekistonda Data markazlar tashkil etish va rivojlantirishga doir konseptual yechimlar hamda texnik takliflar taqdim etildi. Xususan, Data markazlarning barqaror va uzluksiz ishlashini ta’minlash, energiya ta’minoti, zaxira elektr manbalari, sovutish tizimlari, axborot xavfsizligi hamda muhandislik infratuzilmasi masalalariga alohida e’tibor qaratildi.
📎
Shuningdek, loyiha doirasidagi keyingi bosqichlarni samarali tashkil etish maqsadida ishchi guruh shakllantirish hamda texnik masalalarni birgalikda ishlab chiqish yuzasidan kelishuvga erishildi.
➡️
Ta’kidlash joizki, avvalroq
GSMA M360 Eurasia 2026 xalqaro forumi
doirasida ZTE kompaniyasi Katta vitse-prezidenti
Chjan Jianpeng
bilan uchrashuv o‘tkazilib, Data markazlar faoliyatini kengaytirish va telekommunikatsiya infratuzilmasini rivojlantirish masalalari muhokama
qilingan edi.
Batafsil:
👉
https://digital.uz/oz/news/view/175821
____
🗺
Uzbekistan and ZTE Discuss Prospects for Expanding Cooperation in Digital Infrastructure Development
🔵
Minister of Digital Technologies
Sherzod Shermatov
held a meeting with representatives of ZTE to discuss the development of digital infrastructure and data center projects in Uzbekistan.
🇺🇿
During the meeting, ZTE presented conceptual solutions and technical proposals for the establishment and expansion of data centers in the country. Particular attention was paid to ensure the stable and uninterrupted operation of data center facilities, including power supply systems, backup energy solutions, cooling technologies, information security measures and engineering infrastructure.
📎
The parties also agreed to establish a joint working group to address technical aspects of the project and coordinate the implementation of subsequent phases.
➡️
The meeting also reviewed progress following earlier discussions held with ZTE Senior Vice President Zhang Jianpeng during the
M360 Eurasia 2026
international forum, where the parties explored opportunities for expanding data center operations and strengthening telecommunications infrastructure.
In detail:
👉
https://digital.uz/en/news/view/175821
Telegram
|
Facebook
|
Instagram
|
Youtube
|
LinkedIn
|
X
#OAV_biz_haqimizda
🟡
my.gov.uz
— odamlarning vaqtini qaytarib berdi!
Onam tungi soat uchda uyg‘onardi. Men buni bolaligimda tushunmasdim. Onam nega bunchalik erta turadi? Kiyinib, sumkasini olib, kun yorishmasdan qayerga ketadi? Nega qaytganda oyoqlari og‘riydi, ko‘zlari toliqqan, qo‘lida esa bir parcha qog‘oz. Ulg‘aygach tushundim, u navbat olgani ketar ekan...
👉
https://xabar.uz/f25x
🌐
egov.uz
|Telegram
|
Facebook
|
YouTube
|
instagram
|
LinkedIn
#Qonunchilikdagi_yangiliklar
❗️
Ixtiroga patent berish bo‘yicha davlat xizmatini ko‘rsatish tartibi belgilandi
Hukumat qarori (297-son, 10.06.2026-y.) bilan “Ixtiroga patent berish bo‘yicha davlat xizmatini ko‘rsatish”ning ma’muriy reglamenti tasdiqlandi.
🔵
Mazkur reglament ixtiroga patent berish bo‘yicha davlat xizmatini ko‘rsatish tartibini belgilaydi.
✅
Ixtirodan sanoat, qishloq xo‘jaligi, sog‘liqni saqlash va boshqa sohalarda foydalanish mumkin bo‘lsa, u sanoatda qo‘llash mumkin deb hisoblanadi.
🗒
Ixtiro sifatida mahsulotga qurilma, modda, mikroorganizm shtammi, o‘simlik yoki hayvon hujayralarining turlari kiradi.
🔎
Davlat xizmatidan foydalanishda:
🗄
rezidentlar Davlat xizmatlari markazi, vakolatli organning maxsus axborot tizimi (axborot tizimi), YIDXP (
my.gov.uz
) orqali;
🗄
norezidentlar davlat xizmatidan foydalanish uchun axborot tizimi orqali vakolatli organga talabnoma topshiradi.
💬
Talabnoma 1 ta ixtiroga yoki yagona ixtirochilik fikrini tashkil etgan tarzda bir-biri bilan uzviy bog‘langan ixtirolar guruhiga taalluqli bo‘lishi kerak.
📱
So‘rovnoma, xabarnoma, davlat ekspertizasi qarorlari va ixtiroga beriladigan patent QR-kod qo‘yish bilan tasdiqlanib yuboriladi.
🌐
egov.uz
|Telegram
|
Facebook
|
YouTube
|
instagram
|
LinkedIn
#Biz_haqimizda
❗️
Ajib zamonlarda yashayapmiz...
2000-yil. Jizzax o‘zbek-turk o‘g‘il bolalar liseyini tugatib, har kim o‘zi xohlagan OTMga kirish uchun hujjat topshirish
hayajonida.
Eng avvalo, liseydan zarur hujjatlarni oldik. Tibbiy ma’lumotnomani olishimiz ancha sarguzashtlarga sabab bo‘lganligini aytib o‘tirmayman. Hamma hujjatlarni bitta papkaga jamlab, ikki sinfdosh Toshkent qaydasan deb yo‘lga tushdik. U paytlarda bugungi kundagidek taksi xizmatlari deyarli yo‘q, asosan “Ikarus” avtobuslarda, pulingiz ko‘proq bo‘lsa, “marshrutka”larda qatnalardi.
Xullas, shahri azimga keldik. Metroga “Sobir Rahimov” bekatidan tushib, “Beruniy”dan chiqdik.
Hududida O‘zbekiston Milliy universiteti, Toshkent politexnika universiteti hamda Toshkent davlat yuridik institutiga qabul jarayonlari ketayotganligi sababli “Talabalar shaharchasi” qaynamoqda.
Eng qizig‘i, tushga yaqin kirib kelgan bo‘lsak, birinchi kun hujjatlarni topshirishga ulgurmadik. Qolishga joy yo‘q. Amallab talabalar yotoqxonasidan joy topdim. Ertasi kun topshirdik va Jizzax qaydasan deb yo‘lga tushdik.
Adashmasam, 10 kunlardan keyin ijodiy imtihonga keldim. Yana ikki kun vaqtim ketdi.
Keyin 20 iyullarda kelib imtihonga kirish ruxsatnomasini olib ketdim.
Umuman olib qaraganda imtihon kunigacha Toshkentga 3 yoki 4 marta qatnadim. Umumiy hisobda 10 kunlar ovora bo‘ldim.
Imtihon kuni alohida mavzu.
Yuqoridagi gaplar xuddi ertakdek tuyilishi mumkin, lekin ayni haqiqat.
Hozirchi, hozir tamomila boshqacha manzara.
Uyda o‘tirib,
my.gov.uz
platformasi orqali hujjatniyam topshirasiz, ruxsatnomani ham olasiz. Xizmat pullik ekan deysizmi? Toshkentga bir kelib ketishni, kamida bir kun yashashni hisob-kitob qilib ko‘rsangiz, portalga to‘lagan pulingizga mingdan ming rozi bo‘lasiz. Bu ham yetmagandek, o‘z hududingizda imtihon topshirish imkoniyati ham yaratilgan. Buning natijasida ham vaqtingiz, ham naqdingiz tejalmoqda.
Hozirgi yoshlarga havas qilmay ilojimiz yo‘q.
Raqamlashtirish deganlari shu bo‘lsa kerak-da... (
@erkin_nur
)
🌐
egov.uz
|Telegram
|
Facebook
|
YouTube
|
instagram
|
LinkedIn
☄️
Katta turnir start arafasida: Qur’a tashlash marosimi yakunlandi!
⚽️
AKT sohasi xodimlari o‘rtasidagi uzoq kutilgan futbol musobaqasiga rasman start berilmoqda. Bo‘lib o‘tgan qur’a tashlash marosimi natijalariga ko‘ra, jamoalar o‘z guruhlarini bilib olishdi.…
#Qonunchilikdagi_yangiliklar
🗣
Investisiya maslahatchilari uchun yangi tartib belgilandi
Qimmatli qog‘ozlar bozorida investisiya maslahatchisi faoliyatini boshlash yoki tugatish uchun vakolatli organni xabardor qilish tartibi to‘g‘risidagi nizom (ro‘yxat raqami 3852, 09.06.2026-y.) davlat ro‘yxatidan o‘tkazildi.
Endilikda investisiya maslahatchisi faoliyatini boshlash uchun yuridik shaxslar maxsus axborot tizimi orqali
OneID
yordamida Istiqbolli loyihalar milliy agentligiga elektron xabarnoma yuboradi.
Ma’lumotlar avtomatik tekshiriladi. Xabarnoma shu kunning o‘zida qabul qilinib, 1 ish kuni ichida elektron tasdiqnoma beriladi. Tashkilot nomi yoki yuridik manzili o‘zgargan taqdirda, vakolatli organni 10 ish kuni ichida xabardor qilish shart.
Investisiya maslahatchisi faoliyatini xabardor qilish tartibida amalga oshirish uchun qator talablar belgilandi.
Jumladan, tashkilot kamida 50 mln so‘m miqdorida o‘z mablag‘lariga ega bo‘lishi, qimmatli qog‘ozlar bozori ishtirokchilari bilan elektron hamkorlik qilish imkoniyatiga ega bo‘lishi hamda ichki hisob va nazorat tizimini yo‘lga qo‘yishi lozim.
Shuningdek, rahbar va mutaxassislar tegishli ma’lumot, ish tajribasi hamda malaka talablariga javob berishi, iqtisodiy va korrupsiyaga oid jinoyatlar uchun sudlanmagan bo‘lishi talab etiladi.
Agar investisiya maslahatchisi o‘z dasturiy ta’minotidan foydalansa, unga bo‘lgan mualliflik huquqini tasdiqlovchi hujjatlar ham mavjud bo‘lishi kerak.
🌐
egov.uz
|Telegram
|
Facebook
|
YouTube
|
instagram
|
LinkedIn
🟡
Togʻ-kon va geologiya sohasiga sunʼiy intellekt joriy etiladi
Prezident Shavkat Mirziyoyev togʻ-kon sanoati va geologiya sohasida raqamli va sunʼiy intellekt texnologiyalarini joriy etish yuzasidan taqdimot bilan
tanishdi.
Geologiya va togʻ-kon sanoati iqtisodiyotimizning drayveri hisoblanadi (2025-yilda jami sanoat mahsulotining 20%ini tashkil etdi). Endilikda sohani tubdan transformatsiya qilish boshlanmoqda.
Asosiy raqamlar va kutilayotgan natijalar:
⏺
2030-yilgacha sohaga
$30 mlrd
dan ortiq investitsiya jalb qilinadi.
⏺
36 mingdan ortiq hisobotlar raqamlashtirilib, konlarni modellash
2 karra tezlashadi
.
⏺
Mahsulot tannarxi 10%ga pasayadi, yangi konlarni ochish muddati
2 marta qisqaradi
.
⏺
Kelgusi 5 yilda oltin zaxirasini
879 tonna
, kumushni
510 tonna
, misni esa
676 ming tonna
ga oshiriladi.
Raqamlashtirish qaysi korxonalarni qamrab oladi?
Yaqin yillarda
6 ta yirik gigant korxona
(
NKMK, OKMK, Navoiyuran, Oʻzmetkombinat, Oʻzbekkoʻmir, Oʻzbekiston texnologik metallar kombinati
) va geologiya tizimida AI hamda raqamli texnologiyalar boʻyicha
44 ta loyiha
amalga oshiriladi.
Natijada operatsion samaradorlik 7 foizga, energiya tejamkorligi 8 foizga oshadi, inson omili bilan bogʻliq xavflar esa 15 foizga kamayadi.
🌐
egov.uz
|Telegram
|
Facebook
|
YouTube
|
instagram
|
LinkedIn
🔺
“Raqamli dunyoda xotin-qizlar ishtiroki va АT sohasidagi imkoniyatlar” – o‘z sohasining yetakchi vakillari bilan bevosita uchrashuv va muloqot imkoniyatini qo‘ldan boy bermang!
12-iyun kuni
, soat 14:30 da sizni
GAP" ayollar IT-klubining navbatdagi uchrashuvi
ga taklif etamiz.
AT sohasiga qiziqadigan xotin-qizlar uchun tashkil etilayotgan ushbu uchrashuvda АT sohasidagi imkoniyatlar, jumladan, “Sabriya” loyihasi, “El-yurt umidi” jamg‘armasi grantlari va “Zulfiya” nomidagi Davlat mukofotiga ariza topshirish jarayoni hamda muvaffaqiyatli ishtirok etish uchun zarur tavsiyalar haqida so‘z boradi.
🗣
Spikerlar bilan tanishing:
⚫️
Kamola Sobirova – Raqamli texnologiyalar vaziri maslahatchisi
⚫️
Gulnoza Ismailova – "El-yurt umidi" jamg'armasi ijrochi direktori
⚫️
Jahongir Akbarov – Inklyuziv loyihalar va ayollar tadbirkorligini rivojlantirish bo'limi boshlig'i
⚫️
O'g'iloy Urazova – Oila va xotin-qizlar qo'mitasining xotin-qizlar faolligi, ilm-fan va gender tenglik bo'limi boshlig'i
⚫️
Janonaxon Berdiyeva - "El-yurt umidi" jama'armas stipendiyasi sohibasi.
⚫️
Sevinch Mavlonova – "Zulfiya" nomidagi Davlat mukofotining sovrindori, "Yangi O'zbekiston" universiteti talabasi
📌
Tadbir davomida ishtirokchilar:
– soha mutaxassislaridan foydali tavsiyalar va ilhomlantiruvchi tajribalarni tinglash;
– “El-yurt umidi” jamg‘armasi orqali grant yutib, xorijda ta’lim olgan tengdoshlarining shaxsiy tajribasi bilan tanishish;
– ta’lim, karyera va shaxsiy rivojlanish yo‘lida yangi imkoniyatlarni kashf etish imkoniga ega bo‘ladilar.
🎁
Shuningdek, tadbir davomida interaktiv sessiya tashkil etilib, faol ishtirok etgan qatnashchilar esdalik sovrinlarini qo‘lga kiritish imkoniyatiga ega bo‘ladilar.
🗓
Sana: 12-iyun
⏰
Vaqt: 14:30
Ro‘yxatdan o‘tish uchun havola:
https://forms.gle/7WeGikFRoPXLV5vQ9
Telegram
|
Facebook
|
Instagram
|
Youtube
|
LinkedIn
|
X