Екінші Тайм | Есет Төлеш
«Арсенал» 2-орынға түсіп тұр дәл қазір.
Ұпай тең болған жағдайда гол айырмашылығына қараймыз.
Достарыма қонаққа барып қайттым, футбол туралы әңгімелестік. Көріңіздер, қызық болыпты.
https://youtu.be/RFLjQJab9Fc?si=TmchWwqn12fy8VP6
Сүйікті командаң чемпиондықтан айырылып, тоғыз ұпайға қалып қояды. Чемпиондар лигасынан ұшып кетейін деп тұр. Кубок та ала алмайды. Жағдай қиыыыын.
Бірақ «Тоттенхэмге» қарайсың да, шүкір дейсің… «Тоттенхэмнің» миссиясы - басқа фанаттарды шүкір етуге үйрету.
Болды-ау, «Реал» үшін маусым алдағы сәрсенбіде аяқталуы мүмкін.
«Альянц Аренада» камбэкке мүмкіндік өте аз, сенеміз ал.
Альваро Арбелоа осы жазда кетеді-ау деп отырмын.
«Атлетико» - «Барселона» матчы бітті. Мадрид жеңілген күн болды.
«Барса» чемпион болды-ау енді…
Ел тарихындағы белесі: Halyk қоры қолдаған ауыл жастары Түркияда топ жарды!
Тимур Құлыбаевтың Halyk қайырмдылық қорының «Ауыл спорт – 2025» жобасының жеңімпаздары халықаралық аренаға шығып, ел қоржынына бірден екі бірдей алтын салды.
2026 жылғы 25–29 наурыз аралығында Түркияның Анталия өңіріндегі Сиде қаласында өткен «Antalya Volleyball Friendship Cup U-16» халықаралық жастар турнирінде Қазақстанның жас спортшылары тарихи жетістікке қол жеткізді.
Бұл додада Жетісу облысы, Ақсу ауданы, Жансүгіров ауылының қыздар командасы мен Алматы облысы, Іле ауданы, Өтеген батыр ауылының ұлдар командасы Қазақстан намысын қорғады. Ауылдан шыққан қарапайым балалардың қажырлы еңбегі, табандылығы мен жігері оларды үлкен жеңіске жеткізді.
Halyk қоры жарысқа дейінгі дайындық кезеңні де жоғары деңгейде ұйымдастырды. Қыздар командасы Алматыдағы кәсіби волейбол орталығында жаттығып, техникалық және тактикалық шеберлігін жетілдірсе, ұлдар командасы Балқаш ауданының Бақанас ауылында оқу-жаттығу жиындарын өткізіп, физикалық дайындығын шыңдады. Бұл дайындық олардың әр ойында сенімді, жинақы және жігерлі өнер көрсетуіне негіз болды.
«Балалар біз ойлағаннан да жақсы ойнады. Halykқайырымдылық қоры біздің барлық шығынды - оқу-жаттығу жиыны, жатын орын, тамақты төледі. Ауыл балаларына бұл - үлкен мүмкіндік. Біздің балаларға мұндай тәжірибе сыйлағаны үшін қорға алғыс айтамыз!» - дейді бапкер Ғалым Ғайнол.
Турнир барысында қазақстандық командалар қарсыластарын бірінен соң бірін айқын басымдықпен жеңіп, финалға жолдама алды. Қыздар финалда Түркияның «GAZI» клубымен кездесіп, 2:0 есебімен сенімді жеңіске жетті. Ал ұлдар құрамасы да дәл осы қарсыласты 2:1 есебімен ұтып, чемпион атанды.
«Бұл – бүкіл Қазақстанның жеңісі. Ауылдан шыққан жас спортшыларымыз халықаралық аренада ел намысын абыроймен қорғап, көк туымызды биікке көтерді. Бұл жетістік – олардың табандылығы мен еңбегінің, сондай-ақ, ауыл жастарына мүмкіндік берудің нақты нәтижесі. Біз алдағы уақытта да таланттарды қолдап, олардың үлкен спорттағы жолын жалғастыруға бар күшімізді саламыз», – деді Қордың Атқарушы директоры Ғалымбек Жақсылықұлы.
Жеке шеберлігімен ерекшеленген ойыншылар да назардан тыс қалмады. Қыздар құрамасының шабуылшысы Құралай Бәкен турнирдің үздік ойыншысы атанса, ұлдар командасынан Адмир Махамеджанов дәл осындай мәртебеге ие болды. Олардың өнері – бүкіл елдің мақтанышы.
«Жарыс өте әсерлі әрі қызық өтті. Онда әр елден келген мықты спортшылар болды. Оларды жеңу оңай болған жоқ, халықаралық дода шеберлікті талап етеді. Мұнда біз өзімізді емес, ел намысын қорғауды ойладық. Жарыс күнін асыға күттік. Дайындық барысы қызу өтті. «Ауыл спорт» жобасына дайындаған жатын орны, тамақ, шетелдегі естелік үшін рақмет. Алғысымыз шексіз. Бұл тек біздің емес, ата-анамыздың, бапкерлеріміздің, бүкіл ауылдың арманы», - деді жеңімпаздардың бірі Мағжан Әріпжанов.
Бұл жеңіс «Ауыл спорт» жобасының маңыздылығын тағы бір мәрте дәлелдеді. Ауылдан шыққан таланттарға мүмкіндік берілсе, олар халықаралық деңгейде де топ жарып, көк туды көкке көтере алатынына айқын дәлел.
Қазақстанның көк байрағы Анталия төрінде екі рет желбіреді. Бұл - ел тарихындағы жас спортшылардың жарқын белесі.
Халықаралық турнир туралы не белгілі?
«Antalya Volleyball Friendship Cup U-16» – жыл сайын Түркияда өтетін халықаралық жастар турнирі. Турнирге әдетте Түркияның жетекші клубтарымен қатар, Азия мен Таяу Шығыс елдерінің командалары қатысады. Қазақстан командалары бұл турнирде сәтті дебют жасап, бірден чемпион атанып, халықаралық деңгейдегі әлеуетін айқын көрсетті.
Соңғы айларда уақыт болмай кетіп еді. Мынадай пікірлерді оқып, қалай уақыт таппаймын деп ойланып қалдым. Арнамнан шықпағандарға рақмет, мүмкіндігінше көбірек жазып, видеолар жіберіп отырайын деп шештім.
Айтпақшы, ертең "Атлетико" - "Барселона" матчын жүргіземін.
Halyk қорының қолдауымен Алматы ауыл футболының республикалық орталығына айналды
Алматыда Тимур Құлыбаевтың Halyk Қайырымдылық қорының бас демеушілігімен жүзеге асып жатқан "Ауыл футбол" жобасы аясында бір аптада бірден үш маңызды шара өтті.
Атап айтқанда, Республикалық Halyk Open Cup 2025 финалы мен ауыл бапкерлеріне арналған
#АуылФутболCoach
семинары, «АуылФутбол Awards-2025» марапаты ұйымдастырылып, жасөспірімдер футболына жаңа серпін берді.
Финалға тек мықтылар жетті: Алматыда 16 команда бақ сынасты
18–19 желтоқсанда өткен Halyk Open Cup 2025 турниріне Қазақстанның түкпір-түкпірінен іріктелген 16 үздік команда қатысты. Жолдама биыл қарашада Павлодар, Ақтөбе, Шымкент және Алматы қалаларында өткен өңірлік іріктеулердің қорытындысымен берілді Әр өңірден төрт командадан суырылып шығып, финалда ел намысын, ауылдың үмітін арқалаған жас футболшылар Алматыға жиналды. Ақтық кезеңде 200-ден аса дарынды ойыншы алаңға шығып, нағыз жігер мен мінездің, тәртіп пен дарынын паш етті.
Halyk Қоры қаржылай демеу болып, балаларға тең мүмкіндік сыйлады
Турнирге қатысқан командалардың жол жүру, тұру және тамақтану шығындарын Halyk Қайырымдылық қоры толық өз мойнына алды. Бұл – жай ғана ұйымдастыру емес, ауылдағы және шалғай өңірлердегі балалардың арманына нақты жол ашқан үлкен қолдау.
Осылайша жоба адами капиталды дамытуға тікелей қызмет етеді: балалардың таланты тұрғылықты жеріне емес, мүмкіндігіне қарай бағаланады. Шығындардың жабылуы ауыл мен қала балалары арасындағы айырмашылықты азайтып, тең мүмкіндік қалыптастырады. Ең бастысы, «Ауыл футбол» көптеген жасөспірім үшін спорт арқылы жаңа ортаға шығуға, өзін көрсетуге жол ашатын әлеуметтік лифтке айналып отыр.
"Біз таланттардың жолы тұрғылықты жері, қаржылай қиындығы немесе киім-жарағының кесірінен шектелмесе екен дейміз. Сондықтан балалардың ыңғайын жасау - басты мақсат. Бұл турнирде Halyk Қоры әр командаға тең жағдай жасап, балалар үшін барлық ұйымдастыру шығыны толық жабылғанына ерекше мән берді. Бұл – жас ұрпаққа салынған нақты инвестиция", – деді Halyk қайырымдылық қорының Атқарушы директоры Ғалымбек Жақсылықов.
Алаңнан тыс еңбек:
#АуылФутболCoach
семинарлары өтті
Ал 16–17 желтоқсанда өңірлерде жұмыс істейтін бапкерлерге арналған екі күндік мамандандырылған офлайн-семинарлар мен шеберлік сыныптары өтті. Ұйымдастырушылардың айтуынша, ауыл футболын дамытуда инфрақұрылымнан бөлек, басты ресурс – құзыретті, белсенді, ынталы бапкер. Оқу бағдарламасына жаттығу процесін жоспарлау мен тәжірибелік дайындық, ата-аналармен және жергілікті билікпен коммуникация, құқықтық негіздер, сондай-ақ менеджмент, маркетинг және тәлімгерлік дағдылары енгізілді.
"Семинарда алған ең маңызды дүнием – ауыл жағдайында жүйелі жоспар құру мен ата-анамен дұрыс сөйлесу команданың нәтижесіне тікелей әсер ететіні. Мұндай қолдаудың арқасында біз балаларға тек футбол үйретпейміз, олардың болашағына сенім сыйлаймыз. Бізге демеу болған Halyk Қорына көп рақмет", – деді семинар қатысушысы, ауыл бапкері Нұрбол.
АуылФутбол Awards: үздіктердің үздігі марапатталды
Сонымен қатар, 20 желтоқсанда Алматы қаласында өткен «АуылФутбол Awards–2025» республикалық сыйлығының марапаттау рәсімінде он бес номинация бойынша жеңімпаздар анықталды. Атап айтқанда, Әлеуметтік желідегі үздік парақша, Үздік футбол менеджері, Үздік футбол ұйымдастырушысы, Үздік қоғам белсендісі, Жыл серпілісі, Fair play (Адал ойын), Үміт, Үздік төреші, Үздік жаттықтырушы, Үздік қақпашы, Үздік қорғаушы, Үздік жартылай қорғаушы, Үздік шабуылшы, Үздік команда және Үздік ойыншы номинациялары бойынша үздіктер марапатталды.
Жеңімпаздарға арнайы мүсінше мен ақшалай сыйлықтар табысталды.
"Үздік қақпашы"
номинациясында Маңғыстау облысы Қызытобе ауылынан келген
"Намыс Кызылтобе"
командасының ойыншысы Дәулет Дауылбай топ жарды. Ол қуанышын жасыра алмай, өзімен бірге жаттығатын атасына алғысын жаудырды.
"Бос уақытымда атам екеуміз жаттығамыз. Мен де Темірлан Анарбеков, Шерхан Қалмұрза сияқты УЕФА-да өнер көрсеткім келеді, Қазақстанның намысын қорғағым келеді. Сый алғаннан кейін бұдан да көп жаттығамын. Қатты қуанып тұрмын", - деді ол.
Топ-5 лигадағы барлық 96 команда ішінде ең әлсізі сонда «Вулверхэмптон» болып тұр ма? Осы маусымдағы 17 матчта екі ұпай жинады.
Әлде АПЛ-да ойнағасын қиынға соғып жатыр ма екен?
Топ-5 лигада ұпайы ең аз командалар мынадай:
«Леванте» - 10 ұпай
«Майнц» - 7 ұпай
«Фиорентина» - 6 ұпай
«Вулверхэмптон» - 2 ұпай