FC OKMK
⚽️
⚽️
Superliga. 9-tur
🔵
DINAMO 2:2 OKMK
🟡
🎞
Highlights
♻️
Artel
|
💙
Uzcard
|
⚫️
Apex
|
🔴
Coca-Cola
|
🔵
BMB
|
🛜
Uztelecom
— Asabiy va jangovar o'yin bo'ldi. Bizni qiziqarli o'yin kutayotgandi. Bir-biriga mos raqiblardan qiziqarli, ochiq o'yin kutayotgandik va shunday bo'ldi ham. O'yin ilk daqiqalardan to oxirigacha asabiy o'tdi. O'tgan o'yindagi kabi bugun ham standartlardan…
— Asabiy va jangovar o'yin bo'ldi. Bizni qiziqarli o'yin kutayotgandi. Bir-biriga mos raqiblardan qiziqarli, ochiq o'yin kutayotgandik va shunday bo'ldi ham. O'yin ilk daqiqalardan to oxirigacha asabiy o'tdi. O'tgan o'yindagi kabi bugun ham standartlardan ikkita osongina gol o'tkazib yubordik. Birinchisi rikoshet, ikkinchisida esa yaxshi ijro. Agarda Mustafoev qizil olmaganida, barchasi yanada qiyinlashib kyetishi ham mumkin edi. Yigitlar o'zlariga ishonishdi. Balki o'yinda yutib kyetishimiz ham mumkin edi. So'nggi daqiqalarda Nodir Abdurazzoqovda yaxshi vaziyat yuzaga kelgandi. Agarda u o'sha vaziyatdan gol urganida g'alabani ilib ham ketardik. Bugun muxlislar uchun ham qiziqarli o'yin bo'ldi.
—
O'tkazib yuborilgan gollardan ham ko'ra Siz so'nggi daqiqalarda ko'proq asabiylashdingiz.
— Siz ham erta-yu kech jamoa bilan yursangiz, ular bilan yashaysizda. Balki bu chetdan g'alati ko'ringandir. Yigitlar "Buxoro", "Andijon" kabi jamoalarga qarshi yomon o'ynashmadi. Bugun ham g'alabaga loyiq edik, biroz nimadir yetishmadi. Shu sababli har bir o'yinga alohida tayyorlanish kerak. Maydonga chiqqandan keyin o'zini o'zgartirish qiyin.
—
Jamoaning o'tgan mavsumdagi yetakchilari saqlab qolinmadi. Yangi futbolchilarning dastlabki 10 turdagi o'yinlarini qanday baholaysiz?
— Bu ham qiziqarli soha, futbolning bir qismi. Jamoaga doim kimdir keladi, kimdir ketadi. Yangilarga talab qo'yiladi, o'rgatiladi, vazifani bajarish kerak. Eng keraklisi - jamoada shijoat, harakat bor. Bizga vaqt kerak. Yigitlar yomon o'yin ko'rsatmayapti. Eng muhimi - jamoada kurashuvchanlik, shijoat bor. Xatoni esa hamma qiladi.
—
Bugun jamoa ko'plab qarshi hujumlar uyushtirdi. OKMK gol urishni juda qattiq istadi. Biroq jamoa futbolchilari maydonga moslasha olmagandek.
— Aytganimdek, har bir o'yinga alohida tayyorlanish kerak. Bu o'yin endi tarix. Lekin bundagi har bir element noodatiy. Birinchi goldagi rikoshet. Tanaffusda yigitlarga aytdim, birinchi bo'lim g'alabi o'tdi. Darvozabon maydonga moslasha olmadi, himoyachilar ham. Bu ham o'z so'zini aytadi. Balki biroz ishonchni cheklashi mumkin. Bir kun oldingi mashg'ulotlardan keyin yigitlarga bu stadion uchun temir tishli butsalarni kiyishni aytgandim. Futbolda barchasini tezda amalga oshirish qiyin. Masalan, ertaga maktabga boradigan o'quvchi bir kun oldin kechasi tayyorlanadi. Darslarning nomiga qarab kitoblarini oladi. Bu yerda men ham hal qila olmaydigan jihatlar bor. Ko'p narsa futbolchilarning ishtiyoqiga ham bog'liq. Qizil kartochka ham o'z-o'zidan kelgani yo'q. Maydonga tushgandan keyin barcha narsaga e'tiborli bo'lish kerak va faqatgina o'yinni o'ylash kerak.
—
Garchi «Dinamo» qizil kartochkadan keyin to'pni ushlab turib, qarshi hujumlarda o'ynash taktikasida o'ynagan bo'lsa-da, jamoangiz bir necha qarshi hujumlarni o'tkazib yuborishdi.
— Amonov tezkor futbolchi. Tanaffusda futbolchilarga raqiblar ikki hujumchi bilan o'ynashini, hujumlarni qanot orqali amalga oshirishini aytgandim. Tanaffusda Ahmadullo Muqimjonovni maydonga tushirayotganda barchasini tushuntirgandim. Biroq uning foydali ish koefficienti juda past bo'ldi. U to'pni qabul qilib olgandan keyin hujumni rivojlantirishi kerak bo'lgandi. Shu sababli har bir o'yinga boshqacha yondashish kerak deb hisoblayman.
—
2:2 hisobini qanday baholaysiz? Bir tomondan olib qarasak, jamoa hisobni tenglashtirdi. Ikkinchi tomondan esa jamoa ko'plab hujumlar uyushtirdi.
- Barcha o'yinlar shu tariqa o'tmaydi-ku.
—
Ochko qo'lga kiritildimi yoki yo'qotildimi?
— Qo'lga kiritdik. Mustafoev qizil kartochka olmaganda barchasi boshqacha bo'lardi. Biz ko'p kuch yo'qotdik, g'alaba qozonsak bo'lardi. Oldinda uch kundan keyin o'yin, taqvim tig'iz.
—
Vadim Abramovning aytishicha, raqiblariga omad kulib boqayotgan ekan. Raqib sifatida bu jamoaga qanday baho berasiz?
— Yaxshi jamoa. Ijrochilari bor.
—
Omad keldimi?
— Balki, ha. Aytganimdek, bir epizod barchasini o'zgartirdi. Bunday narsalarni taxmin qilib bo'lmaydi. Bu futbol. Barchasi dinamikada, odamlarning xatosi orqali amalga oshadi. Kim ham xato qilmasligi mumkin. Eng asosiysi - ishtiyoq va oxirigacha kurashish.
⚽️
⚽️
Superliga. 9-tur.
🔵
«Dinamo» —
⚽️
OKMK FK 2:2
Gollar:
Abror Karimov (1, ag), Jaloliddin Jumaboyev (31) — Aziz Xolmurodov (52), Urosh Koyich (88)
Bosh hakam
: Asker Najafaliyev
Yordamchi hakamlar
: Alisher Usmonov, Abdurashid Erkinov
Zaxira hakami
: Sanjar Ahmadov
VAR
: Abdurashid Xudoyberganov
AVAR
: Ruslan Serazitdinov
Nazoratchi
: Oleg Dachev
Komissar
: Shohruh Said
🔵
«Dinamo» —
1.Edem Nemanov, 6.Jahongir O'rozov, 7.Sanjar Qodirqulov, 8.Aziz Amonov (77.Behruzbek Obloqulov, 81), 10.Anvar Hojimirzayev (99.Ulug'bek Hoshimov,62) 15.Rasul Yo'ldoshev ( 22.Ulug'bek Abdullayev, 63), 17.Salim Mustafoyev, 20.Jaloliddin Jumaboyev, 21.Jahongir Abdusalomov (4.Nurillo To'xtasinov, 63), 37.Firdavs Abdurahmonov (11.Xislat Halilov, 81), 44.Kingsli Sarfo
⤴️
⤵️
Zaxira
: 71.Sarvar Karimov, 14.Bahodir Nasimov, 16.Dramane Salou, 97.Til Mavretich
⚽️
OKMK —
35.Javohir Ilyosov, 4.Mirjamol Qosimov (28.Arixiro Sentoku, 46), 5.Giorgi Papava, 6.Avazbek O'lmasaliyev, 7.Dilshodbek Ahmadaliyev, 9.Aziz Xolmurodov (11.Ali Abdurahmonov, 67), 10.Asadbek Sobirjonov (27.Urosh Koyich, 67), 17.Nodirbek Abdurazzoqov, 22.Saidafzalxon Ahrorov (19.Ahmadullo Muqimjonov, 46), 44.Abror Karimov (18.Rian Islomov, 73), 88.Siavash Haqnazari
⤴️
⤵️
Zaxira
: 23.Hamidullo Abdunabiyev, 3.Shahzod Toirov, 8.Abubakr Rizo Turdialiyev, 13.Eldorbek Begimov
🟨
Ogohlantirish
: Saidafazalxon Ahrorov (45+2), Sanjar Qodirqulov (75)
🟥
Chetlatish
: Salim Mustafoyev (22)
🕊
Telegram
|
📱
Instagram
|
📺
YouTube
Superliga, navbatdagi tur. Samarqand safaridan jangovar durang!
OKMK Samarqanddagi navbatdagi tur uchrashuvida mahalliy «Dinamo» mehmoni bo‘ldi. Bellashuv keskin kurashlar, yuqori temp, dramatik burilishlar va so‘nggi daqiqalargacha davom etgan intriga bilan yodda qoldi. Ikki bo‘lim mutlaqo turlicha ssenariy ostida o‘tdi: birinchi bo‘lim mezbonlar foydasiga yakunlangan bo‘lsa, ikkinchi bo‘limda jamoamiz xarakter namoyish etib, kambek amalga oshirdi.
Uchrashuv mezbonlarning tezkor hujumlari bilan boshlandi. 1-daqiqadayoq «Dinamo» standart vaziyatdan oldinga chiqib oldi. Sanjar Qodirqulovning uzatmasidan keyin yuzaga kelgan vaziyatda to‘p yo‘nalishi o‘zgarib, himoyachimiz Abror Karimov orqali to’p darvozamizdan joy oldi.
Shundan so‘ng jamoamiz hujumkor o‘yin namoyish eta boshladi. 18-daqiqada “Dinamo” himoyachisi jarima maydoni yaqinida qoidani buzdi va vaziyat VAR orqali tekshirildi. Penalti ehtimoli ko‘rib chiqildi, biroq yakunda OKMK foydasiga jarima zarbasi belgilandi. 20–22-daqiqalar oralig‘ida epizod davomida mezbon futbolchisi Salim Mustafoyev «oxirgi umid foli» uchun maydondan chetlatildi va «Dinamo» bir kishi kam bo‘lib qoldi. Bu esa uchrashuv ssenariysini o‘zgartirishi kutilgandi.
Son jihatdan ustunlikka ega bo‘lgan jamoamiz bosimni oshirdi. 22-daqiqada xavfli jarima zarbasi amalga oshirildi, biroq mezbonlar darvozaboni jamoasini qutqarib qoldi. 29-daqiqada OKMKning ketma-ket hujumlari raqib himoyasini jiddiy bosim ostida qoldirdi, ammo zarba yo‘liga himoyachilar to‘sqinlik qilishdi.
Shunga qaramay, kutilmaganda mezbonlar yana standart vaziyatdan foydalandi. 31-daqiqada jarima zarbasi Jumaboyev tomonidan mahorat bilan ijro etildi va hisob 2:0 ko‘rinishiga keldi. Bir futbolchi kam bo‘lib o‘ynayotgan raqibning ikkinchi golni urishi uchrashuvga yanada keskin tus berdi. Birinchi bo‘lim mezbonlar foydasiga — 2:0.
Ikkinchi bo‘lim oldidan murabbiylar shtabi tarkibiy o‘zgarishlarni amalga oshirdi. Maydonga tushgan yangi futbolchilar o‘yinga dinamika va tezlik olib kirdi. Tanaffusdan keyin jamoamiz butunlay boshqacha kayfiyatda harakat qildi. To‘p nazorati, pressing va hujumlar soni sezilarli oshdi.
52-daqiqada bosim o‘z samarasini berdi. Nodirbek Abdurazzoqov qanotdan aniq uzatma amalga oshirdi, Aziz Xolmurodov esa jarima maydonida vaziyatni mahorat bilan yakunlab, bosh bilan gol urdi. Hisob qisqardi — 2:1.
76-daqiqada mezbonlarda kam sonli xavfli vaziyatlardan biri yuzaga keldi, biroq imkoniyatdan foydalanilmadi. Bu paytda jamoamiz himoyada ham ishonchli harakat qildi.
So‘nggi o‘n daqiqalikda uchrashuvning tempi keskin oshdi. Har ikki jamoa maksimal natija uchun oldinga tashlandi. 87-daqiqada maydondagi keskinlik yanada kuchaydi. Oradan bir daqiqa o‘tib esa OKMK uzoq kutilgan golni urdi. Papavaning qanotdan amalga oshirgan uzatmasini Koyich aniq bosh zarbasi bilan darvozaga yo‘llab, hisobni tenglashtirdi — 2:2.
Qolgan daqiqalarda jamoamiz g‘alabani ham ilib ketishga juda yaqin keldi.
90+4-daqiqada Rian Islamov to‘pga biroz kechikdi. 90+5-daqiqada esa Nodir Abdurazzoqov ishtirokidagi hujumda uchinchi gol uchun imkoniyat yuzaga keldi, biroq yakuniy zarba samara bermadi.
Shu tariqa, Samarqanddagi murakkab safar bahsi jangovar durang bilan yakunlandi. Ikki to‘p farqini yo‘qqa chiqargan OKMK iroda, xarakter va oxirigacha kurashish fazilatlarini yana bir bor namoyish etdi.
🕊
Telegram
|
📱
Instagram
|
📺
YouTube
⚽️
🇺🇿
Superliga. 9-turning yana uch bahsi yakuniga yetdi
♻️
Artel
|
💙
Uzcard
|
⚫️
Apex
|
🔴
Coca-Cola
|
🔵
BMB
|
🛜
Uztelecom
⚽️
⚽️
Superliga. 9-tur.
🔵
«Dinamo» —
⚽️
OKMK FK 2:2
Gollar: Abror Karimov (1, ag), Jaloliddin Jumaboyev (31) — Aziz Xolmurodov (52), Urosh Koyich (88)
📋
—
☑️
☑️
☑️
@fcokmk
⚽️
⚽️
⚽️
Superliga. 9-tur.
🔵
«Dinamo» —
⚽️
OKMK FK 2:2
Gollar: Abror Karimov (1, ag), Jaloliddin Jumaboyev (31) — Aziz Xolmurodov (52), Urosh Koyich (88)
🟢
Jonli efir
@fcokmk
⚽️