FJSTI | Rasmiy 🏛️

💖
💖
💖
⌛
Oliy ta’lim, fan va innovatsiyalar vazirligi Farg’ona viloyat boshqarmasi mas’ul xodimi
Axmadjanov Artur Valijanovich
tomonidan institutimizda “Kelajak startaplari” mavzusida davra suhbati tashkil etildi.
➡️
Uchrashuv davomida talabalar
startap loyihalarni yaratish, ularni rivojlantirish, investitsiya jalb etish hamda innovatsion g‘oyalarni amaliyotga tatbiq etish bo‘yicha muhim tavsiyalar oldilar
. Shuningdek, ishtirokchilar o‘zlarini qiziqtirgan savollariga batafsil javob olishdi.
📍
Mazkur davra suhbati yoshlarning innovatsion fikrlashini rivojlantirish, ularni zamonaviy startap ekotizimiga jalb etish hamda yangi loyihalarni qo‘llab-quvvatlashda muhim ahamiyat kasb etdi.
©
FJSTI Matbuot xizmati:
⚡️
@fjsti

🟦
🟦
🟦
➕
Hindistonlik nefrolog
Lakshmi Tripathining
Farg’ona jamoat salomatligi tibbiyot instituti ko’p tarmoqli klinikasi hamda bepul
tibbiy ko’rik haqidagi
fikrlari.
©
FJSTI Matbuot xizmati:
⚡️
@fjsti

Oliy ta’lim muassasalari talabalari uchun ajoyib imkoniyat!
🟢
Innovatsion rivojlanish agentligi tomonidan
“Eng yaxshi oliy ta’lim ixtirochisi”
respublika tanlovi e’lon qilindi.
🔬
Mazkur tanlov oliy ta’lim tashkilotlari talabalari va professor-o‘qituvchilari o‘rtasida har bir yo‘nalish bo‘yicha iqtidorli ixtirochilarni aniqlash maqsadida o‘tkaziladi.
📌
Ishtirok etish uchun:
Tanlovning birinchi (saralash) bosqichi oliygohda tashkil etiladi
Nomzodlar arizalari
2026-yil 11-mayga qadar
qabul qilinadi
Ichki saralash bir oy muddatda o‘tkaziladi
🌐
G‘oliblar keyingi bosqichlarda maxsus platforma orqali ishtirok etadi.
💡
Agar sizda innovatsion g‘oya, loyiha yoki ixtiro bo‘lsa — bu sizning imkoniyatingiz!
Faol bo‘ling, o‘z iqtidorlaringizni namoyon eting va respublika bosqichiga yo‘l oling!
📞
Batafsil ma’lumot uchun murojaat qiling: 77 054 02 33
©
FJSTI Matbuot xizmati:
⚡️
@fjsti

Axborot-resurs markazi xodimlari hamda O‘zbek tili va xorijiy tillar kafedrasi tashabbusi bilan keng qamrovli ma’naviy-ma’rifiy loyiha amalga oshirildi.
⌛
Ma’naviyat va ma’rifat markazi tomonidan tavsiya etilgan 100 nomdagi adabiyotlarni yoshlar o‘rtasida ommalashtirish maqsadid
a “Kitobxonlik tanlovi” tashkil etildi.
📍
Mazkur tanlovda talabalar fakultetlar kesimida emas, balki jamoaviy tarzda
fakultetlararo guruhlar shaklida ishtirok etib, o‘z bilim va tafakkur salohiyatini namoyon etdilar.
Ishtirokchilar mutolaa madaniyati, asarlarni tahlil qilish hamda erkin fikr bildirish borasida o‘zaro bellashdilar.
🟢
Tanlov davomida kitobxonlikni keng targ‘ib etish, yoshlarning intellektual salohiyatini oshirish va ularni mutolaaga yanada jalb etish asosiy maqsad sifatida ilgari surildi.
©
FJSTI Matbuot xizmati:
⚡️
@fjsti

🟦
🟦
🟦
➕
Hindistondan tashrif buyurgan mutaxassis, nefrolog doktor Lakshmi Tripathi
xorijlik talabalarimizdan tarkib topgan
“Urologiya va nefrologiya”
klubi a’zolari bilan uchrashdi va bir qator dolzarb tibbiy masalalar yuzasidan ochiq muloqot o‘tkazdi.
⌛
Uchrashuv davomida buyrak kasalliklarining zamonaviy diagnostikasi, davolash usullari hamda klinik amaliyotda uchraydigan muammolar bo‘yicha tajriba almashildi.
Doktor L. Tripathi talabalar savollariga batafsil javob berib, amaliy tavsiyalar va xalqaro tajriba asosida muhim bilimlarini bo‘lishdi.
🟢
Mazkur uchrashuv Farg‘ona jamoat salomatligi tibbiyot instituti ko‘p tarmoqli klinikasida ta’lim va amaliyot uyg‘unligini yanada mustahkamlash, yosh mutaxassislarning kasbiy salohiyatini oshirishga xizmat qildi.
©
FJSTI Matbuot xizmati:
⚡️
@fjsti

Doktor Lakshmi Tripathi ko‘rigiga kelgan farg‘onaliklar.
➡️
Suratlarda
ko‘p tarmoqli klinikamizda o‘tkazilgan bepul tibbiy ko‘rik jarayonlari.
➕
Hindistonlik tajribali nefrolog
Doktor Lakshmi Tripathi
tomonidan fuqarolar chuqurlashtirilgan ko‘rikdan o‘tkazilib, zarur
tavsiyalar berildi.
📸
Jarayondan lavhalar.
©
FJSTI Matbuot xizmati:
⚡️
@fjsti

Klinikamizda xalqaro darajadagi nefrolog ishtirokida bepul tibbiy ko‘rik muvaffaqiyatli o‘tkazildi.
📍
Bugun Farg‘ona jamoat salomatligi tibbiyot instituti ko‘p tarmoqli klinikasida nefrologiya yo‘nalishida katta tajribaga ega xorijiy mutaxassis —
Dr. L.K. Tripathi ishtirokida aholi uchun bepul tibbiy ko‘rik tashkil etildi.
Ushbu tibbiy aksiya doirasida
100 nafarga yaqin bemor chuqurlashtirilgan tekshiruvdan o‘tkazilib, har bir murojaatchining sog‘ligi individual yondashuv asosida baholandi
hamda aniq tashxis qo‘yish va davolash bo‘yicha zarur tavsiyalar berildi.
➡️
Ko‘rik davomida
buyrak kasalliklari, arterial gipertenziya, shish (ödem) sindromlari, siydik tizimi bilan bog‘liq muammolar hamda surunkali buyrak yetishmovchiligi kabi dolzarb yo‘nalishlar atroflicha o‘rganildi.
Mutaxassis tomonidan ayniqsa kasalliklarni erta aniqlash va profilaktikaning ahamiyati alohida ta’kidlanib, bemorlarga sog‘lom turmush tarzini shakllantirish, suyuqlik iste’molini me’yorida ushlash, qon bosimini nazorat qilish hamda buyrak faoliyatini muntazam tekshirtirib borish bo‘yicha aniq tavsiyalar berildi.
✔️
20 yildan ortiq tajribaga ega bo‘lgan Dr. L.K. Tripathi o‘z faoliyati davomida 250 000 dan ortiq gemodializ jarayonlarini muvaffaqiyatli boshqargan, murakkab va yuqori xavfli buyrak transplantatsiyalarini amalga oshirgan hamda Hindiston va boshqa davlatlarda nefrologiya markazlarini tashkil etgan. U “Lifetime Achievement Award” hamda bir qator xalqaro mukofotlar sohibi bo‘lib, World Book of Records tomonidan COVID-19 pandemiyasi davridagi xizmatlari uchun e’tirof etilgan. Shuningdek, u xalqaro nefrologiya jamiyatlarida faol a’zo sifatida faoliyat yuritib, 10 yildan ortiq vaqt davomida shifokorlar va talabalarni tayyorlab kelmoqda.
⌛
Mazkur tashrif nafaqat bemorlar uchun yuqori malakali tibbiy xizmatdan
bepul foydalanish imkonini yaratdi, balki institutning yosh shifokorlari, klinik ordinatorlari va talabalari uchun ham muhim amaliy tajriba maktabi
bo‘lib xizmat qildi.
➕
Bunday tashabbuslar aholi salomatligini mustahkamlash, kasalliklarni erta aniqlash va zamonaviy tibbiy yondashuvlarni hududlarda keng joriy etishda muhim ahamiyat kasb etadi.
📹
Batafsil videolavhada tomosha qiling!
©
FJSTI Matbuot xizmati:
⚡️
@fjsti

Bepul tibbiy ko‘rikka marhamat!
➡️
Ertaga, 2026-yil 25-aprel kuni
Farg‘ona shahrida dunyo darajasidagi hindistonlik nefrolog, buyrak kasalliklari bo‘yicha yetuk mutaxassis —
Doktor Tripathi
ishtirokida
BEPUL tibbiy ko‘rik
o‘tkaziladi.
⌛
Ko‘rik
faqat 1 kun
davom etadi!
➕
Doktor Tripathi
:
— 20+ yillik tajriba;
— 250 000+ gemodializ jarayonlari;
— Murakkab buyrak transplantatsiyalari amaliyoti;
— Xalqaro mukofotlar sohibi.
➕
Ko‘rik davomida quyidagi muammolar bo‘yicha bepul maslahatlar beriladi:
— Barcha buyrak kasalliklari
— Qon bosimi (gipertoniya)
— Shishlar
— Siydik tizimi muammolari
— Surunkali buyrak yetishmovchiligi va boshqalar.
📍
Manzil
: Farg‘ona tibbiyot instituti ko‘p tarmoqli klinikasi
(
Avvalgi “Tekstil shifoxonasi” binosi)
📞
Ro‘yxatdan o‘tish uchun:
+998 90 160 72 28
+998 90 533 17 71
©
FJSTI Matbuot xizmati:
⚡️
@fjsti

DIQQAT, TALABALAR! XALQARO GRANT IMKONIYATI
✅
O‘zbekiston Respublikasi Oliy ta’lim, fan va innovatsiyalar vazirligi tomonidan muhim yangilik e’lon qilindi.
🇨🇾
Kipr Respublikasining Moskvadagi elchixonasi tashabbusi bilan o‘zbekistonlik tibbiyot talabalari uchun
Kipr Milliy nevrologiya va genetika institutida 2026–2027 o‘quv yili uchun 3 ta magistratura granti
ajratildi.
🎓
Grant shartlari:
Nomzodlar
suhbat asosida tanlab olinadi
Yillik kontrakt:
8000€ qoplanadi
Oylik stipendiya:
1000€ gacha (12 oy davomida)
🗓
Hujjat topshirish muddati:
👉
2026-yil
10-mayga qadar
🌐
Ro‘yxatdan o‘tish havolasi:
https://extranet.cing.ac.cy/applynow
💡
Ushbu grant — xalqaro tajriba orttirish, bilim va ko‘nikmalaringizni yangi bosqichga olib chiqish uchun katta imkoniyat!
©
FJSTI Matbuot xizmati:
⚡️
@fjsti

Ilm ildiz otmoqda: klinikamiz qoshidagi yangi maskan.
✅
Farg‘ona jamoat salomatligi tibbiyot institutida muhim ilmiy-amaliy loyiha hayotga tatbiq etildi.
Institut rektori A.A. Sidikov tashabbusi bilan Xalq tabobati va farmakologiya kafedrasining zamonaviy o‘quv-amaliy bazasi ish boshlagan.
🔬
Mazkur baza noyob dorivor o‘simliklar jamlangan maskan bo‘lib,
unda 20 dan ortiq turdagi shifobaxsh va ilmiy ahamiyatga ega o‘simliklar madaniylashtirilgan.
Hududda
aromatik, dorivor, vitaminlarga boy hamda dietik xususiyatga ega o‘simliklar majmuasi shakllantirilgan
bo‘lib, ular ta’lim va ilmiy tadqiqot jarayonlari bilan uzviy bog‘langan.
🌐
Yangi tashkil etilgan ushbu platforma talabalar uchun nafaqat kuzatuv, balki amaliy tajriba maydoniga aylanishi bilan ahamiyatlidir. Bu yerda yosh mutaxassislar o‘simliklarning o‘sish bosqichlarini
tahlil qilish, biokimyoviy tarkibini o‘rganish hamda dorivor mahsulotlar tayyorlash
ko‘nikmalarini shakllantiradilar.
❗️
Loyihaning yana bir muhim jihati raqamlashtirish jarayonidir.
Har bir o‘simlik bo‘yicha sun’iy intellekt asosida “raqamli pasportlar” yaratilmoqda
. Bu esa ilmiy izlanishlar samaradorligini oshirish bilan birga, bilimlarni tizimli ravishda saqlash va rivojlantirish imkonini beradi.
🟣
Mazkur tashabbus milliy merosimizni zamonaviy yondashuvlar bilan uyg‘unlashtirish orqali sog‘liqni saqlash tizimiga yangi innovatsion yechimlar olib kirishga xizmat qiladi.
©
FJSTI Matbuot xizmati:
⚡️
@fjsti