gafurgooy

СЕН Аллаға соншалықты жақын бол…
🤍
Сені табу үшін адамдар Аллаға жақындау қажеттілігін сезінсін.
Сенің сөзіңнен ізгілік, мінезіңнен көркемдік, үнсіздігіңнен тереңдік, ал іс-әрекетіңнен иманның нұры көрінсін.Адамдар сенің жаныңда жүрегінің тыныштық тапқанын сезінсін. Сенің бойыңдағы жақсылықты көріп,Жаратушыны еске алсын. Сен арқылы бір жүрек жұмсарса, бір адам тәубеге келсе, бір жан Құранға бет бұрса бұл қандай үлкен нығмет.Аллаға жақын болу адамдарды өзіңе байлау емес, олардың жүрегін Аллаға жақындауға шабыттандыру.
Сен адамдардың мақтауын емес, Алланың разылығын ізде. Адамдардың жүрегін жаулап алуды емес, Алланың алдында ықыласты құл болуды мақсат ет.Өйткені шынайы көркемдік өзіңді көрсету емес, өзің арқылы жақсылықтың көрінуі.
🤍
🤍

АЛЛАҺТЫҢ ЖОСПАРЫНА КІРІСПЕ
Біз өміріміздің жоспарын құрамыз,қашан ақша келеді, қашан жұмыс табылады, қашан арманымыз орындалады деп.
Бірақ бір нәрсені ұмытамыз,біз жоспарлаймыз, Аллаh ең қайырлысын белгілейді.
Кейде жабылған есік жаза емес, қорған.Кейде кешігу бас тарту емес, дайындық.Кейде біз қалаған нәрсе емес, бізге қажет нәрсе беріледі.Тәуекел әрекетсіз отыру емес.Себепті жаса, дұға ет, әрекет ет, нәтижені Аллаһқа тапсыр.
Өзіңе айт.
Уа, Раббым, мен өз жоспарымды емес, Сенің қайырлы жоспарыңды қабылдайтын жүрек бер. Мен көрмегенді Сен көресің. Мен білмегенді Сен білесің. Мені Өзің разы болатын жолға баста.
Болашақты басқаруға тырыспа.
Болашақтың Иесіне сүйен.

Біз бұл өмірге қарнымызды ғана тойдыру үшін келген жоқпыз.
Көрінгеннің бәрін жеуге міндетті емеспіз.Көңіл қалағанның бәрін жей беру еркіндік емес.Бірақ денсаулықты да ұмытпайық; өзімізді аштыққа қинау емес, ағзаға қажет нәрсені мөлшерімен әрі сапалы қабылдау тепе-теңдік.
Қарнымыз тоқ болсын, бірақ нәпсіміз шектен шықпасын.
Кейде тәбетімізді тежей білейік, қажетсізге жоқ дейік.
Көзіміз тоқ, дастарханымыз берекелі болсын.Ал ең бастысы
тамаққа емес, білімге қасқыр сияқты аш болайық.
Қарнымызды күніне бірнеше рет тамақтандырамыз.Ал ақылымызды немен қоректендіріп жүрміз?
Бір пайдалы кітап.
Бір аяттың мағынасы.
Бір жаңа білім.
Бір түзетілген қате.
Денеге — пайдалы тамақ.
Ақылға — пайдалы білім.
Жүрекке — Құран мен ізгі амал.
Міне, нағыз тепе-теңдік осы.
Сондықтан бүгіннен баста.
📖
20 минут білімге уақыт бөл.
🥗
Тамақта мөлшер мен сапаға мән бер.
🚫
Қажетсіз нәрсеге бір рет болса да жоқ де.
📝
Бүгін үйренген бір пайдалы нәрсеңді жазып қой.
Кешке өзіңнен сұра.
Бүгін мен денемді немен қоректендірдім?
Ақылымды немен қоректендірдім?
Жүрегіме не бердім?
Өйткені адамға тек тоқ қарын емес, тоқ сана мен тәрбиелі жүрек керек.
Тамаққа тәбетіңді тәрбиеле.
Білімге тәбетіңді күшейт.
Денеңе аманаттай қара.
Ақылыңды іліммен өсір.
Сонда сен жай ғана тамақтанып өмір сүрмейсің,мәнді өмір сүруге үйренесің.

Уа, Раббым, өмірімдегі әрбір нәрсе үшін Саған шүкір.
Жүрегімді қуантқан күндер үшін де,мені өсірген сынақтар үшін де.Түсінгендерім үшін де,
жауабы әлі ашылмаған сұрақтарым үшін де.
Сенің жазғаныңда хикмет бар екеніне сенемін.Бүгін түсінбегенімнің ертең қайырын көруім мүмкін.Сондықтан өткеніме өкінішпен емес шүкірмен, бүгініме алаңмен емес тәуекелмен, ертеңіме қорқынышпен емес үмітпен қараймын.Әлхамдулиллаһ бар болғаныма,барымның бәріне
және Сенің мен үшін жазған тағдырыңа.
🤲🏻
💚

Бір күні Әлидің (р.а.) Жанында құтқарушы құралы бола тұра, құрдымға кеткен (тозақтық болған) адамдарға таңғаламын деді; Қасындағы адамдар
Ол не құрал? деп сұрағанда,
Сол кезде ол; Истиғфар (кешірім тілеу) деп жауап берді.
(Ғуйун ал-ахбар) кітабынан алынған.
Күнделікті өмірде жиі айтылатын истиғфар түрлері
Әстағфируллаһ (Алла мені кешірсін) Әстағфируллаһәл-азим уә әтубу иләйһ (Ұлы Алладан кешірім өтінемін және Оған тәубе етемін)Мұсылман түсінігінде истиғфар адамды бұл дүниедегі қайғы-қасіреттен,
қиындықтардан және ақыреттегі тозақ отынан құтқаратын ең басты рухани құрал болып саналады.

🌙
МӘУЛІТ АЙЫН БОС ӨТКІЗБЕЙІК, БАУЫРЛАР!
Пайғамбарымыз Мұхаммед ﷺ-ға салауатты көбейтіп, Құранмен байланысымызды күшейтейік.
🤍
📖
Бірге ниет етейік, бірге бастайық, бірге жалғастырайық.
Құранға бүгін жасаған қадамың ертеңгі жүрегіңнің нұры.

Оқылуы:
Йа Рабби, ләкәл-хамду камә янбағи ли-жәләәли уажһика уа ‘азими султоник.
Мағынасы:
Уа, Раббым! Саған Өзіңнің ұлық жүзіңнің ұлылығына және ұлы билігіңе лайық болған барлық мадақ тән.
Мұндағы كَمَا يَنْبَغِي (камә янбағи) лайық болғанындай, лайықты түрде деген өте терең мағынаны білдіреді.Яғни адам: Уа, Алла, мен Сенің ұлылығыңа лайықты түрде мадақ айта алмаймын. Сондықтан Саған Өзіңнің ұлылығыңа лайық мадақты тілеймін деген мағынаны жеткізеді
.

Мен үшін барлық есіктер жабық деп ойлама.
Сенің алдыңда тұрған бір есіктің жабық болуы бүкіл өміріңнің жабық болғаны емес.Кейде адам бір нәрсені қатты қалайды да, сол нәрсе орындалмаған кезде:
Маған жол жоқ. Менің қолымнан келмейді. Мен үшін ештеңе өзгермейді деп ойлайды.
Бірақ сенің бүгін көріп тұрғаның өміріңнің соңғы нүктесі емес.
Сен тағдырдың бір ғана бетін көріп тұрсың. Ал Аллаһ бүкіл кітапты біледі.Сондықтан жабық есіктің алдында отырып қалма.
Аллаһтың есігін қақ.
Қаққанда ықыласпен қақ.
Сұрағанда шын жүрегіңмен сұра.
Әрекет еткенде себептерін жаса.
Күткенде сабырмен күт.
Кешіккенде үмітіңді үзбе.
Бір рет сұрап, бірден нәтиже болмағаны үшін:
Дұғам қабыл болмай жатыр деп қорытынды жасама.
Кейбір дұғалар сен қалаған нәрсенің дәл өзі болып келеді.
Кейбірі бір бәлені алыстатады.
Кейбірі ақыретке сақталады.
Ал кейбірінің жауабы сен күткен уақыттан әлдеқайда кейін келеді.
Сенің міндетің қашан, қалай, қандай түрде беретінін басқару емес.
Сенің міндетің Раббыңа сеніп, дұға жасап, дұрыс әрекет ету.
Егер бүгін бір жол жабылса:
Раббым, мен тоқтамаймын.
Мен Сенен үміт үзбеймін.
Мен көрмеген жолды Сен білесің.Менің қолым жетпеген нәрсеге Сенің құдіретің жетеді.
Менің әлсіздігім Сенің Құдіретіңе кедергі емес де.
Сенің бір есікті қатты қаққаныңмен, оның міндетті түрде ашылуы шарт емес.
Өйткені Аллаһ сенің қалағаныңды ғана емес, саған шын мәнінде қайырлы болғанын да біледі.
Сондықтан кейде:
Уа, Раббым, мен қалаған есікті емес, мен үшін ең қайырлы есікті аш де.
Сабыр қол қусырып отыру емес.
Сабыр жүрегіңмен Аллаһқа сүйеніп, қолыңмен әрекет етуді жалғастыру.
Бір күні артқа қарап:
Сол кезде неге ашылмады деп сонша уайымдадым екен? Аллаһ мені одан да жақсы жерге бастап бара жатқан екен ғой деп қалуың мүмкін.Сондықтан бүгінгі жағдайыңды соңғы үкім деп қабылдама.
Дұға ет.
Әрекет ет.
Сабыр ет.
Үміт ет.
Ал есіктердің қайсысын ашу керегін. 18 мың ғаламның Раббысына тапсыр.