G'azna

Ichki ishlar vazirligi Etenderda o'tkazgan
oxirgi 5 ta tanlovdan 3 tasida 1 ta ishtirokchi qatnashgan.
Bu 3 tani 2 tasida shartnoma imzolandi.
Masalan Toshkent shahrida “To‘xtash taqiqlangan” va “To‘xtab turish taqiqlangan” belgisi o‘rnatilgan joylarda yo‘l harakati qoidalari buzilishini foto va video qayd etish qurilmalarini yetkazib berish bo'yicha xarid
o'tkazilgan edi.
Deyarli
8 milliard so'm
taklif bilan Smart technology systems g'olib bo'lgan.
Ammo u yagona ishtirokchi
.
Odatda bunday holatda avtomatik tarzda xarid bekor qilinadi. Ammo bu safar uni protokoli e'lon qilingan edi va amalga oshgan statusda turgandi.
Buni ko'rganimda
qandaydir texnik xato bo'lsa kerak, bekor qilib yuborishadi
deb o'ylagandim. Yo'q, shartnoma imzolangan.
"Davlat xaridlari to'g'risida"gi
qonunning
61-moddasi 1-qismiga asosan bu tanlov bekor qilinishi kerak edi: "Agar tanlashda ishtirok etish uchun takliflarni taqdim etish muddati tugagan paytda faqat bitta taklif taqdim etilgan yoki birorta ham taklif taqdim etilmagan boʻlsa, tanlash oʻtkazilmagan deb hisoblanadi"
Shartnoma imzolangan va 1 nafar ishtirokchi qatnashgan xarid holati takrorlanyapdi. Bu bir martalik xato emas.
UPD
: PF-259-son Farmoni 9-band, d qismiga ko'ra, agar tanlash jarayoni avval o'tkazilgan va unda bitta ishtirokchi qatnashib bekor qilingan bo'lsa, keyingi safar ham shu holat takrorlanganda tanlov amalga oshgan deb topilishi belgilangan.
Bu xarid avvalroq amalga
oshirilgan ekan.
Endi tushunarli. Izohda tushuntirish berib o'tganlarga rahmat.
@gazna1

Kecha Agrobank tomonidan tashkil etilgan matbuot anjumanida ishtirok etdim. Tadbir bank faoliyatiga zamonaviy texnologiyalarni joriy etish va xizmatlar sifatini oshirishga bag‘ishlangani e’tiborimni tortdi.
Bu mavzuda
Tanga.uz
da ham video
tayyorlaganmiz.
Unda mavjud muammolar va ularni hal etishda texnologiyalarning o‘rni haqida ma'lumot berilgan.
Matbuot anjumanida asosiy e’tibor moliyaviy ta’minot masalasiga qaratildi.
Qayd etilishicha, bank tomonidan 25 trillion so‘m miqdorida mablag‘ jalb etish va yangi xizmatlarni yo‘lga qo‘yish rejalashtirilgan
.
“Agrobank” mijozlarga maslahat xizmatlari, tahlil vositalari va sun’iy intellekt asosida kompleks xizmat ko‘rsatishni maqsad qilgan ekan.
Bundan tashqari, bank
Uzcosmos bilan hamkorlikda aerokosmik kuzatuv va masofaviy monitoring loyihalarini moliyalashtirishni yo‘lga qo‘ymoqda
.
Shu bilan birga, bank tomonidan raqamli platformalar orqali xizmatlarni yanada soddalashtirish, qaror qabul qilish jarayonlarini tezlashtirish hamda mijozlar uchun shaffof va qulay moliyaviy ekotizim yaratishga alohida e’tibor qaratilayotgani ta'kidlandi.
@gazna1

O‘zsanoatqurilishbank brend-ambassadorlik xizmatlarini tashkil etish bo‘yicha yirik tender e’lon qildi. Mazkur tenderning boshlang‘ich qiymati 4,86 mlrd so‘mni tashkil etadi. Tender hujjatlariga ko‘ra, xizmatlar doirasida mashhur turk aktyori Burak O‘zchivitni…

O‘zsanoatqurilishbank brend-ambassadorlik xizmatlarini tashkil etish bo‘yicha yirik tender e’lon qildi.
Mazkur tenderning boshlang‘ich qiymati 4,86 mlrd so‘mni tashkil etadi.
Tender hujjatlariga ko‘ra, xizmatlar doirasida mashhur turk aktyori Burak O‘zchivitni bank brendi ambassadori sifatida jalb etish ko‘zda tutilgan.
Shartnomaga muvofiq, aktyor bilan ikki yilgacha hamkorlik qilish, uning ishtirokida foto va video kontent ishlab chiqish rejalashtirilgan.
Tender shartlariga ko‘ra, ishtirokchi g‘olib deb e’lon qilinganidan keyin 5 kun ichida aktyor bilan imzolangan kelishuvni taqdim etishi lozim.
Batafsil:
https://tanga.uz/news/1283
Telegram
|
Instagram
|
YouTube

Bunaqa dempingni hali ko'rmagandim.
Kambag'allik va mehnat sohasidagi loyihalarni boshqarish markazi deyarli
600 million so'mlik
tender e'lon qilgan edi.
Maqsad "kasb-hunar yo‘nalishlari bo‘yicha videodarsliklar yaratish” loyihasining 2-bosqichi bo'yicha xizmatlarni amalga oshirish.
Bugun tender natijlari
e'lon qilindi
. Unga ko'ra 4 ishtirokchidan 2 tasi diskvalifikatsiya qilingan, finalda
1,3 million so'm
taklif bilan "Focusion" MChJ g'olib bo'lgan.
Bu darsliklarning birinchi bosqichi bo'yicha ma'lumot topa olmadim. Endi g'olib 381 ta videodarslikni 1,3 million so'mga qilib berishi kerak. Katta ehtimol bilan u kelishuvdan voz kechadi va ish zaxira g'olibiga o'tadi.
Bu maxinatsiyami yoki firma egasi zerikkanidan tenderda qatnashdimi? Tenderda qatnashish qanday bosh og'liqligini bilgan holda kutilmam pozitiv emas
@gazna1

Navoiy – Buxoro yo'nalishida elektrlashtirilgan ikkinchi yuqori tezlikdagi temir yo‘l quriladi.
To‘siqlar o‘rnatish va umumiy qurilish ishlari uchun O'zbekiston temir yo'llari
320 mlrd so'm
sarflamoqda
.
Loyihani to'g'ridan to'g'ri xaridda O'zbekiston temir yo'llariga tegishli
"Temiryo'linfratuzilma" AJ
qo'lga kiritdi.
Shu bilan birga O'zbekiston temir yo'llari yangi temir yo'li oralig‘ida sun’iy inshootlarni qurish va tuproq ishlarini bajarish uchun
40 mlrd so'm
sarflamoqda
.
Bu ishni Davlat aktivlarini boshqarish agentligiga tegishli
"O'ztemiryo'lqurilishmontaj" MCHJ
qo'lga kiritdi.
14-aprel kuni bu yo'l bilan bog'liq yana bir to'g'ridan to'g'ri xarid
amalga oshirilgan
. Signallashtirish, markazlashtirish, blokirovka va aloqa qurilmalarni qurish ishlarini "O'zbekiston temir yo'llari" AJ ga tegishli "
1-son qurilish-montaj poyezdi" MCHJ
amalga oshiradi. Shartnoma summasi:
44 mlrd so'm
@gazna1

Xalq banki 2026-yilning mart oyidan buyon aktiv ravishda Cobalt avtomobillarini sotib olmoqda.
Xaridlarning asosiy qismi aprel oyining 13-sanasigacha amalga oshirildi. 14-aprel holatida bank
40 ta Cobalt
avtomashini sotib oldi. Cobaltlarning narxi modeliga qarab
156 mln so'mdan 165 mln so'mgacha
Bu Xalk bankining 2026-yildagi ilk intensiv xaridi. Bundan oldin bank 2025-yilning kuzida aktivravishda Cobalt avtomashinasini sotib olgan. Umumiy hisobda 2025-yilda Xalq banki quyidagi avtomashinalari sotib oldi:
72 ta Cobalt
11 ta Tracker 2
7 ta Onix
1 ta Onix 2
1 ta Malibu 2
1 ta BYD Chazor
@gazna1

Agrobank "Davlat xaridlari to'g'risida"gi qonunni buzdimi?
Eltuz Agrobankning 3,7 milliard so'mlik to'g'ridan to'g'ri xaridi
haqida yozibdi.
Qiziq holat.
Xarid
hujjatlariga ko'ra,
bank
emaktab.uz
web sayti va eMaktab.Oila mobil ilovalari va boshqa axborot platformalarda iyun oyigacha turadigan banner joylarini sotib olgan.
Agrobank umuman olib qaraganda qonunni buzmagan.
"Davlat xaridlari to'g'risidagi" qonunning 71-moddasi 5-bandida
intelektual mulk egasi bilan to'g'ridan to'g'ri xarid qilish imkoniyati belgilangan.
Tasavvur qiling siz Bunyodkor FC mahsulotlarida reklama joylashtirmoqchisiz. Sizga to'g'ridan to'g'ri Bunyodkor bilan ishlash qulaymi yoki agentliklar orqali? Albatta klubni o'zi bilan.
Lekin bu vaziyatda risk paydo bo'ladi. Biz rostdan ham bilmaymiz narx oshirib ko'rsatilganmi, nima asosida belgilangan.
Misol uchun, xarid hujjatida web-saytda
1000 ta ko'rish
uchun
50 ming so'm
, mobil ilovada
30 ming so'm
etib belgilangan. Uncha buncha mashhur OAVlarda ham web saytda
1000 ta ko'rish 20-35 ming
atrofida.
Reklama agentliklari nisbatan buni nazorat qilish imkonini beradi. Buni ustiga ular tenderda g'olib bo'lish uchun Kundalik dan chegirmalar olishga ham harakat qilishardi.
Xullas, Agrobank qonunni buzganmi? Yo'q.
Uni agentliklar orqali qilsa bo'larmidi? Ha, lekin nima qiladi osonroq yechim turganda vaqtni cho'zib?
Bunday ishlarni reklama agentliklari orasida tender o'tkazib qilish kerakmi? Ha, to'g'ridan to'g'ri shartnomalarda tomonlar qanday kelishayotganini bilmaymiz, pul yuvilishi ehtimoli baland.
Bu vaziyatda aybdor Agrobank deb o'ylamayman, gap qonunchilikda belgilangan tartibda
@gazna1

Arnasoyda bog' barpo etilyapdi, u bo'yicha tender g'olibi 3 oy oldin belgilab qo'yilgan
Ekologiya vazirligining qurilish dereksiyasi Arnasoy tumanining cho'l xududlarida sho'r va suvsizlikka chidamli galofit bog'ini tashkil etish uchun infratuzilma ob’yektlarini qurish loyihasining
2-bosqich
ishlarini amalga oshirish uchun
1,7 milliard
so'mlik
tender o'tkazdi.
Tender g'olibi
XUMO-S XK.
Qizig'i
1-bosqichi
bo'yicha tenderni topa olmadim. Undan ham qizig'i, tender hujjatlaridan birida (hujjat postga biriktirilgan), aniqrog'i yig'ma ekspertiza xulosasida bosh pudratchi
XUMO-S
ekaniligi belgilangan.
Bu hujjat 26-yanvarda tuzilgan, tender esa 9-aprel kuni yakunlandi
.
Tender kelishilganmi? Yo'q, qo'ysanglarchi, biz jurnalist-u blogerlar yaxshi ishlarni ko'rolmaymiz, hamma joydan kir qidiramiz, albatta kelishilmagan, bu tushunmovchilik.
Bor bo'linglar.
@gazna1

Bojxona qo'mitasining ma'lumotlariga ko'ra, 2025-yil davomida bojxona organlari tomonidan 3840 ta huquqbuzarlik holatlari aniqlangan. Ashyoviy dalillarning umumiy qiymati deyarli
188 mlrd so'm
ni tashkil qilgan.
Aniqlangan huquqbuzarliklar sonining mahsulotlar bo'yicha bo'linishi:
Dori va tibbiyot buyumlari - 1340
Tamaki mahsulotlari - 871
Oziq-ovqatlar - 589
Spirt va alkogolli mahsulotlar - 404
Neft mahsulotlari - 401
Qishloq xo‘jaligi mahsulotlari - 154
Rangli metall - 55
Mineral o‘g‘itlar - 26
@gazna1