Hodiy_uz | Расмий канал
Сен дунёга ғам билан келганмисан
Ғамга ботган бир киши донишманд ҳузурига келиб сўради:
― Эй Ҳаким, мен шундай ғамга ботдимки, ундан қутулишга ҳеч бир чора тополмадим. Менга йўл кўрсатинг!
― Сенга иккита савол бераман, жавоб берасанми?
― Сўранг!
― Сен дунёга келган вақтинг ўша ғамларни ўзинг билан олиб келганмисан?
― Йўқ.
― Бу дунёдан кетар вақтинг ўша ғамларни ўзинг билан бирга олиб кетасанми?
― Йўқ, албатта.
― Сен билан келмаган бўлса ва сен билан кетмаса, унда маҳзун бўлишга арзимас экан. Дунё ишлари ўзи шундай. Яхшиси, сабрли бўл ва осмонга боқишинг ерга боқишингдан узоқроқ бўлсин! (яъни, осмонга икки қўлингни кўтариб кўпроқ илтижо қил). Шунда Аллоҳнинг изни билан ғаминг арийди, ишларинг юришади.Табассум қил! Зеро, ризқинг тақсимланган, қадаринг ёзиб битилган. Дунё ишлари маҳзун бўлишга арзимайди.
@hodiy_uz
#ҲАДИС
Расулуллоҳ соллаллоҳу алайҳи васаллам айтдилар:
«Ким ҳовлисини сотиб, унинг мислидаги ҳовлига сарфламаса, унга ўша сотиб олганида барака берилмас».
Ибн Можа ривояти.
Шарҳ: Бу ҳадиснинг шарҳида мулла Алий Қори «Мирқот» китобларида қуйидагича сўзни айтдилар: “Бундан маълум бўладики, ер ва ҳовлилар каби кўчмас мулкларни сотиб, унинг пулини буюмларга сарф қилиш маҳбуб эмас. Чунки кўчмас мулкнинг фойдаси кўп ва офати оздир. Уни ўғри ҳам ўғирлай олмайди, босқинчилик ҳам зарар етказа олмайди. Демак, кўчмас мулкни сотмаган яхши. Агар сотгудек бўлса, пулини ер ёки ҳовлига сарф қилсин”.
Муновий роҳимаҳуллоҳ «Файзул қодир» китобларида қуйидаги сўзларни келтирдилар:
«Инсондан ер юзидан ўзидан из қолиши талаб қилинади. Ҳовлисини сотиб, пулига рағбат қиладиган бўлса, изи ўчгани сабабидан ўша маблағ йўқ қилиниши орқали жазоланади ».
Бу хукм кўчмас мулк ва ҳовлисини сотишга зарурат бўлмаганлар учун. Агар қарздорлиги сабаб уни сотишга мажбур бўлиб қолса, унинг яшаб турган ҳовлисидан бошқа мулки бўлмаса, унда бу киши ҳовлисини сотиши жоиз. Бу инсон юқоридаги ҳадисда ман қилинган кишилар сирасига кирмайди. Балки, унга уни сотиб, қарзини узиши шарт бўлади. Валлоҳу аълам.
@hodiy_uz
Вақтимизни қадрлайлик
Пайғамбаримиз алайҳиссаломдан шундай ҳадис келади:
“Оқил киши бир кунини тўртга тақсимлаши лозим: бир қисмида Раббига мурожаат қилади, бир қисмида ўзини ҳисоб-китоб қилади, бир қисмида Аллоҳнинг санъати борасида фикр юритади, бир қисмида еб-ичиш каби
(нафсоний)
ҳожатларини бажаради”
(Имом Ибн Ҳиббон ривояти).
@
hodiy_uz
Истаганингизча илм ўрганаверинг
«Истаганингизча илм ўрганаверинг. Аллоҳга қасамки, амал қилмагунингизча Аллоҳ сизга бунинг учун ажр-мукофот бермайди. Аҳмоқлар ҳиммати – ривоят, уламолар ҳиммати – риоятдир».
Ҳасан Басрий раҳматуллоҳи алайҳ
@
hodiy_uz
Дунёдаги бепул даволовчи 11
табиб
1. Қуръони карим тиловати;
2. Беш вақт намоз ўқиш;
3. Бир йилда бир ой, ойда уч кун, ҳафтада икки кун рўза тутиш;
4. Кечаси тўйиб ухлаш;
5. Етарли сув ичиш;
7. Тоза, очиқ ҳаво;
8. Кунлик ярим соат пиёда юриш;
9. Витаминларга бой таомларни ейиш;
10. Қуёш нури (Айниқса эрталаб чиқаётгани)
11. Қаноат.
@
hodiy_uz
❄️
Ассалому алайкум!
❄️
Биз учун қадрли бўлган қадрдонлар!
Тонгингиз муборак бўлсин.
Қаранг борлиқни жуда тоза ва беғубор тонг.
Биласизми, шу борлиқ каби чиройли тилакларимни сизга туҳфа қиламан.
Доимо, АЛЛОҲ паноҳида бўлинг, умрингиз узоқ, ризқингиз улуғ бўлсин!
Бошлаган Чоршанба кунингиз хайрли бўлсин !
@hodiy_uz
#Мулохаза
Ё АХМОҚ, Ё МУНОФИҚ...
•┈•┈•┈•┈•❁✿❁•┈•┈•┈•┈•
Бир куни Искандар Зулқарнайн маслаҳатчисига:
- Шу пайтгача сенга қанчадан-қанча инъом-эҳсонлар бердим, аммо менга чин дилдан, садоқат билан хизмат қилганингни кўрмадим, - деди.
Довдираб қолган маслаҳатчи:
- Авф этасиз ҳукмдорим, айбим нимада? - деб сўради.
- Бир мартаям камчилигимни юзимга айтмадинг. Бу қандай садоқат, бу қандай яқинлик?
- Ҳукмдорим, сизда бирорта ҳам камчилик йўқ!
- Янглишяпсан, менда камчилик борлиги аниқ. Чунки бирор инсон айбсиз-нуқсонсиз бўлмайди. Агар мендаги қандайдир хато-камчиликни кўрмаётган бўлсанг, ғирт ахмоқсан! Мабодо кўратуриб айтмаётган бўлсанг, аниқ мунофиқсан! - деди Искандар.
@hodiy_uz
Hodiy_uz | Расмий канал
pinned a photo
“...
албатта, намоз мўминларга вақти тайин фарз бўлгандир” (Нисо сураси 103-оят).
2025 ЙИЛ 10 ДЕКАБРЬ
(1447 ҳ -
19 ЖУМАДУЛ СОНИ) ЧОРШАНБА
КУНИ УЧУН НАМОЗ ВАҚТЛАРИ ТАҚВИМИ
(Навоий вақти билан)
⏰
ТОНГ - 06:25 Жамоат вақтлари
⏰
Бомдод 07:49 Жамоат в. 07:05
Рўза тутувчилар учун саҳарликни тугаши 06:25
⏰
ҚИЁМ - 12:31 Жамоат в. 13:00
⏰
АСР - 15:32 Жамоат в. 15:45
⏰
ШОМ - 17:17 Жамоат в. 17:25
Рўзадорлар 17:17 дан бошлаб ифторлик қилса бўлади.
⏰
ХУФТОН-18:33 Жамоат в. 19:30
Islom.uz
маълумотлари асосида тайёрланди.
@hodiy_uz