Xushnudbek.uz
❗️
DIQQAT, FIRIBGARLAR! TELEGRAM ORQALI ONLAYN KREDIT OLMANG! HECH QACHON!!!
#firibgar
📝
hushnudbekreklama Telegram-kanalida chiqayotgan reklamalar haqida tushuntirish
Ayrim foydalanuvchilar tomonidan Telegram-kanalimda yuqoridagi skrinshotda aks etganidek reklamalar chiqib qolayotgani haqida murojaatlar kelib tushmoqda. Ba’zilar “Xushnudbek kanalida chiqdiku, demak, ishonchli” degan xulosa bilan ushbu firibgarlarga aldanib ham qolganini aytishdi.
❗️
BU MUHIM! Bunday reklamalarning menga yoki Telegram kanalimga mutlaqo aloqasi yo‘q. Bunday reklamalar Telegram platformasining o‘zi tomonidan, kanal egasi bilan kelishmagan holda, avtomatik ravishda chiqariladi.
Pavel Durov janobi oliylarining tashabbusi bilan kanal adminlaridan ruxsat so‘rab o‘tirmasdan Telegram kanallarda reklama berish tizimi yo‘lga qo‘yilganiga ancha bo‘ldi. Ammo ushbu reklama berish tizimidan foydalangan firibgarlar turli kanallarda o‘zlarining yolg‘on mahsulotlari yoki xizmatlarini reklama qilishmoqda. Bunga Telegram kompaniyasi yo‘l qo‘yib beryapti va bir nechta shikoyat yuborganimizga qaramasdan, foydasi bo‘lmayapti. Bunday reklamalarni kanalda chiqarmaydigan qilish ham deyarli imkonsiz. 50-darajali boost olish kerak.
❗️
FIRIBGARLARGA ALDANIB QOLMANG
Yuqoridagi reklama orqali MuxlisaKredit degan botni reklama qilishmoqda. Bu qip-qizil firibgarlar yaratgan bot bo‘lib, sizga hech qanday kredit bermaydi.
Buni sinash uchun o‘sha bot bilan yozishdim. Ismimni Falonchiyev Pistonchi dedim, internetdan olingan soxta ID karta rasmini yubordim, JSHSHIR degan joyga tavakkal raqam yozdim, qancha kredit kerak degan joyga 500 trln so‘m, muddatiga 125 yil deb so‘radim.
Va mana shunaqa soxta ma’lumotlar bersam ham, hammasi to‘g‘ri keldi, deb menga Davr bank nomidan soxta shartnoma yubordi. Va oxirida endi shu kreditni olish uchun 450 ming so‘m o‘tkazib ber deyishdi.
‼️
ESLAB QOLING! JISMONIY SHAXSLAR NOMIGA OCHILGAN PLASTIKKA PUL O‘TKAZIB BER DEB SO‘RASHYAPTIMI, DEMAK, BILINGKI, ULAR KATTA EHTIMOL BILAN — FIRIBGARLAR!
Aldanganlarning aytishicha, 450 ming so‘m o‘tkazsangiz, firibgarlar yana pul so‘rar ekan. Xullas, bir kishi ularga ishonib, qayta-qayta pul o‘tkazavergan, jami 2 mln so‘mdan oshiq pulga “uxlagan”, lekin tabiiyki, hech qanaqa kredit olmagan (tovba, qanaqa qilib bir necha pul o‘tkazish mumkin, hayronman).
Firibgarlar Yuliya Kolesnik nomiga ochilgan Kapitalbank kartasi hamda Natalya Mulik nomiga ochilgan TBC kartasiga pul olishyapti.
Davr bank, Kapitalbank, TBC Bank va Kiberxavfsizlik tuzilmalari bu holatni o‘rganishi kerak. Ochiq-oydin firibgarlik bo‘layotgan joyda tomoshabin bo‘lmaslik kerak. Zudlik bilan plastiklarni bloklash lozim, raqamlari ham turibdi.
Bunaqa firibgarlar haqida avval ham ogohlantirgandim, unda Mahigul degan bot orqali odamlarni aldashayotgandi.
Sizlardan yana bir bor iltimos: internetda hammaga ishonib ketavermang, bunchalik sodda bo‘lmang. Moliyaviy operatsiyalar uchun faqat va faqat banklar yoki to‘lov tashkilotlarining rasmiy ilovalaridan foydalaning. Telegram orqali hech kimdan kredit olmang. Ayniqsa, qanaqadir Muxlisayu, Mohigul deganlarga ishonmang.
👉
@hushnudbekreklama
👈
❗️
Barcha darsliklar 2031-yilgacha to’liq takomillashgan alifboga o’tkaziladi
,
bunga qo’shimcha xarajat ketmaydi
Maktabgacha va maktab taʼlimi vaziri oʻrinbosari Azizbek Turdiyevning ma’lum qilishicha, qonun
2027-yildan
kuchga kirsa,
1-sinf
darsliklari yangi alifboda chop etiladi.
Amaldagi tartibga ko’ra, 1-sinf darsliklari shundoq ham
har yili
qayta chop etiladi. 2-4-sinflar uchun darsliklar
har 3 yilda
yangilanishi kerak. 5-11-sinflar uchun esa
har 5 yilda
darsliklar yangilanadi.
Shunday qilib,
2031-yilgacha
darsliklar o’z navbati kelganda toʻliq yangi alifboda nashr etiladi. Buning uchun
qoʻshimcha mablagʻ talab etilmaydi.
Boshqacha qilib aytganda, takomillashgan alifbo kuchga kirgan taqdirda ham, barcha darsliklar muddatidan avval bittada qayta chop etilmaydi. Barchasi qonunchilikda belgilangan navbati kelgandagina almashadi.
👉
@hushnudbekreklama
👈
❗️
Senat alifboga tuzatish kiritish to’g’risidagi qonunni ma’qulladi
Qonun bilan, lotin yozuviga asoslangan oʻzbek alifbosi
26 ta
harf va
3 ta
harflar birikmasi oʻrniga
28 ta
harf va
1 ta tutuq belgisidan
tashkil topishini nazarda tutuvchi tegishli oʻzgartirishlar
kiritilmoqda
.
Shuningdek, qonun kuchga kirguniga qadar amaldagi alifbo asosida rasmiylashtirilgan hujjatlar, milliy valyuta va qimmatli qogʻozlarning
muomalada boʻlishiga toʻsqinlik qilinmasligi
belgilanmoqda.
Davlat organlari va tashkilotlarining ayrim ramziy belgilari, peshlavha va koʻrsatkichlardan esa
ular yaroqsiz holatga kelguniga qadar yoki belgilangan muddatgacha foydalanishga
ruxsat beriladi.
👉
@hushnudbekreklama
👈
❗️
Bugun,
10-sentyabrdan
boshlab 730/729-sonli
“Toshkent — Andijon — Toshkent”
yo‘nalishidagi amaldagi poyezd tarkibi o‘rniga tezyurar
“CRRC-Dalian” elektropoyezdi
qatnovi yo‘lga qo‘yiladi.
👉
@hushnudbekreklama
👈
Ertaga — “Avtomobilsiz kun”
10-sentabr kuni respublikaning barcha hududlarida navbatdagi
“Avtomobilsiz kun”
aksiyasi
o‘tkaziladi
.
ℹ️
Ma’lumot uchun:
Prezident farmoniga ko‘ra, ertaga davlat tashkilot va idoralari xodimlarining
xizmat avtotransport vositalaridan foydalanishi qat’iyan taqiqlanadi.
Ushbu sanalar ish kuniga to‘g‘ri kelganda, haydovchilarning ish haqi saqlanib qoladi.
Davlat fuqarolik xizmatchilari “Avtomobilsiz kun” va “Avtomobilsiz hafta” aksiyasi doirasida xizmat avtotransport vositalaridan foydalanishi mazkur xodimlar tomonidan
odob-axloq (etika) qoidalarining buzilishiga
tenglashtiriladi.
👉
@hushnudbekreklama
👈
🚍
73,5 foiz ota-onalar maktab avtobuslari tizimi joriy etilishini xohlashgan
Toshkent shahridagi maktablarda o‘quvchilarning xavfsiz va qulay qatnovini ta’minlash uchun School Bus tizimini joriy etish bo‘yicha o‘rganish ishlari boshlandi.
Hozirgacha o‘quvchilar soni ko‘p va tizimga ehtiyoj yuqori deb baholangan 29 ta maktabda 58 ming 369 nafar o‘quvchining oila a’zolari yoki vasiylari o‘rtasida so‘rov o‘tkazildi. Ishtirokchilarning 73,5 foizi maktablar uchun maxsus avtobus qatnovlarini tashkil etishni istagan.
Dastlabki natijalarga ko‘ra, o‘quvchilarning:
— 38,5 foizi maktabga piyoda keladi;
— 33,1 foizi ota-onalari tomonidan shaxsiy avtomobilda olib kelinadi;
— 18,3 foizi avtobusdan foydalanadi;
— 5,7 foizi taksidan foydalanadi;
— 3,5 foizi metro orqali qatnaydi;
— 0,9 foizi mikromobil vositalardan foydalanadi.
📋
So‘rov qolgan maktablarda ham davom ettiriladi. Yakuniy natijalar asosida o‘quvchilar oqimi, yo‘nalishlar, ehtiyoj mavjud avtobuslar soni, harakat jadvali, xavfsiz tushirish va olib ketish nuqtalari hamda boshqa tashkiliy masalalar o‘rganiladi.
👉
@hushnudbekreklama
👈
❓
Toshkentda ommaviy baholash natijasida ko‘chmas mulk qiymati 7-15 baravarga oshdi, endi soliqlar ham shunchaga oshadimi?
✅
Qisqa javob: bugungi kun uchun soliq umuman o‘zgarmaydi. Kelgusida soliq solish masalasi qayta ko‘rib chiqilishi mumkin, lekin unda ham keskin oshib ketmaydi, demoqda rasmiylar.
📝
Batafsil javob: Ushbu savolga Ko‘chmas mulkni ommaviy baholash milliy markazi direktor o‘rinbosari Feruz Sultonov quyidagicha javob berdi:
Ommaviy baholash natijasida aniqlangan qiymatni soliq stavkasi yoki soliq summasi bilan tenglashtirish to‘g‘ri bo‘lmaydi. Amaldagi qonunchilikka muvofiq, turar joylarning mulk solig‘i bazasi etib kadastr qiymati belgilangan.
Ya’ni, ko‘chmas mulkni ommaviy baholash natijasi bugungi kunda hech qanday huquqiy oqibatni keltirib chiqarmaydi.
Toshkent shahar natijalari bo‘yicha jamoatchilik muhokamasi yakunlanib, “Ko‘chmas mulkni ommaviy baholash to‘g‘risida”gi qonun qabul qilinganidan keyin, tegishli vazirlik va idoralar tomonidan soliqqa tortish masalasi ko‘rib chiqiladi.
Shuni alohida ta’kidlash joizki, soliq siyosatidagi har qanday o‘zgarishlar aholi va tadbirkorlar manfaatlari, aholini ijtimoiy himoya qilish va iqtisodiy vaziyatni hisobga olgan holda alohida ko‘rib chiqiladi. Ya’ni soliqlar keskin oshib ketadi, degan xavotirga o‘rin yo‘q.
👉
@hushnudbekreklama
👈