Ibrahim Gulyamov

Atiga
5️⃣
kun qolganini aytib qo'yishim kerak.
Chunki Respublika bo'ylab 3 kunlik intensiv dasturimiz boshlanmoqda.
Qashqadaryoliklar, 16-17-18–sentabr kunlari siz:
• Sotuvlarni qanday qilib tizimli oshirish;
• Muammoli xodimlar bilan qanday to'g'ri ishlash;
• Mahsulot yoki xizmatingizni qanday samarali reklama qilish
• Hamda, biznes va shaxsiy moliyani to'g'ri boshqarishni o'rganasiz.
Darslar boshlanmasidan ro'yxatdan o'tishga ulgurib qoling!
👉
Ro'yxatdan o'tish tugmasi
👉
Ro'yxatdan o'tish tugmasi

Rad etib bo‘lmas taklif
Mijozga bepul qiymat berish bilan ish tugamaydi.
Uni to‘liq xaridga yetaklaydigan kuchli bir taklif kerak bo‘ladi.
Birinchidan, taklifingiz bozordagi oddiy e’lonlardan ancha kuchli bo‘lishi shart.
Ikkinchidan, u aynan mijozning nozik dardi va xohishiga to‘liq yoqishi lozim.
Uchinchidan esa taklifdan bosh tortish odamga ahmoqgarchilikdek tuyulsin.
Odam uni rad qilishga ich-ichidan qiynaladigan darajada qulay bo‘lsin.
Shunday taklifgina raqobatchilarning xaridorlarini ham siz tomonga tortadi.
Bunday yondashuv orqali reklamadan kelgan har bir so‘rov xaridga aylanadi.
Siz bu taklifni ijtimoiy tarmoqlar yoki sarafan marketing orqali tarqatishingiz mumkin.
Lekin bunday taklifni to‘g‘ri shakllantirish uchun avval mijozni yaxshilab o‘rganish kerak.
Ertaga joriy xaridorlaringiz orqali biznesingizdagi eng katta sirlarni ochamiz.
YouTube'da bu bo'yicha kengroq tushuntirganman
https://youtu.be/mIv7cGHAwww
https://youtu.be/mIv7cGHAwww

Olishdan oldin ber
Mijoz sizga pul to‘lashdan oldin doim ichida ikkilanadi.
U pulini behudaga sarflab qo‘yishdan qattiq qo‘rqadi.
Ana shu qo‘rquvni yengish uchun biznesda bitta kuchli qoida bor.
Bu qoida "olishdan oldin ber" deb nomlanadi.
Xaridordan pul olishdan oldin unga qandaydir bepul qiymat berishingiz shart.
Bozordagi olma sotayotgan onaxon ham bu usulni juda yaxshi biladi.
U pul so‘rashdan oldin bitta olmadan kesib, ta’mini tatib ko‘rishga beradi.
Shirin ta’mni bepul his qilgan odam olmani sotib olmay ketolmaydi.
Bog‘cha biznesida ham bolaga 3 kunlik bepul sinov muddati taklif etiladi.
Natijada ota-ona bog‘chani sinab ko‘radi va xotirjamlik bilan shartnoma tuzadi.
Ertaga aynan rad etib bo‘lmaydigan taklifni qanday yasashni ko‘ramiz.
@IbrahimGulyamov

Potensial mijoz kim?
Ko‘pchilik tadbirkorlar hammaga birdek mahsulot sotishga urinadi.
Bunday yondashuv marketing byudjetini behudaga sarflashga olib keladi.
Sizga butun bozor emas, faqat potensial mijozlar kerak.
Potensial mijoz — sizdan xarid qilish ehtimoli yuqori bo‘lgan inson.
Bu insonlarda siz hal qilib bera oladigan aniq bir og‘riq bor.
Shu bilan birga ularda yechim uchun to‘lov qilishga pul ham bor.
Lekin bu toifadagi odamlar hali sizning korxonangizdan xarid qilmagan.
Ularning ayrimlari muammosiga zudlik bilan yechim izlayotgan bo‘ladi.
Boshqalari esa ehtiyoji bo‘lsa ham, xaridni keyinroqqa surib yuradi.
Ularning barchasini o‘zingizga tortish uchun bitta kuchli qurol kerak.
Ertaga ularni darhol harakatga keltiradigan asosiy prinsipni ko‘rib chiqamiz.
@IbrahimGulyamov

Daromad darajasiga ko‘ra 3 ta mijoz segmenti
Sizning mahsulotingizni sotib oladigan bozor daromadiga qarab 3 toifaga bo‘linadi.
Birinchi toifa — eng arzon yechimni qidiradigan quyi segment vakillaridir.
Ular uchun sifat yoki brend emas, birinchi navbatda eng past narx muhim.
Ikkinchi toifa — bozordagi eng katta qatlam bo‘lgan o‘rta segment hisoblanadi.
Bu odamlar narx va sifat o‘rtasidagi adolatli muvozanatga qarab qaror chiqaradi.
Uchinchi toifa esa narxdan ko‘ra yuqori servis va maqomni qadrlaydigan yuqori segmentdir.
Ular eng yaxshi qulaylik va o‘ziga xoslik uchun bemalol katta pul to‘laydi.
Siz qaysi segmentga xizmat qilishingizni aniqlash uchun sifatingiz va narxingizga qarang.
Keyin siz mahsulotingizni qaysi segmentning dardiga moslab sotayotganingizni aniq bilishingiz shart.
Ertaga o‘sha toifani darhol o‘zingizga jalb qiluvchi asosiy qoidani ko‘rib chiqamiz.
@IbrahimGulyamov

#1-kun
63% tadbirkorlarning dardi
500 ga yaqin tadbirkorlar o‘rtasida so‘rovnoma o‘tkazildi.
Ularning 63 foizi mijozlar oqimi kamligidan qiynalyapti.
Mijoz bo‘lmagan joyda hech qanday daromad ham bo‘lmaydi.
Daromad faqat o‘z muammosiga yechim topgan xaridordan keladi.
Xaridor do‘koningizga pul sochish uchun emas, muammosi bilan keladi.
Sizning biznesingiz esa ana shu muammoga aniq yechim berishi kerak.
Mijoz doimiy bo‘lishi uchun yechim unga to‘liq yoqishi lozim.
Lekin ko‘pchilik bizneslar xaridorning nima istayotganini umuman bilmaydi.
Shu sababli reklama bergani bilan kutilgan natijaga erisha olmaydi.
Ertaga sizga pul to‘lash ehtimoli bor insonlarni qanday tanlashni ko‘ramiz.
@IbrahimGulyamov

"Kuchli jamoa qurish" chellenjimizda 200ga yaqin tadbirkorlar ishtirok etishgan edi.
Bu hafta esa "Mijozlar oqimini oshirish" mavzusida gaplashamiz.
Bu chellenjga qo‘shilishni istasangiz, izohda "Mijoz" so‘zini yozib qoldiring.
Bugundan boshlaymiz.

Odatlar insonning deyarli butun hayoti va muvaffaqiyatini belgilaydi.
Yomon odatlar o‘z-o‘zidan paydo bo‘ladi lekin yaxshilari mehnat talab qiladi.
Iroda kuchi xuddi telefon quvvati kabi tez tugab qolishi mumkin.
Faqat irodaga suyanib yangi odat shakllantirish juda qiyin.
Odatlarning ildizi to‘g‘ridan-to‘g‘ri siz yashayotgan atrof-muhitga borib taqaladi.
Yomon davrada bo‘lsangiz ularning salbiy jihatlari sizga ham yuqadi.
Chirigan olmalar orasiga tushgan sog‘lom olma ham oxir-oqibat chiriydi.
Yaxshi odat shakllantirishning eng oson yo‘li to‘g‘ri muhitga kirishdir.
O‘zingiz xohlagan fazilatlarga ega insonlar davrasiga qo‘shiling.
Ularning harakatlarini takrorlasangiz beixtiyor o‘sha insonlarga aylanasiz.
@IbrahimGulyamov

Biznes xuddi mukammal yaratilgan inson organizmiga o‘xshaydi.
Organizmda har bir a’zo faqat o‘z vazifasini bajaradi.
Hech bir a’zo boshqasining ishiga xalaqit bermaydi.
Biznesda ham har bir bo‘lim mustaqil ishlashi shart.
Marketing sotuvga sotuv esa ta’minotga o‘z o‘rnida yordam beradi.
Bitta bo‘lim boshqasining vazifasini bajarsa tizim ishdan chiqadi.
Kompaniyadagi ayrim asosiy bo‘limlar to‘xtasa butun biznes o‘ladi.
Ikkilamchi vazifalar oqsayotgan korxona esa qiynalib yashashga majbur.
Har bir jarayonni o‘z vaqtida va joy-joyida ishlating.
Bo‘limlar bir-biri bilan hamohang ishlagan biznesgina sog‘lom rivojlanadi.
@IbrahimGulyamov