Uchqo‘rg‘on tuman hokimligi | Rasmiy kanal
ОБ-ҲАВО
“Ўзгидромет” Наманган вилояти бўйлаб 13 март куни кузатиладиган об-ҳаво маълумотини эълон қилди.
Унга кўра:
Ҳаво ўзгарувчан бўлади, ёғингарчилик кутилмайди. Баъзи жойларга туман тушади. Шамол шарқдан 7-12 м/с тезликда эсади. Ҳарорат кечаси 3° совуқ-2° илиқ, 8-13° илиқ бўлади.
Тоғли ҳудудларда:
Ҳаво ўзгарувчан бўлади, ёғингарчилик кутилмайди. Баъзи жойларга туман тушиши мумкин. Шамол шарқдан 7-12 м/с тезликда эсади. Ҳарорат кечаси 5-10° совуқ, кундузи 0-5° илиқ бўлади.
------------
OB-HAVO
“Oʻzgidromet” Namangan viloyati boʻylab 13-mart kuni kuzatiladigan ob-havo maʼlumotini eʼlon qildi.
Unga koʻra:
Havo oʻzgaruvchan boʻladi, yogʻingarchilik kutilmaydi. Baʼzi joylarga tuman tushadi. Shamol sharqdan 7-12 m/s tezlikda esadi. Harorat kechasi 3° sovuq-2° iliq, 8-13° iliq boʻladi.
Togʻli hududlarda:
Havo oʻzgaruvchan boʻladi, yogʻingarchilik kutilmaydi. Baʼzi joylarga tuman tushishi mumkin. Shamol sharqdan 7-12 m/s tezlikda esadi. Harorat kechasi 5-10° sovuq, kunduzi 0-5° iliq boʻladi.
Sayt
|
Telegram
|
Instagram
|
Facebook
|
Twitter
|
YouTube
Ёшлар учун ибрат: Германияда таҳсил олиб, Учқўрғонда тадбиркорликни йўлга қўйган Аббосбек
Учқўрғон тумани Тегирмон маҳалласида яшовчи 28 ёшли Аббосбек Абдурахмонов — билим ва меҳнатни уйғунлаштириб, юрти равнақига ҳисса қўшаётган ёшларимиздан бири.
У Германия давлатида таҳсил олиб, замонавий билим ва кўникмаларни эгаллади. Шу билан бирга, ўқиш давомида ишлаб ҳам малака ошириб, хориж тажрибасини амалиётда ўрганди. Олинган билим ва тажрибаларни юртида татбиқ этиш мақсадида Аббосбек юртимизга қайтиб, тадбиркорлик фаолиятини бошлади.
Ҳозирда у Учқўрғон туманида чорвачилик йўналишида фаолият юритиб, маҳаллий бозорни сифатли маҳсулотлар билан таъминлашга ўз ҳиссасини қўшмоқда. Шу билан бирга, қурилиш соҳасида ҳам тадбиркорлик фаолиятини йўлга қўйиб, янги иш ўринлари яратишга ҳаракат қилмоқда.
Аббосбек Абдурахмоновнинг асосий мақсади — хорижда орттирган билим ва тажрибаларини ўз юртида қўллаш, замонавий иш усулларини жорий этиш ҳамда маҳалла ёшлари учун ибрат бўлишдир. Унинг ташаббускорлиги ва меҳнатсеварлиги маҳалладаги кўплаб ёшларга илҳом бағишламоқда.
Бугунги кунда мамлакатимизда ёшларга яратилаётган имкониятлар, уларнинг билим олиши ва тадбиркорлик билан шуғулланиши учун кенг шарт-шароитлар яратилгани Аббосбек каби ёшлар мисолида яна бир бор ўз тасдиғини топмоқда.
Бу каби ташаббускор ёшлар эса юртимиз тараққиёти ва маҳаллаларимиз равнақига муносиб ҳисса қўшмоқда.
35 ЙИЛДАН СЎНГ — УЧҚЎРҒОН БОҒИ ЯНГИДАН ЖОНЛАНДИ
Узоқ йиллар давомида қаровсиз, ташландиқ ҳолатда бўлиб келган Учқўрғон Маданият ва истироҳат боғи бугунги кунда мутлақо янги қиёфада қайта жонланмоқда.
Боғ ҳудудида кенг кўламли ободонлаштириш ва реконструкция ишлари амалга оширилиб, 100 дан ортиқ замонавий интерактив аттракционлар ўрнатилди. Ушбу замонавий кўнгилочар мажмуалар болалар ва ёшларга қувонч бағишлаб, оилалар учун ҳам мароқли дам олиш масканига айланмоқда.
Энг қувонарлиси, қарийб
35 йил деганда боғ ҳудудига янги замонавий чархпалак ўрнатилмоқда
. Бу нафақат боғнинг кўркини янада оширади, балки туман аҳолиси ва меҳмонлари учун янги таассуротлар манбаи бўлиши кутилмоқда.
Янгиланган инфратузилма, кўнгилочар майдонлар, замонавий аттракционлар ва қулай дам олиш жойлари билан
Янги Учқўрғоннинг янги боғи
бугунги кунда туманнинг энг жозибадор масканларидан бирига айланиб бормоқда.
Шубҳасиз, бу каби замонавий боғ ҳудуди нафақат аҳоли учун дам олиш маскани, балки келажакда
Учқўрғон туризмининг муҳим марказларидан бири
бўлиб хизмат қилади.
🌱
“Яшил макон” — яшил келажак сари!
Учқўрғон тумани мактабгача ва мактаб таълими бўлимига қарашли 22-умумий ўрта таълим мактабида
“Яшил макон”
умуммиллий лойиҳаси доирасида кўчат экиш ишлари кенг кўламда амалга оширилмоқда.
Мазкур эзгу ташаббус доирасида мактаб ҳудудларини янада обод ва кўркам қилиш, атроф-муҳитни муҳофаза қилиш ҳамда ёшларда экологик маданиятни шакллантиришга алоҳида эътибор қаратилмоқда.
Кўчат экиш ишларида устозлар, ходимлар ва ўқувчилар фаол иштирок этиб, ўз мактабларини янада гўзал ва яшил масканга айлантириш учун астойдил меҳнат қилмоқдалар.
Қўлларига бел ва челак олган ўқувчи-ёшлар табиатни асраш, уни авайлаб-асраш каби эзгу қадриятларни амалда намоён этмоқдалар.
Бу каби тадбирлар нафақат ҳудудларни ободонлаштиришга, балки ёш авлодни табиатга меҳр-муҳаббат, ватанпарварлик ва масъулият руҳида тарбиялашга ҳам хизмат қилади.
🍃
Ҳар бир экилган ниҳол — келажак авлод учун мусаффо ҳаво, соя ва гўзал табиат демакдир.
УЧҚЎРҒОНДА ЁНҒИН ХАВФСИЗЛИГИ МАСАЛАЛАРИГА АЛОҲИДА ЭЪТИБОР ҚАРАТИЛМОҚДА
Учқўрғон туман Фавқулодда вазиятлар бўлими бошлиғи, подполковник А. Хамраев томонидан Деҳқонобод маҳалла фуқаролар йиғини ҳудудида жойлашган “Эшондедахон” жоме масжидида олиб борилаётган хизмат фаолияти билан танишилди.
Ташриф давомида масжидда хавфсизлик чораларининг ташкил этилиши, айниқса ёнғин хавфсизлиги талабларига риоя этилиши, электр жиҳозларидан тўғри фойдаланиш, фавқулодда ҳолатларнинг олдини олишга қаратилган профилактик ишлар ҳолати атрофлича кўриб чиқилди.
Шунингдек, туман ФВБ ходимлари ҳамда масжид масъуллари билан мулоқот ўтказилиб, жамоат жойларида хавфсизликни таъминлаш, эҳтимолий ёнғин ҳолатларининг олдини олиш, фавқулодда вазиятларда тезкор ҳаракат қилиш бўйича қўшимча тушунтириш ва йўриқномалар берилди.
Мутасаддилар томонидан айниқса, аҳоли гавжум бўладиган жойларда профилактик тадбирларни мунтазам олиб бориш, хавфсизлик қоидаларига қатъий амал қилиш зарурлиги алоҳида таъкидланди.
Бундай профилактик тадбирлар фуқаролар хавфсизлигини таъминлаш, жамоат жойларида осойишталик ва тартибни мустаҳкамлашда муҳим аҳамият касб этади.
УЧ АВЛОД УЧРАШУВИ — ВАТАНПАРВАРЛИК, ЭҲТИРОМ ВА ИБРАТ МАКТАБИ
Учқўрғон тумани Қўрғонча маҳалла фуқаролар йиғини ҳудудида жойлашган 27-сонли умумий ўрта таълим мактаби фаоллар залида ПҚ-92-сонли қарор ижроси доирасида маънавий-маърифий аҳамиятга эга бўлган “Уч авлод учрашуви” тадбири ташкил этилди.
Мазкур учрашувда туман “Нуроний” жамоатчилик кенгаши аъзоси, ИИБ заҳирадаги фахрийси З. Ислямов, ҳарбийлар кенгаши раиси Ф. Жўраев, маҳалла фуқаролар йиғини кексалар маслаҳат гуруҳи раиси В. Умаров, шунингдек, фаол нуронийлар М. Раҳманов, Н. Турсунов, Х. Хожиевлар иштирок этдилар.
Тадбирдан кўзланган асосий мақсад — ёш авлод қалбида Ватанга муҳаббат, юрт тақдирига дахлдорлик ҳисси, тинчлик ва осойишталикнинг қадрини англаш туйғуларини янада мустаҳкамлашдан иборат бўлди. Учрашув давомида нуронийлар ва фахрийлар ўз ҳаётий тажрибалари, босиб ўтган ибратли йўллари ҳамда эзгу маслаҳатлари билан ўқувчиларга катта маънавий сабоқ беришди.
Суҳбатлар жараёнида келажак авлодни ватанпарварлик руҳида тарбиялаш, юртимизда ҳукм сураётган тинчлик ва барқарорликни қадрлаш, ёшлар учун яратилаётган имкониятлардан самарали ва оқилона фойдаланиш масалалари алоҳида таъкидланди. Айниқса, Президентимиз томонидан ёшларга қаратилаётган юксак эътибор, таълим олиш, касб-ҳунар эгаллаш, спорт ва илм-фан соҳасида ўз салоҳиятини намоён этиш учун яратиб берилаётган кенг имкониятлар ҳақида атрофлича фикр-мулоҳазалар билдирилди.
Учрашув давомида нуронийлар томонидан ёшларга одоб-ахлоқ, катталарга ҳурмат, кичикларга иззат, Ватан равнақи учун муносиб ҳисса қўшиш каби ҳаётий муҳим тушунчалар ҳақида самимий насиҳатлар берилди. Бундай мулоқотлар ёшлар онгида миллий қадриятларга садоқат, оила ва жамият олдидаги масъулият ҳиссини янада кучайтириши билан аҳамиятли бўлди.
Тадбир кўтаринки руҳда, самимий ва мазмунли тарзда ўтди. Унда мактаб ҳаётида фаол иштирок этиб, юқори натижаларга эришаётган, билим ва интизоми билан тенгдошларига ўрнак бўлаётган бир гуруҳ ўқувчиларга фахрий ёрлиқлар ҳамда эсталик совғалари топширилди.
Бундай учрашувлар авлодлар ўртасидаги маънавий кўприкни мустаҳкамлаш, нуронийлар ҳаётий тажрибасини ёшлар онгига сингдириш ва уларни Ватанга садоқатли, фидойи инсонлар этиб тарбиялашда муҳим аҳамият касб этади.
«Катта чек» маҳалласида хавфсиз муҳит яратишга қаратилган чора-тадбирлар
Ўзбекистон Республикаси Президентининг 2026 йил 5 январь кунги ПҚ-1 ҳамда ПҚ-2-сон қарорларининг ижроси доирасида Учқўрғон тумани “Катта чек” маҳалласида махсус профилактик тадбирлар амалга оширилмоқда.
Жумладан, туман ИИБ бошлиғи у́ринбосари, подполковник Ш.Ботиров томонидан “Хавсиз ва соғлом юрт” кенг қамровли профилактик тадбирига жалб этилган ходимлар иштирокида йўриқнома ўтказилиб, жиноятчилик ва ҳуқуқбузарликларнинг олдини олишга қаратилган устувор вазифалар белгилаб берилди.
Маҳаллада хавфсиз муҳитни таъминлаш, жиноятчиликни барвақт олдини олиш ҳамда фуқароларнинг ҳуқуқий онгини ошириш борасидаги амалий ишлар изчил давом эттирилмоқда.
Uchqo'rg'on tumanida "xavsiz va sog‘lom yurt" profilaktik tadbirlari doirasida probatsiya hisobida turuvchi shaxslar bilan uchrashuv tashkil etildi
Tuman IIB boshlig‘i podpolkovnik U.B.Murodullayev tomonidan probatsiya hisobida turuvchi nazorat ostidagi shaxslar bilan uchrashuv o‘tkazildi.
Uchrashuv davomida mazkur shaxslar bilan profilaktik suhbatlar o‘tkazilib, qayta jinoyat sodir etishning oldini olish, qonunlarga qat’iy rioya qilish, jamiyatda o‘z o‘rnini topish hamda to‘g‘ri hayot yo‘lini tanlash masalalari yuzasidan tushuntirishlar berildi.
Shuningdek, nazoratdagi shaxslarni mehnat bilan band qilish, kasb-hunarga o‘rgatish, tadbirkorlik faoliyatiga jalb etish hamda davlat tomonidan yaratilayotgan imkoniyatlardan unumli foydalanish zarurligi alohida ta’kidlandi.
Uchrashuv yakunida nazoratdagi shaxslarning muammo va takliflari tinglanib, ularni ijobiy tomonga o‘zgarishi va jamiyatga moslashishiga ko‘maklashish yuzasidan tegishli tavsiyalar berildi.
“Yoshlar kuni” munosabati bilan Uchqo‘rg‘on tumanida "shaxmat va shashka" musobaqalari o‘tkazildi.
O‘zbekiston Respublikasi Prezidentining 2026-yil 24-fevral kuni yoshlar bilan o‘tkazilgan muloqotida har haftaning payshanba kuni “Yoshlar kuni” etib belgilanganligi munosabati bilan tumandagi 10-maktab o‘quvchilari o‘rtasida "shaxmat va shashka" bo‘yicha “Tuman IIB boshlig‘i kubogi” musobaqalari tashkil etildi.
Qizg‘in va murosasiz bahslarga boy o‘tgan musobaqalarning taqdirlash marosimida Uchqo‘rg‘on tuman IIB boshlig‘i podpolkovnik U.B. Murodullayev ishtirok etib, “Yoshlar kuni” doirasida yoshlarning sport bilan shug‘ullanishi, zamonaviy kasb va tillarni o‘rganishi hamda bandligini ta’minlashga qaratilgan tadbirlar muntazam o‘tkazilayotganini ta’kidladi.
Yakunda g‘olib va sovrindorlar diplom, medal hamda esdalik sovg‘alari bilan taqdirlandi.
“Yoshlar kuni” munosabati bilan Uchqo‘rg‘on tumanida Voleybol musobaqalari o‘tkazildi.
O‘zbekiston Respublikasi Prezidentining 2026-yil 24-fevral kuni yoshlar bilan o‘tkazilgan muloqotida har haftaning payshanba kuni “Yoshlar kuni” etib belgilanganligi munosabati bilan tumandagi 10-maktab hamda 45-maktablarda o‘quvchilar o‘rtasida Voleybol bo‘yicha “Tuman IIB boshlig‘i kubogi” musobaqalari tashkil etildi.
Qizg‘in va murosasiz bahslarga boy o‘tgan musobaqalarning taqdirlash marosimida Uchqo‘rg‘on tuman IIB boshlig‘i podpolkovnik U.B. Murodullayev ishtirok etib, “Yoshlar kuni” doirasida yoshlarning sport bilan shug‘ullanishi, zamonaviy kasb va tillarni o‘rganishi hamda bandligini ta’minlashga qaratilgan tadbirlar muntazam o‘tkazilayotganini ta’kidladi.
Yakunda g‘olib va sovrindorlar diplom, medal hamda esdalik sovg‘alari bilan taqdirlandi.
Mazkur tadbirlar yoshlar o‘rtasida sog‘lom turmush tarzini keng targ‘ib etish va ularning sportga bo‘lgan qiziqishini yanada oshirishga xizmat qilmoqda.