Abdulaziz Ahmad | Blog
Bugunga yetadi, kelasi safar Kalamar bilan Karidesni ko‘rsataman
😂
Hazil, albatta. Odatda ishxonadan kam video ulashaman.
Birinchidan, mumkin emas, ikkinchidan, ko‘rsatgim kelmaydi bunaqa narsalarni sizlarga.
Kanal kundalikku,
kelajakka faqat yaxshi xotiralar, chiroyli postlar qolishini xohlayman.
Yillar o‘tib qayta o‘qiganimda ko‘nglim ko‘tarilsin, kayfiyatim yaxshilansin...
@Ijoddardi
Rangini qarang, rangini! Bay-bay-bayy... :)
Tushlikka sakkizoyoqning to‘qqizinchi oyog‘idan sho‘rva qilyapman
😂
Baliq sezoni yopildi,
hamsi, istavrit, mezgit degich mayda baliqlar juda kam kelyapti,
issiqda tez buziladi, sasib qoladi rangi sarg‘ayib.
Bu paytda baliq restoranlari “yashab qolish” yo‘llarini qidirishadi,
sentyabrgacha asosan katta baliqlar, sakkizoyoq, qo‘ziqorin qo‘shishadi
menyuga. Kalamar, karidesli “ürün”lar “çeşit”ini ko‘paytirishadi...
Baliq sezoni ochilgach, yana hammasi iziga tushib ketadi.
Biz esa to‘qqizinchi oygacha mana shunday g‘ayritabiiy narsalarni tozalashga,
pishirishga, “pashshalashga” majburmiz :)
Ta’mi qanday bilmadimu, narxi juda qimmat. Hamma yerdayam topilmaydi. Porsiyasi 300 gramm bo‘ladi, ozgina narsaga 2-3 ming lira pul to‘laydi odamlar. O‘ta turqi sovuq narsa, pul bersayam yemasdim...
🙁
@Ijoddardi
Yoshligimda donasi 300 so‘mdan g‘isht quyardim, keyin sinfdoshlar bilan “tilichka”si 300 ming so‘mdan g‘o‘za poya o‘rib sotganmiz 8-9-sinflarda...
Abituriyentligimda har yozgi ta’tilni Navoiy shaharda o‘tkazardim.
“Umid” kafesida ofitsiantlik qilardim, kunlik 30 ming so‘mdan...
Hamqishloq akamiz bilan “stroyka”ga bordim orada,
oylik 700 ming so‘m edi, “katej” qurardik.
Dadam Sherzod akaga oylik bermasang ham mayli, hayotni ko‘rsin, ish o‘rgansin degani esimda...
O‘qishga kirdim, har xil ishlarni qilib ko‘rdim,
mardikor bozoridan tortib milliy haykalchalar yasaydigan firmagacha.
Oylik 1-1.5 million so‘m daromad qilardim...
Davlat ishi. “Yoshlar ovozi” gazetasiga 0.25 stavka ishga kirdim,
oyligim 650 ming so‘m, gonorarlar bilan 1 milliongacha
olardim darsdan keyin....
Turli nashrlarda ishladim, oyligim 7-8 milliongacha ko‘tarildi.
Lavozimim oshdi, yosh jurnalist sifatida oz-moz nomim chiqib boshladi,
tanlovlarda g‘olib bo‘ldim...
Hozir 1000$+ oylik olaman, baliqchiman. Ishlash ruxsatnomam tayyor bo‘lyapti, sog‘lik sug‘urtam bor.
Oilam yonimda, Turkiyadamiz uch yildan beri,
orzuyimdagi hayotga sekin-asta noldan erishyapman...
Anglaganim, maosh nisbiy tushuncha,
har bir qilgan ishimiz qancha pul topishimizdan qat’iy nazar
bir dunyo xulosa va tajribalar berar ekan insonga.
Agar 300 so‘mdan g‘isht quymaganimda yoki
kafeda, qurilishda ishlamaganimda edi,
balki hozirgi baliqchilik ishimni eplab ketolmasdim. Yanayam bilmadim.
Insonga 100 million dollar oylik ham kam, ko‘zimizni faqat tuproq to‘ydiradi. Ehtiyojlarimiz bitmaydi.
Eng muhimi, ichki xotirjamlik, sog‘liging, oilang tinchligi, hayotingda mazmun borligi ekan.
Bu tuyg‘uni bir kamaz pul ham bera olmaydi,
umrimizga, rizqimizga, topgan-tutganimizga baraka bersin ilohim,
eng yaxshi kunlarimiz hali oldinda!
Osuda tun...
@Ijoddardi
Mahdi va Safinaning kelajagi haqida ko‘p gaplashamiz onasi bilan...
Mahdi
aqlli, zukko, jismonan va ma’nan baquvvat, sog‘lom inson
bo‘lishini xohlayman. Kitoblarni yaxshi ko‘rsin, madaniyatli, ma’naviyatli inson bo‘lsin, deyman.
Ham bo‘sh bo‘lmasin,
mehnatdan qochmaydigan, ishning ko‘zini biladigan “shustriy” va halol
bo‘lishini xohlayman.
Ayniqsa, qora ishlarda ishlamasin, bunga ehtiyoji bo‘lmasin, xayoligayam kelmasin hatto,
har doim miyasi boqsin, bilimi bilan pul topsin,
kimlarningdir xizmatini qilib emas.
Lekin hayot, har xil vaziyat bo‘ladi,
mobodo qora ishdan boshqa chorasi bo‘lmaydigan holatga tushsa, u ishlarniyam eplab keta olsin,
mehnatning aybi yo‘q, tortinmasin, jirkanmasin, pul topish mashaqqatini bilsin...
Qizim kerak bo‘lsa
akasidan ham o‘tkir, ziyrak va ko‘p til-u hunarlarni o‘rgangan
birisi bo‘lishini istayman. Epli bo‘lsin, qiyinchilikka tik qaray olsin.
Ilm qilsin ikkalasi ham, TOP universitetlarning eng oldi, a’lochi va baxtli talabalaridan bo‘lsin.
San’atni sevsin, bir nechta musiqa asboblarini professional chala olsin,
kamida bitta sport turi bilan muntazam shug‘ullansin...
Aytgancha, mashina haydashni o‘rgansin, ikkalasining ham haydovchilik guvohnomasi bo‘lsin.
Men universitetni bitirdim, armiyaga borib keldim, uylandim, endi “prava”ga o‘qiyman deganimda Turkiyaga keldik,
faqat shu hujjatni ololmaganman. Ba’zida alam qilib ketadi talabalikda olib qo‘ymaganim...
Biz Mahdi va Safinaning kelajagini shunday tasavvur qilamiz.
Shu tarafga yo‘naltiramiz, yelkama-yelka turamiz,
Xudo xohlasa.
Ularga bu sharoitni yarata olish mening eng katta vazifam.
Buning uchun hali ko‘o‘o‘p mehnat qilishim kerak va qilaman ham.
Farzandlarimga o‘zlari xohlagan hayotni, onasi ikkalamiz orzu qilganimizdek kelajakni berish uchun bor kuch-g‘ayratimni beraman, nima qilish kerak bo‘lsa ortig‘i bilan qilaman, nasib. Qolgani Allohdan...
P.s. Farzandi borlar, siz o‘g‘il-qizingizning kelajagini qanday tasavvur qilasiz? Va bu yo‘lda nimalar qilyapsiz, tajribalaringizni bo‘lishing...
@Ijoddardi
- Kelajakda qizim bilan tortishib qolsam, tasavvur qiling, katta janjal bo‘lyapti. Qaysi birimizni himoya qilardingiz?
- O‘zimni...
Banklardan qarzdorlik, kreditga botish Turkiyada ham avj olgan, faqat maqsad bizdagidan farq qiladi...
Deylik, O‘zbekistonda Eshmat
to‘y qilish, uyini ta’mirlash, mashina yoki uy olish uchun
kredit oladi. Bu yerda aksariyat atrofimdagi insonlar shunchaki, “kaypiga” qarz olib tashlashgan banklardan...
Novvoy ustamiz bor, yoshi o‘ttizlar atrofida. Yosh.
Nechchidir yil ishlamadim, faqat kredit hisobiga yashadim, uyda yotdim, deydi.
Erta uylangan, to‘rt nafar farzandi bor. Hozir o‘sha qarzlarni to‘lash uchun majbur ishlayapti...
Amallab yopib olsam, yana o‘zimga dam beraman. Kredit olamanda yotaman uyda deydi.
Yashashdan yagona maqsadi shudek tuyuladi gohida. Yashash oson, biz uni qiyinlashtiramiz,
deb qo‘yadi ba’zida aqllilik qilib.
Kassir qizimiz hali 20 yoshlar atrofida, bo‘ynida to‘rt-besh yuz minglab krediti bor.
Nima qilgansan desa “gezdim, tozdum, hayatımı yaşadım” deb Bodrum, Antaliya, Istanbulda sayohat qilib tushgan rasmlarini ko‘rsatadi.
Endi ishlab to‘layapti qarzini...
Ustaboshimiz hayit bayramida qishlog‘iga ketdi oilasi bilan.
4 kunda bor pulini ishlatib, bankdan 200 ming lira kredit olishgayam ulguribdi, salkam 4500$,
uniyam yeb-ichib yuborgan...
O‘g‘liga yangi uchinchi mototsiklini olib beribdi. Mashinasini ta’mirlabdi, hovlisiga u-bu ikkinchi darajali narsalar olibdi, sovg‘a-salom va hokazo.
Baliq pishirayotsak, o‘g‘li bir texnika do‘konida telefonlar chegirmada sotilayotganini aytib qoldi.
Bo‘lib to‘lashga berarkan, oylik arzimagan 2-3 ming liradan tushyapti.
Ikkalasi tanlashdi va buyurtma berishdi yana kreditga.
O‘sha do‘kon telefon olgani uchun 5 ming liralik kupon berdi.
Uniyam ishlatamiz deb yana bitta telefon olishdi.
Hammasi bir necha daqiqada yuz berdi, qaraaab turdim og‘zimni ochib.
O‘lmasak to‘laymiz-da, o‘g‘lim,
o‘lib qolsam o‘zing yopasan bu qarzlarni dedi 17 yoshli o‘g‘liga hazil qilib.
Faqat onang bilmasin, qarz ustiga yana kredit oldingmi deb va’z o‘qiydi bo‘lmasa. Telefonni sovg‘a qilishdi deb aytamiz, dedi. Bundan ortiq qadrli meros bo‘lmasa kerak yigit kishi uchun! :)
Pulni boshqarish, moliyaviy bilimlar hammaga kerak. Yo‘qsa marketing tuzog‘iga tushib, “kapitalistik tort”larga aldanib, qarzga botib yuraverarkan kishi...
@Ijoddardi
Шахзод деган бола ким, қани ўша бола, охирги сонда "Заҳрафшон" билан "Эверест"и чиқибдику, деган кекса кишининг овози эшитилди. Қарасак, устоз Иброҳим Ғафуров турибди!