O’zMU rektori Inom Madjidov

#Forum
#xalqaro_hamkorlik
Ўзбекистон ва Тожикистон олий таълим муассасалари ректорларининг III форуми ўтказилди
Тожикистон Республикасининг Душанбе шаҳрида 12-14 март кунлари Ўзбекистон ва Тожикистон олий таълим муассасалари ректорларининг III форуми бўлиб ўтди. Мазкур нуфузли тадбир икки мамлакат ўртасида таълим, илм-фан ва инновациялар соҳасидаги ҳамкорликни янада мустаҳкамлашга хизмат қилувчи муҳим мулоқот майдонига айланди.
С. Айний номидаги Тожикистон давлат педагогика университетида бўлиб ўтган форумда Ўзбекистон Республикаси Олий таълим, фан ва инновациялар вазирлиги, Тожикистон Республикаси Таълим ва фан вазирлиги раҳбарлари, икки мамлакатнинг етакчи олий таълим муассасалари ректорлари, олимлар ва экспертлар қатнашди.
Мазкур форумда Ўзбекистон Миллий университети ректори Ином Маджидов ҳам иштирок этди. Ректор маъруза билан чиқиш қилиб, сўнгги йилларда Мирзо Улуғбек номидаги Ўзбекистон Миллий университетининг Тожикистоннинг етакчи олий таълим муассасалари билан ҳамкорлиги изчил ривожланиб бораётганини таъкидлади.
Форум доирасида Мирзо Улуғбек номидаги Ўзбекистон Миллий университети ҳамда Тожикистон давлат ҳуқуқ, бизнес ва сиёсат университети ўртасида академик ва илмий ҳамкорликни кенгайтиришга қаратилган ҳамкорлик тўғрисидаги келишув имзоланди.
🕊
Telegram
|
📱
Facebook
|
📱
Instagram

O‘zbekiston Milliy universiteti rektorining Xalqaro xotin-qizlar kuni munosabati bilan universitet jamoasi va talaba-qizlarga
bayram tabrigi
____
Поздравление
ректора Национального университета Узбекистана коллективу университета и студенткам по случаю Международного женского дня.
#RektorTabrigi
#8Mart
#XotinQizlar
🕊
Telegram
|
📱
Facebook
|
📱
Instagram

Ўзбекистон Миллий университетида Тошкент вилояти ҳокимлиги билан ҳамкорликда битирувчи ёшлар билан очиқ мулоқот ва меҳнат ярмаркаси ташкил этилди
Давлатимиз раҳбарининг топшириғига кўра, мамлакатимизда ҳар ҳафтанинг пайшанба куни вазирлик, идора ва ҳокимликларда “Ёшлар куни” сифатида белгиланган. Ушбу кунда
соҳаларга масъул раҳбарлар маҳаллалар ва таълим муассасаларига бориб, ёшлар билан учрашади, уларнинг муаммо ва таклифларини эшитиб,
ечим топиш бўйича тизимли ишларни ташкил этади.
Мазкур топшириқ ижроси доирасида айни пайтда Мирзо Улуғбек номидаги Ўзбекистон Миллий университетида Тошкент вилоятилик битирувчи талабалар учун очиқ мулоқот ташкил этилди.
Тошкент вилояти ҳокимлиги билан ҳамкорликда ўтказилган учрашувда
Ўзбекистон Миллий университети ректори Ином Маджидов, вилоят ҳокими ўринбосари Отабек Султонбеков,
барча туман ва шаҳар ҳокимларининг тегишли ўринбосарлари, таълим ташкилотлари масъуллари, бошқарма ва идоралар раҳбарлари, банк-молия муассасалари вакиллари ҳамда битирувчи талабалар иштирок этмоқда.
Мулоқот норасмий, самимий ва очиқ форматда ўтди. Тадбирда сўзга чиққанлар
мамлакат раҳбарининг ёшлар билан учрашуви давомида масъуллар олдига қўйилган устувор вазифалар
ҳақида тўхталиб, айниқса ишсиз ёшларнинг бандлигини таъминлаш, битирувчи талабаларга иш ўрни яратиш, уларнинг стартап ғояларини қўллаб-қувватлаш борасида амалга оширилаётган ишлар ҳақида батафсил маълумот бердилар.
Мулоқотдан сўнг
бошқарма ва ташкилотлар ҳамда ҳар бир туман ва шаҳардан келган масъуллар иштирокида бўш иш ўринлари ярмаркаси ташкил этилди
. Унда битирувчи талабалар ўзларига мос иш ўринлари билан танишиб, қизиқтирган саволларига жавоб олмоқда. Айрим ёш битирувчиларга маъқул келган иш ўринлари бўйича шу жойнинг ўзида иш берувчи ташкилотлар билан шартномалар ҳам имзоланмоқда.
🕊
Telegram
|
📱
Facebook
|
📱
Instagram

#Prezident_topshirig‘i
#seminar
Қўқон университетида ёшлар сиёсати, замонавий таълим ва ижтимоий қўллаб-қувватлаш механизмларини кенгайтиришга бағишланган семинар бўлиб ўтди
Тадбирни Олий таълим, фан ва инновациялар вазири Қўнғиротбой Шарипов кириш сўзи билан очиб берди. Шунингдек, Президент Администрацияси раҳбари ўринбосари Илҳом Сирожев, Ўзбекистон маҳаллалари уюшмаси раиси Қаҳрамон Қуронбоев, Спорт вазири Адҳам Икромов, Ёшлар ишлари агентлиги директори Алишер Саъдуллаев ҳамда Республика маънавият ва маърифат маркази раҳбари Отабек Ҳасанов иштирок этди.
Семинарда 24 февраль куни Президент Шавкат Мирзиёев раислигида ўтказилган ёшларнинг ташаббусларини қўллаб-қувватлаш бўйича қўшимча имкониятларга бағишланган йиғилишда белгиланган вазифалар ижроси муҳокама қилинди.
Мазкур семинарда Мирзо Улуғбек номидаги Ўзбекистон Миллий университети ректори Ином Маджидов ҳам иштирок этмоқда.
🕊
Telegram
|
📱
Facebook
|
📱
Instagram

Ўзбекистон Миллий университети ректори ёшлар билан очиқ ва самимий мулоқот ўтказди
Бугун университетда
“Ёшлар куни” муносабати билан битирувчи талабалар иштирокида “Ректор ва ёшлар” учрашуви
бўлиб ўтди. Мазкур тадбир талабаларнинг ғоя ва ташаббусларини эшитиш, уларни амалга ошириш механизмларини белгилаб олиш ҳамда ёшларнинг таклифларини амалиётга татбиқ этиш учун муҳим мулоқот майдони бўлиб хизмат қилди.
Учрашув аввалида университет ректори Ином Маджидов
24 февраль куни давлатимиз раҳбари томонидан ёшлар билан ўтказилган, уларнинг ташаббусларини қўллаб-қувватлаш
га бағишланган мулоқотда белгиланган устувор вазифаларга атрофлича тўхталди.
Хусусан, ёшларнинг интеллектуал салоҳиятини юксалтириш, уларнинг бандлигини таъминлаш,
инновасион ғоя ва ташаббусларни рағбатлантириш, таълим–ишлаб чиқариш интеграциясини мустаҳкамлаш
каби йўналишлар университет фаолиятининг устувор вазифаси экани таъкидланди.
Шунингдек,
битирувчи талабаларни муносиб иш ўринлари билан таъминлаш, йирик ишлаб чиқариш корхоналари ва ташкилотлар билан ҳамкорликни кенгайтириш,
уларнинг касбий фаолиятини муваффақиятли бошлаши учун зарур ташкилий ва институсионал шарт-шароитларни яратиш масалалари юзасидан аниқ режалар баён қилинди.
Учрашув очиқ мулоқот ва эркин фикр алмашиш руҳида давом этди. Талабалар ўз таклиф ва ташаббуслари билан фаол иштирок этдилар.
Ректор ҳар бир мурожаат ва таклифни атрофлича эшитиб, уларни қўллаб-қувватлашини билдирди ҳамда амалга ошириш механизмлари юзасидан аниқ йўналишлар белгилаб берди. Соҳа проректорлари, тегишли бўлинма раҳбарлари ва факултет деканларига
ҳар бир таклифни тизимли ўрганиш ва амалий натижага йўналтириш бўйича тегишли топшириқлар берилди.
🕊
Telegram
|
📱
Facebook
|
📱
Instagram

#PrezidentMurojaat
#RektorMunosabat
Олий таълимда замонавий билим ва рақобатбардош, профессионал компетенциялар – устувор вазифа
Кўксарой қароргоҳида Ўзбекистон Республикаси Президенти Шавкат Мирзиёевнинг ёшлар билан ўтказган очиқ ва самимий мулоқоти нафақат ёшларга катта имтиёз ва қулайликларни тақдим этган, балки мамлакатимиз таълим тизими, хусусан олий таълим муассасалари зиммасига улкан масъулият юклайдиган тарихий воқеа бўлди.
Мулоқотда давлатимиз раҳбари юртимиздаги 22 миллиондан ортиқ ёшларнинг иқтисодий, ижтимоий ва сиёсий ҳаётдаги ўрни ва салоҳиятини алоҳида таъкидлади. Ҳар йили 600 минг нафар ёш меҳнат бозорига кириб келаётгани, яқин йилларда бу кўрсаткич 1 миллион нафарга етиши прогноз қилинаётгани шароитида таълим тизимининг натижадорлиги энг долзарб масалага айланаётгани қайд этилди.
Айниқса, Президентимиз томонидан олий таълим муассасалари раҳбарларига қаратилган қатъий талаб – битирувчининг нафақат диплом, балки муносиб иш ўрни ва барқарор даромадга эга бўлиши зарурлиги ҳақидаги фикр барча ректорлар учун жиддий масъулият мезонини белгилаб берди. Бу талабни биз тизимни янада такомиллаштиришга қаратилган аниқ вазифа ва ишонч ифодаси сифатида қабул қиламиз.
Ўзбекистон Миллий университети учун бу мулоқот чуқур таҳлил ва янгича ёндашув босқичининг бошланишидир. Бугун олий таълим муассасаси фақат билим берувчи маскан бўлиб қолмаслиги, балки талабанинг касбий компетенцияси, амалий кўникмаси ва меҳнат бозоридаги рақобатбардошлигини таъминлайдиган муҳитга айланиши шарт.
Шу маънода, ёшлар ўртасида тадбиркорликка қизиқиш юқори экани, “Янги авлод тадбиркорлари” дастурини йўлга қўйиш ташаббуси илгари сурилгани олий таълим олдида янги уфқларни очади. Университетимизда ҳам талабаларнинг стартап ташаббусларини қўллаб-қувватлаш, бизнес кўникмаларини шакллантириш, амалиёт базаларини кенгайтириш ва иш берувчилар билан ҳамкорликни кучайтириш устувор йўналиш сифатида белгилаб олинади.
Давлатимиз раҳбари таъкидлаганидек, бирорта йигит-қиз эътиборсиз қолмаслиги керак. Бу тамойил университетимиз фаолиятида ҳам бош мезон бўлади. Ҳар бир талабанинг қизиқиши, салоҳияти ва келажак режасини инобатга олган ҳолда индивидуал ёндашув механизмлари кучайтирилади.
Куни кеча бўлиб ўтган очиқ ва талабчан мулоқот барчамиз учун масъулиятни янада теран ҳис этишга чорловчи муҳим сигнал бўлди. Ўзбекистон Миллий университети жамоаси ушбу масъулиятни чуқур ҳис этган ҳолда, таълим сифатини ошириш, битирувчилар бандлигини таъминлаш ва ёшларни замонавий билим, рақамли технологиялар кўникмалари ҳамда талаб юқори бўлган касб-ҳунар билан қуроллантириш борасида аниқ чора-тадбирларни амалга оширади.
Ёшлар – мамлакатимизнинг таянчи ва эртанги куни. Уларнинг ишончини оқлаш, уларга реал имконият яратиш ва натижа учун жавоб бериш – бугунги куннинг энг устувор вазифасидир.
Ином Маджидов,
Ўзбекистон Миллий университети ректори
🕊
Telegram
|
📱
Facebook
|
📱
Instagram

“Ko‘ksaroy” qarorgohida
Prezident Shavkat Mirziyoyevning yoshlar bilan muloqoti
boshlandi. Qoraqalpog‘iston, viloyatlar va Toshkent shahridagi studiyalardan uchrashuvda 60 mingdan ziyod yoshlar vakillari ishtirok etmoqda.
Davlatimiz rahbari yig‘ilganlarni samimiy qutladi.
“Yurtimizdagi
22 milliondan ziyod yoshlarimiz
timsolida biz
juda katta iqtisodiy, ijtimoiy va siyosiy kuchni
ko‘ramiz
”,
– dedi Prezidentimiz.
Har bir vazir, hokim, oliygoh rektori, texnikum, maktab direktori va boshqa mas’ullar hududidagi
yoshlarni til va kasb-hunar o‘rganishi, sport bilan shug‘ullanishi, g‘oya, loyiha va startapiga ko‘mak berib, ularni o‘stirishi, ishli va daromadli qilib, birorta yoshni e’tiborsiz qoldirmaslikka
yanada katta mas’uliyat bilan yondashib ishlashi lozimligi qayd etildi.
🕊
Telegram
|
📱
Facebook
|
📱
Instagram

Oʻzbekiston Respublikasi Prezidenti Shavkat Mirziyoyevning Tinchlik kengashining birinchi sammitidagi
nutqi
—
Выступление
Президента Республики Узбекистан Шавката Мирзиёева на первом саммите Совета мира
—
Address
by the President of the Republic of Uzbekistan Shavkat Mirziyoyev at the First Summit of the Board of Peace
Prezident.uz
|
Facebook
|
Instagram
|
YouTube
|
X

O‘zbekiston Milliy universiteti jamoasi prokuratura tarixi muzeyiga tashrif buyurdi
Bugun, 29-yanvar kuni O‘zbekiston Milliy universiteti jamoasi O‘zbekiston Respublikasi Bosh prokuraturasi huzuridagi O‘zbekiston prokuraturasi tarixi muzeyiga ma’naviy-ma’rifiy tashrif uyushtirdi.
Mazkur tashrifda universitet rektori Inom Madjidov boshchiligida soha prorektorlari, bo‘lim boshliqlari, fakultetlar dekanlari hamda mas’ul xodimlar ishtirok etdi. Ekskursiya doirasida prokuratura tizimining boy tarixi, uning davlatchilik taraqqiyotida tutgan o‘rni va huquqiy madaniyatni shakllantirishdagi ahamiyati hamda sobiq ittifoq davridagi tizim xodimlarining qatagʻon qilinishi holatlari bilan yaqindan tanishildi.
Muzey direktori Gulirano Orifjonova hamda prokuratura tizimida bir necha yillardan buyon faoliyat ko‘rsatayotgan faxriy xodim general-leytenant Tohir Mirzayev mehmonlarga hamrohlik qilib, prokuratura organlarining tashkil topish tarixi, uning rivojlanish bosqichlari, turli davrlarga oid nodir hujjatlar, arxiv materiallari va tarixiy eksponatlar haqida batafsil ma’lumot berdilar.
Tashrif yakunida O‘zbekiston Milliy universiteti rektori Inom Madjidov muzeyning faxriy mehmonlar kitobida esdalik qayd yozib qoldirdi. Rektor bundan keyin ham muzey bilan yaqindan hamkorlik qilinishi hamda talabalar ekskursiyalarini tashkil etilishini ta’kidlab, muzey jamoasiga minnatdorlik bildirdi.
🕊
Telegram
|
📱
Facebook
|
📱
Instagram

Xitoyning Jahon tarixi instituti bilan hamkorlik aloqalari yo‘lga qo‘yilmoqda
Bugun, 29-yanvar kuni, O‘zbekiston Milliy universitetiga Xitoy Xalq Respublikasining Ijtimoiy fanlar akademiyasi Jahon tarixi instituti (CASS) direktori professor Lyu Zuokui boshchiligidagi delegatsiyasi tashrif buyurdi. Mehmonlarni O‘zbekiston Milliy universiteti rektori Inom Madjidov qabul qilib, o‘zaro muloqot o‘tkazdi.
Uchrashuv davomida tomonlar o‘z faoliyatlari bilan tanishib, hamkorlik aloqalarini yo‘lga qo‘yishdan mamnun ekanliklarini bildirdilar. Xitoy tomoni O‘zbekiston Milliy universitetini O‘zbekistondagi eng nufuzli hamkor sifatida e’tirof etib, ilmiy salohiyatini yuksak baholadi.
Tarix fani yo‘nalishida ilmiy tadqiqotlar olib borish, qo‘shma ilmiy loyihalarni amalga oshirish, nufuzli jurnallarda ilmiy maqolalar chop etish, shuningdek, magistr va doktorantlarning ilmiy stajirovkalarini tashkil etish masalalari yuzasidan kelishuvga erishildi.
Uchrashuv yakunida hamkorlikni mustahkamlash hamda dastlabki kelishuvlar ijrosini ta’minlash maqsadida anglashuv memorandumi imzolandi.
🕊
Telegram
|
📱
Facebook
|
📱
Instagram