الصعود
ماشوم روزنه
(۱۱۰) نصیحتونه
52.د ماشوم په نفس کې نېک اخلاق زرغون کړئ!
هغه نېک اخلاق او غوره خویونه کوم دي، چې تاسې یې ماشوم ته خوښوئ؟ تاسې به خامخا سوچ کوئ او ذهن ته به مو عدل، سخاوت، تقوا، ريښتینولي، امانتداري، وفا، شجاعت، استقامت او رضا باالقضاء او نور راځي.
خو دا غوره خبره واوره!!! د ماشوم لپاره همدا کلونه د دې لپاره دي، چې دغو نېکو خویونو ته د هغه په نفس کې وده ورکړئ او هغه اخلاق چې د ماشوم په لومړیو شپږو کلونو کې د هغه په نفس کې راشنه شوي دي، په راتلونکي کې د ژوند تر وروستیو د ده د شخصیت اصلي برخه کېدلی شي.
په دې ارزښتونو او اخلاقو ټینګار وکړئ او په دې باندې په ټینګار مه ستړي کېږئ. خپل ځانونه د خپلو ماشومانو لپاره نمونه او بېلګه جوړ کړئ؛ ځکه اخلاق په لنډو ویناوو او بېلابېلو نصیحتونو نه زده کېږي، بلکې دوامداره روزنې، ښې پالنې، ډېر صبر، زیات کوښښ او د اوږدې مودې په ترڅ کې ترلاسه کېږي، دا هم مه هېروئ!!! چې یوه ښه عملي بېلګه له زرو خبرو غوره ده
دوام لري...
ماشوم روزنه
(۱۱۰) نصیحتونه
51.یوازې د اړتیا په وخت کې سختي کوئ، نور نرم او آرام اوسئ!
ماشوم یو نازک مخلوق دی، چې ستاسې پوره پوره نرمۍ، شفقت او مهربانۍ ته اړتیا لري؛ نو هېڅکله دومره سختي او ظلم مه کوئ، چې ماشوم در څخه وېره او ډار محسوس کړي او له تاسو سره له مخ کېدو نفرت کوي، د ماشوم له زیاتو غلطیو تېرېږئ او په هغه غلطۍ چې ماشوم یې ترسره کوي، ځان یقیني کوئ چې دا یې قصدا کړې او که د عمر د کموالي یا ناخبرۍ له وجې، څومره چې یې غلطۍ وړې وي، هغومره باید ستاسې چلند نرم او له مینې ډک وي، خندا مو باید په غوسه برلاسې وي، رحم مو په ظلم لوړ وي او بښنه مو باید تر سزا وړاندې وي.
دا هم په یاد لرئ! چې ځینې غلطۍ سزا ته اړتیا لري، خو د دې په مقابل کې دا هم په یاد لرئ! چې د څو دقیقو سزا او سختۍ وخت باید د ساعتونو او د ورځو په محبت او نرمۍ تېر کړئ (د ماشوم روزنه چې د یو څو دقیقو په سزا کې تر سره کوئ، باید د څو ساعتونو او آن ورځو په نرمۍ او محبت سره وکړئ)
دوام لري...
له نن څخه اته څلوېښت کاله وړاندې په همدې تاریخ " د ثور په اوومه" پر داود خان کودتا وشوه او حکومت یې نسکور شو.
📜
نوی درس
🖋
موضوع : ژورنالستانو ته د دعوت او ذهن جوړونې په اړه وينا.
🎤
غږ : مولوي عبدالهادی مجاهد
🕰
وخت: 1:25:52 دقیقه
🌍
خپرونکي : فکري درسونه.
📜
نوی درس
🖋
موضوع : د غربيانو له لوري د مسلمانانو د ولسونو او نظامونو غربي کول يا westernization څه ډول عمليه ده؟
🎤
غږ : مولوي عبدالهادی مجاهد
🕰
وخت: 1:17:05 دقیقه
🌍
خپرونکي : فکري درسونه.
د ايمان خوند به هغه څوک تر لاسه کړي چې په هغه کې دری خبرې پيدا شي:
۱- د الله تعالی او محمد صلی الله عليه وسلم سره محبت تر نورو ټولو زيات وي.
۲- د چا سره چې محبت کوي هغه صرف د الله تعالی په خاطر وي.
۳- د کفر طرف ته ګرځيدل داسې بد او د نفرت وړ بولي لکه په اور کې غورځېدل .
د علامه ابوالحسن علي ندوي رحمه الله د کتاب "بیا ارتدار دی، خو ابوبکر ورته نشته" له متن څخه
ماشوم روزنه
(۱۱۰) نصیحتونه
څلورمه برخه
ماشوم له درې کلنۍ تر شپږ کلنۍ
50.ماشوم ته اجازه ورکړئ، تر څو په خپلواکه توګه ستاسې خبره ومني!
مخکې مو وویل چې د اطاعت او نظم ریښې له اول کال شروع کېږي، خو دا کلونه د ماشوم لپاره برخلیک ټاکونکي دي، چې هغه اطاعت کوونکی دی او که خدای مه کړه نافرمانه.
کوښښ وکړئ، چې ماشوم ستاسې امرونه په خپواکه توګه ومني او مه یې پرېږدئ چې ستاسې خبره وغورځوي؛ مګر د دې کلونو په اخر کې ماشوم ته اجازه ورکړئ، چې ستاسې د امر او منع په اړه درسره خبرې وکړي.
خو دا امرونه باید د ماشوم له عمر او وخت سره برابر وي او کومه ستونزه ونه لري، مثلا: ماشوم له نورو ملګرو سره لوبې کوي او تاسې د یو کار امر ورته کوئ، د هغه زړه نه غواړي چې لوبه پرېږدي، نو تاسې هم وخت ورکړئ یا یې پوه کړئ، چې له لوبې ځان فارغ او ستاسې کار ترسره کړي، تر څو هغه په خپلواکه توګه او په خپله خوښه ستاسې خبره ومني
دوام لري...
ماشوم روزنه
(۱۱۰) نصیحتونه
49.ماشومان له یوه شي سره اموخته کېدو ته مه پرېږدئ!
ځینې ماشومان له یوه شي سره ډېر حساس او ورسره اموخته وي، لکه: د لوبو له سامان، بالښت او یا هم کمپلې سره.
له دې عادت سره ماشوم او والدین دواړه پازابېږي؛ ځکه دا شیان دوامداره نه وي او د ماشوم لپاره به د وخت په تېرېدو مناسب نه وي، هر کله چې ماشوم د دې شیانو پرېښودو ته اړ شي، نو هم دی او هم یې والدین په تکلیف وي، مثلا: د ماشوم د شیدو څکلو جوشک مات شوی وي، نو ماشوم پسې خفه وي او آن کله کله خو په شپو شپو خوب نه کوي.
ښه دا ده چې مور او پلار د دې عادت په وړاندې له اوله مبارزه وکړي او تر ټولو غوره لاره یې دا ده، چې وخت نا وخت د ماشوم شیان ورته بدل شي، لکه: د خوراک، خوب او لوبو شیان؛ تر څو هغه د دې شیانو په ځای له مور او پلار سره مینه وکړي
دوام لري...
ماشوم روزنه
(۱۱۰) نصیحتونه
48.ماشوم ته له زیات اظهار کولو او اندېښنې کولو ځان وساتئ!
کله مور خپل ماشوم زده کړې یا درس ته پرېږدي، نو که هغه پرېږدي او بیا پرې خفګان څرګندوي او یا یې په لیدو زیاته خوشحالي وښیي، نو په ماشوم کې د ویرې احساس پیدا کېږي.
د ماشوم امن او اطمينان د مور په امن او اطمينان پورې تړلی دی، که مور یې ډاډه وه، نو ماشوم هم ډاډه وي او که مور یې اندېښمنه وه، نو ماشوم هم اندېښمن کېږي؛ ځکه ماشوم به له ځان سره وایي، چې ولې مې مور دومره ډېره مینه راکړه، ښکل یې کړم او له سترګو یې اوښکې وبهېدې؟ هغه هېڅکله دا ګومان نه کوي چې دی دې د همدومره مینې وړ وي، نو دی هم اندېښمن کېږي
دوام لري...
قسم په الله! که د افغانستان هر څه اور واخلي او وسوځېږي بيا به هم اسامه رحمه الله امریکایانو ته ونه سپارم.
د ثالث عمر رحمه الله له ویناوو څخه