Islom Nuri
Шайтон инсонни ёмонлик сари югуртириб эмас, балки кўниктириб, ҳуркитиб юбормасдан, босқичма-босқич етаклайди. Аллоҳ таоло:
لَا تَتَّبِعُوا خُطُوَاتِ الشَّيْطَانِ
«Шайтоннинг йўлларига юрманглар
» (Нур, 21), деди.
Унинг йўли зулматли бўлгани учун кўнгилларни шундай овлашдан бошқа чораси йўқ.
✍🏻
Шайх Абдулазиз Тарифий
https://t.me/islomnuricom
«Aлбатта, Aллоҳ ва Унинг фаришталари Пайғамбарга саловат айтурлар. Эй иймон келтирганлар! Сиз ҳам унга салавот айтинг ва салом юборинг».
. . . . . . . . . .
(Aҳзоб сураси, 56-оят.)
. . . . . . . . . .
Aллоҳумма солли ва саллим ала Набиййина Муҳаммад...
. . . . . . . . . .
https://t.me/islomnuricom
🕌
#Жума_суннатлари
• Ғусл қилиш;
• Хушбўйланиш;
• Мисвок билан тишларни тозалаш;
• Покиза кийимларни кийиш;
• Каҳф сурасини ўқиш;
• Пайғамбаримиз соллаллоҳу алайҳи ва салламга кўп салавот айтиш;
• Масжидга эртароқ бориш;
• Жума кунида яширинган дуо ижобат бўладиган вақтни топишга интилиш.
📤
Каналдаги маълумотлар ва дарсларни яқинларингизга ҳам улашинг.
https://t.me/islomnuricom
#СаволЖавоб
Бирор буюм ясашни ўргатиш эвазига фойдадан улуш олиш ҳукми
Савол:
Отам шариатда рухсат этилган маълум бир буюмни ясаш сирини (технологиясини) билади. Бошқа давлатда яшайдиган бир қариндошимиз отамдан бу буюмни қандай ишлаб чиқаришни ўргатишни сўради. Отам унга бу ҳунарни ўргатиш эвазига у ишлаб чиқариб сотишни бошлаганда тушадиган фойдадан маълум бир қисмини (фоиз) олиб туришни шарт қилмоқчи. Яъни отам бу лойиҳага на пул ва на меҳнат билан шерик бўлади, чунки масофа узоқ ва у ерга бориб ишлашга имкони йўқ. Шу иш жоизми? Бир биродарим менга «Бу жоиз эмас, эҳтимол у одам зарар кўрар, отангиз эса фақат фойдани оламан деяпти», деди. Бу иш жоиз бўлмаса, қандай маслаҳат берасиз?
Жавоб:
Аллоҳга ҳамду сано, Пайғамбаримизга, у зотнинг аҳли оилалари ва саҳобаларига салавоту салом бўлсин.
Бирор кишига товар ишлаб чиқариш усулини ўргатиш эвазига унинг сотувидан тушадиган фойдадан маълум бир улуш олиш «ижора» (хизмат кўрсатиш учун ёллаш) бобига киради. Яъни буюмни ясаб сотадиган одам бу лойиҳани қандай амалга оширишни ўрганиш учун мутахассисни (отангизни) ёллаётган бўлади.
Бу ҳолатда иш ҳақи фойдадан олинадиган улуш (фоиз) қилиб белгиланмоқда. Иш ҳақини фойданинг маълум бир фоизи кўринишида белгилаш масаласида уламолар ихтилоф қилган.
Жумҳур (кўпчилик) уламолар фикрича, бу жоиз эмас. Чунки ижора шартномаси тўғри бўлишининг асосий шартларидан бири хизмат ҳақи аниқ маълум бўлишидир. Иш ҳақини фойданинг маълум бир фоизи қилиб белгилаш эса ушбу ҳақни номаълум қилиб қўяди (чунки қанча фойда тушиши ёки умуман тушмаслиги олдиндан маълум эмас).
Баъзи Ҳанбалий уламоларнинг фикрига кўра, бу иш жоиз. Улар буни «мусоқот» ва «музораъа» (ҳосилнинг маълум бир қисмини олиш шарти билан ерни ёки боғни деҳқонга бериш) каби шерикчилик турларига қиёслаб, иш ҳақини фойдадан улуш сифатида белгилаш мумкин, деганлар.
Ибн Қудома раҳимаҳуллоҳ «Муғний» китобида айтади: «Биров тикувчига мато бериб, ундан кўйлаклар тикиб сотишни ва меҳнати эвазига фойданинг ярмини олишини айтса, бу жоиздир. Бу Ҳарбнинг имом Аҳмаддан келтирган ривоятида очиқ айтилган. Шунингдек, бировга ип бериб, унинг учдан бир ёки тўртдан бир қиймати эвазига мато тўқиб беришни сўраса ҳам жоиздир».
Ибн Қаййим раҳимаҳуллоҳ эса буни ижора эмас, балки «мушорака» (шерикчилик) деб ҳисоблаган ва жоиз деган. У «Иғосатул лаҳфон» китобида бундай ёзади: «Бу ишни жоиз эмас деганлар уни ижора деб ўйлашди ва иш ҳақи номаълум дейишди. Тўғриси эса, бу ижора бобидан эмас, балки шерикчилик бобидандир. Имом Аҳмад буни очиқ баён қилган».
Хулоса қилиб айтганда, ушбу иккинчи фикрга кўра отангиз қариндошига бу ҳунарни фойданинг маълум бир улуши эвазига ўргатиши жоиз ҳисобланади. Бироқ уламоларнинг ихтилофидан чиқиш ва қалб хотиржам бўлиши учун (айниқса зарар кўриш эҳтимоли борлигини ҳисобга олиб) аввалдан аниқ бир маблағга ёки қатъий иш ҳақига келишиб олганлари яхшироқдир. Валлоҳу аълам.
Манба
: «Islam web» саҳифаcи, 535864-рақамли фатво.
https://t.me/islomnuricom
🌴
🌴
Эртага 10.09.2026, ҳижрий тарихда 28 – рабиул-аввал, 1448 йил пайшанба!
🌴
🌴
Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи ва саллам дедилар: «
Амаллар ҳар душанба, пайшанба кунлари
(Аллоҳга)
кўрсатилади. Менинг амалим рўзадор бўлган ҳолимда кўрсатилишини истайман
» (Имом Термизий ривояти).
Агар қодир бўлсангиз рўзадорлар карвонига қўшилинг! Агар қодир бўлолмасангиз, бошқа диндошларингизга эслатинг. Билмайсизки, сизнинг эслатишингиз сабабли қанчалар рўза тутаркин! Сиз сабабли рўза тутган киши баробарида сизга ҳам савоб ёзилади.
📤
Азизларингизга улашишни унутманг!
https://t.me/islomnuricom
◀️
Ислом никоҳга тарғиб қилади
🎙
Шайх Абдулҳафиз Домла раҳимаҳуллоҳ
🔵
https://t.me/islomnuricom
#Тафсири_муяссар
سورة الأحزاب
Аҳзоб сураси, 28–34 оятлар
يَا أَيُّهَا النَّبِيُّ قُل لِّأَزْوَاجِكَ إِن كُنتُنَّ تُرِدْنَ الْحَيَاةَ الدُّنْيَا وَزِينَتَهَا فَتَعَالَيْنَ أُمَتِّعْكُنَّ وَأُسَرِّحْكُنَّ سَرَاحًا جَمِيلًا (٢٨)
28. Эй Пайғамбар, олдингизга йиғилиб, сиздан нафақаларини кўпайтиришингизни сўраётган хотинларингизга айтинг: Агар дунё ҳаётини ва унинг зеб-зийнатларини истаётган бўлсангиз, келинглар, сизларга қўлимда бор мол-дунёдан берай, сўнг бирон зарар ва азият бермасдан сизлардан ажрашай.
وَإِن كُنتُنَّ تُرِدْنَ اللَّهَ وَرَسُولَهُ وَالدَّارَ الْآخِرَةَ فَإِنَّ اللَّهَ أَعَدَّ لِلْمُحْسِنَاتِ مِنكُنَّ أَجْرًا عَظِيمًا (٢٩)
29. Агар сизлар Аллоҳнинг розилигини, пайғамбарининг розилигини ва Аллоҳ охират диёрида сизлар учун ҳозирлаб қўйган мукофотларни истасангиз, яшаб турган шу ҳолингизга сабр қилинглар ва Аллоҳу Расулига итоат қилинглар. Аллоҳ сизлардан чиройли амал қилувчиларга улкан ажру савоблар ҳозирлаб қўйгандир. (Дарҳақиқат, улар Аллоҳ ва Расулини ва Аллоҳ улар учун охират диёрида ҳозирлаб қўйган мукофотларни танладилар.)
يَا نِسَاءَ النَّبِيِّ مَن يَأْتِ مِنكُنَّ بِفَاحِشَةٍ مُّبَيِّنَةٍ يُضَاعَفْ لَهَا الْعَذَابُ ضِعْفَيْنِ ۚ وَكَانَ ذَٰلِكَ عَلَى اللَّهِ يَسِيرًا (٣٠)
30. Эй Пайғамбар аёллари, сизлардан ким очиқ гуноҳни қилса, унга икки баробар азоб берилади. Бундай жазо бериш Аллоҳга жуда осондир.
Уларнинг мартабалари олий бўлгани учун Аллоҳ таоло улардан содир бўладиган гуноҳнинг жазосини ҳам оғир қилиши муносиб иш бўлди. Бу эса уларнинг шаънини ва Расулуллоҳ саллаллоҳу алайҳи ва салламнинг иззат-шарафларини сақлаш учун эди.
وَمَن يَقْنُتْ مِنكُنَّ لِلَّهِ وَرَسُولِهِ وَتَعْمَلْ صَالِحًا نُّؤْتِهَا أَجْرَهَا مَرَّتَيْنِ وَأَعْتَدْنَا لَهَا رِزْقًا كَرِيمًا (٣١)
31. Сизлардан ким Аллоҳ ва Расулига итоат қилса, Аллоҳнинг буйруқларини бажарса, биз унга бошқа хотинларнинг амалларига бериладиган савобнинг икки баробарини берамиз. Биз унга улуғ ризқни – жаннатни ҳозирлаб қўйганмиз.
يَا نِسَاءَ النَّبِيِّ لَسْتُنَّ كَأَحَدٍ مِّنَ النِّسَاءِ إِنِ اتَّقَيْتُنَّ ۚ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا (٣٢)
32. Эй Пайғамбар аёллари, сизлар фазлу мартабада бошқа аёллар билан бир хил эмассиз. Агар Аллоҳ ва Расулига итоат қилсангиз ва гуноҳлардан сақлансангиз, ҳеч бир аёл сизнинг даражангизга етолмайди. Шундай экан, бегона эркаклар билан мулойим овозда сўзлашманг, токи қалбида фисқ-фужур ва шаҳват марази бўлган кимса сизлардан ҳаром ишни тама қилиб қолмасин. Бу Аллоҳга ва охират кунига иймон келтирадиган ҳар бир аёлга фарз бўлган одобдир. Шак-шубҳадан узоқ бўлган ва шариатда ёмон саналмайдиган сўзларни сўзлангиз.
وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَىٰ ۖ وَأَقِمْنَ الصَّلَاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ ۚ إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا (٣٣)
33. Уйларингизда ўтиринг ва заруратсиз кўчага чиқманг. Исломдан олдинги жоҳилият пайтида аёллар қилганидек гўзалликларингизни намойиш қилманг. Бу хитоб ҳар бир асрдаги барча мўминаларга тегишлидир. Эй Пайғамбар аёллари, намозни вақтида тўкис адо этинг, закотни Аллоҳ буюрганидек беринг, Аллоҳ ва Расулининг буйруқ ва тақиқларига риоя қилинг. Эй Пайғамбар хонадони аҳли, Аллоҳ сизларни поклаш, сизлардан ҳар қандай озор ва ёмонликни узоқ қилиш, қалбларингизни буткул тозалаш учунгина сизларга бу тавсияларни қилмоқда. Пайғамбарнинг хотинлари ва зурриёти унинг аҳли байтидан саналади.
وَاذْكُرْنَ مَا يُتْلَىٰ فِي بُيُوتِكُنَّ مِنْ آيَاتِ اللَّهِ وَالْحِكْمَةِ ۚ إِنَّ اللَّهَ كَانَ لَطِيفًا خَبِيرًا (٣٤)
34. Уйларингизда ўқилаётган Қуръонни ва Пайғамбарнинг ҳадисларини эсда тутинг, уларга амал қилинг. Уларнинг қадр-қийматини билинг, чунки улар Аллоҳнинг сизларга берган неъматларидан. Аллоҳ сизларга ўта меҳрибон бўлганидан сизларни ўзининг оятлари ва Пайғамбарининг ҳадислари ўқиладиган хонадонга соҳиба қилди. У сизларни яхши билгани учун сизларни Ўз пайғамбарига хотинликка танлади.
https://t.me/islomnuricom
🌴
🌴
Эртага 07.09.2026, ҳижрий тарихда 25 – рабиул-аввал, 1448 йил душанба!
🌴
🌴
Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи ва саллам дедилар: «
Амаллар ҳар душанба, пайшанба кунлари
(Аллоҳга)
кўрсатилади. Менинг амалим рўзадор бўлган ҳолимда кўрсатилишини истайман
» (Имом Термизий ривояти).
Агар қодир бўлсангиз рўзадорлар карвонига қўшилинг! Агар қодир бўлолмасангиз, бошқа диндошларингизга эслатинг. Билмайсизки, сизнинг эслатишингиз сабабли қанчалар рўза тутаркин! Сиз сабабли рўза тутган киши баробарида сизга ҳам савоб ёзилади.
📤
Азизларингизга улашишни унутманг!
https://t.me/islomnuricom
Аллоҳнинг марҳаматига энг яқин киши кўпроқ истиғфор айтиб, тавба қиладиган кишидир. Аллоҳ таоло деди:
لَوۡلَا تَسۡتَغۡفِرُونَ ٱللَّهَ لَعَلَّكُمۡ تُرۡحَمُونَ
«
Марҳаматига эришишингиз учун Аллоҳдан мағфират сўрасангиз бўлмайдими?!
» (Намл, 46).
✍️🏻
Шайх Абдулазиз Тарифий
https://t.me/islomnuricom