Jalilov. Qaydlar
"Qo'l va oyoq boshqaruvi" natijasida yuzlab muammolar hal qilinayotgani aytilmoqda. Tizim ishlamasa, qo'l va oyoqqa qiyin ...
"Davlat ota-onalarga "bu sizlarning farzandlaringiz, darsliklarni o'zlaring sotib olinglar" demadi, butun og'irlikni o'z zimmasiga oldi..."
Ijtimoiy tarmoqlarda bir
video
muhokama
qilinmoqda. Unda Maktabgacha va maktab ta'limi vazirligi tizimidagi tashkilot rahbarlaridan biri ota-onalarning darsliklar yo'qligi va borlaridagi muammolar haqidagi e'tirozlariga javob bermoqda.
Bu yerda bir juda ham muhim jihat e'tibordan soqit qilinyapti:
kim kim uchun yuk, og'irlik?
O'z soliqlari hisobidan "davlat"ni (bu davlatni tamsil etuvchi chinovniklarni) boqayotgan va buning evaziga davlatdan ijtimoiy shartnoma - Konstitutsiya bo'yicha o'z zimmasiga olgan mas'uliyatni bajarishni talab qilayotgan ota-onalar va ularning farzandlarimi? Axir Maktabgacha va maktab ta'limi vazirligi va uning tizimidagi "bolalab ketgan"
tashkilotlar
, bu tizimdagi chinovniklarning ta'limga nafi ko'rinmayotgan "xizmat safarlari" deb atalmish sayohatlari uchun bir yil davomida ishlatilgan 3 mlrd so'mdan ortiq (!!!)
mablag'lar
, har bir
katta-yu
kichik
rahbarning tagidagi qimmatbaho xizmat mashinalari, shinam ofislar-u ulardagi jihozlar - bularning hammasi shu bolalari "yuk" bo'layotgan ota-onalar hisobisan emasmi?
Qolaversa, darsliklar masalasida. Har yili bu darsliklarni "yangilash" uchun ajratilayotgan
trillionlar
ham aynan shu soliq to'lovchilar - bolalari "yuk" bo'layotgan ota-onalar hisobisan emasmi? O'tgan yili ota-onalar darsliklar yo'qligi, ularni o'z hisobidan chiqarishga majbur bo'lishayotgani yuzasidan Bosh prokuraturagacha borishgan, lekin hech qanday reaksiya
bo'lmagan
edi. Vazirlik o'tgan hafta o'tkazgan matbuot anjumanida ham jurnalistlardan birining darsliklar sifati va ularning muttasil yangilanishi zarurati masalasida savol berganida tayinli javob bo'lmagan, javobni zaldagi jurnalistlardan biri berib qo'ya
qolgan
edi.
Xullas, kim kimga "yuk", "og'irlik" ekan endi?
P.S. Tushunishimcha, aslida bu video yangi emas - adashmasam, o'tgan yili bir guruh ota-onalar o'sha mashhur, jiddiy
e'tirozlarga
sabab bo'lgan CHSB-BSBlar masalasida vazirlik bilan tortishib yurgan paytlarda olingan. Lekin ayrim rahbarlarning fikrlash tarzini - "mana, biz (davlat) sizlarga shuncha narsa qilib beryapmiz, shukr qilinglar" tarzidagi yondashuvini yaxshi ochib beradi, nazarimda.
Darvoqe. Vijdon va
yolgʻon
haqida.
Oxirgi kunlarda auditoriyasi katta telegram kanallarda (shu jumladan, men hurmat qiladigan ayrim jurnalistlar yuritadigan kanallarda) aylantirilgan postlarni koʻrib, bir narsa xayolimdan oʻtdi.
Rostni ayta (yoza) olmasangiz, hech boʻlmaganda yolgʻonni ham aytmang (yozmang). Yolgʻonga xizmat qilmang. Juda boʻlmaganda, sukut saqlash huquqi bor sizda.
Tavsiya: "Qoʻrgʻoshin bolalar"
Begona bolalarni qutqarish uchun oʻz karyerasini va hayotini xatarga qoʻygan, tuzumga va bu tuzumning maxsus xizmatlariga qarshi chiqqan ayol haqida eshitganmisiz? Polshalik kinoijodkorlar suratga olgan "Qoʻrgʻoshin bolalar"
mini-seriali
shunday ayol haqida.
Shopenitse rayoni (Polsha) poliklinikasiga ishlashga kelgan shifokor
Iolanta Vadovska-Krul
shu hududda yashovchi bolalar salomatligi bilan bogʻliq gʻalati muammolarni kuzatadi: kamqonlik, holsizlik, ogʻiz boʻshligʻining qonashi va boshqalar. U mahalliy hukumat va xavfsizlik xizmatlarining qarshiligiga qaramay, yuzlab bolalardan tibbiy tahlillar oladi va ularda
saturnizm
(qoʻrgʻoshin va boshqa ogʻir metallardan zaharlanish) kasalligini aniqlaydi. Dastlab mahalliy aholi ham ularning bolalarini qutqarishga harakat qilayotgan jasur shifokorga qarshi chiqadi, lekin toʻsiqlar va xatarlarga qaramay, u dastlab bolalarning davolash uchun sanatoriylarga yuborilishiga, keyinroq esa oilalarning zaharlangan hududdan boshqa joyga koʻchirilishiga erishadi.
Film real voqealarga asoslangan. Albatta, unda badiiy toʻqima elementlari bor, lekin, masalan, "Amir Temur"
filmidan
farqli ravishda, bu toʻqima elementlar davr ruhiga va film syujetiga mos tushgan, tomoshabinni ishontiradi va asosiy gʻoyaga xizmat qiladi. Dekoratsiyalar va atributlar ham kommunizm hukmronligi ostidagi Polsha ruhiyatini ochib bera olgan, nazarimda.
Filmning vizual estetikasi "Chernobil" mini-serialini eslatadi. Albatta, "Chernobil" va "Qoʻrgʻoshin bolalar" har xil davlatlar va har xil yillarda boʻlgan voqealar haqida hikoya qiladi. Lekin umumiy
gʻoya
oʻxshash:
yolgʻonga asoslangan har qanday tuzum insonlar salomatligi, xavfsizligi va hayotiga "tupurib" qoʻygan,
garchi minbarlarda va qogʻozlarda "inson qadri" ulugʻlansa ham. Najot - faqat vijdoni uygʻoq, yolgʻonlarga va kerak boʻlsa tuzumga ham qarshi chiqishga oʻzida kuch topa oladigan insonlarda.
Men tayinli dars bermay, kitoblar bilan nazariyalar olamiga kirib qolgan, real ustozlar og‘riqlaridan uzoq, o‘z illuziyasida yashaydigan fan insoni emas ekanman.
Kimningdir qayergadir tashrifi tufayli oʻsha joyning muammolari hal boʻlganini samarali boshqaruv namunasi sifatida maqtayotganlar tashrifsiz muammolar hal boʻlmaydigan tizimning oʻzi qay darajada samarali, degan savolni qoʻysalar boʻlardi.
2026-yil 23-aprel, Butunjahon kitob kunida O‘zbekiston Milliy kutubxonasida “Behalovat avlod” kitobi mavzusiga bag‘ishlangan ochiq va qizg‘in muhokama uchrashuvi bo‘lib o‘tdi.
Tadbir “Farengeyt Press” nashriyoti tashabbusi bilan
Qamar kitoblar do‘koni
hamkorligida tashkil etilib, unda mutaxassislar, pedagoglar, ota-onalar hamda kitobxonlar ishtirok etdi. Muhokama davomida ijtimoiy tarmoqlar va raqamli muhitning o‘smirlar ruhiy salomatligiga ta’siri, diqqat yetishmovchiligi muammolari, yolg‘izlik va xavotir holatlarining ortib borishi kabi dolzarb masalalar keng yoritildi. Ishtirokchilar kitobda ilgari surilgan g‘oyalar asosida bugungi ta’lim va tarbiya tizimidagi muammolarni tahlil qilib, o‘z fikr-mulohazalarini bildirdi.
Ijtimoiy psixolog, Nyu York universiteti professori Jonathan Haidt muallifligidagi mazkur asar 2024-yilda nashr etilgan bo‘lib, 2025-yil kuzida o‘zbek tiliga tarjima qilindi. Ilmiy tadqiqotlarga asoslanib yozilgan mazkur kitob qisqa vaqt ichida bir necha tillarga o‘girildi va turli mamlakatlarda keng muhokamalarga sabab bo‘ldi.
Nashriyot vakillarining ta’kidlashicha, ushbu kitobning o‘zbek tiliga tarjima qilinishi mazkur mavzuni o‘zbek tilidagi jamoatchilik muhokamasiga olib kirish bilangina cheklanmay, balki yanada sifatli, dalillarga asoslangan va ongli muhokama qilish imkonini yaratishga qaratilgan. Shuningdek, bu tashabbus orqali o‘zbek kitobxonlari ushbu global muhokamalarga bevosita qo‘shilish, masalani yuzaki emas, balki chuqur va xabardor holda anglash imkoniga ega bo‘layotgani qayd etildi.
Tadbirda, shuningdek, ayrim davlatlarda ijtimoiy tarmoqlardan foydalanishni cheklash bo‘yicha ko‘rilayotgan choralar hamda ijtimoiy media kompaniyalarining bolalar salomatligiga ta’siri yuzasidan xalqaro darajadagi bahslar haqida ham so‘z yuritildi. Uchrashuv yakunida ishtirokchilar mavzuning dolzarbligini ta’kidlab, bu borada kengroq jamoatchilik muhokamasini davom ettirish zarurligini qayd etdilar. Tadbir “Behalovat avlod” kitobining o‘zbek tilida nashr etilishi jamiyatda muhim ijtimoiy masalalar yuzasidan asosli va ochiq muloqotlar uchun zamin yaratayotganini yana bir bor ko‘rsatdi.
Suratlarni “Yoshlar ovozi" gazetasi fotomuxbiri Xolida Musulmon olgan
“Таълимда ёдлаш тизими ҳамон ҳукмрон ва мактаблар табақалаштирилган”
Komil Jalilov O‘zbekistonda PISA tavsiyalariga zid siyosat yuritilayotganini aytdi. Vazirlik esa ta’limda yodlash ustunligini tan olib, islohotlar boshlanganini bildirdi. Tabaqalanish masalasi esa mamlakat sharoiti bilan izohlandi.
https://www.gazeta.uz/oz/2026/04/23/pisa/
Telegram
|
Instagram
|
YouTube
Qiziq termin oʻrgandim bugun.
Агиография (от греч. hágios — святой и graphía — пишу) - биография политика, знаменитости или бизнес-лидера, которая намеренно игнорирует недостатки героя и превращает его жизнь в безупречный миф.
Bu terminni aynan bugun oʻrganishim mutlaqo tasodif boʻlib, hech qanday yangiliklarga aloqasi yoʻq.