Javlon Jovliyev

#ijodiy_tanlovlar
#bolalar_uchun
BOLALAR UCHUN YOZAMIZ: MILLIY ERTAKLAR
🎬
Bolalar kontentini rivojlantirish markazi
yozuvchi va shoirlar oʻrtasida
milliy ertaklar yoʻnalishida ijodiy tanlov
eʼlon qiladi.
Bunda milliy ertaklarni zamonaviy talqinda qayta ishlash hamda yangi original ertaklarni taqdim qilish mumkin.
Ertaklar bolalarni adolatli boʻlishga, mehnatsevarlikka, birdamlikka, jamoa boʻlib ishlashga, yovuzlikka qarshi birlashib kurashishga oʻrgatadigan, qiz bolalarning jamiyatdagi oʻrni muhimligini ko‘rsatadigan, bolalar qalbi va ongida vatanparvarlikning ilk kurtaklarini shakllantiradigan boʻlishi kerak.
Tanlovga tayyor ertaklar qabul qilinadi.
Ekspertlar kengashi tomonidan eng yaxshi deb topilgan
kichik hajmdagi ertaklar
yagona toʻplam holiga keltiriladi va Markaz tomonidan chop etiladi, mualliflarga gonorar toʻlanadi.
Yirik hajmdagi ertaklar
va
ertak-qissalar
alohida holda chop etiladi va mualliflarga gonorar toʻlanadi. Ular asosida kelgusida
ertak-filmlar
suratga olinadi.
Ertaklar asosida to‘liq va qisqa metrajli ertak-filmlar yaratilganida, mualliflarga qoʻshimcha gonorar toʻlanadi.
Tanlovga hujjatlar
2025-yil 28-oktyabr
dan
2025-yil 28-noyabr
gacha qabul qilinadi.
Batafsil ma’lumotni
shu yerdan
olishingiz mumkin.
✉️
Elektron pochta:
press@bolalarkontenti.uz
,
childrenscontentuz@gmail.com
☎️
Telefon:
+998555111505 (ichki 1005).
📍
Manzil:
Toshkent shahri, Olmazor tumani, Ziyo ko‘chasi, 2-“A” uy.
📱
Telegram
|
📱
Facebook
|
📱
Instagram
|
📱
X

Санъат қатъиятли меҳнатни, ҳеч нарсага қарамай ижод қилишни ҳамда доимий кузатувчанликни талаб қилади. Қатъият замирида мен нафақат оғир меҳнатни, балки турли одамлар эътирозига қарамасдан, ўз йўлингдан чекинмасликни ҳам тушунаман.
*
Ақл ғайрати ва қалб туғёнларидан ташқари у сендан янада кўпроқ нарсани сўрайди ва бу жараён кундан кунга кучаяверади. Қурбонликлар шу қадар улканки, рангтасвир билан шуғулланиш ҳарбий юришда, жангда ёки урушда қатнашиш билан баробар.
*
Жиддий истеъдодга эга рассом меҳнатлари самарасини кўришга умид қилиши шарт эмас. Афсуски, импрессионистларни тушунишга ва суюшга қодир даражада ақлли бўлган мухлисларнинг салмоқли қисми уларнинг асарларини сотиб олиш учун ҳаддан ташқари камбағал.
*
Ҳаёт ўтиб бораётир ва уни орқага қайтаролмайсан, бироқ айнан шу сабабли мен бор кучимни ижодга бағишламокдаман. Афсуски, ижод қилишинг учун доимо имкон бўлавермайди. Менинг ҳолатимда (бу ўринда рассом ўзи йўлиққан руҳий дардни назарда тутмоқда) эса бу янада оғир, ахир одатий хуружлардан кучлироқ бўлган руҳий тапваса мени рассом сифатида бутунлай йўқ қилиши мумкин.
Ван Гог
@javlonjovliyev

Inson qanchalik noodatiy bo'lsa, tashqi ko'rinishi shunchalik oddiy bo'ladi.
©️
Paul Koelo
@javlonjovliyev

Ba'zida so'zlar umuman kerak emas, hatto ular zararli. Tabassum, sukut, kutish, qo'lni-qo'lga berish, bag'ringizga bosish - bu ko'pincha tushunmovchilik, dushmanlik va kamsitilish tog'ini yo'q qilishga qodir.
Remark
@javlonjovliyev

Hech bir soha adabiyotchalik dardni ko'rsatib bera olmaydi.
Xurshid Do'stmuhammad
@javlonjovliyev

Kecha bolalarni
Magic City
ga olib borgandik Muqumiy teatrining ertangi kun uchun repertuar afishasini koʻrib qoldik. “
Usmon Nosir”
spektakli qoʻyilarkan. Bu spektal premyera boʻlganda bolalar juda yosh edi, endi
muallif
bilan tanishtirdim)
Qiziqqanlar bugun borib tomoshani koʻrishi mumkin.
@javlonjovliyev

Ulug' san'atkor
Shukur Burhon
haqida ko'rsatuv (TV_ARXIV)
"Toza yurakni hech qachon qo'rqitib bo'lmaydi!"
@javlonjovliyev

– Сен ишлаш деганда эртадан кечгача ёзишни тушунасанми? Бир ой ўттиз кун бўлса, мен шундан ўн кунини асар ёзиш учун ажратаман. Қолган йигирма кунини ўқиб-изланиш учун бағишлайман. Шаҳар кутубхонасидан деярли барча Москва газета-журналларини олиб келиб ўқийман. Ижтимоий-сиёсий китобларни ўқийман. Масалан, “Отамдан қолган далалар” романимни яратиш учун... юзлаб қишлоқ хўжалик дарсликлари, сиёсий қўлланмаларни ўқиб чиқдим, юзлаб! Далама-дала юриб, ўнлаб пахтачиликка оид дарсликларни... пахтапайкалларга солиштириб-солиштириб ўқидим! Айни кунларда Шолоховнинг “Тинч Дон” романини ўқияпман. Адашмасам, мазкур романни ё тўртинчи бор, ё бешинчи бор ўқидим. Ҳар ўқишимда бадиий кўзим қайтатдан очилади. Ўзимни... гўдак бир қаламкаш ҳис этаман! Ана шу гўдакликдан улғайиш учун тағин қўлимга қалам оламан.
Ўзбекистон халқ ёзувчиси Тоғай Муроднинг “Танланган асарлар”и 3-жилдидан
@javlonjovliyev

Фолкнердан қайси адабий оқимга мансублигини сўрашганда иккиланмай:
«Мен шундай ўйлайман ва, фаҳмимча, бор гап ҳам шу: мен тааллуқли ва мансуб бўлган бирдан-бир мактаб бу – гуманизм мактабидир!»
–
деганди.
@javlonjovliyev

​​
Sührob Ziyo şe‘rlari...
Sührob Ziyo şe‘rlari – mağrür şe‘rlar, öktam şe‘rlar!
Sührob Ziyo şe‘rlari – qanot qoqayotgan – olğa uçayotgan şe‘rlar!
Sührob Ziyo şe‘rlari – kelajakka tomon oqayotgan, bulğanmagan, zilol şe‘rlar, halol şe‘rlar!
Ünıng şe‘rlari adabiy bodilikdan xoli, tamagirlikdan, ğarazdan, fasoddan yiroq.
Ünıng şe‘rlari şan söramaydı, non söramaydı, üy söramaydı.
Sührob Ziyo şe‘rlari – gadoy şe‘rlar emas!
Sührob Ziyo şe‘rlari – podşo şe‘rlar!
Nega?
Çunkı bü şe‘rlar ortida bır yıgıtga tatırlık umrşerık podşolık – ot üstidagi yıgıtlıknıng nikel ziynati gijinglaydi...
Tüğildi kün müborak bölsin!
Alibek Anvariy
KINOYA
Oydan tushib keldi ipak karvoni,
Qorda yiltiraydi yulduzning qoni,
Ey yerning bandasi, ko‘ngli osmoni,
Uyqusi muzlagan bedor shaharda,
Yozing, bu dunyosi bir gap bo‘lar-da.
Kastumni ilgakka oting, janobim,
Ko‘ngilnıing hirqasin yoping, janobim,
Boshliqqa bir iloj toping, janobim,
Yoziq kadrdamas, yoziq qadarda,
Yozing, bu dunyosi bir gap bo‘lar-da.
Telefon o‘chiqmi, qog‘oz yo‘qmi, xo‘sh?
Vazir qarorining orqa beti bo‘sh,
Bu yurtda bir mushkul ko‘tarmasdi bosh,
Shu qarorning kuchi bo‘lsa agarda,
Yozing, bu dunyosi bir gap bo‘lar-da.
Dazmol bosilgan shim maysadan nolir,
Olib o‘rgangan qo‘l nasyadan nolir,
Asli mayda odam maydadan nolir,
Millatning oyog‘i turganda jarda
Yozing, bu dunyosi bir gap bo‘lar-da.
Ifor tashib kelar dunyoga har gul,
Ushoqmas, ushshoqqa kuy tashir bulbul,
She'r tashib yuribsan, ey qorni g‘ul-g‘ul,
Ketarmiz, bizdan so‘ng shu so‘z qolar-da,
Yozing, bu dunyosi bir gap bo‘lar-da.
Suhrob ZIYO