Журналистика.уз

Солиқ қўмитасининг матбуот котиби бошқа ишга ўтди
Солиқ қўмитаси раисининг тегишли буйруғи билан Тўраев Тўра Эргашевич Солиқ қўмитасининг Инсон ресурсларини ривожлантириш ва бошқариш бошқармаси бошлиғи лавозимига тайинланган.
Т.Тўраев тайинловга қадар Солиқ қўмитасининг Жамоатчилик билан алоқалар бошқармаси бошлиғи - Раиснинг Матбуот котиби лавозимида фаолият юритиб келаётганди.
@jurnalistikauzbek

Яна бир блогер қамалди
Блогер Сирожиддин Одиловни ҳибсга олингани тасдиқланди
Бир неча соат муқаддам жиноят ишлари бўйича Самарқанд вилояти Пастдарғом тумани суди Ўзбекистон Республикаси ЖКнинг 165-моддаси (Товламачилик)да акс этган жиноятни содир этганликда гумонланган Сирожиддин Одиловни қамоққа олишга санкция берди. Бу маълумотни Самарқанд ИИБ тасдиқлади.
“Самарқанд вилояти Пастдарғом туманида яшовчи 1961 й.т. фуқаро Р.X. туман ИИБга ариза билан мурожаат қилиб, 2024 йилнинг август ойларида Тошкент шаҳрида яшовчи 1980 й.т. С.А. га, бошқа шахс билан ўрталаридаги молиявий масаласини ҳал қилиб беришини сўраб мурожаат қилган вақтида, С.А. ваколатли шахс бўлмасада, жабрланувчидан ишини унинг фойдасига ҳал қилиб бериш эвазига маълум миқдорда пулларни олганлиги ва ҳозирги кунга қадар ваъдасини бажармасдан, алдаб келганлиги боис, қонуний чора кўришни сўраган”, дейилган ИИБ хабарида.
«Эзгулик» жамияти раҳбари эса бу ҳолатда ноқонунийлик бор демоқда.
«Сирожидиннинг жиноят иши дебочаданоқ процессуал хатолар билан бошланди. Эҳтиёт чорасини белгилаш бўйича маҳкамага пойтахтдан борган икки нафар адвокат ордери бўла туриб қўйилмади, аксинча, давлат адвокати иштирок этди», деб ёзди инсон ҳуқуқлари фаоли Абдураҳмон Ташанов.
Ташановнинг таъкидлашича, ҳимояланиш ҳуқуқи шахснинг империатив ҳуқуқи бўлиб, бундай ҳуқуқнинг бузилиши жиноят ишининг холис кўрилишига шубҳа уйғотади. «Тизим эндиликда бундай шубҳаларни пардалаш учун айбсизлик презумпциясига зид равишда Одилов шахсига нисбатан троллинг уюштиради, деган гумондаман», деб ёзади у.
«Сирожиддин медиа» ютуб каналида 915 мингдан ортиқ обуначи бўлиб, кнйинги кунларда Фарғона вилоятида ИИБ вакиллари ва Гулираъно Қосимова суд ишини фаол ёритиб келаётган эди.
Telegram
| Instagram
|
You Tube
|
Facebook
|
X

Янги раҳбар учрашувларни ёшлардан бошлабди
Қуйидаги эълон журналистлар уюшмаси каналига жойланди:
Эртага — 2026 йил 12 март куни Ўзбекистон Миллий матбуот марказида “Ёшлар куни” доирасида Ўзбекистон Журналистлар уюшмаси раҳбариятининг ёш журналистлар билан мулоқоти ўтказилади.
📍
Манзил: Навоий кўчаси, 16-уй
⏰
Бошланиш вақти: 2026 йил 12 март, соат 11:00
✅
Тадбирга барча ёш журналистлар таклиф этилади.
✔️
Куни кеча Шуҳрат Ориф МММга бекорга бормаган экан. Нега тепаларга қараб юрибди, ремонт бошланармикин, деб ўйлагандим. Тадбир ўша ерда бўларкан. Ёш журналистлар бемалол бораверилар, катта бино жой кўп, ҳувиллаб ҳам ётганди анчадан буён.
@jurnalistikauzbek

Мен билган энг яхши мутахассислардан бири Акмал Назаров «Ўзбеккосмос»га матбуот котиби бўлди
Рақамли технологиялар вазирлиги ҳузуридаги Космик тадқиқотлар ва технологиялар агентлиги («Ўзбеккосмос») директори матбуот котиби – ахборот сиёсати масалалари бўйича маслаҳатчиси лавозимига
Назаров Акмал Нариманович
тайинланди.
Акмал Ўзбекистоннинг асосий «молия томири» бўлган Марказий Банкнинг матбуот котиби бўлган вақтда роса журналистлар билан яхши ишлаганди. Очиқ, эркин саволлар бериладиган матбуот анжуманлари, самимий учрашувлар билан эсда қолган бу давр
😊
Янги иш жойида ҳам Назаровнинг креатив фаолият олиб боришига ишонаман.
Маълумот учун, А.Н. Назаров 2004 йили Ўзбекистон давлат жаҳон тиллари университетининг Халқаро журналистика факультети бакалавриат босқичини, 2007 йилда Ўзбекистон Миллий университетининг Журналистика факультети Жамоатчилик билан алоқалар йўналиши бўйича магистратура босқичини тамомлаган.
У фаолиятини 2004 йилда Ўзбекистон Миллий ахборот агентлигида шарҳловчи лавозимида бошлаб, кейинчалик «Пойтахт FM» радиосида янгиликлар муҳаррири, «Банк ахборотномаси» газетаси мухбири ва бош муҳаррири, «Бозор, пул ва кредит» журнали Инновациялар бўлими муҳаррири ҳамда бош муҳаррир ўринбосари бўлиб ишлаган.
2018–2019 йилларда Давлат солиқ қўмитасининг Жамоатчилик билан алоқалар ва ҳуқуқий ахборот бошқармасида катта инспектор ва бош инспектор сифатида фаолият юритган. 2020 йилдан 2025 йил май ойига қадар Марказий банкнинг Жамоатчилик билан алоқалар ва коммуникацион сиёсат департаменти директори, 2025 йил май ойидан эса Ўзбекистон стол тенниси федерациясининг матбуот котиби сифатида ишлаб келган.
@jurnalistikauzbek

Путиннинг матбуот хизмати адашиб унинг таҳрирланмаган 8-март табриги видеосини эълон қилди.
Кремл мутахасислари “Бошқатдан гапира қолай, томоғим қирилди”, деб айтган гапларини олиб, бошидан қўйгунча хусусий медиа уни
тарқатиб
улгурди. Просмотрлари тўғирланган
версиядан
анча кўп
😁
Бу хато учун кимдир ишдан кетадиёв...
@jurnalistikauzbek

Молиявий муаммолар гирдобидаги
Журналистлар уюшмасига банк матбуот котиби раҳбар бўлди
У асосий ишидан ажралмаган ҳолда бу вазифани бажаради
Бизнесни ривожлантириш банки матбуот хизмати бошлиғи Шуҳрат Ориф Журналистлар уюшмаси раиси вазифасини бажарувчи этиб тайинланган.
Маълумот учун, Шуҳрат Ориф — 1981 йили Фарғона вилоятининг Учкўприк туманида туғилган.
Ўзбекистон Миллий университети ва Ўзбекистон Республикаси Президенти ҳузуридаги Давлат ва жамият қурилиши академиясини тамомлаган.
Шуҳрат Орипов меҳнат фаолиятини 1999 йилда журналист сифатида бошлаган. У бир қанча газеталарда фаолият юритган.
Кейинчалик давлат ва жамоат ташкилотларида (Республика Маънавият ва маърифат марказида), шунингдек, сиёсий партия (УзЛиДеп) тизимида ахборот сиёсати ва матбуот хизмати йўналишларида фаолият олиб борган.
“Мен асли одаммас, ёр эдим”, “Шом товуши” китоблари нашр этилган.
15-Халқаро туркий шеърият фестивали иштирокчиси (Туркия, 2022 йил).
“Шуҳрат” медали, «Дўстлик» ордени билан тақдирланган.
Ўзбекистон Журналистлар уюшмаси раиси вазифасини бажарувчи лавозимида ишлаб келаётган
Холмурод Салимов
Уюшма раиси биринчи ўринбосари вазифасини бажарувчи лавозимига тайинланган. У Олим Ўсаров администрацияга ўтгандан кейин в.б. сифатида ишлаб келаётган эди.
Биздаги маълумотларга кўра уюшма беш ойдан буён молиявий муаммоларда бўлган ва ходимларига ойлик бера ололмагани сабабли таътилга чиқарилган. Молиявий тизимда ишлаган мутахассисни келгани бу муаммони бартараф этишга хизмат қилади. Банк тизимида ишласада Шуҳрат Ориф доим журналистларни бошини қовуштирадиган тадбирлар ўтказиб келади.
@jurnalistikauzbek

Миллий медиа бирлашмасини журналист эмас, амалдор бошқарадиган бўлди
Ўзбекистон Миллий медиа бирлашмаси бошқаруви раиси этиб Одилжон Тожиев сайланибди.
Ассоциацияда сўнгги йилларда журналист ёки медиа сохасида бўлмаган одам раҳбар бўлди. Одатда бирлашмалар раҳбари сайланиши керак. Сайланиш, овоз берилиши учун эса бир
қанча номзодлар кўрсатилади. Шунда раҳбарликка кўрсатилган номзодлар орасида биронта медиа вакили бўлмаганми?
Маълумот ўрнида
,
Одилжон Тожиев 1984 йил 11 сентябрда Тошкент шаҳрида туғилган. 2006 йили Тошкент ислом университетини тамомлаган. Мутахассислиги ҳуқуқшунос. Тошкент вилояти ҳокими ўринбосари, Олий Мажлис Қонунчилик палатаси депутати, Қонунчилик палатаси Спикерининг рақамли ривожланиш ва ахборот сиёсати масалалари бўйича ўринбосари сифатида кўп йиллар иш олиб борган.
@anora_sodiq

Мудофаа вазирлиги матбуот котиби ўзгарди
Ўзбекистон Республикаси Мудофаа вазирининг тегишли буйруғи билан подполковник Фаттахов Улуғбек Абдураимович мудофаа вазирининг матбуот котиби – ахборот сиёсати масалалари бўйича маслаҳатчиси, Мудофаа вазирлиги Ахборот ва оммавий коммуникациялар департаменти бошлиғи лавозимига тайинланди.
Улуғбек Фаттахов тайинловга қадар Мудофаа вазирлигида бошқарма бошлиғи вазифасида фаолият юритган.
Лавозимга тайинлов Ўзбекистон Республикаси Президенти Администрасияси коммуникациялар департаменти ҳамда Оммавий ахборот воситалари учун контент тайёрлаш маркази хулосасига кўра амалга оширилди.
Бунгача ушбу лавозимда Отабек Юлдашев фаолият олиб борган.
@jurnalistikauzbek

Дилдора Жўраева Марказий банк матбуот котиби этиб тайинланди
Молия вазирлиги собиқ матбуот котиби Дилдора Жўраева Сайфиддиновна энди Марказий банк матбуот котиби лавозимига тайинланди. Бу ҳақда
Nigoh.uz
манбалари хабар берди.
Унга 2025 йилнинг май ойида Молия вазирлигидан мамлакат иқтисоди ва молия соҳасида бутунлай янги, кенгроқ ва инновацион лавозим таклиф қилинган эди.
Дилдора Жўраева Молия вазирлиги ҳамда
Иқтисодий тараққиёт ва камбағалликни қисқартириш вазирлигида
5 йил давомида матбуот котиби ва
– ахборот сиёсати масалалари бўйича маслаҳатчиси
бўлиб ишлаган, шунингдек, Montfort Eurasia (Лондон) компаниясида стратегик коммуникация бўйича маслаҳатчи сифатида Ўзбекистон ва Буюк Британия ўртасида ахборот алоқаларини юритган.
У, Birmingham университети битирувчиси ва хорижда амалий тажрибага эга мутахассис, иқтисодий ислоҳотлар ва халқаро PR кампанияларида фаолият юритган.
Жўраева Дилдора Сайфиддиновна 1991 йил 25 сентябрда Тошкент шаҳрида туғилган.
У
ўз меҳнат фаолиятини 2015 йилда Ўзбекистон миллий телерадиокомпаниясида бошлаган.
Telegram |
Instagram
|
You Tube
|
Facebook

Ташқи ишлар вазири матбуот котиби Аҳрор Бурхонов бошқа ишга ўтган. Янги тайинлов ҳақидаги маълумот расман тасдиқланмагани сабабли ўчирилди. Ҳозирда аниқлаштирилмоқда.
@jurnalistikauzbek