KARYERIST_UZ

Seni yoqtirmaydigan boshliq bilan qanday ishlash mumkin? Koreyada yashagan yillarim ko‘plab kompaniyalar muhitini kuzatib, bir narsaga amin bo‘ldim: u yerdagi korporativ madaniyatda "favoritizm", ya’ni qaysidir xodimni alohida ajratib ko‘rsatish juda kuchli…

Seni yoqtirmaydigan boshliq bilan qanday ishlash mumkin?
Koreyada yashagan yillarim ko‘plab kompaniyalar muhitini kuzatib, bir narsaga amin bo‘ldim: u yerdagi korporativ madaniyatda "favoritizm", ya’ni qaysidir xodimni alohida ajratib ko‘rsatish juda kuchli shakllangan. Eng qizig‘i, bu ko‘pincha sizning qanchalik professional yoki mehnatkash ekanligingizga bog‘liq bo‘lmaydi. Aksincha, boshliq bilan munosabatlaringiz nechog‘lik iliq ekaniga tayanadi.
Masalan, koreyslar ertalab o‘zlariga kofe olayotganda, albatta rahbariga ham qo‘shib olishadi. Bu juda oddiy harakat bo‘lib ko‘rinishi mumkin, ammo bu orqali ular yuqori lavozimdagi insonga bo‘lgan hurmatini va e’tiborini namoyish qilishadi. Ularda katta pora berib emas, mana shunday kichik, ammo samimiy detallar bilan nazarga tushish mumkin.
Men buni mutloq to‘g‘ri yo‘l deb oqlamoqchi emasman, biroq tan olish kerak, bizning o‘zbek jamiyati ham koreyslarnikidan unchalik uzoq ketmagan. Ba’zan faqat quruq mehnat emas, balki "diplomatiya" ham kerak bo‘lib turadi.
Siz bu borada nima deysiz? Ishingiz zo‘r bo‘lsa-yu, boshliqqa yoqmasangiz, kofe sotib olgan bo‘larmidingiz?

AYOL
ASOSCHILARNI IZLAYAPMIZ!
Startup Garage tomonidan ayol startup asoschilari uchun
ONLINE DEMO DAY
tashkil qilinmoqda!
💡
Sizda startup g‘oya bormi?
🔥
Jamoa yig‘ayapsizmi?
📈
Investor va hamkorlar oldida chiqish qilishni xohlaysizmi?
Unda bu imkoniyat aynan siz uchun!
Demo Day’da siz:
— Startup g‘oyangizni taqdim qilasiz
— Kuchli founderlar bilan networking qilasiz
— Mentor va hamkorlar topishingiz mumkin
— Keyingi bosqich
Startup Garage Grand Demo Day
uchun saralab olinishingiz mumkin
🎯
Asosiy maqsad:
Texnologiya va tadbirkorlik sohasidagi yetakchi ayollarni kashf etish, ularni qo‘llab-quvvatlash va kuchli ayollar startup ekotizimini yaratish.
📅
Sana: 20
.06.2026
🌐
Format:
Online
📍
Qamrov:
Butun O‘zbekiston bo‘ylab
Ro'yhatdan o'tish uchun:
@SGWomendemodaybot
Startup founder do‘stlaringizga ham yuboring
🚀

Xoooo’sh, daromadli sohalar haqida gaplashamizmi?
💸
2026-yildagi mehnat bozori statistikasiga qaraganda mana shu sohalar O’zbekistonda eng daromadli sohalar bo’lib kelmoqda:
1) Bank va moliya tizimi: o‘rtacha 18,5 mln so‘m.
2) IT va Telekommunikatsiya: o‘rtacha 16,5 mln so‘m.
3) Transport va logistika: o‘rtacha 10,7 mln so‘m.
Shaxsiy kuzatuvlarimdan esa yirik kompaniyalardagi tajribali Moliya direktorlari va Biznesni rivojlantirish bo‘yicha direktorlar (BDM) bugun 20-30 mln so‘mdan yuqori barqaror daromad olishmoqda.
Eeeeng xozir talabgor soha egalari esa:
1) IT: Infratuzilma va sun'iy intellekt bilan ishlaydigan kadrlar trendda
2) Savdo va E-commerce: Marketpleyslar va riteyl zanjirlari rivojlanishi tufayli B2B va CRM-sotuvchilariga talab yuqori.
3) Marketing va PR: mijozlarni arzon jalb qila oladigan Raqamli marketologlar, faqatgina strategiya tuzadigan emas, balki, universal bo’lgan SMM mutaxassislar juda juda kerak.
4) Legal va Compliance: xalqaro standartlar va ichki nazoratni ta'minlaydigan Compliance officer (komplayens nazoratchilari) hamda korporativ yuristlar bugun eng ko‘p qidirilayotgan kadrlar qatoriga kirdi.
Xullas, 2026-yilgi mehnat bozori diplomdan ko‘ra raqamli ko‘nikmalar (digital skills), ma'lumotlar bilan ishlash, risklarni boshqarish va sotuv psixologiyasini bilgan mutaxassislarni ko‘proq qadrlamoqda
👀
✨

So’nggi oylarda IT startup loyiham bilan juda band bo’lib sizlar bilan karyeraga oid qiziqarli ma’lumotlar bilan bo’lishishga vaqt bo’lmadi
🥲
Kelinglar buni to’g’irlaymiz. Sizga qaysi mavzuda postlar qiziq?
🙏

Assalomu alaykum!
Sizni va yaqinlaringizni muqaddas Qurbon Hayiti bayrami bilan chin qalbdan muborakbod etaman!
Ushbu qutlug‘ ayomda xonadoningizga tinchlik, baraka, sog‘lik va cheksiz quvonch tilayman. Qilgan barcha ezgu duolaringiz va ibodatlaringiz ijobat bo‘lsin.
Hayit ayomingiz muborak bo‘lsin
🌙
🕌

Yozni foydali o‘tkazib, AUT’ga kirish imtihonlari va IELTS’siz o‘qishga kirish hamda boshqa xalqaro universitetlarga qabul qilinish imkoniyatini oshirishni xohlaysizmi?
🤔
American University of Technology (AUT) 9–11-sinf o‘quvchilari va bitiruvchilar uchun Ingliz tili (1-iyundan boshlanadi) va Matematika (2-iyundan boshlanadi) fanlaridan yozgi intensiv tayyorlov kurslariga qabul e’lon qiladi.
Sizni: professorlar bilan darslar, “American Corner”da AQSHlik spikerlarning ma’ruzalari, Toshkent markazidagi zamonaviy kutubxona va kampus kutmoqda.
Bu bilimlaringizni mustahkamlash, kirish imtihonlari stressidan xalos bo‘lish va universitetdagi o‘rningizni kafolatlash uchun ajoyib imkoniyat!
🔥
Kursni tamomlaganlik haqidagi sertifikat 3 yil davomida amal qiladi!
📥
28-maygacha
havola orqali
ro‘yxatdan o‘ting
⛔️
Joylar soni cheklangan!

Kuzatuvlarimdan shuni bildimki, ish berish va ishga kirish qoidalari tubdan o‘zgardi. Mana 2026-yilda muvaffaqiyatga erishishning 4 ta asosiy qoidasi:
1. Diplom ikkinchi darajali (ba'zi kasblar uchun): Top kompaniyalarning 90% lavozimlari uchun endi oliy ma’lumot shart emas. Asosiysi real ko‘nikmalar (Skills-first hiring).
2.
AI - sizning yangi hamkasbingiz:
Sun’iy intellekt endi shunchaki instrument emas, u jamoaning bir a’zosi. Kim AIdan foydalanishni (prompt design, data literacy) bilsa, o'sha bozorda qoladi.
3.
Ofis - uchrashuvlar maskani:
Gibrid ish tartibi odatiy holga aylandi. Ofisga har kuni ishlash uchun emas, jamoa bilan fikr almashish va hamkorlik uchun boriladi.
4. Authenticity (asllik) — bu sizning eng katta ko'nikmangizga aylanishi kerak. AI hamma narsani qila oladi, lekin murakkab muammolarni hal qilish, strategik fikrlash va samimiy muloqotni o'rnini bosa olmaydi.
2026-yilda eng kerakli kadr bo'lishni xohlasangiz o'zingizda tinimsiz o'rganish madaniyatini shakllantiring
✨

Yaqinda 16 yoshli o’zim bilan suhbat qilgan videoni qo’yganimda, bitta izoh o’qib qoldim: “Yoshim 35 dan oshgan, lekin na o’qidim, na rivojlandim” deb yozishibdi.
Keyin u izohni o’chirib yuborishibdi, lekin bu gap meni ancha o’ylantirib qo’ydi.
To’g’risini aytsam, katta auditoriyadan eng qo’rqadigan jihatim — shu kabi noto’g’ri messegga sababchi bo’lib qolish.
Men sizlarni motivatsiya qilishni, faqat oldinga intilishingizni xohlayman. Aslo o’z qadringizni past baholashingizni yoki, undanam yomoni, menga qarab o’z hayotingizdan uyalishingizni emas.
Nafaqat meni, balki Instagramdagi muvaffaqiyatli ko’ringan boshqa insonlarni ham real hayot bilan solishtirib ko’rish kerak.
Bizga 20 yoshda hamma narsaga erishish kerakdek tuyuladi, lekin statistika boshqa narsani aytadi:
O’zbekistonda odamlar o’rtacha hisobda 35 yoshda o’z uyini sotib oladi, 27 yoshda emas. Sevgan ishini odamlar 27 yoshdan keyin topishadi, 20 yoshda emas. Millionerlarning o’rtacha yoshi 57 yosh, kompaniya direktorlariniki esa 52 yosh. Muvaffaqiyatli biznes qurish uchun bir necha hafta emas, 7-10 yil vaqt ketadi. Hatto jismoniy tayyorgarlik uchun ham o’rtacha 5 yil kerak, yarim yil emas.
Bularni nega aytyapman? Chunki o’zingizni birov bilan solishtirib, ruhan cho’kishingizni istamayman. Hamma narsaning o’z pishish vaqti, har bir insonning o’z yo’li bor.