Kitob tumani hokimligi| RASMIY

Kitob tumanida zamonaviy oilaviy poliklinika foydalanishga topshirildi
2025-yilda
“Ochiq byudjet”
(
Openbudget.uz
) portaliga joylashtirilgan
tashabbus
g‘olib
deb topilgach, Kitob tumani
“Surum” mahalla fuqarolar yig‘ini
da bunyodkorlik ishlari izchil va keng ko‘lamda olib borildi. Natijada mahallada zamonaviy
13-sonli oilaviy poliklinika
qad rostlab, foydalanishga topshirildi.
Mazkur tibbiyot muassasasining tantanali ochilish marosimida tuman hokimi
Rustam Gafurov,
sog‘liqni saqlash sohasi vakillari, mahalla faollari, nuroniylar hamda keng jamoatchilik ishtirok etdi. Tadbir davomida amalga oshirilgan bunyodkorlik ishlari, yaratilgan shart-sharoitlar va aholi salomatligini mustahkamlash borasidagi sa’y-harakatlar alohida ta’kidlab o‘tildi.
Ma’lumot o‘rnida,
umumiy qiymati 2 milliard so‘m
ni tashkil etgan mazkur loyihaning
1,5 milliard so‘mi
“Tashabbusli byudjet” mablag‘lari hisobidan moliyalashtirildi. Qolgan qismi esa tuman tibbiyot birlashmasi hamda mahalliy homiylar tomonidan qoplandi.
Ikki qavatdan iborat zamonaviy binoda birlamchi tibbiy xizmat ko‘rsatish uchun zarur bo‘lgan barcha sharoitlar yaratilgan. Xususan, muassasa birlamchi
tibbiy ko‘rik va davolash xonalari, kunduzgi statsionar bo‘limi, shuningdek, 80 dan ortiq turdagi bepul dori vositalari
bilan ta’minlangan.
13-sonli oilaviy poliklinika hududdagi
7 ming nafarga yaqin aholiga sifatli va tezkor tibbiy xizmat ko‘rsatish imkonini beradi.
Ushbu loyiha nafaqat sog‘liqni saqlash tizimini mustahkamlash, balki mahallada ijtimoiy infratuzilmani rivojlantirish yo‘lidagi muhim qadamlardan biri bo‘ldi.
Tashabbusli byudjet mexanizmi orqali aholi tomonidan ilgari surilgan takliflarning amalda ro‘yobga chiqayotgani esa hududlarda xalq va davlat hamkorligining samarali natijasini yaqqol namoyon etmoqda.
🔍
Quyidagi havolani bosing va Kitob tumani hokimligi telegram kanaliga qo'shiling
👇
👇
👇
❤
https://t.me/joinchat/WIzE6dryhMqccL7h
💬
Facebook
|
📸
Instagram
|
🌍
Web sayt
|
✅
Telegram
|
✅
Twitter
|
📹
YouTube

Viloyat hokimi o‘rinbosari tomonidan kitoblik xotin-qizlar muammolari o‘rganildi
Mamlakatimizda xotin-qizlarning ijtimoiy himoyasini kuchaytirish, ularning muammolarini tizimli hal etish hamda turmush darajasini yaxshilash masalalariga alohida e’tibor qaratilmoqda. Shu maqsadda hududlarda sayyor qabul va ochiq muloqotlar muntazam tashkil etib kelinmoqda.
Shu maqsadda bugun
viloyat hokimining o‘rinbosari, Oila va xotin-qizlar boshqarmasi boshlig‘i
Ziyoda Aminova
tomonidan Kitob tumanida navbatdagi fuqarolar
sayyor qabul
i o‘tkazildi.
Mazkur tadbirda tuman
Mahallalar uyushmasi, kambag‘allikni qisqartirish va bandlik bo‘limi, ichki ishlar, adliya, Majburiy ijro byurosi, shuningdek, ATB Xalq banki tuman filiali mas’ullari bilan bir qatorda “Oqila ayollar” harakati a’zolari, otinoyilar hamda nuroniy hoji onalar
ham ishtirok etdilar.
Qabul davomida xotin-qizlar tomonidan ko‘tarilgan masalalar asosan oilaviy kelishmovchiliklar, ish bilan ta’minlash, imtiyozli kredit mablag‘larini olish, aliment undirish, moddiy yordam ko‘rsatish, kadastr hujjatlari hamda tibbiy davolanish bilan bog‘liq bo‘ldi.
Har bir murojaat yuzasidan mas’ullar tomonidan huquqiy va amaliy tushuntirishlar berilib, aksariyat masalalar joyida ijobiy hal etildi. Qo‘shimcha o‘rganish talab etiladigan murojaatlar tegishli tashkilotlar nazoratiga olindi.
Bunday sayyor qabullar xotin-qizlarning muammolarini o‘z vaqtida aniqlash, ularni ijtimoiy qo‘llab-quvvatlash va mahalla institutining hamkorlikdagi faoliyatini yanada mustahkamlashga xizmat qilmoqda.
🔍
Quyidagi havolani bosing va Kitob tumani hokimligi telegram kanaliga qo'shiling
👇
👇
👇
❤
https://t.me/joinchat/WIzE6dryhMqccL7h
💬
Facebook
|
📸
Instagram
|
🌍
Web sayt
|
✅
Telegram
|
✅
Twitter
|
📹
YouTube

Hurmatli Kitobliklar!
Aholining hududiy ichki ishlar organlari rahbariyati bilan ochiq va samarali muloqotini ta’minlash, fuqarolarning murojaatlarini bevosita tinglash hamda mavjud muammo va takliflarga tezkor va qonuniy yechim topish maqsadida,
Kitob tumani IIB boshlig‘i Farrux
Tairov
tomonidan fuqarolar qabuli tashkil etilgan.
Fuqarolar qabuli
har yakshanba kuni soat 09:00 dan 17:00 ga qadar
Kitob tumani Ichki ishlar bo‘limi binosida o‘tkaziladi. Qabul jarayonida har bir fuqaro o‘zini qiynayotgan masala, taklif yoki muammolar bilan bevosita murojaat qilish, shuningdek, mutasaddi rahbarlardan aniq va asosli javoblar olish imkoniyatiga ega bo‘ladi.
Shu bilan birga, haftaning qolgan ish kunlarida fuqarolar murojaatlari
tuman IIB boshlig‘ining o‘rinbosarlari
tomonidan belgilangan tartibda qabul qilinadi. Har bir murojaat qonunchilik talablari asosida ko‘rib chiqilib, fuqarolarning huquq va manfaatlarini himoya qilishga alohida e’tibor qaratiladi.
🔍
Quyidagi havolani bosing va Kitob tumani hokimligi telegram kanaliga qo'shiling
👇
👇
👇
❤
https://t.me/joinchat/WIzE6dryhMqccL7h
💬
Facebook
|
📸
Instagram
|
🌍
Web sayt
|
✅
Telegram
|
✅
Twitter
|
📹
YouTube

🎭
Kitob tumanida yangi spektaklning dastlabki namoyishi o‘tkazildi
Kitob tumani Madaniyat saroyida
tuman madaniyat bo‘limi jamoasi
tomonidan sahnalashtirilgan
“Mehnatdan kelsa boylik, turmush bo‘lar chiroylik”
nomli
teatr tomoshasi
ning dastlabki yopiq namoyishi bo‘lib o‘tdi.
Mazkur namoyishda viloyat hokimi o‘rinbosari
Ziyoda Aminova
, tuman hokimi
Rustam Gafurov
hamda mas’ul rahbarlar ishtirok etdi.
Spektakl
g‘oyaviy jihatdan dolzarb ijtimoiy masalalarni qamrab olgan bo‘lib, unda xalqimiz mentalitetiga yot bo‘lgan
boqimandalik illati keskin qoralanadi. Asarda mehnatsevarlik, tashabbuskorlik va fidoyilik orqali inson o‘z vatanida, o‘z xonadonida halol mehnat qilib barqaror daromad topishi mumkinligi badiiy vositalar orqali yoritib berilgan.
Shuningdek, sahna asarida mahalla yettiligi faoliyati, ularning aholi bandligini ta’minlash, xonadonlarda daromad manbalarini yaratish, ijtimoiy muammolarni hal etish borasidagi sa’y-harakatlari ham alohida e’tirof etilgan. Bu orqali mahalla institutining jamiyat hayotidagi o‘rni va ahamiyati yana bir bor ochib berilgan.
Namoyish yakunida mas’ullar tomonidan spektaklning tarbiyaviy ahamiyatini yanada kuchaytirish, sahna yechimlarini takomillashtirish hamda uni keng jamoatchilikka yuksak saviyada taqdim etish yuzasidan tegishli tavsiyalar berildi.
Mazkur teatr tomoshasining ommaviy premyerasi yaqin kunlarda keng jamoatchilik e’tiboriga havola etilishi rejalashtirilgan.
🔍
Quyidagi havolani bosing va Kitob tumani hokimligi telegram kanaliga qo'shiling
👇
👇
👇
❤
https://t.me/joinchat/WIzE6dryhMqccL7h
💬
Facebook
|
📸
Instagram
|
🌍
Web sayt
|
✅
Telegram
|
✅
Twitter
|
📹
YouTube

Yurt obod, bozorlar to‘kin!
Ramazon oyi arafasida ichki bozorlarda narx-navo barqarorligini ta’minlash hamda aholi uchun arzonlashtirilgan oziq-ovqat yarmarkalarini tashkil etish ustuvor vazifa etib belgilandi.
Jumladan, tuman hokimi
Rustam Gafurov
boshchiligidagi mas’ul rahbarlar tomonidan "Kitob dehqon bozori"da navbatdagi o‘rganish ishlari olib borildi. O‘rganishlar jarayonida savdo-sotiq faoliyati, iste’molchilarning talab va takliflari, oziq-ovqat hamda nooziq-ovqat mahsulotlarining joriy narxlari va mavjud zahiralari atroflicha tahlil qilindi.
Kuzatuvlar davomida bozordagi mahsulotlar assortimenti, ularning sifat ko‘rsatkichlari hamda narxlarning barqarorligi alohida e’tiborga olindi. Mas’ullar tomonidan savdo rastalarida sanitariya-gigiyena talablariga rioya etilishi, mahsulotlar yetarli miqdorda zahiralanganligi va aholiga qulay sharoitlar yaratilgani ham o‘rganildi.
Shuningdek,
davlatimiz rahbari tomonidan yaqinda o‘tkazilgan videoselektor yig‘ilishida muborak Ramazon oyi arafasida ichki bozorlarda narx-navoni barqaror saqlash, sun’iy oshirish holatlarining oldini olish, aholiga arzon va sifatli mahsulotlar yetkazib berishni ta’minlash ustuvor vazifa etib belgilandi.
Mazkur topshiriqlar ijrosini ta’minlash maqsadida bozor ma’muriyatiga aniq vazifalar yuklatildi. Xususan, arzonlashtirilgan oziq-ovqat yarmarkalarini tashkil etish, asosiy turdagi mahsulotlar bo‘yicha yetarli zahiralarni shakllantirish hamda doimiy monitoring ishlarini kuchaytirish bo‘yicha ko‘rsatmalar berildi.
Kitob tumanida aholi farovonligini ta’minlash, ichki bozorlarda barqarorlikni mustahkamlash va iste’molchilar manfaatlarini himoya qilish borasidagi ishlar izchil davom ettiriladi.
🔍
Quyidagi havolani bosing va Kitob tumani hokimligi telegram kanaliga qo'shiling
👇
👇
👇
❤
https://t.me/joinchat/WIzE6dryhMqccL7h
💬
Facebook
|
📸
Instagram
|
🌍
Web sayt
|
✅
Telegram
|
✅
Twitter
|
📹
YouTube

🅰
Kitob tumanida yirik miqdorda giyohvandlik aylanmasiga chek qo‘yildi
———
👮
Mening Inspektorim Ilovani yuklab olish:
👉
Google Play orqali yuklash
👉
App Store orqali yuklash
Telegram
|
Website
|
Facebook
|
Youtube
|
Instagram
|
TV

#Bildirish
🌱
Mahallalarni chiqindidan xoli hududga aylantiramiz!
⚡️
Hurmatli yurtdoshlar, aziz mahallalar ahli!
Joriy yilning 7-fevral sanasidan 7-martga qadar
respublikamiz bo‘ylab
“Tozalik va ozodalik oyligi”ga
start berilmoqda.
Mazkur oylik doirasida
muborak Ramazon oyini munosib kutib olish
, bahor mavsumiga puxta tayyorgarlik ko‘rish, mahallalarimizni ko'kalamzorlashtirish, atrof-muhitni asrash, qabristonlar, muqaddas qadamjolar va ziyoratgohlarni obodonlashtirish, tozalikka qat’iy rioya etish hamda aholining ekologik madaniyatini yuksaltirish maqsadida, har bir hududda
“Obod xonadon”, “Obod ko‘cha”, “Obod mahalla”
tamoyillari asosida keng ko‘lamli amaliy ishlar olib borilishi rejalashtirilgan.
Shuningdek,
ommaviy hasharlarni tashkil etish, barcha mahallalar, ko‘chalar, ko‘p qavatli uylar, yakka tartibdagi xonadonlar, bolalar maydonchalari, xiyobonlar va jamoat joylarida tozalash, obodonlashtirish, chiqindilarni tartibli yig‘ish hamda hududlarni yanada fayzli qilish tadbirlari o'tkaziladi.
Bundan tashqari,
mahalladagi yakka-yolg‘iz, kam ta’minlangan va nogironligi bo‘lgan ikkinchi jahon urushi qatnashchilari, front orti mehnat faxriylari hamda mustaqillik yillarida xizmat burchini bajarish chog‘ida halok bo‘lgan yoki nogiron bo‘lib qolgan harbiy xizmatchilarning xonadonlarini ham tartibga keltirish ko'zda tutilgan.
🌳
Barchangizni ushbu ezgu tashabbuslarda faol ishtirok etishga, mahallangiz ravnaqi va tozaligi yo‘lida o‘z hissangizni qo‘shishga chorlaymiz!
Kelajagimiz uchun bugun mas’ul bo‘laylik! Birgalikda harakat qilib, mahallalarimizni chiqindidan xoli, obod va fayzli hududga aylantiraylik!
Bizning sahifalarimiz:
🕊
Telegram
📱
Instagram
📺
YouTube
📱
Facebook

Бугун, 14 февраль шоҳ ва шоир Заҳириддин Муҳаммад Бобур
(1483-1530)
таваллудига 543 йил бўлди
Ҳар кимки, вафо қилса, вафо топқусидир,
Ҳар кимки, жафо қилса, жафо топқусидир,
Яхши киши кўрмагай ёмонлиқ ҳаргиз,
Ҳар кимки, ёмон бўлса, жазо топқусидир.
Бобур тарихда мисли йўқ даражада маданий, дилбар шахслардан бири эди
.
(
Жавоҳарлаъл Неру
)
🌐
Китоб тумани ҳокимлиги Ахборот хизмати
❤
https://t.me/joinchat/gywGtTJ_bXoxMmQy

Janubi-g‘arbiy maxsus harbiy okrugi Qashqadaryo viloyatining Harbiy kengashi sayyor yig‘ilishi o‘tkazildi
Sayyor yig‘ilishda mas’ullar Xavfsizlik kengashining kengaytirilgan tarkibdagi yig‘ilishida Davlatimiz rahbari tomonidan belgilab berilgan topshiriqlar muhokama etildi.
Xususan,
“Bir million dasturchi”
va
“Besh million sun’iy intellekt yetakchisi”
dasturlari doirasida harbiy xizmatchilarni o‘qitishni, muddatli harbiy xizmatni o‘tab qaytgan yoshlar bilan manzilli ishlarni tashkil etish va ularga kasb o‘rgatish, harbiy okrug qo‘shinlarining jangovar va safarbarlik shayligi kabi bir qancha muhim masalalar bo‘yicha mas’ul rahbarlar so‘zga chiqdi.
Kuch tuzilmalari va mahalliy davlat hokimiyati organlarining hamkorligini kuchaytirish, aholining ijtimoiy himoyasini oʻrganish va ularga koʻmaklashish, yoshlarni harbiy-vatanparvarlik ruhi tarbiyalashga qaratilgan tadbirlarni muntazam oʻtkazish boʻyicha mutasaddi rahbarlarning taklif va tavsiyalari ham tinglandi.
Shuningdek, yig‘ilish davomida qo‘shinlarning jangovar tayyorgarligini oshirish, zamonaviy texnologiyalarni joriy etish, harbiy xizmatchilarning ijtimoiy-ma’naviy qo‘llab-quvvatlanishini kuchaytirish kabi dolzarb masalalar muhokama qilindi.
Bundan tashqari, bugun jahon miqyosida bo‘layotgan turli beqarorlik va ziddiyatlardan kelib chiqqan holda yurtimiz tinchligi va ravnaqi yo‘lida Prezidentimiz tomonidan olib borilayotgan islohotlar hamda xalqaro aloqalar e’tirof etildi.
Gov.uz
|
Telegram
|
YouTube
|
FB
|
Instagram
|
X

Yanvar oyida
yillik inflyatsiya darajasi 7,2 foizni
tashkil etdi.
Inflyatsiyaning 45 foizi oziq-ovqat mahsulotlari,
ayniqsa,
13 foizi go‘sht hisobidan
bo‘lgan.
Go‘shtda importga qaramlikni qisqartirish uchun
ozuqa masalasini hal qilish kerakligi
ko‘rsatib o‘tildi.
Muborak tumanida
5 ming gektar yer foydalanishga kiritilib,
makkajo‘xori ekish boshlanayotgani barcha uchun namuna ekani
qayd etildi. Shu bois, bu yil
qo‘shimcha 60 ming gektarda
bu ishlarni tashkil qilish topshirildi. Bu
qo‘shimcha 350 ming chorva uchun kafolatlangan ozuqa bazasi
bo‘ladi.
Mayda shoxli qoramol naslini yaxshilash
uchun o‘tgan yil
Mo‘g‘ulistondan 100 ming qo‘y va echki
olib kelindi. Bu yil ham mazkur ishlar davom ettirilishi belgilandi.
O‘tgan yil
772 ming tonna kartoshka import qilindi.
Joriy yilda mutasaddilar, hokimlar
4,5 million tonna kartoshka hosili olishi kerakligi
ko‘rsatib o‘tildi.
Facebook
|
Instagram
|
X