“Oila va gender” ilmiy-tadqiqot instituti

Izlanuvchilar uchun seminar
“Oila va gender” ilmiy-tadqiqot institutining tayanch doktorantlari, doktorantlari va izlanuvchilari uchun “Oila va xotin-qizlar tizimida statistik ma’lumotlar bilan ishlash, monitoring hamda baholash” mavzusida ilmiy-o‘quv seminari tashkil etildi.
⚡️
Seminarni Oila demografiyasi va xotin-qizlarning iqtisodiy holati tahlili bo‘limi boshlig‘i, iqtisodiyot fanlari bo‘yicha falsafa doktori (PhD) Sherzod Do‘snayev olib bordi. Unda statistik ma’lumotlar bilan ishlashning nazariy asoslari, ma’lumotlarni yig‘ish, hisoblash va tahlil qilish metodologiyasi, birlamchi hamda ikkilamchi ma’lumotlarning farqli jihatlari, statistik ko‘rsatkichlarning chegaraviy qiymatlari, monitoring va baholash tushunchalari yoritildi.
Shuningdek, seminar davomida komparativ (qiyosiy) vakorrelyatsion tahlil, risk-indikatorlar orqali baholash hamda hududiy kesimda tahlil qilish usullari misollar asosida tushuntirildi. Statistik ma’lumotlarni olish va ulardan ilmiy tadqiqotlarda foydalanish imkonini beruvchi axborot resurslari haqida batafsil ma’lumot berildi.
⚡️
Izlanuvchilar oila va xotin-qizlarga oid asosiy demografik va ijtimoiy ko‘rsatkichlar, statistik tahlilda hisobga olinadigan omillar hamda sotsiologik prognozlash bo‘yicha bilimlarini boyitdilar. Seminar izlanuvchilarning ilmiy faoliyatida statistik ma’lumotlardan foydalanish va tahlil natijalarini talqin qilish ko‘nikmalarini rivojlantirishga xizmat qildi.
➡️
Bizni kuzating:
💳
WEB-saytimiz
📱
Telegram
📱
Instagram
📱
Facebook
✍
️Ilmiy loyihalarimiz

“Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi Qonuni
hayotimizda nimalarni o'zgartirdi?
2019-yil 2-sentabrda qabul qilingan
O‘RQ-562-sonli Qonun
mamlakatimizda gender tenglikni ta’minlashning eng muhim huquqiy poydevori hisoblanadi.
🏛
Qonun hayotimizda nimalarni o‘zgartirdi?
1️⃣
Jins bo‘yicha kamsitish tushunchasi aniq belgilandi:
🔹
Jins bo‘yicha bevosita kamsitish
— jamiyat hayoti va faoliyatining barcha sohalarida xotin-qizlar va erkaklarning huquqlari hamda erkinliklarini tan olmaslikka qaratilgan har qanday tarzda farqlash, istisno etish yoki cheklash, shu jumladan oilaviy holati, homiladorligi, oilaviy majburiyatlari tufayli kamsitish, shuningdek shahvoniy shilqimlik qilish, teng mehnat va malaka uchun har xil haq to‘lash;
🔹
Jins bo‘yicha bilvosita kamsitish
— bir jinsdagi shaxslarni boshqa jinsdagi shaxslarga nisbatan noqulayroq holatga tushirib qo‘yadigan vaziyatlarni, holatlarni yoki mezonlarni yaratish, shu jumladan gender tengsizlikni ommaviy axborot vositalari, ta’lim, madaniyat orqali targ‘ib etish, muayyan jinsdagi shaxslar uchun salbiy oqibatlarga olib kelishi mumkin bo‘lgan shart-sharoitlar yoxud talablar belgilash;
2️⃣
Teng huquqlar barcha sohalarda kafolatlandi:
Davlat quyidagi yo‘nalishlarda barchaga teng imkoniyat berish majburiyatini oldi:
▪️
Davlat va jamiyat boshqaruvi hamda saylovlar
▪️
Mehnat munosabatlari va ijtimoiy himoya
▪️
Ta’lim, fan, madaniyat va sog‘liqni saqlash
3️⃣
Vaqtinchalik maxsus choralar joriy etildi:
Ayollarning jamiyatdagi o‘rnini oshirish, kamsitishlarning oldini olish uchun maxsus kvotalar hamda qo‘llab-quvvatlash dasturlari amaliyotga kiratildi.
4️⃣
Gender audit mexanizmi yo‘lga qo‘yildi:
2022-yildagi o‘zgarishlarga ko‘ra, davlat organlari va tashkilotlari kadrlar siyosatida gender tenglik talablariga rioya etilishini tekshirib borishlari shart.
💡
Amaliy ahamiyati nimada?
Ushbu Qonun xotin-qizlarning mehnat, tadbirkorlik, ta’lim hamda siyosiy sohadagi o‘rnini mustahkamladi va kamsitish holatlarida qonuniy himoya so‘rash uchun aniq huquqiy poydevor yaratdi.
🔍
Huquqingizni biling — teng imkoniyatlardan foydalaning!
➡️
Bizni kuzatib boring:
💳
WEB-saytimiz
📱
Telegram
📱
Instagram
📱
Facebook
✍️
Ilmiy loyihalarimiz

Har bir ayol e’tiborda
✅
Xabaringiz bor, oila va xotin-qizlar bilan ishlash tizimini yangi bosqichga olib chiqish, ularning muammolarini kompleks o‘rganish hamda manzilli hal etish maqsadida har bir hududda "Xotin-qizlar balansi" ni shakllantirish ishlari amalga oshirilmoqda. “Oila va gender” ilmiy-tadqiqot instituti xodimlarining navbatdagi o‘rganishlari Qoraqalpog‘iston Respublikasida bo‘lib o‘tdi.
“Oila va gender” ilmiy-tadqiqot instituti direktori Nodira Egamberdiyeva, institut xodimlari Ulug‘bek Jabbarov, Jahongir Rustamov va O‘lmas Ro‘zimurodovlar
Nukus shahridagi «Nao‘qanbog‘» mahallasida bo‘lib, xotin-qizlar balansini shakllantirish va yuritish bo‘yicha amalga oshirilayotgan ishlarni joyiga chiqqan holda o‘rgandilar.
O‘rganish jarayonida mahallada xonadonbay xatlov ishlarining tashkil etilganligi, anketa-so‘rovnomalarni to‘ldirish holati, xotin-qizlarning muammo va ehtiyojlarini aniqlash, olingan ma’lumotlarni umumlashtirish, tegishli toifalarga ajratish hamda alohida ishlash talab etiladigan xotin-qizlar bilan manzilli ishlarni tashkil etish holati ko‘rib chiqildi.
Mahalla mas’ullari va mahalla yettiligi a’zolari bilan muloqot o‘tkazilib, xotin-qizlar balansini sifatli shakllantirish, har bir aniqlangan muammo bo‘yicha individual chora-tadbirlarni belgilash, mas’ullarni biriktirish, individual dasturlar ijrosini nazorat qilish va natijadorlikni ta’minlash yuzasidan amaliy tavsiyalar berildi.
➡️
Bizni kuzatib boring:
💳
WEB-saytimiz
📱
Telegram
📱
Instagram
📱
Facebook
✍️
Ilmiy loyihalarimiz

Erta tugʻuruqning ijtimoiy oqibatlari
➡️
Bizni kuzating:
💳
WEB-saytimiz
📱
Telegram
📱
Instagram
📱
Facebook
✍️
Ilmiy loyihalarimiz

Oʻzbekiston Prezidentining Serbiyaga ilk tashrifi ikki mamlakat oʻrtasidagi munosabatlarda yangi bosqichning boshlanishi sifatida tarixga kiradi.
—
Первый визит Президента Узбекистана в Сербию войдет в историю как начало нового этапа в отношениях между двумя странами.
Prezident.uz
|
Facebook
|
Instagram
|
YouTube
|
X

Oilaviy qadriyatlar - mustahkam oila tayanchi
🔸
Оilaviy qadriyatlar – bu jamiyatning ma’naviy va axloqiy asoslarini shakllantiruvchi, oila institutining barqarorligini ta’minlovchi ijtimoiy qadriyatlarning bir ko‘rinishi, normativ tamoyillar va me’yorlar majmui hisoblanadi.
⚡️
Oilaviy qadriyatlar insonlar orasidagi munosabatlar tizimini tartibga soluvchi, individual va jamoaviy mas’uliyatni shakllantiruvchi, shaxsning ijtimoiy identifikatsiyasida muhim o‘rin tutuvchi qadriyatlardir. Ular oilaning mustahkamligi, tarbiya jarayonlari, madaniy merosning saqlanishi va uzatilishida halqiluvchi ahamiyat kasb etadi
⚡️
Oilaviy qadriyatlar — bu oila a’zolari o‘rtasidagi hurmat, mehr-muhabbat, halollik, hamjihatlik kabi muhim axloqiy tamoyillar, urf-odat va an’analar tizimi bo‘lib, ular oila ichidagi munosabatlarni mustahkamlaydi va avloddan-avlodga o'tib keladi.
⚡️
Oilaviy qadriyatlar nikohga bo‘lgan munosabatda, oilaviy hayotning maqbulligida, ajralishning salbiy idrokida va albatta, yuqori reproduktiv munosabatlarda namoyon bo‘ladi. Oilaviy qadriyatlarning an’anaviyligi shundaniboratki, bola uchun ijtimoiylashuvning asosiybosqichi aynan oilada sodir bo‘ladi. Ota-onalar bolaga axloqiy ko‘nikmalarni, xulq-atvor qoidalarini, shu jumladan, ijtimoiy va madaniy me’yorlarni o‘zlashtirish jarayonida yordam beradi.
❔
Sizning oilangizda qanday qadriyatlar bor?
Ularni asrab-avaylash, kelajak avlodga etkazish uchun nimalarga ahamiyat berish lozim?
⚠️
Fikrlaringizni izohlarda qoldiring.
➡️
Bizni kuzating:
💳
WEB-saytimiz
📱
Telegram
📱
Instagram
📱
Facebook
✍️
Ilmiy loyihalarimiz

Prezident Shavkat Mirziyoyev Serbiyaning oliy davlat mukofoti bilan taqdirlandi.
—
Президент Шавкат Мирзиёев награжден высшей государственной наградой Сербии.
Prezident.uz
|
Facebook
|
Instagram
|
YouTube
|
X

https://uza.uz/posts/905956

Belgraddagi Serbiya saroyida O‘zbekiston Respublikasi Prezidenti Shavkat Mirziyoyevni tantanali kutib olish
marosimi
bo‘lib o‘tdi.
—
Во Дворце Сербии в Белграде прошла
церемония
торжественной встречи Президента Республики Узбекистан Шавката Мирзиёева.
#Mirziyoyev
#tashrif
#Serbiya
#marosim
Prezident.uz
|
Facebook
|
Instagram
|
YouTube
|
X

OILADA OTALIK MAS’ULIYATINI OSHIRISH – FARZAND KELAJAGIGA QO‘YILGAN ENG MUHIM SARMOYA
Oila
- farzand shaxs sifatida shakllanadigan birinchi va eng muhim ijtimoiy muhit. Uning dunyoqarashi, xulq-atvori, mas’uliyati, mehnatsevarligi, odamlar bilan munosabati va kelajakda oila qurishga tayyorligi ota-onaning, ayniqsa, otaning munosabati va shaxsiy namunasi bilan bevosita bog‘liq.
Otalik faqat oilani moddiy ta’minlash emas. Haqiqiy otalik – farzand hayotida faol ishtirok etish, uni tinglash va tushunish, tarbiyasi va ta’limiga e’tibor qaratish, qiyin vaziyatlarda qo‘llab-quvvatlash, to‘g‘ri yo‘l ko‘rsatish va eng muhimi, unga shaxsiy namuna bo‘lishdir.
OTANING SHAXSIY NAMUNASI – ENG KUChLI TARBIYA VOSITASI
Farzand ko‘pincha nasihatdan ko‘ra otasining amaliga ergashadi. Shuning uchun otaning kundalik xulq-atvori farzand uchun tabiiy tarbiya maktabidir.
Ota:
✔️
va’dasida tursa - farzand mas’uliyatni o‘rganadi;
✔️
onaga hurmat ko‘rsatsa - farzand ayolga hurmatni anglaydi;
✔️
halol mehnat qilsa - farzand mehnat qadrini tushunadi;
✔️
muammolarni muloqot va murosa bilan hal qilsa - farzand nizolarni madaniy hal etishni o‘rganadi;
✔️
adolatli va halol bo‘lsa - farzandda mustahkam axloqiy mezonlar shakllanadi.
Demak, farzandga beriladigan eng kuchli tarbiya - otaning shaxsiy namunasidir.
FARZANDGA VAQT AJRATISH - OTALIK MAS’ULIYATINING MEZONI
Farzand bilan suhbatlashish, uning fikrini tinglash, yutuqlaridan quvonish, muammolarini birga muhokama qilish va qiziqishlarini qo‘llab-quvvatlash - otalik mas’uliyatining amaliy ko‘rinishlaridir.
Ayniqsa, o‘smirlik davrida ishonchli muloqot muhim. Bu davrda farzand mustaqil fikrlash, o‘zini anglash va hayotiy qarorlar qabul qilishga intiladi. Otaning o‘z vaqtida bergan oqilona maslahati uning to‘g‘ri yo‘nalish tanlashiga yordam beradi.
OTA VA ONANING TARBIYADAGI HAMKORLIGI
Farzand tarbiyasi – faqat onaning yoki otaning emas, ikki tomonlama mas’uliyat va hamkorlikka asoslangan jarayon.
Ota va ona:
✔️
tarbiya maqsadlarini birgalikda belgilashi;
✔️
farzandga qo‘yiladigan talablarda bir-birini qo‘llab-quvvatlashi;
✔️
farzand oldida bir-birining obro‘sini tushirmasligi;
✔️
kelishmovchiliklarni farzandga salbiy ta’sir qilmaydigan tarzda hal qilishi;
✔️
farzandning yutuq va muammolarini birgalikda muhokama qilishi zarur.
OTALIK MAS’ULIYATINI OSHIRISHNING 6 AMALIY QADAMI
1. Har kuni suhbatlashing. Farzandingiz kuni qanday o‘tgani, nimadan xursand yoki xafa bo‘lganini so‘rang.
2. Fikrini hurmat qiling. Uni kichik bo‘lsa ham, mustaqil shaxs sifatida tinglang.
3. Tanqiddan ko‘ra tushuntirishni tanlang. Xatosini jazolashdan oldin uning sababini tushunishga harakat qiling.
4. Ona bilan hamkorlik qiling. Farzand tarbiyasidagi mas’uliyatni faqat ona zimmasiga yuklamaslik kerak.
5. Birgalikda sifatli vaqt o‘tkazing. Kitob o‘qish, sayr qilish, sport yoki oddiy suhbat ham emotsional yaqinlikni mustahkamlaydi.
6. Kelajagiga qiziqing. Qobiliyati, qiziqishlari, kasb tanlashi va hayotiy maqsadlarini qo‘llab-quvvatlang.
ENG MUHIM XULOSA
Farzandning o‘ziga ishonchi, mas’uliyati, ijtimoiy munosabatlarga moslashuvi va kelajakda oilaviy hayotga tayyorligi ko‘p jihatdan u his qiladigan mehr, e’tibor, ishonch va otaning shaxsiy namunasiga bog‘liq.
Unutmang: farzandlar ko‘proq eshitgan gaplarini emas, ko‘zi bilan ko‘rgan amallarini eslab qoladilar.
AZIZ OTALAR!
Farzandingizga ajratgan har bir daqiqangiz – uning kelajagiga qo‘yilgan eng qimmatli sarmoyadir.
Uni tinglang. Qo‘llab-quvvatlang. Birga vaqt o‘tkazing. Mehr ko‘rsating. Shaxsiy namuna bo‘ling.
Bugungi mehr va e’tibor – ertangi mustahkam oila, barkamol avlod va farovon jamiyatning ishonchli poydevoridir.
Otaning har bir so‘zi – saboq, har bir amali – farzand uchun hayot darsidir.
➡️
Bizni kuzating:
💳
WEB-saytimiz
📱
Telegram
📱
Instagram
📱
Facebook
✍️
Ilmiy loyihalarimiz