MAHLIYO KARIMOVA

* * *
Kel desam...Kel desang...Bosh egsa g'urur,
Diydor xatlab o'tsa ostonamizni,
Hammaga yolg'on-u, ikkimizga rost
Hijronlar to'ldirdi paymonamizni...
Kel desam! Kel desang! Gullasa umid,
Bedorlik kuydirdi qarog'imizni.
Birga nafas olsak, bitta havodan
Oxir yaqin qilsak yirog'imizni...
Kel desam! Kel desang! Porlasa quyosh
Bilasan... Qo'rqitar meni zulmatlar,
Shu bitta so'z bilan keladi kirib
Sen kutgan, men kutgan, BIZ kutgan baxtlar...
Kel desang...
Kel desam...
✍🏻
Mahliyo Karimova
@mahliyo_karimova_official

Ikki kishining o’rtasiga hamisha ham shaharlar orasidagi masofalar tushmaydi
…
Ilojsizlik tushadi
Aytib bo’lmaydigan haqiqatlar tushadi
Boshqa kishilarga bo’lgan majburiyat va ma’sulyatlar tushadi
Oxir-oqibat Taqdir tushadi…
✍🏻
Mahliyo Karimova
@mahliyo_karimova_official

🎤
Shuhrat Daryo
✍🏻
Mahliyo Karimova
@mahliyo_karimova_official

* * *
Bu boshdan ne savdolar o'tgan
Ne sinovlar g'avg'olar o'tgan,
Zor yuraklar intiqib kutgan
Qancha gaplar aytilmay qoldi.
Bog'bon bo'ldik gul unmas bog'da
Muhabbatni qoldirdik dog'da,
Biz g'ururga qo'l bergan chog'da
Qancha gaplar aytilmay qoldi.
Sevishmoqni ep bilmadikmi
Sevgini baxt deb bilmadikmi,
Nima bo'ldi ulgurmadikmi
Qancha gaplar aytilmay qoldi.
Biz g'ururga qo'l berdik atay
Xatolarga yo'l berdik atay,
Nima qilib qo'ydik o'ylamay
Qancha gaplar aytilmay qoldi.
Ehh kamlari to'lmagan dunyo
Hech kimga do'st bo'lmagan dunyo,
Biz aytgulik sevmadikmiyo
Qancha gaplar aytilmay qoldi.
Ortga boqsam xatolar talay
To'g'ri dedik shuni harqalay,
Nima qilib qo'ydik o'ylamay
Qancha gaplar aytilmay qoldi.
Qodirmasmiz balki sevishga
Chin yurakdan yaxshi ko'rishga,
Or qildikmi izhor qilishga
Qancha gaplar aytilmay qoldi.
Tuyg'ularmi? Bari hech bo'ldi
Orzularmi? Bari hech bo'ldi,
Kech bo'ldiku, endi kech bo'ldi
Qancha gaplar aytilmay qoldi…
✍🏻
Mahliyo Karimova
@mahliyo_karimova_official

Xotiralar huddi fortopianoning oq va
qora klavishlarga o‘xshaydi.
Ba'zilari baxtdan yodgor, yorug‘ va shirin, ba'zilari esa biroz ma'yus, alamli va og‘riqli...
Ammo ularni bir-biridan ajratib ham bo'lmaydi...
✍🏻
Mahliyo Karimova
@mahliyo_karimova_official

* * *
Qaylardasan... Joning omonmi
Qilyapsanmi o'zing ehtiyot?
Ikkimizni ikki tarafga
Qay sababla irg'itdi hayot?
Taqdir bizga qilmoqda o'yin
Ovvoramiz mana yillardir,
Ko'rsang joning hapqiradimi
O'xshab ketsa menga kimlardir…!?
Men nega deb so'ramayman, yo’q
Taqdir eski ertagin boshlar,
Senga qadam bosaman desam
G'urur meni qiymalab tashlar.!
Shu alpozda kechadi endi
Yana oylar, yana yillardir,
Tomog'imga tosh tiqiladi
O'xshab ketsa senga kimlardir...
✍🏻
Mahliyo Karimova
@mahliyo_karimova_official

* * *
Shoshyapsizmi? Ulguraman bariga deb
Hafta boshi, rejalarni qilib bir-bir,
Bugunnimas, bir umrni ayting do'stim
Nelargadir ulgurmaymiz biz baribir.!
Biz baribir to'xtamaymiz yugurishdan
Va bilmaymiz umrimizning hisobini,
Shoshib yashab ketdim degan so'zlar bilan
To'ldirmasak hayotimiz kitobini.!
U kamlarni to'ldirgan kim bu dunyoda
Istaklarning, xohishlarning so'ngi bormi,
Har zafarning, g'alabaning oxirida
Shukur degan bitta so'zga tengi bormi?
Tengi bormi yurakda sof vijdon bilan
Odam bo'lib yashayapman degan hisga,
Shu shoshilinch kunda biroz vaqt toping-u
Sekingina bir mo'ralang qalbingizga!
To'yyaptimi yaqinlarning sevgisiga
Jon tutganga jon berishga ulgurdimi,
Siz aytgan u zamon degan yo'ldoshingiz
Ko'nglingizning kamlarini to'ldirdimi?
Yo'q!
Bekor asli bu dunyoning boru-yo'g'i
Yuragingni iymon bilan to'ldirmasang,
Bekor asli odam bo'lib tug'ilganing
Odam bo'lib yashamoqqa ulgurmasang...!!!
✍🏻
Mahliyo Karimova
@mahliyo_karimova_official

Ko'chalar uzra osig'liq turgan yuzlab soyabonlar ostida o‘tirib, qahva ichishning, muzqaymoq yeyishning va eng muhimi qalbga yaqinlaring bilan suhbat qurishning o'zgacha zavqi bor.
Bu manzaraga qarab tushunasiz: soyabon faqatgina yomon ob-havoda yashirinadigan buyum emas, atrofdagilarga quvonch ulashuvchi go'zallikka aylanishi ham mumkin ekan.
Inson ham shunday. Agar qalbimizda samimiyat va iliqlik bo‘lsa, biz nafaqat muammolarda qalqon bo‘lamiz, balki atrofimizdagi insonlarning hayotini xuddi shu rang-barang soyabonlardek go‘zal va yorqin ko‘rinishga keltira olamiz.
Xohish bo'lsa albatta!
✍🏻
Mahliyo Karimova
@mahliyo_karimova_official

* * *
Tig’iz bir ish kuni… Lekin sen yana
Bostirib kelasan yodimga kirib,
Yana beixtiyor o’yga tolaman
Bajarishim lozim ishlarim turib.
Xudo haqqi kelma! Imkon ber endi
Yodingsiz bir qadam tashlashim uchun,
Sen mendan butunlay ketishing kerak
Men o’zimga kelib yashashim uchun…
Xudo haqqi kelma
Xudo haqqi qo’y.
✍🏻
Mahliyo Karimova
@mahliyo_karimova_official

* * *
Bugunimdan roziman, rozi
Yaxshi o'tdi va yoki yomon,
Goh baxt bilan goh sinov bilan
Qo'yibdiku boshimni omon!
Bugunimdan roziman, rozi
Ertani-ku xudo biladi!
O'tgan kunlar... Goh yulduz quchdim
Goh boshimga osmon quladi...
Bugunimdan roziman, rozi
Yaxshi - yomon kimdan o'tmadi,
Shu kunlarni ko'rdik ming shukur
Kimlar yetdi... Kimlar yetmadi...
✍🏻
Mahliyo Karimova
@mahliyo_karimova_official