Мастура Хожи Она Шеърлари

ҲУҚУҚШУНОС БЎЛГАНИМ.
Чет тилини биламан.
Асли касбим- шарқшунос.
Янги касбни ўргандим.
Энди мен- ҳуқуқшунос.
АДВОКАТман мен моҳир.
Барчага ён босаман.
"Қани, ўзингиз оқланг".
Жон деб қулоқ осаман.
Шикоят- аризани.
Баъзан ўзим тузаман.
Туҳмат қилган томоннинг
Қулоғидан чўзаман.
Томонлар хақ- ҳуқуқин.
Тушунтираман яхши.
Адолатла иш кўриш.
Барча ишларнинг нақши.
Келин билан ўғлимга.
Адолатли СУДЬЯман.
Тарафларни эшитиб.
Одил ҳукм чиқараман.
Мен чиқарган қарордан
Икки тараф кўнгли тўқ.
Қатъий ҳукм ўқийман.
Шикоятга ўрин йўқ.
Апелляцияга муҳлат.
Бериб ҳам ўтирмайман.
Кассация ҳақида
Бошимни қотирмайман.
Болғачани бир уриб.
Нуқта қўяман ишга.
Йўл қўймайман тарафлар.
Эътироз билдиришга.
Қарамайман тиржайиб.
Кўзини сузганига.
Лекин штраф оламан
Тинчимни бузганига.
СУД ИЖРОЧИси - ўзим.
Зарарни ундираман.
Ўғлимдан пул олишни.
Жуда ҳам дўндираман.
Келин битта яраш ош.
Пиширса- муаммо ҳал.
Шундай якун топади.
Суд мажлиси ҳар сафар.
Қўйди- чиқди, алимент.
Бизнинг судда кўрилмас.
Икки тараф паст тушиб.
Келишув қилишса бас.
Баъзан Олий Судьяга.
МАСЛҲАТЧИ бўламан.
"Хой, сиз каттасизку"- деб
Кўприк қилиб қўяман.
Олий Судья - қаттиқ қўл.
Жуда кўндириш қийин.
Мендек маслаҳатчи-ла.
Ишнинг битиши тайин.
Бола ҳуқуқлари ҳам.
Назардан четдан қолмас.
Неваралар ёнини.
Мендан ўзгалар олмас.
Муаллифлик ҳуқуқин.
Берувчи ҳам ўзимман.
Ҳуқуқни бузганларни.
Жазоловчи ўзимман.
Лекин ПРОКУРОРлик.
Мен учун эмас, билдим.
Ҳамма инсоннинг фақат.
Яхши томонин кўрдим.
"Қайдан шунча билим?" - деб
Ҳайрон бўлманг, қадрдон.
Ҳаёт мажбур қиларкан.
Тажрибанг ошар чандрн.
Хаётнинг ўзи устоз.
Ҳар нени ўргатади.
Яшаш илмини бериб.
Тошдан гул яратади.
Қурувчидан муаллим.
Адвокатдан санъаткор.
Ҳамширадан шоира.
Уй бекаси- тадбиркор.
Дўхтирдан чиқар раққос.
Истеъдод бу - ҳадя.
Мендек бир муаллимдан.
Адвокат ва судья.
Қонун ҳимоясида.
Қалқон бўлиб тураман.
Бу кетишда ҳадемай.
ОМБУДСМАН бўламан.
Ҳали ҳунарларим кўп.
ДАЗМОЛЧИ, СУВОҚЧИМАН.
Бу касбларим сирини.
Кейинроқ айтмоқчиман.
Мастура ҳожи она шеъри.
https://t.me/Masturahojionasherlari

https://t.me/Masturahojionasherlari

ҚАЙНОНАЛАР ОМОН
БЎЛСИН ДУНЁДА.
☘
🌺
☘
☘
🌺
Бегона хонадон эшигин қоққан.
Ширин сўзларила қудага ёққан.
"Қизпошшани кўрармиканман"- дея.
Зийрак нигоҳ билан атрофга боққан.
Қайноналар омон бўлсин дунёда.
☘
🌺
Совчиликка қатнаб кавуши едирилган.
"Оқлик" олиб, катта патир синдирган.
"Аллоҳга шукрей, яхши
қиз топдим"-.
Деб яхшилигингиз элга билдирган.
Қайноналар омон бўлсин дунёда.
☘
🌺
Келиннинг уйини ўзи безатган.
Мол ёярда ҳар бир ишни кузатган.
"Ўғлим, эркаксанку, мебелни сен ол!"
Деб- ўғлига тўғри йўлни кўрсатган.
Қайноналар омон бўлсин дунёда.
☘
🌺
Сарпо- суруғ йиғиб, кўрпа қавиган.
Тўйлар қиламан деб елиб югурган.
"Хотин олиб мени унутмасин"- деб.
Никоҳ куни "Ўғлим" дея чақирган.
Қайноналар омон бўлсин дунёда.
☘
🌺
Йиллаб, ойлаб, йиғиб
терганин сочган.
"Болам" деб келинга бағрини очган.
Келиндан ҳам кўпроқ ҳаяжонланиб.
Саломда келиннинг юзини очган.
Қайноналар омон бўлсин дунёда.
☘
🌺
Она бўлиб бошингизни силаган.
Сизга бахт, саодат, фарзанд тилаган.
Қизларидан ортиқ кўриб келинни.
Яхши сўзлар билан алқаб, сийлаган.
Қайноналар омон бўлсин дунёда.
☘
🌺
Аста тушинтирган турмуш, рўзғорни.
Тўлдириш йўлини бу тўлмас ғорни.
Турмушнинг муштига чап беришнию.
Ўргатган йўқ жойдан қилишни борни.
Қайноналар омон бўлсин дунёда.
☘
🌺
Яхшингиз оширган эл юрт олдида.
Ёмонингиз бўлса, пинҳон кўнглида.
Ўзи қилган ошни келин қилди деб.
Мақтаган бол, асал томиб тилидан.
Қайноналар омон бўлсин дунёда.
☘
🌺
Келин ухлаб қолса дераза чертган.
Нонушта тайёрлаб югуриб, чопган.
Қуймоқлар, бўтқалар пишириб қўйиб.
Келингинасининг айбини ёпган.
Қайноналар омон бўлсин дунёда.
☘
🌺
Тансиқ луқма келинига илинган.
Бирор жойга кетса ўрни билинган.
Кўчадан келганлар "Бувинг қани"?- деб
"Онам қани?", дея уни қидирган.
Қайноналар омон бўлса дунёда.
☘
🌺
Ўғлига уқтирган: "Келин ҳали ёш.
Вақт бергин. Ўзинг қил сабр ва бардош.
Бир бека бўлсинки хонадонингга.
Тунлари ой каби, кундузи қуёш".
Қайноналар омон бўлсин дунёда.
☘
🌺
Вой, нима кўряпман, қўлизда чўпми?
Чўпли қайноналар ҳозир ҳам кўпми?
Уят-а, тезликда андава олинг.
Дазмолни ҳам ушланг бир қўлда , хўпми?
Қайноналар омон бўлсин дунёда.
☘
🌺
Янги касб муборак: уста сувоқчи.
Дазмолчи, адвокат- моҳир оқловчи.
Ўғилу келинга бирдай ён босиб.
Адолат тарозисин тўғри ушловчи.
Қайноналар омон бўлсин дунёда.
☘
🌺
Ҳозир ҳамма қайноналар яхши, ширинсўз.
Заҳар чакилламас, нурли, очиқ юз.
Қўлидан келганча беради ёрдам.
Келинга атлас қилиб, ўзи кийган бўз.
Қайноналар омон бўлсин дунёда.
☘
🌺
Меҳрибон, ширинсўз, юмшоқ, мулойим.
Қаттиққўл, талабчан, заҳар ва...золим.
Кекса, ёш, семиз, озғин, баланд ёки паст.
Шифокор, ўқитувчи фаррош ва олим.
Қайноналар омон бўлсин дунёда.
☘
🌺
Шеърни ўқиётган қайнонажонлар.
Бувилар, аммалар ва холажонлар.
Келинг, биргаликда рақсга тушайлик.
Чигаллар ёзилсин, яйрасин жонлар.
Қайноналар омон бўлсин дунёда.
☘
🌺
Сизни кўрсам бир сухбатлашамиз.
Келинлар ҳақида хўп сирлашамиз.
Мастурахон бир канал ташкил қилди.
Киринг, маза қилиб суҳбатлашамиз.
Қайноналар омон бўлсин дунёда.
Давр сурайлик, ҳозир бизнинг давронда.
Мастура ҳожи она шеъри.
https://t.me/Masturahojionasherlari

ҚАЙНОНА КИМ?
👵
🧓
Қайнона - бу ўша сизни севган ёрингизни дунёга келтирган аёл!
Қайнона - бу йиллаб тўй қиламан, келин тушираман деб ўзини ва фарзандларини ризқини қийиб пул тўплаган, сарпо йиққан аёл!
Қайнона - Сизни келин қилиб тушургунича хаёлида мингта қизни жамлаб, мингтани ичидан сизни
фарзандига лойиқ кўрган аёл!
Қайнона - Эрингиз учун жонини беришга тайёр бўлган аёл!
Қайнона - сизни қанча койиса хам, фарзандларингизни сиздан - да ортиқроқ яхши кўрадиган аёл!
Қайнона - сал қўполроқ бўлса-да, хаёт фанидан дарс бераётган, эртага энг намунали аёл, она бўлишингизни чин дилдан хоҳлаётган аёл!
🤔
Энди ўйланг.... шунча яхшилик қилган ва қилаётган аёлни ёмон кўришга хаққимиз борми?!

Ассалому алайкум Азизим! Омонмисиз?
Яна бир мунаввар тонг муборак бўлсин!
Танингиз соғми? Кўнглингиз хотиржамми?
Хонадонингиз аҳли тинчми?
Омон бўлинг. Умрингиз узоқ бўлсин. Вужудингиз дард кўрмасин.
Дилингизда ғам, кўзингизда нам кўрмай Қадрдоним!
Бахтимизга оталаримиз, оналаримиз сог бўлишсин. Уларнинг дуоларини олиб униб, ўсиб юрайлик.
Жигарларимиз доимо ёнимизда бўлишсин.
Жуфтларимиз билан қўша қарийлик.
Фарзандларимизнинг камолини, жамолини кўрайлик. Ҳосилларидан баҳраманд бўлиш насиб қилсин.
Бераётган тарбиямизни оқлаб, ҳеч қачон бошимизни эгиб қўйишмасин.
Барча хизмат юзасиданми, бирор иш биланми кўчага чиққанларни Аллоҳ ўзининг ҳифзу ҳимоясида сақласин. Турли балолардан, фалокатлардан Аллоҳ ўзи қалқон бўлсин.
Хаммангизга доим яхши инсонлар ҳамроҳ бўлсин.
Кунингиз яхши ўтсин. Яхши хабарлар эшитинг.
Беморларга Аллоҳдан шифои комил сўраймиз.
Ҳаммангизни яхши кўраман.

ДОЛЗАРБ САВОЛ.
( ҳазил шеър)
Учрашса икки аёл.
Сўрашиб холу аҳвол.
Кейин беради савол:
"Нечта банка ёпдингиз?"
Куз фаслига мос савол.
Аёлларга хос савол.
Берманг илтимос савол.
"Нечта банка ёпдингиз?"
Пенсия келса ёпаман.
Ойлик олсам ёпаман.
Амаллаб пул топаман.
"Нечта банка ёпдингиз?"
Ҳар кун бозор чопсак ҳам.
Сал қимматга топсак ҳам.
Кўтаролмай толсак ҳам.
"Нечта банка ёпдингиз?"
Пақиллатиб отса ҳам.
Чанглар босиб ётса ҳам.
Қишдан ортиб қолса ҳам.
"Нечта банка ёпдингиз?"
Токча тўлиб кетса ҳам.
Сони юзга етса ҳам.
Эрлар “Войдод!”- деса ҳам.
Нечта банка ёпдингиз?
"Икро, лечо қилдизми?
Бодринг тузладизми?
Барига улгурдизми?
"Нечта банка ёпдингиз?"
Бодринг, укроп, памидор.
Қаерда арзони бор?
Қайси жой, қайси бозор?
"Нечта банка ёпдингиз?"
Сиз қанчадан олдингиз?
Икрага нима солдингиз?
Эээээ, бошимни қотирдингиз?
"Нечта банка ёпдингиз?
Қиш ғамини ёзда еб.
Уйим, болам, чақам деб.
Ўтирамиз қишда еб.
"Нечта банка ёпдингиз?"
Дўконда тайёри бор.
Улар бизга не даркор?
Биз аёллар- тежамкор.
"Нечта банка ёпдингиз?
Ёпмадим деса, "Эсиз".
Ачинган бўлиб дейсиз:
"Вой, қишда нима ейсиз?"
"Нечта банка ёпдингиз?"
Икра ўрнига қаймоқ.
Лечо ўрнига сарёғ.
Ризқимиз берар Аллоҳ.
"Нечта банка ёпдингиз?"
Тузламамас, турп ермиз.
Нонга бол суриб ермиз.
Ўрганганмизда, дермиз:
"Нечта банка ёпдингиз?"
Куз - кимгадир саёҳат.
Кимга дам, кимга роҳат.
Бизларга куз ғанимат.
Нечта банка ёпдингиз?
Қизлар келар "Ҳорманг!"- деб
Қўшни чиқар "Толманг?"- деб.
"Келин, ишга борманг!"- деб.
"Нечта банка ёпдингиз?"
Ким нима деса десин.
Ёпган қандини урсин.
Сизчи, ўргилай овсин-
"Нечта банка ёпдингиз?"
Мастура ҳожи она шеъри.
https://t.me/Masturahojionasherlari

Ўлкамизда авжи пишиқчилик. Меваю сабзавотлар ғарқ пишган.
Аллоҳ бандасини беризқ яратмайди. Пулимиз етганича, ризқимизга яраша еб турибмиз.
Саранжом уй бекалари қиш ғамини бошлаб юборишди.
Турли салатлар, икраю лечолар, кампоту мурабболар...
Йилдан йилга тури кўпайиб боряпти.
Аллоҳ эркакларнинг ҳамёнига барака, аёлларга куч, қувват берсин.
Вой, сўраш эсимдан чиқибди. Нечта банка ёпдингиз?