Mehrob.uz

66. У: «Йўқ. Сизлар ташланг», деди. Бирдан уларнинг арқонлари ва асолари унга сеҳрларидан худди ҳаракатланаётгандек бўлиб кўринди.
Мусо алайҳиссалом сеҳргарларга олдин бошлашга имкон бердилар.
«У: «Йўқ. Сизлар ташланг», деди».
Яъни, йўқ, мен аввал ташламайман, аввал сизлар ташланглар, дедилар.
Сеҳргарлар қўлларидаги арқон ва асоларини ерга ташладилар.
«Бирдан уларнинг арқонлари ва асолари унга сеҳрларидан худди ҳаракатланаётгандек бўлиб кўринди».
Сеҳргарларининг ерга ташлаган арқон ва асолари Мусо алайҳиссаломга уларнинг сеҳри сабабли худди ҳаракатланаётгандек бўлиб кўринди.
@mehrob_uz

Ассалому алайкум ва роҳматуллоҳи ва барокатуҳ!
Аллоҳ таоло янги ҳафтанинг илк тонгини хайрли ва баракотли қилсин.
Душанба — амаллар Аллоҳ таолога кўрсатиладиган, Расулуллоҳ соллаллоҳу алайҳи васаллам таваллуд топган муборак кун. Бу кунда ниятларимизни янгилаб, яхшиликка қадам қўйайлик.
Тонгги дуо:
«Эй Роббим! Бу кунда бизга кенг ризқ, манфаатли илм ва қабул бўладиган амаллар насиб эт. Қалбимизни хотиржам, танимизни соғлом, оқибатимизни хайрли қил!»
Кун ҳикмати:
«Сизга берилган неъматларнинг энг яхшиси — хотиржамлик, энг катта бойлиги — қаноатдир».
Ҳафта давомида яхши кайфият ва эзгу амаллар сизни тарк этмасин!
👉
@mehrob_uz

«Бу дунё ҳаёти ғурур матоҳидан ўзга нарса эмас»
(Оли Имрон сураси, 185-оят).
Бу дунё йўқ бўлиб кетадиган матоҳдир. Буни англаганлар англайди. У ҳеч кимга дўст эмас. Охирида барибир ҳаммадан воз кечади.
Оқил одам тарк қилинишидан олдин уни тарк қилган кишидир.
Умар ибн Хаттоб розияллоҳу анҳу Шомга келганларида Абу Убайда розияллоҳу анҳуга: «Мени уйингга олиб бор», дедилар. Умар у зотнинг уйларига киргач: «Уй жиҳозларинг қани?» дедилар. Абу Убайда: «Кўриб турганингиздан бошқа нарсам йўқ», дея жавоб бердилар. «Егулик борми?». Абу Убайда туриб, бир идиш ичидан ушалган нонларни олдилар.
Ҳолатни кўрган Умар:
«Дунё барчамизни ўзгартирса ҳам, сени ўзгартира олмабди, эй Абу Убайда»,
деган эканлар.
Ҳолбуки, ўшанда Абу Убайда розияллоҳу анҳу Шомнинг волийси эдилар.
@mehrob_uz

Намоз вақтлари:
27.04.2026 - Душанба
Telegram
|
Facebook
|
Instagram
|
YouTube

#савол_жавоб
Спорт ёки машқ мақсадида балиқ овлаш
мумкинми?
Савол:
Ижтимоий тармоқ орқали “Исломда спорт учун балиқ овлаш тавсия этилмаган, балки бу макруҳ амал ҳисобланади” деган гапни ўқиб қолдим. Бу гапнинг шаръий асоси борми?
Жавоб:
Бисмиллаҳир Роҳманир Роҳим. Шариатимиз кўрсатмаларига кўра, машқ ёки спорт мақсадида балиқ овлангандан кейин ундан овчининг ўзи ёки бошқалар манфаат кўрса, бу ов тури жоиздир. Аммо овланган балиқдан ҳеч ким фойда олмаса ва овланган балиқ ташлаб кетилса, бу турдаги овлаш макруҳ ҳисобланади. Бу ҳақда “Мавсуатул фиқҳийя” китобида бундай дейилган:
Яъни, овлашдан мақсад ўйин-кулги бўладиган бўлса макруҳдир. Зеро, Расулуллоҳ соллаллоҳу алайҳи васаллам:
“Жони бор нарсани нишон қилманглар”,
деганлар
(Имом Муслим ривояти).
Бу мавзуда “Фатавои Татархонийя” китобида бундай дейилган:
Яъни: «Абу Юсуф раҳматуллоҳи алайҳ айтадилар: “Агар овлашдан мақсад ўйин-кулги бўлса, унда яхшилик йўқдир ва мен уни хуш кўрмайман. Агар овлашдан мақсад сотиш, истеъмол қилиш ва шу каби фойдали нарсалар бўлса, ундай овлашнинг зарари йўқдир». Валлоҳу аълам.
“Фатволар тўплами”дан
@mehrob_uz

МАСХАРА — МЎМИН ХУЛҚИ ЭМАС
❤️
Шайх Саййид Раҳматуллоҳ Термизий
✅
Яқинларингизга ҳам улашинг!
👍
Telegram
👍
Instagram
👍
YouTube
👍
Facebook

65. Улар: «Эй Мусо, сен ташлайсанми ёки биз аввал ташловчи бўлайликми?» дедилар.
Сеҳргарларнинг бу гапларидан уларнинг ғолиб келишга ишончлари комил эканлиги билиниб турибди. Улар бу гаплари билан, эй Мусо, сен бошлайсанми ёки биз бошлайликми — биз учун фарқи йўқ, демоқчилар.
@mehrob_uz

ЯКШАНБА — ОИЛА ДАВРАСИДА!
Ассалому алайкум ва роҳматуллоҳи ва барокатуҳ!
Бугун дам олиш куни. Кўпчилигимиз ишимизни бир четга суриб, яқинларимиз билан бирга бўламиз. Дунё ишлари ҳеч қачон тугамайди, лекин ғанимат инсонларимизнинг меҳри ва дуоси биз учун ҳақиқий бойликдир.
Агар ота-онангиз ҳаёт бўлсалар, бугун уларни зиёрат қилинг, кўнгилларини олинг. Агар узоқда бўлсангиз, қўнғироқ қилиб хол-аҳвол сўранг. Зеро, уларнинг дуоси дунё ва охиратдаги бахтимиз калитидир.
Роббимиз марҳамат қилади:
«Роббинг фақат Унинг Ўзигагина ибодат қилишингни ва ота-онага яхшилик қилишингни амр этди»
(Исро сураси, 23-оят).
Кунингиз файзли ўтсин!
🌿
✅
Яқинларингизга ҳам улашинг:
@mehrob_uz