Millat Zagh
غورچاڼ ته راټول سوي مطلبونه:
چین کي د باران نړیوال ریکارډ؛ په دغه هیواد کي ۱۶۰ ملي متره باران سوی.
میټا کي ستر بدلون؛ یاده کمپنۍ خپل ۸۰۰۰ کارکوونکو له دندو څخه ځوابوي او زرګونه نور لنډمهاله ځنډوي.
ټولنیزي رسنۍ او پر کوچنیانو د هغو د بندیز ګټي.
په افغانستان کي د بانکنوټو د ژر زړېدلو عوامل څه دي؟
مصنوعي ځیرکتیا کي د ښځو پراخه ونډه؛ سعودي عربستان له همدې امله په نړیواله کچه لومړی مقام خپل کړ.
د نړۍ تر ټولو ګرانبیه برقي یا برېښنايي موټر؛ دغه موټر د رولز رایس کمپنۍ له خوا جوړ او شاوخو ۹،۵ میلیونه ډالره قیمت لري.
پر انرژۍ او برېښنايي موټرانو د ایران او امریکا متحده ایالتونو د جګړې اغېز.
انټرنیټ چېري دئ؟
او د هندۍ سینما د کینګ فلم شوټینګ پای ته ورسېد او د اوس له پاره ئې یوازي د پای ځیني برخي پاته دي.
دا او ورته نورو مطلبونو ته د ملت ږغ راډیو په غورچاڼ خپرونه کي غوږ ونیسئ!
#MillatZagh
د سبا (ادیني) ورځي د یو شمېر ولایتونو او سیمي د هوا حالات:
کندهار: اسمان لمر، د تودوښي لوړه درجه ۳۴، کښته ۱۹
کابل: اسمان څه ناڅه وریځ، د تودوښي لوړه درجه ۲۴، کښته ۱۳
هرات: اسمان ځای، ځای وریځ، د تودوښي لوړه درجه ۲۱، کښته ۱۳
هلمند: اسمان لمر، د تودوښي لوړه درجه ۳۷، کښته ۲۳
روزګان: اسمان لمر، د تودوښي لوړه درجه ۲۵، کښته ۱۳
بلخ: اسمان ځای، ځای وریځ، تودوښي لوړه درجه ۲۶، کښته ۱۸
ننګرهار: د باران اټکل، د تودوښي لوړه درجه ۲۸، کښته ۱۷
کوټه: اسمان لمر، د تودوښي لوړه درجه ۳۰، کښته ۱۷
اسلام اباد: اسمان لمر، د تودوښي لوړه درجه ۳۰، کښته ۲۳
نوی ډهلی: د باران اټکل، د تودوښي لوړه درجه ۳۶، کښته ۲۵
#MillatZagh
ملا برادر او ریچارډ لینزي د افغانستان او نړۍ ترمنځ د همکارۍ په اړه خبري کړي
د افغانستان له پاره د برېټانیا ځانګړی استازی ریچارډ لینزي کابل ته راغلی او د رئیس الوزرا له اقتصادي مرستیال ملا عبدالغني برادر اخند سره ئې په لیدنه کي د افغانستان او نړیوالي ترمنځ د همږغۍ او ګډي همکارۍ د پیاوړتیا په اړه خبري کړي دي.
د اسلامي امارت مرستیال ویاند حمدالله فطرت وايي، دواړو لورو په دې ناسته کي په افغانستان کي د اوسني اقتصادي وضعیت، د افغانستان او نړیوالي ټولني ترمنځ د اقتصادي همکارۍ او د برېټانیا له خوا له افغانستان سره پر بشري مرستو خبري کړي دي.
فطرت وايي، ریچارډ لینزي د دې لیدني پر مهال پر افغان خاوره د پاکستان د بریدونو له قربانیانو سره خواخوږي څرګنده کړې او له هغوی سره ئې د مرستو د دوام خبر ورکړی دی.
#MillatZagh
د کور جوړولو وزیر ننګرهار کي پر ۳۳۵ راستنو سوو کورنیو نمرې وېشلي
د کور او ښار جوړولو وزیر مولوي نجیب الله حیات ننګرهار ته سفر کړی او هلته ئې پر ۳۳۵ راستنو سوو کورنیو د کورونو جوړولو په موخه نمرې وېشلي دي.
حیات په یادو مراسمو کي ویلي، هڅه کوي، چي په راتلونکي کي دغه بهیر نور هم پراخ کړي.
#MillatZagh
بدخشان کي ترافیکي پېښي ۱۵ کسانو ته مرګ ژوبله اړولې
د بدخشان امنیه قومنداني وايي، د دغه ولایت د مرکز فیض اباد ښار په نهمه ناحیه کي د یوې ترافیکي پېښي له امله یو کس وژل سوی او ۱۴ تنه نور ژوبل سوي دي.
یادي قومندانۍ ویلي، دغه ترافیکي پېښه نن (پنج شنبه) د یوه پیکپ ډوله د چپه کېدلو او یوې درې ته د هغه لوېدلو پر مهال رامنځ ته سوې ده.
سرچینه وايي، ژوبل سوي کسان د درملني له پاره د یاد ولایت روغتون ته لېږدول سوي دي.
#MillatZagh
ملي تدارکاتو کمېسیون د ۲،۸ ملیارډ افغانیو په ارزښت ۱۹ پروژې منظور کړي
د ریاست الوزرا اقتصادي معاونیت وايي، د اقتصادي مرستیال ملا عبدالغني برادر په مشرۍ د ملي تدارکاتو کمېسیون د شاوخوا ۲،۸ ملیارډ افغانیو په ارزښت ۱۹ پروژې منظور کړي دي.
یاد معاونیت وايي، د دې کمېسیون نننۍ غونډي ته د منظورۍ له پاره ۲۶ پروژې وړاندي سوي وې، چي ۱۹ ئې منظور، څلور تعدیل، یوه بیا ارزولو، بله مذاکراتو او وروستۍ یوه داوطلبۍ ته وړاندي سوې ده.
سرچینه وایي، په یادو پروژو کي د هیواد په ګوټ، ګوټ کي د سړکونو جوړولو، د مخابراتي فعالیتونو پراخولو، د برېښنا د لېږد او ځینو برخو لويي پروژې شاملي دي.
#MillatZagh
روانه اوونۍ د ښځو د حقوقو ۱۲۴ قضیې حل سوي
د امر بالمعروف، نهي عن المنکر او شکایتونو اورېدلو وزارت وايي، د رواني اوونۍ پر مهال ئې د ښځو د حقوقو اړوند ۱۲۴ قضیو ته رسېدګي کړې او حل سوي دي.
د یاد وزارت ویاند سیف الاسلام خیبر وايي، په دې قضیو کي د اجباري نکاحګانو او کورنیو تاوتریخوالو مخنیوی، مېرمنو ته د ولور، میراث او څښاک او خوراک حقوق برابرول، شرعي نکاح ګانو ته زمینه برابرول او د طلاق قضیې حلول شامل دي.
د خیبر په وینا، په دې موده کي ئې ۶۹ لويي او کوچنۍ دښمنۍ په دوستۍ بدلي او د هیواد په ګوټ، ګوټ کي ئې د کوډو او جادو کولو په تور ۱۱ کسان تر نیولو وروسته عدلي او قضايي ارګانونو ته سپارلي دي.
#MillatZagh
پر پټاقیو مطلق بندیز ولګول سو
د صنعت او سوداګرۍ وزارت تائید کړه، چي د اسلامي امارت د مشرتابه په حکم د پټاقیو پر وارداتو مطلق بندیز لګول سوی دی.
د دغه وزارت ویاند عبدالسلام جواد وايي، د سوداګرۍ وزیر نور الدین عزیزي د یادو وارداتو د مخنیوي په اړه له خصوصي سکټور سره د همږغۍ غونډه کړې او په دې غونډه کي ئې هغوی ته خبرداری ورکړی چي، تر دې وروسته د یادو توکو واردات ترسره نه کړي.
تر دې مخکي یو شمېر سرچینو ویلي و، د اسلامي امارت له خوا د خلکو د شکایتونو په نتیجه کي او د ازار د مخنیوي په خاطر دغه بندیز لګول سوی دی.
#MillatZagh
نن پنځنۍ د غوايي میاشتي ۱۰مه نېټه، کندهار کي نرخونه په لاندي ډول دي.
#خوراکي_توکي
:
وطني ۴۴ کیلويي اوړه: په ۱۲۸۰، ۱۳۸۰ او ۱۴۸۰ افغانۍ.
قزاقي اول نمبر ۵۰ کیلويي اوړه: په ۱۵۶۰ افغانۍ.
شل لېټره غوړي: په ۲۱۸۰ افغانۍ.
لس لېټره غوړي: په ۱۰۹۰ افغانۍ.
درې لېټره غوړي: په ۳۸۰ افغانۍ.
سېله اولي هندۍ وریجي ۲۵ کیلویي: په ۲۳۰۰ افغانۍ.
وطني ۲۵ کیلويي وریجي: په ۱۶۰۰ افغانۍ.
سپیني وریجي ۲۵ کیلويي: په ۱۴۰۰ افغانۍ.
بوره: من په ۳۳۰ افغانۍ.
پلمېټ: من په ۳۶۰ افغانۍ.
کاناډایي نخود: من په ۵۴۰ افغانۍ.
ایراني اول نمبر نخود: من په ۴۳۰ افغانۍ.
سره لوبیا: من په ۳۶۰ افغانۍ.
سپینه لوبیا: من په ۲۹۰ افغانۍ.
مالګه: من په ۵۵ افغانۍ.
اولي شنې چای: کیلو په ۲۶۰ افغانۍ.
اولي توري چای: کیلو په ۲۷۰ افغانۍ.
مکروني: کڅوړه ۴۰ افغانۍ.
#پته
: نوی سړک، د ناحیه اول چوک، د احمدې پلازې پر مخامخ، د حاجي معراج الدین او زامنو عمده پلورنځی.
#غوښي
:
د پسه غوښه: له پوست سره چهاریاک په ۴۲۵ او بې پوسته په ۴۵۰ افغانۍ.
د سېرلي غوښه: چهاریاک په ۴۵۰ افغانۍ.
د غوایي غوښه: چهاریاک ۴۲۵ افغانۍ.
د چرګ صافه غوښه: کیلو په ۲۰۰ افغانۍ.
ژوندی چرګ: کیلو په ۱۴۰ افغانۍ.
#پته
: د ښاروالۍ او عام بازار نرخونه.
#دسونتوکي
:
پټرول: لېټر په ۶۵ افغانۍ.
ډېزل: لېټر په ۶۰ افغانۍ.
ګاز: په شرکت کي کیلو په ۵۴ او په عام بازار کي کیلو په ۵۷ او ۵۸ افغانۍ.
#پته
: د حافظ په نوم ټول تېل پمپونه.
#داسعاروتبادله
:
یو ډالر: ۶۴،۵۰ افغانۍ.
یو ډالر: ۲۹۲،۳۰ کلداري.
یو ریال: ۱۶،۹۰ افغانۍ.
زر افغانۍ: ۴۵۳۵ کلداري.
زر کلداري: ۲۲۰ افغانۍ.
زر بانکي تومن: ۰،۳۶ افغانۍ.
یادونه: د صرافۍ بولۍ نه سته دا صرف یو اندازه ده.
#پته
: اتل صرافۍ مارکېټ، اول منزل، د منان حبیب صرافي.
#MillatZagh
تېره میاشت د اوسپني پټلۍ له لاري ۸۷۳ زره ټنه لېږد رالېږد سوی
د ټولګټو چارو وزارت وايي، د روان ۱۴۰۵ لېږدیز لمریز کال په تېره وري میاشت کي د افغانستان د اوسپني پټلۍ له لارو ۸۷۳ زره او ۹۸۱مټریک ټنه لېږد رالېږد سوی دی.
د دغه وزارت ویاند محمد اشرف حق شناس وايي، په یاد لېږد رالېږد کي نهه زره او ۲۸۵ مټریک ټنه د افغانستان د وچي مېوې او انارو د جوس صادرات دي، چي یو شمېر هیوادونو ته سوي او پاته نور د نفتي او غیر نفتي توکو واردات له نورو هیوادونو څخه افغانستان ته سوي دي.
د حق شناس په وینا، دغه انتقالات د حیرتان، آقینې، تورغونډۍ او هرات- خواف اوسپني پټلۍ له لارو سوي دي.
#MillatZagh