Musayev blogi
Erasmus Mundus kursi hisobotiga yordam!
Agar mobodo eshitmay qolgan bo'lsangiz, yaqinda Erasmus Mundus dasturi uchun yangi mavsum
kursimizni
e'lon qildik.
Menga hozir
istalgan avvalgi kursimda qatnashib
aynan Erasmus Mundus dasturida
g'olib yoki alternativ
sifatida tanlangan o'quvchilarim yordami kerak!
Sizdan iltimosim menga yoki
@mentorgo_sarvinoz
ga ism-familiyangiz, qabul qilingan yo'nalishingiz va natijani yozib yuborsangiz.
Bunda aynan Erasmus Mundus kursiga qatnashgan bo'lishingiz shart emas. Universal, DAAD yoki boshqa kursimda qatnashgan va u yerdagi bilimlar yordam bergan deb hisoblasangiz ham albatta murojaat qilavering.
Oldindan kattakon rahmat.
Dasturga qiziqqan va topshirmoqchi bo'lganlar uchun Erasmus guruhida ko'plab ma'lumotlarni yig'ib tartiblab qo'ydik.
👉
@Erasmus_Community
Kursga birinchi qo'shilgan 10 ta o'quvchiga 10% chegirma mavjud :)
#erasmus_mundus
#mentorship
#help
@Musayev_blogi
Hammani "
11 oy qilinmay yotgan ishlarni 1 oyda qilib tashlash
" oyi kirib kelgani bilan tabriklayman.
Yana bugun dushanba - haliyam boshlashga kech emas degan qo'shimcha motivatsiya )
2025-yil ham tugayapti...
@Musayev_blogi
Javohir Sindarov shaxmat Fide 2025 jahon kubogi chempioni
🎉
Gigantlar qatnashgan turnirda Javohir g'olib chiqdi. Kutilmagan deb aytib bo'lmaydi lekin. Freestyle turnirida ham u qanchalik kuchli shaxmatchi ekanini ko'rsatgandi. Faqat yarim-finalda ozgina omad yetishmagan.
Bu safar savollarga o'rin qoldirmadi.
Ingliz kommentatorlar Nodirbek Rapid chempioni bo'lganida prezident uy sovg'a qilganini eslashyapti. Ular ham bilishar ekan
😁
@Musayev_blogi
Oila
Ko'z ochib-yumguncha turmush qurib oilali bo'lganimga ham bir yildan oshib qolibdi. Bu mavzuda nimadir deb aqllilik qilishga hali juda erta bo'lsa ham oila qurish hayotimni qanday o'zgartirgani haqida qisqacha aytib ketmoqchiman.
1. Xotirjamlik
Oila qurishdan eng asosiy maqsad - bu xotirjamlik, sakinat topish. Erkak kishi oiladan topishi mumkin eng katta ne'mati ham shu. Allohga shukurki, oila qurganimdan keyin ichimda yillar davomida tuymagan
xotirjamlik
hissini tuydim.
Oxirgi yillarda miyamda doimiy nimadir aylanib turardi, u esa ichimga tinchlik bermasdi. Hattoki dam olish paytlarimda ham to'liq miyamni bo'shaganini his qilmasdim. Albatta, bu narsa o'z vaqtida katta energiyaga aylanib, juda ko'p ishlarni qilishimda yordam bergan. Lekin o'z navbatida bu huddi qandaydir doimiy kurashdek tuyulardi.
Hozir esa yangi tashvishlarga qaramasdan ana shu xotirjamlik bor. Uyga borgandan keyin hammasini miyamdan chiqarib tashlay olaman. Ba'zida dangasa ham bo'lib ketayotgandek tuyulaman o'zimga
🥲
2. Javobgarlik
Erkak kishi hayot mazmunini uning yelkasidagi javobgarlik hissi belgilaydi. U o'zini qancha odam unga suyana olishiga qarab shunchalik kuchli his qiladi. Ana shuning uchun ham bizning ichimizda bolalikdan
super
qahramon
bo'lish istagi bo'ladi.
Avvalari o'zimdan boshqa odamga javobgar bo'lmaganman. Oila esa o'zimdan boshqa inson(lar) uchun ham to'laqonli javobgar bo'la olish hissini beryapti. Mas'uliyatli albatta, lekin aytganimdek hayot mazmuni ham shunda.
3. Shaxsiy hudud (personal space) qisqarishi
Oila qurishdan oldin
8 yil
davomida oilamdan uzoqda yashadim. Shuning oxirgi 2 yili butunlay yolg'izlikda. Bunday yashash uzoq davom etishi juda yoqimsiz bo'lsa ham qaysidir ma'noda odamni ozroq o'ziga o'rgatib ham qo'yadi.
Oldin vaqtimning deyarli hammasi o'zimniki edi. Uni deyarli xohlagandek o'tkazardim. Ishdan xohlasam uyga kechki 10 da qaytardim, xohlasam 5 da. Dam olish kunlari ertalabdan kechgacha kompyuter oldida o'zimning ishlarimni qilib o'tirishim mumkin edi.
Hozir esa vaqtimning bir qismida
oilam nasibasi
bor. Bu nasibani ularga ajratmaslik esa egoizm bo'ladi. Shuning uchun ishdan ertaroq qaytishga, dam olish kunlarini oila yoki rozg'or ishlari bilan o'tkazishni rejalashim kerak.
4. Vazn o'zgarishi
To'ydan oldin hamma "Uylansang semirib o'zingga kelib qolasan" deyishardi. Men ishonmasdim unchalik. To'g'ri o'ylagan ekanman
🙂
To'ydan 1 yil o'tib vazn olish tugul 3-4 kg vazn yo'qotib undan 1 yil oldingi vaznimga qaytib qolibman. O'zi menda vazn olish juda qiyin masala. Vazn olish uchun doimiy shug'ullanib, "пищевая добавка" ichib turishim kerak bo'lardi.
Aytganimdek, to'ydan keyin dangasaligim tutib shug'ullanishni tashlab qo'ydim va natijada biroz orqaga qaytish bo'ldi. Endi sekin-asta shu rejimni tiklayapman.
5. Ijtimoiy tarmoqlarda nofaollik
O'zi oldinlari ham Telegramdan tashqari ijtimoiy tarmoqlar (Instagram, Facebook, Linkedin) faol emasdim. Hammasida profilim bo'lsa ham juda kamdan-kam kirardim (YouTubedan tashqari). Lekin Telegramda giper faol edim. Dunyoning chekkasidagi bir "orol"da 2 yil yolg'iz yashagandan keyin qayerdadir odamlar bilan gaplashib turish kerakku.
Oila qurgandan keyin Telegramdagi faolligim ham ancha kamayib ketdi. Blogdagi postlardan ham sezgan bo'lsangiz kerak. Post yozishga ilhom kelmasligi oldin ham bor edi. Hozir shaxsiydan kimdir yozsa ham 2-3 kunlab kutib qolyapti ba'zida.
Albatta, bu 1, 2 va 3-o'zgarishlar bilan bog'liq. Ikkalasi ham bir-biriga qisman sababchi. Asosiysi o'zimda oldingidek "Telegramda menga yozishibdi. Tezda javob berishim kerak" degan vasvasa yo'q. "Kutadida" deb qo'yaman
😁
Qisqa qilib aytganda eng asosiy o'zgarishlar hozircha shular. Bu mavzuda o'ylagan juda ko'p fikrlarim borku blogga tushirish mumkin bo'lgan, lekin oldindan va'da berolmayman. Blogda yozilgan postlardan va'da berib yozilmaganlari ko'proq)
#family_life
@Musayev_blogi
Biror vaziyat yoki muammo haqida ortiqcha xavotirlanaverish uni hech qachon yechib yoki yaxshilab qo'ymaydi.
Ayniqsa u borada hech narsa qila olmagan holatingizda hadeb u haqida o'ylayvermasdan, boshqa ishlarga o'tish vaqtingizni ham, sog'ligingizni ham tejaydi.
@Musayev_blogi
Nyu-York shahar hokimi - musulmon!
Oxirgi vaqtlarda tarmoqlarda eng qiziqib kuzatgan mavzuim Zohran Mamdanining Nyu-York shahri hokimligiga bo'lgan chiqishlari bo'ldi. Bugun 34 yoshli musulmon "yigit" rasman shaharga hokim etib
saylandi
.
Musulmonlar dunyoning katta shaharlariga hokim bo'layotganini tez-tez eshitib turgan bo'lsak ham, bunisi juda boshqacha ahamiyatga
ega.
Chunki Nyu-York musulmonlardan yillar davomida eng ko'p nafratlangan, ularni "terrorist"ga chiqarishda va 9/11 yaratilishida asosiy vosita bo'lgan shahar edi.
Albatta bu g'alaba shahar va ularning odamlariniki ham chunki ular birgalikda mamlakatning tentak prezidentidan ham qo'rqmadi.
Trump saylovdan oldin ochiqchasiga agar Momdani hokim bo'lsa shaharga ajratilishi kerak $18 milliard budjetni to'xtatish, Momdanini deportatsiya qilish va hattoki shaharga armiya olib kirish bilan ham tahdid qildi. Lekin odamlar o'z huquqlari uchun kurasha oldi.
Momdanining g'olibligiga ikkita eng muhim sabab bo'ldi - u har bir gapida Nyu-Yorkni hamma uchun yashashga yaxshiroq shahar qilish rejasi haqida gapirdi. U amerikalik bo'ladimi, immigrantmi, musulmonmi, xristianmi, Mamdanini yaxshi ko'radimi-yo'qmi, uni saylaganmi-yo'qmi hamma uchun harakat qilaman deb aytdi.
Raqobatchilarini millarderlar qo'llab turganda, ular hokim bo'lsa birinchi ishi Isroilga tashrif buyurish bo'lishini aytib turganda va Momdanini to'xtatish uchun $40 milliondan oshiq sarflashganda, u minimum budjet bilan odamlarga, ayniqsa yoshlarga
ijtimoiy tarmoqlar
orqali yetib bora oldi.
Ijtimoiy tarmoqlar uning ishtirokidagi videolar bilan portladi. Dunyoning umuman boshqa chekkasidagi va Nyu-Yorkka aloqasi bo'lmagan odamlar ham uni qo'llab-quvvatlashdi.
Xullas, bu saylov voqea prezidentlik saylovidan ham o'tib ketdi (shaxsan men uchun). Amerikaga nisbatan hali umid bor ekanini ko'rsatdi.
Buyog'iga Zohranni o'z panohida saqlashini va kurashda davom etishini tilab qolaman :)
#politcs
#USA
@Musayev_blogi
Menga ingliz tilida "chyotkiy" qilib yozganlarga ba'zida ataylab o'zbek tilida javob qaytaraman.
"Ingliz tilini qoyillatib o'rganibsiz. Qani endi
ona tilingizda
qanday gapirishingiz va yoza olishingizni ham ko'ray-chi" degan ma'noda.
Tilimiz va qadriyatlarimiz bardavom bo'lsin!
@Musayev_blogi
Shamlar yog'dusidagi konsert
Dublinda shamlar yog'dusida jonli musiqa ostida mana shunday konsert borligini anchadan beri bilar edim. Bugun tashrif buyurish nasib qilgan ekan.
Bu safargi konsert ikki mashhur san'atkorlar qo'shiqlari musiqasi bilan o'tdi. Kimlar ekanini o'zingiz topib ko'rarsiz :)
#irish_life
#family_life
@Musayev_blogi
Uzoq vaqt aloqa qilmasa odam tanishlar, ulfatlar, do'stlar va hatto qarindoshlarini ham unutishi mumkin.
Lekin ustozlar yoddan chiqmaydi. Ustozlarimiz bergan bilimlari, aytgan gaplari bizning bir bo'lagimizga aylanib ketadi.
Ana shunday ustozlarimiz bayrami muborak bo'lsin!
@Musayev_blogi
– X grantga topshirish uchun kimga murojaat qilish kerak?
2-qism
4. Mentorlik kurslari
So'nggi vaqtlar grantlarga hujjat topshirishda yordam beruvchi mentorlik kurslari ham ancha ko'payib qoldi. O'zim ham shu kabi kurslarning eng birinchi mualliflaridanman desam adashmasam kerak.
Kurslar odatda guruh bo'lib o'tilgani sababli ular yuqoridagi tanlovlardan ancha arzonroqqa tushadi. Sifatli kurslar tahminan $50-$150 atrofida. Ular odatda
tizimli va reja bilan
olib borilishi g'olib odam bilan shunchaki individual ishlashdan ko'ra yaxshiroq ham bo'ladi. Odatda ulardan oladigan
bilimlaringizni boshqa grantlar uchun (qisman) ishlata ham olasiz
.
Albatta, ularga
odatdagidan ko'proq vaqt
ajratishingizga to'g'ri keladi. Agar darslar onlayn o'tilsa, ularda jonli qatnashish vaqtingizga to'g'ri kelmay qolishi ham mumkin. Kurslarga qatnashsangiz ham sizda baribir tanlovlar qilishda,
hujjat tekshirish va intervyularga tayyorgarlik
da mentor bilan
individual ishlashga ehtiyoj
seziladi.
5. Hech kimga murojaat qilmaslik / Mustaqil harakat
Kimlargadir bu qanchalik g'alati eshitilsa ham GrantGO (va boshqa grant kanallarida) e'lon qilinadigan grantlarga hujjat topshirishda aslida
hech kimga murojaat qilish shart emas.
Eng avvalo
orqani bir joyga qo'yib o'tirib
, hafsala bilan
o'sha grant rasmiy sayti
bilan bir boshdan tanishib, FAQlarni o'qib va hujjat topshirish portalini ko'zdan kechirib chiqsangiz,
"IELTS necha bo'lishi kerak?", "Yosh chegarasi bormi?", "125% GPA bilan topshirsa bo'ladimi?"
degan
savollaringizning 90-95% ga javob
topib qo'yishingiz mumkin.
Yana ozroq izlanib internetdagi
qo'shimcha ishonchli manbalarni
qidirib ko'rsangiz, nafaqat o'zingizda bor savollarga hatto
hali o'ylab ko'rmagan savollaringiz
ga ham javoblar chiqib qolishi hech gap emas.
GrantGO YouTube kanalida
ham juda ko'plab grantlar bo'yicha 1-2 soatli ovozli chatlar o'tkazganmiz. Ular pleylistlarga ajratib grantlar bo'yicha guruhlab ham qo'yilgan.
Shaxsan o'zim 10 dan ortiq turli darajadagi grantlarga
mustaqil
hujjat topshirib, ulardan 4-5 tasida g'olib ham bo'lganman. Ammo bu
eng optimal yo'l emas
ligi va hammada ham bunga
vaqt, qobiliyat
va malaka
yoki
hafsala
yetishmasligini aytib o'tish kerak.
6. Eng optimal yo'l
Mustaqil harakat qilib bir nechta grantlarda g'olib bo'lgan bo'lsam ham undan ko'proqlaridan "yiqilganman". Orada
xatolarimni tushunib yetish
uchun ancha vaqtim ketgan. Shuning uchun eng optimal yo'l sifatida
oxirgi 3 ta yo'lning yig'indisi
ni aytishim mumkin.
Optimal yo'lning eng muhim komponenti - bu shubhasiz mustaqil harakat. O'zingiz
astoydil o'z kelajagingiz uchun
harakat qilmas ekansiz hech qanday kurs yoki odam sizni sehrli tarzda orzularingizga yetkazib qo'ya olmaydi. Nari borsa sizni "sehrli" tarzda shilib ketishi mumkin.
Keyingi navbatda sizga
tizimli, sifatli va batafsil yo'riqnoma
kerak bo'ladi. Mentorlik kurslari aynan shunday tuzilgan bo'lishi kerak. Har qanday kursga qatnashishdan oldin albatta uning tarkibi, rejasi, qanchalik
chuqur va professional
tuzilgani bilan qiziqib ko'ring.
Qo'shimcha individual yordamlardan esa aynan
o'zingiz uchun mos reja tuzish
,
hujjatlaringizdagi kamchiliklarni to'g'irlash
, qotib qolgan joyingizda ozroq turtki olish va
intervyularga tayyorgarlik
uchun foydalanishingiz mumkin.
Bu usulda ham tahminan $100-$300 atrofida xarajat qilishga va jarayon uchun haftasiga 10-15 soat vaqt ajratishga tayyor bo'lishingiz kerak. Ammo jarayondan oladigan bilim va tajribalaringiz natijadan qat'iy nazar shunga arizishi mumkin.
So'ngso'z
Agar o'zingiz qiziqqan imkoniyat uchun mentor yoki kurs topa olmasangiz ham
"Kimga murojaat qilay? Kim kelib meni qo'limdan yetaklab hujjat topshiritirib beradi? Kimdir o'rnimga hamma ishni qilib bersayu men mazza qilib o'qib / yashab kelsam"
deb o'tirmang.
O'zingiz yoki ota-onangizning 2-3 oylik umri
sarflangan
bir dunyo pulni kimningdir quchog'iga solib undan najot kutmang!
Turing, izlaning, harakat qiling, yo'l aniq bo'lmasa o'zingizga yo'l oching va keyinchalik boshqalarga shu yo'lda yo'lboshchi bo'ling!
#FAQ
#scholarships
#mentorgo
#mentorship
@Musayev_blogi