Namangan viloyati maktabgacha va maktab ta'limi boshqarmasi/ RASMIY

Prezident Shavkat Mirziyoyev raisligida Toshkent shahrini ijtimoiy-iqtisodiy rivojlantirish, investitsiya va bandlikni oshirish, mahallalarda zamonaviy infratuzilma yaratish masalalari bo‘yicha o‘tkazilgan videoselektor yig‘ilishida maktabgacha ta’lim qamrovini oshirish
masalasi ham
ko‘rib chiqildi
.
Hozir
Olmazor tumanida bolalarni maktabgacha ta’lim bilan qamrab olish darajasi 67 foizni
tashkil etmoqda. Aholisi zich hududlarda
mavjud bog‘chalar quvvatini kengaytirish orqali bu ko‘rsatkichni sezilarli oshirish
mumkinligi
ta’kidlandi.
441-sonli bog‘cha
hududida mavjud
385 o‘ringa qo‘shimcha 450 o‘rinli yangi bino qurilishi
natijasida
mahallaning ehtiyoji to‘liq qoplangan.
Ushbu tajriba asosida yil yakuniga qadar
Olmazorda kamida yana 5 ta shunday loyihani boshlash
belgilandi.
Poytaxtning
boshqa tumanlarida ham aholisi zich mahallalar aniqlanib, bog‘cha infratuzilmasini kengaytirish bo‘yicha loyihalar tayyorlanadi.
Shu bilan birga, Toshkentda
transport tirbandligi tobora dolzarb bo‘lib borayotgani
qayd etildi. Bugun poytaxt ko‘chalarida
kuniga 1,5 millionta transport vositasi
harakatlanmoqda.
Tirbandlikni
faqat yo‘llarni kengaytirish, ko‘prik va tunnellar qurish bilan hal etib bo‘lmasligi
ta’kidlanib,
piyodalar va avtomobillar harakatini xavfsiz va samarali boshqarish uchun intellektual transport tizimlarini joriy etish bo‘yicha ishlarni yil yakuniga qadar boshlash
vazifasi qo‘yildi.
Bizni kuzating
❤
Telegram
🌐
Facebook
🌐
Youtube
🌐
Instagram
🔎
Veb-sayt
😄
Linkedin

#Sayyor_qabul
"Sayyor qabul" Surxondaryoda: murojaat va takliflar ko‘rib chiqildi
➖
Bugun Termiz shahridagi 26-sonli maktabda Maktabgacha va maktab ta’limi vaziri o‘rinbosari Farhod Boqiyev ishtirokida "Sayyor qabul" o‘tkazildi.
🔰
Unda fuqarolarning ta’lim tizimiga oid
23 ta
murojaat, taklif va muammolari tinglandi.
Xususan,
ishga joylashish, maktablar uchun qo‘shimcha o‘quv binolari qurish va moddiy-texnik bazasini mustahkamlash, pedagoglarning mehnat munosabatlari, oilaviy nodavlat maktabgacha ta’lim tashkilotlari faoliyatini yo‘lga qo‘yish
kabi masalalar ko‘rib chiqildi.
🔹
Murojaatlarning 9 tasi joyida ijobiy hal etildi. Qo‘shimcha o‘rganish va tegishli choralar ko‘rishni talab etadigan masalalar esa mutasaddilarga biriktirilib, ijrosi nazoratga olindi.
Bizni kuzating
❤
Telegram
🌐
Facebook
🌐
Youtube
🌐
Instagram
🔎
Veb-sayt
😄
Linkedin

Prezidentimiz obod bo‘lgan Qichqiriq mahallasida bo‘ldi.
—
Президент нашей страны посетил благоустроенную махаллю Кичкирик.
Prezident.uz
|
Facebook
|
Instagram
|
YouTube
|
X

Ijtimoiy tarmoqlarda “O‘qituvchining vaqti kimniki?” sarlavhasi ostida Chust tumanidagi 21-umumta’lim maktabida jismoniy tarbiya fani o‘qituvchilarining ish vaqtidan tashqari, soat 19:00 ga yig‘ilishga chaqirilgani haqidagi xabar tarqalgan edi. Mazkur holat yuzasidan o‘rganish ishlari olib borildi.
Avvalo, ijtimoiy tarmoqlarda tarqalgan xabarda ko‘rsatilgan telegram guruhi 21-umumta’lim maktabining rasmiy axborot kanali emas, balki jismoniy tarbiya fani o‘qituvchilari tomonidan tashkil etilgan shaxsiy guruh ekani ma’lum bo‘ldi.
O‘rganish davomida maktabdagi sinflar va guruhlar sonidagi o‘zgarishlar munosabati bilan jismoniy tarbiya fani darslari taqsimotida tegishli o‘zgarishlar yuzaga kelgani aniqlandi.
Mazkur masalani muhokama qilish maqsadida metodbirlashma rahbari tomonidan o‘zboshimchalik bilan, mehnat tartibiga zid holda yig‘ilish vaqtini soat 19:00 etib belgilagani ma’lum bo‘ldi.
Ushbu holat yuzasidan maktab jamoasi ishtirokida muhokama o‘tkazilib, metodbirlashma rahbariga xodimlarni ish vaqtidan tashqari vaqtda yig‘ilish va boshqa tadbirlarga jalb etish mumkin emasligi yuzasidan tegishli tushuntirish va jiddiy ogohlantirish berildi.
Pedagoglarning qonuniy mehnat huquqlariga hurmat bilan munosabatda bo‘lish hamda ish jarayonlarini belgilangan tartib va me’yorlar asosida tashkil etish masalasiga bundan buyon ham alohida e’tibor qaratilishi bildiriladi.
Namangan viloyati maktabgacha va maktab ta’limi boshqarmasi Axborot xizmati

Prezident nutqining mazmun-mohiyatiga bag‘ishlangan o‘quv-seminar o‘tkazildi
Prezidentimiz Shavkat Mirziyoyevning O‘zbekiston Respublikasi davlat mustaqilligining 35 yilligiga bag‘ishlangan tantanali marosimdagi nutqining mazmun-mohiyatini keng jamoatchilikka yetkazish maqsadida o‘quv-seminar tashkil etildi.
Unda Respublika Ma’naviyat va ma’rifat markazi viloyat bo‘limi rahbari Musoxon Appakov, viloyat maktabgacha va maktab ta’limi boshqarmasi boshlig‘i o‘rinbosari Sohibjon Ergashev, shahar va tuman maktabgacha va maktab ta’limi bo‘limlarining bosh mutaxassislari, umumta’lim maktablari direktorlari hamda ularning o‘rinbosarlari ishtirok etdi.
Seminarda nutqda ilgari surilgan ustuvor g‘oyalar va muhim vazifalar yuzasidan ma’ruzalar qilindi. Jumladan, «Uch ming yillik ildiz va Uchinchi Renessans: tarixiy vorislik, milliy o‘zlik va ma’naviy meros», «Inson qadri – 35 yillik islohotlarning o‘lchovi: erkinlik, bilim, sog‘liq va yoshlar», «Milliy yuksalish o‘n yilligi: yetti milliy dastur yaxlit tizim sifatida va nutqning bosh g‘oyalari» mavzulari atroflicha yoritildi.
Shuningdek, Respublika Ma’naviyat va ma’rifat markazi tomonidan tayyorlangan «O‘zbek kelayotir, tarix qa’ridan» nomli videorolik namoyish etildi.
Yakunda nutqda belgilangan vazifalarning mazmun-mohiyatini ta’lim muassasalarida targ‘ib qilish, yoshlar ongiga milliy qadriyatlar va Vatanga sadoqat tuyg‘ularini singdirish borasida amalga oshiriladigan ishlar yuzasidan fikr almashildi.
Namangan viloyati maktabgacha va maktab ta’limi boshqarmasi Axborot xizmati

🟦
🟦
🟦
To‘raqo‘rg’on tumanidagi o‘rganishlar jarayonida maktabgacha va maktab ta’limi boshqarmasi boshlig’i A’zamjon Isakov 45 - sonli davlat maktabgacha ta'lim tashkilotida bo‘ldi.
Muassasada oziq – ovqat mahsulotlari zaxirasi va saqlash holati ko‘zdan kechirildi.
“Ilk qadam” o‘quv dasturi asosida tashkil etilgan ta’limiy-tarbiyaviy faoliyat, bolalarning salomatligini mustahkamlash, ularni jismoniy va ma’naviy jihatdan chiniqtirish hamda bo‘sh vaqtlarini mazmunli o‘tkazish bo‘yicha olib borilayotgan ishlar bilan yaqindan tanishishdi.
Namangan viloyati maktabgacha va maktab ta’limi boshqarmasi Axborot xizmati

To‘raqo‘rg’on tumanidagi ta’lim muassasalari faoliyati o‘rganildi
Ta’lim muassasalaridagi obodonlashtirish ishlari, o‘quvchilar davomati, ma’naviy – ma’rifiy ishlarning olib borilishi masalalari bilan yaqindan tanishish maqsadida maktabgacha va maktab ta’limi boshqarmasi boshlig’i A’zamjon Isakov To‘raqo‘rg’on tumanidagi 14 -, 16 - hamda 45 – umumta’lim maktablarida bo‘ldi.
Dars jarayonlari, ta’lim sifati va samaradorligi o‘rganildi. O‘quvchi-yoshlar va ustoz-muallimlar bilan yoshlar istiqboli hamda soha faoliyatidagi yangilanishlar xususida muloqot qilindi.
Bitiruvchilarni oliy ta’limga qamrab olish, ularni qiziqishlaridan kelib chiqib kasb tanlash masalalariga e’tibor qaratilib, bu borada taklif va tavsiyalar berildi.
Namangan viloyati maktabgacha va maktab ta’limi boshqarmasi Axborot xizmati

#Videoinfografika
📊
2026-yil davomida maktablar va maktabgacha ta’lim tashkilotlarida amalga oshirilayotgan qurilish-ta’mirlash ishlari VIDEOINFOGRAFIKAda.
🌍
🌍
🌍
🌍
🌍
🌍
Bizni kuzating
❤
Telegram
🌐
Facebook
🌐
Youtube
🌐
Instagram
🔎
Veb-sayt
😄
Linkedin

"Diqqat, kitobxonlik tanlov"
#bolalar_kutubxonasi
MUHAMMADSHARIF SO'FIZODA NOMIDAGI BOLALAR KUTUBXONASI TOMONIDAN O'QUVCHI-YOSHLARNI BO'SH VAQTLARINI MAZMUNLI O'TKAZISH MAQSADIDA “MENING SEVIMLI KITOBIM” SHIORI OSTIDA KITOBXONLIK TANLOVINI E’LON QILADI
🗓
Tanlov
2026-yil 24 - sentabr soat 8:00 dan 16:00 gacha viloyat bolalar kutubxonasi binosida
bo'lib o'tadi.
📑
📌
Tanlov shartlari:
Quyidagi sinflar uchun belgilangan asarlar ta’til davomida mutolaa qilinadi va asar asosida ochiq yozma test savollariga javob beriladi.
📖
Tavsiya etilgan asarlar:
1–4-sinflar uchun
Muhabbat Yo'ldashevaning
"Uchar hammom"
kitobi
👉
Kitobning elektron shakli
👈
5–, 6–, 7-sinflar uchun
Abdulla Qahhorning –
“O'tmishdan Ertaklar”
qissasi
👉
Kitobning elektron shakli
👈
8–, 9–, 10–, 11-sinflar uchun
Jyul Vernning –
“O'ng besh yoshli kapitan”
kitobi
👉
Kitobning elektron shakli
👈
🏆
1-, 2-, 3-o’rinlar hakamlar hay’ati tomonidan belgilanadi. G’olib o’quvchilarga kutubxona tomonidan diplom va esdalik sovg’alari topshiriladi.
👨‍💻
Tanlovda Namangan viloyatining barcha tuman (shahar) umumta'lim maktablarining o'quvchilari ishtirok etishlari mumkin.
Viloyat bolalar kutubxonasi

Asosiy fan olimpiadasining maktab bosqichiga tayyorgarlik masalalari muhokama qilindi
Asosiy fan olimpiadasining birinchi - maktab bosqichini tashkil etish va o‘tkazish tartibiga bag‘ishlangan o‘quv-seminar tashkil etildi.
Unda maktabgacha va maktab ta’limi boshqarmasi boshlig‘ining birinchi o‘rinbosari Sohibjon Ergashev, boshqarma mas’ullari, tuman hamda shahar maktabgacha va maktab ta’limi bo‘limlari mas’ullari, 140 nafar umumiy o‘rta ta’lim maktabining o‘quv ishlari bo‘yicha direktor o‘rinbosarlari ishtirok etdi.
Seminarda Vazirlar Mahkamasining 2021-yil 9-sentyabrdagi 562-son qaroriga muvofiq, Asosiy fan olimpiadasining maktab bosqichini joriy yilning 30-sentyabriga qadar 9–10–11-sinf o‘quvchilari o‘rtasida o‘tkazish tartibi batafsil tushuntirildi.
Shuningdek, maktab bosqichida yuqori natija qayd etib, tuman (shahar) bosqichida ishtirok etish huquqini qo‘lga kiritgan o‘quvchilar haqidagi ma’lumotlarni 10-oktyabrga qadar Fan olimpiadalari markazining
olimpiada.uzedu.uz
elektron platformasiga kiritish zarurligi yuzasidan tavsiyalar berildi.
Bilimlar sinovini belgilangan tartib va muddatlarda, shaffof hamda adolatli o‘tkazish, o‘quvchilarning iqtidorini munosib namoyon etishi uchun zarur sharoitlarni yaratish bo‘yicha mas’ullarga tegishli vazifalar yuklandi.
Namangan viloyati maktabgacha va maktab ta’limi boshqarmasi Axborot xizmati