Namangan davlat pedagogika instituti

NamDPI vakili — xalqaro ta’lim dasturida
Namangan davlat pedagogika instituti Ta’lim sifatini ta’minlash bo‘limi boshlig‘i, pedagogika fanlari bo‘yicha falsafa doktori (PhD) Abduvokhid Isakov Hindistonning Nyu-Dehli shahridagi Ta’limni rejalashtirish va boshqarish milliy instituti — NIEPA tomonidan tashkil etilgan IPEM xalqaro malaka oshirish dasturida ishtirok etmoqda.
Mazkur xalqaro dastur Hindiston hukumatining ITEC — Indian Technical and Economic Cooperation dasturi tomonidan moliyalashtirilgan bo‘lib, turli davlatlardan tashrif buyurgan ta’lim sohasi mutaxassislarini bir maydonda birlashtirgan.
Trening davomida ta’limni strategik rejalashtirish va boshqarish, ta’lim sifatini ta’minlash, zamonaviy boshqaruv mexanizmlari hamda ilg‘or xorijiy tajribalarni o‘rganishga alohida e’tibor qaratilmoqda. Dastur ishtirokchilar o‘rtasida tajriba almashish, professional hamkorlikni mustahkamlash va yangi tashabbuslarni ilgari surish uchun muhim maydon bo‘lib xizmat qilmoqda.
Quvonarlisi, dunyoning turli mintaqalaridan kelgan hamda 14 dan ortiq mamlakat vakillari bo'lgan dastur ishtirokchilarining ishonchi va qo‘llab-quvvatlashi asosida Abduvohid Isaqov kurs prezidenti etib saylandi. Ushbu e’tirof uning yetakchilik salohiyati, tashabbuskorligi va xalqaro akademik muhitdagi faol ishtirofining munosib natijasidir.
Hamkasbimizga xalqaro dasturdagi faoliyatida muvaffaqiyat, yangi bilim va tajribalarni institutimiz ta’lim sifatini yanada yuksaltirish yo‘lida samarali tatbiq etishini tilaymiz!
🤩
Namangan davlat pedagogika instituti rasmiy sahifalari:
📱
Telegram
2️⃣
Instagram
3️⃣
Facebook
📺
YouTube

#hamkorlik
Kutubxonaga a’zolik jarayonini institut rektori boshlab berdi
Hamkorlik memorandumini imzolash marosimidan so‘ng Namangan davlat pedagogika instituti rektori Bahodir Xusanov Nodirabegim nomidagi Namangan viloyati Axborot-kutubxona markaziga a’zolik uchun birinchilardan bo‘lib ro‘yxatdan o‘tdi va a’zolik jarayonini boshlab berdi.
Shundan so‘ng institut rahbariyati vakillari hamda talaba-yoshlar kutubxona a’zoligidan o‘tib, markazning axborot-resurslari, boy kitob fondi va elektron xizmatlaridan foydalanish imkoniyatiga ega bo‘ldilar.
Mazkur tashabbus, avvalo, rahbariyatning shaxsiy namunasi orqali talaba-yoshlar o‘rtasida mutolaa madaniyatini keng targ‘ib etish, kitobxonlikka bo‘lgan qiziqishni oshirish hamda kutubxona imkoniyatlaridan muntazam foydalanishni rag‘batlantirishga qaratildi.
Shu tariqa, institut rektori boshlab bergan a’zolik jarayoni rahbariyat va talabalar ishtirokida izchil davom ettirildi.
#NamDPI
#Kutubxona
#Kitobxonlik
#Azolik
#Talabalar
🤩
Namangan davlat pedagogika instituti rasmiy sahifalari:
📱
Telegram
2️⃣
Instagram
3️⃣
Facebook
📺
YouTube

#hamkorlik
Tarixiy hujjat — hamkorlik memorandumi imzolandi
Namangan davlat pedagogika instituti hamda Nodirabegim nomidagi Namangan viloyati Axborot-kutubxona markazi o‘rtasidagi hamkorlikni yangi bosqichga olib chiquvchi muhim hujjat — memorandum imzolandi.
Mazkur memorandum ikki tomonlama hamkorlikni yanada mustahkamlash, talaba-yoshlar o‘rtasida kitobxonlik madaniyatini keng targ‘ib etish, axborot-resurslaridan samarali foydalanish, shuningdek, ilmiy-ma’rifiy loyihalarni hamkorlikda amalga oshirishga xizmat qiladi.
Marosimdan so‘ng institutning faol talabalari taqdirlanib, ularga tashakkurnomalar hamda kutubxonaga a’zolik kartalari topshirildi. Ushbu e’tirof talaba-yoshlarning kitobxonlikka bo‘lgan qiziqishini oshirish, ularni bilim olishga yanada keng jalb etish hamda mutolaa madaniyatini rivojlantirish yo‘lidagi muhim qadamlardan biri bo‘ldi.
Tadbir ko‘tarinki ruhda o‘tib, ikki muassasa o‘rtasidagi hamkorlik istiqbollari yanada mustahkamlanayotganini namoyon etdi.
#NamDPI
#Memorandum
#Hamkorlik
#Kutubxona
#Kitobxonlik
#Talabalar
🤩
Namangan davlat pedagogika instituti rasmiy sahifalari:
📱
Telegram
2️⃣
Instagram
3️⃣
Facebook
📺
YouTube

#hamkorlik
Institut va Axborot-kutubxona markazi o‘rtasidagi hamkorlik yangi bosqichda
Namangan davlat pedagogika instituti rektori Bahodir Xusanov boshchiligidagi institut rahbariyati Nodirabegim nomidagi Namangan viloyati Axborot-kutubxona markaziga tashrif buyurib, markaz faoliyati, mavjud imkoniyatlar, kitob fondi va zamonaviy axborot-resurslari bilan yaqindan tanishdi.
Tashrif doirasida Namangan davlat pedagogika instituti hamda Nodirabegim nomidagi Namangan viloyati Axborot-kutubxona markazi o‘rtasida hamkorlik memorandumini imzolashga bag‘ishlangan marosim bo‘lib o‘tdi.
Marosimni Axborot-kutubxona markazi rahbari Dilbar Xakimova ochib, ikki tashkilot o‘rtasidagi hamkorlikning ahamiyati, talaba-yoshlarni kitobxonlikka keng jalb etish, ilmiy va ma’rifiy loyihalarni birgalikda amalga oshirish borasidagi istiqbolli rejalar haqida so‘z yuritdi.
Shundan so‘ng institut rektori Bahodir Xusanov so‘zga chiqib, mazkur hamkorlik talabalar va professor-o‘qituvchilar uchun yangi imkoniyatlar yaratishi, axborot-resurslaridan samarali foydalanish, kitobxonlik madaniyatini yuksaltirish hamda ilmiy-ma’rifiy aloqalarni yanada mustahkamlashga xizmat qilishini ta’kidladi.
Mazkur memorandum ikki tashkilot o‘rtasidagi tizimli hamkorlikni yangi bosqichga olib chiqishga qaratilgan muhim hujjat sifatida e’tirof etildi.
#NamDPI
#Hamkorlik
#Memorandum
#Kutubxona
#Kitobxonlik
🤩
Namangan davlat pedagogika instituti rasmiy sahifalari:
📱
Telegram
2️⃣
Instagram
3️⃣
Facebook
📺
YouTube

#hamkorlik
Talabalar Axborot-kutubxona markazi faoliyati bilan yaqindan tanishdilar
Namangan davlat pedagogika instituti talabalari Nodirabegim nomidagi Namangan viloyati Axborot-kutubxona markaziga tashrif buyurdilar.
Tashrif davomida talabalarga markaz faoliyatining asosiy yo‘nalishlari, kitob fondi, zamonaviy axborot-resurslari, elektron adabiyotlardan foydalanish imkoniyatlari hamda kitobxonlar uchun yaratilgan sharoitlar haqida batafsil ma’lumot berildi.
Shuningdek, talabalar kutubxonaning turli bo‘limlari faoliyati bilan tanishib, ilmiy, o‘quv va badiiy adabiyotlardan foydalanish tartibi, kerakli manbalarni izlash hamda elektron bazalar bilan ishlash imkoniyatlari haqida tushunchaga ega bo‘ldilar.
Tashrifning muhim jihatlaridan biri sifatida institut talabalari Nodirabegim nomidagi Namangan viloyati Axborot-kutubxona markaziga a’zo bo‘ldilar. Bu esa ularga markazdagi mavjud adabiyotlar, elektron resurslar va boshqa axborot xizmatlaridan muntazam foydalanish imkonini beradi.
Mazkur tashrif talaba-yoshlar o‘rtasida kitobxonlik madaniyatini rivojlantirish, ularning mustaqil ta’lim olish ko‘nikmalarini mustahkamlash hamda bo‘sh vaqtlarini mazmunli tashkil etishga xizmat qiladi.
#NamDPI
#Kutubxona
#Kitobxonlik
#Talabalar
#Mutolaa
#AxborotResurs
🤩
Namangan davlat pedagogika instituti rasmiy sahifalari:
📱
Telegram
2️⃣
Instagram
3️⃣
Facebook
📺
YouTube

🤩
Namangan davlat pedagogika institutida talabalarni talabalar turar joylariga joylashtirish jarayonida belgilangan tartib va ustuvorlik mezonlariga rioya etilishi holati o‘rganildi.
🧠
O‘zbekiston Respublikasi Prezidenti huzuridagi Ijtimoiy himoya milliy agentligi huzuridagi Ijtimoiy inspeksiyaning Namangan viloyati boshqarmasi tomonidan institutda yetim va ota-ona qaramog‘idan mahrum bo‘lgan bolalar, shuningdek, I va II guruh nogironligi bo‘lgan talabalarni talabalar turar joylariga joylashtirishda qonunchilik hujjatlarida belgilangan ustuvorlik talablariga rioya etilishi yuzasidan o‘rganish ishlari olib borildi.
🖋
O‘rganish davomida ijtimoiy himoyaga muhtoj talabalarni talabalar turar joylariga joylashtirishda belgilangan tartib, ustuvorlik mezonlari hamda amaldagi qonunchilik talablariga rioya etilishi holatiga alohida e’tibor qaratiladi.
👥
Mazkur jarayon talabalarning ijtimoiy himoyasini ta’minlash, ularning qonuniy huquq va manfaatlarini himoya qilish hamda talabalar turar joylariga joylashtirish tizimida shaffoflik va adolatni ta’minlashga xizmat qiladi.
🤩
Namangan davlat pedagogika instituti rasmiy sahifalari:
📱
Telegram
2️⃣
Instagram
3️⃣
Facebook
📺
YouTube

Ipoteka bank kassa shoxobchasi institutda faoliyat boshladi
Namangan davlat pedagogika institutining Ijtimoiy fanlar fakulteti (sobiq Pedagogika fakulteti) binosida Ipoteka bankning kassa shoxobchasi o‘z faoliyatini boshladi.
Endilikda talabalar mazkur kassa shoxobchasi orqali
to‘lov-kontrakt hamda talabalar turar joyi (TTJ) uchun to‘lovlarni
amalga oshirishlari mumkin.
#NamDPI
#Talabalar_uchun
#Ipoteka_bank
🤩
Namangan davlat pedagogika instituti rasmiy sahifalari:
📱
Telegram
2️⃣
Instagram
3️⃣
Facebook
📺
YouTube

Namanganda ma’rifiy targ‘ibotga mas’ullar uchun o‘quv-seminar o‘tkazildi
Namangan shahar hokimligining katta majlislar zalida O‘zbekiston Respublikasi Prezidenti Shavkat Mirziyoyevning Vatanimiz mustaqilligining 35 yilligi munosabati bilan o‘tkazilgan bayram tantanasidagi nutqining mazmun-mohiyatini keng jamoatchilikka yetkazish maqsadida “Birlashib, buyuk tarix yaratamiz!” mavzusida “Ma’rifat karvoni” targ‘ibot-tashviqot tadbirlarini tashkil etishga bag‘ishlangan yig‘ilish va o‘quv-seminari bo‘lib o‘tdi.
O‘quv-seminar davomida viloyat hokimining o‘rinbosari Otabek Bozarov, Respublika targ‘ibot guruhi a’zolari - professorlar Abduhalil Mavrulov, Shahlo Axrorova, Respublika Ma’naviyat va ma’rifat markazi “Ma’rifat” targ‘ibotchilar jamiyati raisi Baxtiyor Xusanov, Respublika Ma’naviyat va ma’rifat markazi Namangan viloyati bo‘limi rahbari Musaxon Appakovlarning ma’ruzalari tinglandi.
Seminarda sentabr–noyabr oylari davomida viloyat hududlarida o‘tkaziladigan targ‘ibot tadbirlarining maqsad va vazifalari, aholi bilan ochiq muloqotlarni samarali tashkil etish, yoshlar o‘rtasida ma’rifiy-targ‘ibot ishlarini kuchaytirish masalalari muhokama qilindi. Namangan davlat pedagogika instituti vakillari ham ushbu seminarda faol tarzda ishtirok etishdi hamda yakunda tashabbuskorligi va ma’rifiy jarayonlardagi faolligi bilan ajralib turgan ishtirokchilarga Ma’rifat targ‘ibotchilari jamiyati raisi tomonidan maxsus sertifikatlar topshirildi.
🏛
Namangan davlat pedagogika instituti rasmiy sahifalari:
🔗
Telegram
|
Instagram
|
Facebook
|
YouTube

#Xalqaro_hamkorlik
Malaka oshirish dasturining ikkinchi kuni: zamonaviy kutubxona va Farobiy markazi faoliyati o‘rganildi
Malaka oshirish dasturining ikkinchi kunida Namangan davlat pedagogika instituti professor-o‘qituvchilari Al-Farobiy nomidagi Qozog‘iston Milliy universitetining kutubxonasi hamda yangi tashkil etilgan Farobiy markazi faoliyati bilan yaqindan tanishdilar.
Uch qavatdan iborat zamonaviy kutubxonada universitet tarixiga oid muzey, ilmiy va badiiy adabiyotlardan foydalanish uchun kitobxonlar hududi hamda elektron resurslar bilan ishlash imkonini beruvchi elektron kutubxona tashkil etilgan.
Shuningdek, Farobiy markazida zamonaviy texnologiyalar va innovatsion loyihalar, jumladan, robototexnika muzeyi bilan tanishildi. Markazda talabalar uchun robototexnika va zamonaviy texnologiyalar yo‘nalishida amaliy bilim va ko‘nikmalarni rivojlantirish, turli loyihalar ustida ishlash uchun yaratilgan sharoitlar o‘rganildi.
Tashrif davomida professor-o‘qituvchilarimiz talabalar uchun yaratilgan zamonaviy ta’lim muhiti, ilmiy izlanishlar va amaliy mashg‘ulotlarni uyg‘unlashtirish borasidagi tajribalar bilan tanishdilar.
#Malaka_oshirish
#Xalqaro_hamkorlik
#NamDPI
🤩
Namangan davlat pedagogika instituti rasmiy sahifalari:
📱
Telegram
2️⃣
Instagram
3️⃣
Facebook
📺
YouTube

#Forum
#NamDPI
Forum ochiq muloqot va istiqbolli takliflar bilan davom etdi
Hududiy forumning asosiy qismi ochiq muloqot shaklida tashkil etildi. Unda Namangan davlat pedagogika instituti rektori Bahodir Ergashevich Xusanov forum ishtirokchilari, amaliyotchi pedagoglar hamda Namangan viloyati Pedagogik mahorat markazi tinglovchilari bilan muloqot qildi.
Ochiq muloqot davomida rektor ishtirokchilarning fikr-mulohazalari, taklif va tashabbuslarini tingladi. Maktabgacha va boshlang‘ich ta’lim sifatini oshirish, oliy ta’lim bilan amaliyot o‘rtasidagi integratsiyani kuchaytirish, pedagog kadrlar tayyorlashda zamonaviy texnologiyalardan samarali foydalanish masalalari muhokama qilindi.
Shuningdek, ta’lim tashkilotlari va institut o‘rtasidagi hamkorlikni yanada kengaytirish, mavjud imkoniyatlardan amaliyotchi pedagoglar uchun ham samarali foydalanish bo‘yicha istiqboldagi vazifalar yuzasidan fikr almashildi.
Forum o‘zaro tajriba almashish, amaliy takliflarni ilgari surish va kelgusidagi hamkorlik yo‘nalishlarini belgilash uchun muhim muloqot maydoni bo‘ldi.
#HududiyForum
#OchiqMuloqot
#TaʼlimSifati
#Hamkorlik
🤩
Namangan davlat pedagogika instituti rasmiy sahifalari:
📱
Telegram
2️⃣
Instagram
3️⃣
Facebook
📺
YouTube