📚 КУНЛИК ҲАДИС | Расмий канал 🌙
#Ҳадис_1009
СОН АВРАТ ЭКАНЛИГИНИ БИЛМАЙСАНМИ?
عَنْ جَرْهَدٍ رَضِيَ اللهُ عَنْهُ مِنْ أَصْحَابِ الصُّفَّةِ قَالَ: جَلَسَ رَسُولُ اللهِ ﷺ عِنْدَنَا وَفَخِذِي مُنْكَشِفَةٌ فَقَالَ:
أَمَا عَلِمْتَ أَنَّ الْفَخِذَ عَوْرَةٌ
. رَوَاهُ أَبُو دَاوُدَ وَالتِّرْمِذِيُّ وَالْبُخَارِيُّ.
Асҳоби суффалардан бўлган Жарҳад розияллоҳу анҳудан ривоят қилинади:
📗
«Расулуллоҳ соллаллоҳу алайҳи васаллам ҳузуримизга ўтирдилар. Соним очиқ эди. У зот:
«
Сон аврат эканлигини билмайсанми
?» дедилар».
✍️
Абу Довуд, Термизий ва Бухорийлар ривоят қилганлар.
📜
Шарҳ
: Аввало, ҳадиснинг ровийси Жарҳад розияллоҳу анҳу ҳақида.
Жарҳад ибн Хувайлид Асламий, кунялари Абу Абдурраҳмон. У киши аҳли суффалардан эдилар. Ҳудайбияда иштирок этганлар. Расулуллоҳ соллаллоҳу алайҳи васалламдан бир неча машҳур ҳадислар ривоят қилганлар. Ана шу ҳадислардан бири – «кишиларнинг сони ҳам авратдир» деган ҳадис.
Бу зот тўплаган ҳадислардан баъзиларини уч «Саҳиҳ» соҳиблари ўз китобларига киритишган.
Жарҳад розияллоҳу анҳу Мадинада яшадилар ва ана шу ерда Язийд ибн Муовия даврида вафот этдилар.
«Асҳоби суффа» саҳобаи киромлардан бир гуруҳига берилган ном бўлиб, уларнинг турар жойлари бўлмаганлигидан Пайғамбар соллаллоҳу алайҳи васалламнинг масжидлари ортидаги суффада яшаб, кўпроқ Масжиди Набавийга келган хайр-эҳсонлардан кун кўрар эдилар.
Ҳозирги кунда ҳам ўша суффа ислоҳ қилинган ҳолда сақланиб қолган. Пайғамбаримиз соллаллоҳу алайҳи васаллам асҳоби суффаларни эҳтиром қилар, кўнгилларини кўтарар, кўпинча улар билан бирга ўтирар эдилар. Ана шундай ўтиришлардан бирида ушбу ҳадиснинг ровийси Жарҳад розияллоҳу анҳунинг сонлари очилиб қолганини кўриб, у кишига:
«
Сон аврат эканлигини билмайсанми
?» дедилар.
Яъни, нимага сонингни очиб ўтирибсан, беркит, деганлар. Шундан сон ҳам аврат эканлиги ва аврати очилиб қолган, бошқа ношаръий ҳолатдаги одамларга танбеҳ бериш лозимлиги келиб чиқади.
«Ҳадис ва ҳаёт» китобидан
•┈┈┈┈•❈•┈┈┈┈•
📚
KУНЛИК ҲАДИС
СУННАТ КЎРСАТМАЛАРИ ВА ЗАМОНАВИЙ ИЛМ ТАВСИЯЛАРИ
📌
Эрта туриш.
Набий алайҳиссаломнинг эрта туриш одатлари бўлган, тонгги азон вақтида уйғонганлар. Албатта, эрта туриш кун бўйи инсонга тетиклик ҳамда ишчанлик қобилиятини беради ҳамда ақлий фаолиятни яхшилайди. Баъзилар учун эрта туриш қийин туюлиши ёки иложи йўқдек кўриниши мумкин, лекин бу одатни кичик қадамлар, аста-секинлик билан шакллантириш мумкин. Бу эса ҳаётни сезиларли даражада яхшилаши исботланган.
📌
Меъёрида овқатланиш.
Меъёрида овқатланиш Пайғамбаримиз соллаллоҳу алайҳи васалламнинг суннатларидандир. Йиллар давомида бир эмас, бир неча текширувларнинг натижаси – меъёрида овқатланишга одатланиш кўплаб хасталикларнинг олдини олишини тасдиқлаган. Инсон тўйиб эмас, балки 80% тўйгунига қадар овқатланиши мақсадга мувофиқ.
📌
Сув истеъмол қилиш.
Ҳадиси шарифда сувни катта эмас, кичик хўпламлар билан ичишга чорланади, акс ҳолда катта хўплаб ичишдан жигар шикастланиши мумкин, дейилади. Бу Пайғамбаримиз соллаллоҳу алайҳи васалламнинг сув ичишдаги суннатларидандир. Бугунги кунда илмий тадқиқотлар ҳам шуни таъкидлайдики, қисқа вақт ичида, бирданига кўп миқдорда сув ичиш жигарни зарарлашга олиб келади.
📌
Рўза.
Илмий тажрибалар шуни кўрсатдики, фақатгина егуликларнинг ўзи эмас, балки уни танаввул қилиш вақти ҳам инсон организмига таъсир қилар экан. Рўза тутиш Пайғамбаримиз соллаллоҳу алайҳи васалламнинг доимий одатлари бўлган, бу ишни фақатгина Рамазон ойида қилмаганлар. Инсон қанчалик кам овқат еса, унинг организми ҳазм қилишга шунчалик кам куч сарфлайди.
📌
Хурмо.
Хурмо – шундай маҳсулотки, ўзида бир неча фойдали элементларни жамлайди. Тўғри овқатланиш тарзини йўлга қўйган инсонлар, албатта бундай фойдали маҳсулотлар ҳақида биладилар. Хурмо эса улардан биридир. Ушбу мева инсон организмида қанд даражасини нормаллаштиради. Қондаги холестерин миқдорини камайтиради, юрак билан боғлиқ муаммоларнинг олдини олади.
📌
Доимий ҳаракатда бўлиш
(фаоллик). Исломнинг 5 арконларининг 3 таси жисмоний фаолликни талаб этади. Намоз – биринчи навбатдаги жисмоний ҳаракат кўринишидир, ҳажга бориш ҳамда рўза тутиш шулар жумласидандир. Пайғамбаримиз доимий ҳаракатда бўлганлар ҳамда саломатликни мустаҳкамлаш мақсадида сузиш, чавандозлик, мерганлик билан шуғулланганлар.
Албатта, Пайғамбаримиз соллаллоҳу алайҳи васалламнинг суннатлари саломатлик борасидаги муҳим тавсиялардир.
•┈┈┈┈•❈•┈┈┈┈•
📚
KУНЛИК ҲАДИС
#kun_hadisi
Чўп нимани ўзгартирарди?
📿
«Расулуллоҳ соллаллоҳу алайҳи васаллам шундай дедилар: «Идишларни ёпинглар, мешларни боғланглар, эшикларни бекитинглар, чироқларни ўчиринглар, чунки шайтон
(оғзи боғланган)
мешни,
(ёпиқ)
эшикни ва
(усти)
ёпилган идишни очмайди. Бирортангиз идишини устига қўйишга бир чўпдан бошқа нарса топа олмаса, Аллоҳнинг исмини айтиб, шундай қилсин
".
Чўп нимани ўзгартиради?
Ахир чўп:
🟢
идишни тўлиқ ёпмайди,
🟢
атрофидан ҳашаротлар кириб кетиши мумкин,
🟢
ҳақиқий ҳимоя воситаси бўлишга ярамайди.
✅️
Демак, ҳадиснинг мақсади чўп билан ҳимояланиш эмас. Балки мақсад бошқа.
Чўп — сабаб, натижа эмас.
Инсондан талаб қилинадиган нарса — сабабни қилиш, натижани эса Аллоҳга топширишдир.
✅️
Аслида чўп натижани кафолатламайди, лекин итоатни билдиради, «мен сабабни қилдим» деган ҳолатни ифодалайди.
❕
Бу ерда муҳим нуқта шуки, сабабнинг катталиги эмас, кимнинг амрига биноан қилингани аҳамиятли.
Сабаблар ожиз, лекин Аллоҳ қудратли.
📌
Сабаблар ўзи мустақил таъсир қилмайди. Таъсир — Аллоҳники. Ҳадисдаги чўп айнан шуни ўргатади:
«Сабаб зоҳиран ҳеч нарса бўлиши мумкин, лекин агар Аллоҳ хоҳласа, ўша «ҳеч нарса» билан ҳам улкан натижа яратилади».
📚
Агар ҳадисда кучли ёпқич айтилганида эди, инсон қалби сабабга суяниб қолиши мумкин эди.
Лекин чўп - сабабнинг ожизлигини кўрсатади, қалбни сабабдан узади, таваккулни соф қилади.
💚
Бу — қалб тарбияси.
Аллоҳ бандага шуни ўргатади:
«Сенинг вазифанг — ҳаракат. Натижа Менинг қўлимда».
✅️
Сабаблар зоҳиран кичик ва ожиз бўлиши мумкин, лекин улар Аллоҳ ва Расулининг амрига итоат сифатида қилинса, Аллоҳ ўша кичик сабаб орқали ҳам катта натижани яратади.
Шунинг учун, кичик сабабдан уялмайлик, оз амални менсимай ташламайлик, натижани сабабдан эмас, Аллоҳдан кутайлик.
Чўп — кичик. Аммо итоат буюк. Натижа эса ҳар доим Аллоҳдан.
🚀
@muminauz
🌺
#Ҳадис_1008
ДЎЗАХДАН ПАНОҲ СЎРАШ
Ҳорис ибн Муслим Тамимий розияллоҳу анҳудан ривоят қилинади
:
📗
«Набий соллаллоҳу алайҳи васаллам менга: «
Бомдод намозини ўқиб бўлганингдан кейин ҳеч нарса гапирмай туриб етти марта «Аллоҳумма, ажирний минан-наар» (Аллоҳим, мени дўзахдан сақлагин), дегин. Агар ўша куни вафот этсанг, Аллоҳ сенга дўзахдан паноҳ топишингни битиб қўяди. Шомни ўқиб бўлганингда кейин ҳам ҳеч нарса гапирмай туриб етти марта «Аллоҳумма, ажирний минан-наар», дегин. Агар ўша кеча вафот этсанг, Аллоҳ сенга дўзахдан паноҳ топишингни битиб қўяди
», дедилар».
✍
Насоий ва Абу Довуд ривоят қилишган. Лафз Насоийники.
Анас ибн Молик розияллоҳу анҳудан ривоят қилинади:
📗
«Расулуллоҳ соллаллоҳу алайҳи васаллам шундай дедилар:
«Банда уч маротаба дўзахдан паноҳ сўраса, дўзах (тилга кириб): «Аллоҳим, уни мендан сақла», дейди. У жаннатни сўраса, жаннат (тилга кириб): «Аллоҳим, буни менга кирит», дейди»
.
✍
Аҳмад ривоят қилган.
☝️
Ушбу ҳадисдан олинадиган фойдалар
:
1. Банда бомдод намозидан кейин дунёвий гапларни сўзламай туриб, етти марта «Аллоҳумма, ажирний минан-наар» деб, ўша куни вафотэтса, Аллоҳ уни дўзахдан сақлайди.
2. Банда шом намозидан кейин дунёвий гапларни сўзламай туриб, етти марта «Аллоҳумма, ажирний минан-наар» деб, ўша кечаси вафот этса, Аллоҳ уни дўзахдан сақлайди.
3. Банда уч маротаба дўзахдан паноҳ сўраса, дўзах тилга кириб: «Аллоҳим, уни мендан сақла», дер экан.
4. Банда жаннатни сўраса, жаннат тилга кириб: «Аллоҳим, буни менга кирит», дер экан.
•┈┈┈┈•❈•┈┈┈┈•
📚
KУНЛИК ҲАДИС
#Ҳадис_1007
ЯХШИ АМАЛЛАРГА ЖИДДУ-ЖАҲД ҚИЛИШ БАЁНИ
عَنْ أَنَسٍ رَضِيَ اللهُ عَنْهُ، قَالَ: غَابَ عَمِّي أَنَسُ بْنُ النَّضْرِ رَضِيَ اللهُ عَنْهُ عَنْ قِتَالِ بَدْرٍ فَقَالَ: يَا رَسُولَ اللهِ؛ غِبْتُ عَنْ أَوَّلِ قِتَالٍ قَاتَلْتَ الْمُشْرِكِينَ، لَئِنِ اللهُ أَشْهَدَنِي قِتَالَ الْمُشْرِكِينَ لَيَرَيَنَّ اللهُ مَا أَصْنَعُ.
فَلَمَّا كَانَ يَومُ أُحُدٍ انْكَشَفَ الْمُسْلِمُونَ، فَقَالَ: اللَّهُمَّ؛ أَعْتَذِرُ إِلَيْكَ مِمَّا صَنَعَ هَؤُلاَءِ – يَعْني أَصْحَابَهُ – وَأَبْرَأُ إِلَيْكَ مِمَّا صَنَعَ هَؤُلاَءِ – يَعْنِي الْمُشْرِكِينَ - ثُمَّ تَقَدَّمَ فَاسْتَقْبَلَهُ سَعْدُ بْنُ مُعَاذٍ، فَقَالَ: يَا سَعْدَ بْنَ مُعَاذٍ؛ الْجَنَّةُ وَرَبِّ النَّضْرِ، إِنِّي أَجِدُ رِيْحَهَا مِنْ دُونِ أُحُدٍ. قَالَ سَعْدٌ: فَمَا اسْتَطَعْتُ يَا رَسُولَ اللهِ مَا صَنَعَ، قَالَ أَنَسٌ: فَوَجَدْنَا بِهِ بِضْعاً وَثَمَانِينَ ضَرْبةً بِالسَّيْفِ، أَوْ طَعْنَةً بِرُمْحٍ، أَوْ رَمْيَةً بِسَهْمٍ، وَوَجَدْنَاهُ قَدْ قُتِلَ وَمثَّلَ بِهِ الْمُشرِكُونَ فَمَا عَرَفَهُ أَحَدٌ إِلَّا أُخْتُهُ بِبَنَانِهِ. قَالَ أَنَسٌ: كُنَّا نَرَى أَوْ نَظُنُّ أَنَّ هَذِهِ الآيَةَ نَزَلَتْ فِيْهِ وَفِي أَشْبَاهِهِ: [مِنَ الْمُؤْمِنِينَ رِجَالٌ صَدَقُوا مَا عَاهَدُوا اللهَ عَلَيهِ] [الأحزاب: 23] إِلَى آخِرِهَا. مُتَّفَقٌ عَلَيهِ. [خ 2805، م 1903].
Анас розияллоҳу анҳудан ривоят қилинади:
«Амаким Анас ибн Назр Бадр жангида бўлмади. Кейин у: «Эй Аллоҳнинг Расули, сиз мушриклар билан қилган илк жангда бўла олмадим. Агар Аллоҳ мени мушриклар билан бўладиган жангда ҳозир қилса, қасамки, менинг нималар қилишимни Аллоҳ кўражак», деди. Уҳуд куни мусулмонлар чекинганида, у: «Аллоҳим! Мен мана булар – яъни шериклари – қилган ишдан Сенга узр айтаман, анавилар – яъни мушриклар – қилган ишга алоқам йўқлигини Сенга изҳор қиламан», деди. Кейин олдинга чиқди. Унга Саъд ибн Муоз йўлиқиб қолди. Шунда у: «Эй Саъд ибн Муоз! Жаннат! Назрнинг Роббига қасамки, мен унинг бўйини Уҳуд тарафидан туймоқдаман!» деди.
Саъд: «Эй Аллоҳнинг Расули, мен унинг қилганини қила олмадим», деди.
Биз унда қилич, найза ёки ўқ теккан саксон нечтаям жароҳат кўрдик. Уни ўлдирилган ҳолда топдик. Мушриклар уни мусла* қилиб юборишган экан. Уни ҳеч ким танимади, фақат синглиси бармоғидан (таниб қолди).
Биз ушбу «Мўминлар ичида Аллоҳга берган аҳдларига содиқ қолган эранлар бор...» ояти у ва унга ўхшаганлар ҳақида нозил бўлган деб билар [ёки ўйлар] эдик.
✍️
Муттафақун алайҳ.
📜
Шарҳ
:
Уҳуд куни Пайғамбаримиз соллаллоҳу алайҳи васалламнинг муборак юзларига жароҳат етди, пастки жағларидаги бир тишлари синди. Бошлари ёрилди. Мушриклар у кишини тошбўрон қилишди. У зот Абу Омир Фосиқ мусулмонларни алдаш учун қазиб, устини ёпиб қўйган чуқурлардан бирига тушиб кетдилар. Бошларига кийган дубулғанинг иккита ҳалқаси ёноқларига кирди. Мусулмонлар саросимага тушиб турган шундай нозик пайтда кимдир: «Муҳаммад қатл этилди!» деб қичқирди. Бу катта ва қаттиқ зарба бўлиб, мусулмонларнинг қолган куч-қувватларига ҳам путур етказди. Улар урушни йиғиштириб, енгилиб, ортларига қоча бошладилар. Ҳамма енгилса ҳам, Анас ибн Назр розияллоҳу анҳу енгилмади. Қўлидаги қуролини ташлаб, бир гуруҳ муҳожир ва ансорийлар билан бирга турган Умар ибн Хаттоб ва Толҳа ибн Убайдуллоҳларнинг олдиларига борди:
«Нима қилиб ўтирибсизлар?!» деди.
«Расулуллоҳ алайҳиссолату вассалом қатл этилибдилар», дейишди улар:.
Анас ибн Назр розияллоҳу анҳу:
«У кишидан кейин дунёда яшаб нима қиласизлар! Туринглар! Расулуллоҳ алайҳиссалом ўлган нарса йўлида сизлар ҳам ўлинглар!» деди.
Сўнгра мушриклар томон юриб кетди. Йўлда Саъд ибн Муъозни кўриб:
«Эй Саъд! Мен Уҳуд томонидан жаннатнинг ҳидини сезяпман», деди-да, урушга кириб, мисли кўрилмаган мардлик ила жанг қилиб, шаҳид бўлди. Унинг танасидан кейинчалик саксондан ортиқ жароҳат топдилар. Жасаднинг кимлигини ҳеч ким танимади. Фақат синглиси бош бармоғидан таниб қолди.
Риёзус солиҳийн шарҳи
•┈┈┈┈•❈•┈┈┈┈•
📚
KУНЛИК ҲАДИС
#Ҳадис_253
#Такрор
ХУФТОНДАН ОЛДИН УХЛАШ ВА УНДАН КЕЙИН ГАПЛАШИШ
عَنْ أَبِي بَرْزَةَ رَضِي اللهُ عَنْهُ أَنَّ النَّبِيَّ صَلَّى اللهُ عَلَيْهِ وَسَلَّمَ كَانَ يَكْرَهُ النَّوْمَ قَبْلَ الْعِشَاءَ وَالْحَدِيثَ بَعْدَهَا. رَوَاهُ الشَّيْخَانِ وَالتِّرْمِذِيُّ
Абу Барза розияллоҳу анҳудан ривоят қилинади:
📗
«Набий соллаллоҳу алайҳи васаллам Хуфтондан олдин ухлашни ва ундан кейин гаплашишни хуш кўрмас эдилар».
✍️
Икки Шайх ва Термизий ривоят қилганлар.
📜
Шарҳ
: Бу ривоятда Пайғамбаримиз соллаллоҳу алайҳи васалламнинг Хуфтон намози билан боғлиқ бўлган икки одатлари ҳақида сўз бормоқда.
1. У зот соллаллоҳу алайҳи васаллам Хуфтондан олдин ухлашни хуш кўрмас эканлар. Чунки ухлаб қолиб, намоз вақти ўтиб кетиш хавфи бор.
2. У зот соллаллоҳу алайҳи васаллам Хуфтондан кейин гаплашиб ўтиришни хуш кўрмас эканлар. Чунки бунда кунни яхши амал билан тамомлаш имкони зое бўлади.
☝️
Шунинг учун ҳам аҳли солиҳ кишилар витр намозини уйқудан олдин ўқишга уринадилар.
“Ҳадис ва Ҳаёт” китобидан
📚
KУНЛИК ҲАДИС
#Ҳадис_1006
ЙЎЛНИНГ УСТИДАН ОЗОР БЕРУВЧИ НАРСАНИ КЕТКАЗИШ
عَنْ أَبِي ذَرٍّ أَيْضاً رَضِيَ اللهُ عَنْهُ: قَالَ النَّبِيُّ صَلَّى اللهُ عَلَيهِ وَسَلَّمَ قَالَ: «
عُرِضَتْ عَلَيَّ أَعْمَالُ أُمَّتِي حَسَنُهَا وَسَيِّئُهَا، فَوَجَدْتُ فِي مَحَاسِنِ أَعْمَالِهَا: الأَذَى يُمَاطُ عَنِ الطَّرِيقِ، وَوَجَدْتُ فِي مَسَاوِئِ أَعْمَالِهَا: النُّخَاعَةُ تَكُونُ فِي الْمَسْجِدِ لَا تُدْفَنُ
». رَوَاهُ مُسْلِمٌ. [553].
Яна Абу Зарр розияллоҳу анҳудан ривоят қилинади
:
📗
Набий соллаллоҳу алайҳи васаллам:
«
Менга умматимнинг яхшию ёмон амаллари кўрсатилди. Яхши амаллари ичида йўлнинг устидан озор берувчи нарсани кетказиш, ёмон амаллари ичида эса масжиддаги кўмилмаган балғам бор эди
».
✍️
Имом Муслим ривояти
.
📜
Шарҳ
: Демак, масжидга балғам ташлаш ҳам ҳаром. Мабодо шу иш содир бўлса, дарҳол тупроқ билан кўмиб қўйиш лозимдир.
Бу нарса Аллоҳ томонидан Пайғамбар алайҳиссаломга кўрсатилишининг ўзида улкан ҳикмат бор.
Демак, яхшиликнинг ҳам, ёмонликнинг ҳам катта-кичиги йўқ. Бу кичик нарса-ку, деб йўлдаги озор берувчи нарсани олиб ташламай ўтиб кетиш яхши эмас. Тупурса ёки балғам ташласа нима бўлибди, деб масжид ҳудудида шундай қилиш ҳам одобдан эмас.
Ким масжиднинг тупроғига тупурса, гуноҳ иш қилган бўлади. Бу гуноҳни ювиш ўша тупукни кўмиб қўйиш билан бўлади. Чунки у нажас бўлмаса ҳам, одоб, ахлоқ, тозалик, соғликни сақлаш қоидаларига тўғри келмайди. Бундан масжидда умуман тупуриш мумкин эмаслиги маълум бўлади.
Анас розияллоҳу анҳудан ривоят қилинади
:
📗
«Набий соллаллоҳу алайҳи васаллам:
«
Масжидга тупурмоқ гуноҳдир, унинг каффорати ювиш, кўмиш биландир
», дедилар».
✍️
Имом Бухорий, Муслим, Абу Довуд ва Термизий ривояти
.
Бу ҳадисда масжид тупроғига тупуриш ҳаром экани ҳақида сўз бормоқда. Ким масжиднинг тупроғига тупурса, гуноҳ иш қилган бўлади. Бу гуноҳни ювиш ўша тупукни кўмиб қўйиш билан бўлади. Чунки у нажас бўлмаса ҳам, одоб, ахлоқ, тозалик, соғликни сақлаш қоидаларига тўғри келмайди. Бундан масжидда умуман тупуриш мумкин эмаслиги маълум бўлади.
Риёзус солиҳийн шарҳи
•┈┈┈┈•❈•┈┈┈┈•
📚
KУНЛИК ҲАДИС
#долзарб
#бидъат
📌
МЕЪРОЖ КЕЧАСИНИНГ ФАЗИЛАТИ
Халқ орасида ражаб ойининг 27 кечаси меърож кечаси бўлиб, уни қадр кечаси каби ўтказиш керак, деган гап-сўзлар машҳур бўлиб қолган. Ҳатто баъзилар меърож кечасида ўқиладиган мухсус намозлар борлигини ҳам айтиб юришади. Яна айтишларича, меърож кечасида ўқиладиган намозларнинг ҳар бир ракъатида фалон, фалон хос суралар ўқилар эмиш. Меърож кечасида одамлар орасида яна қандай тафсилотга эга намозлар машҳур бўлиб кетганини Аллоҳ билади. Ҳар биримиз яхшилаб билиб олишимиз керакки, бу гапларнинг ҳеч бири шариатда бирор асосга суянган эмас.
📌
МЕЪРОЖ КЕЧАСИНИ ТАЙИН ҚИЛИШДАГИ ИХТИЛОФ
Билингки, ражаб ойининг 27 кечаси Набий соллаллоҳу алайҳи васаллам меърожга чиққанлар, деб аниқ ишонч билан айтиб бўлмайди. Чунки бу борада турли ривоятлар мавжуд. Баъзи ривоятларда Набий соллаллоҳу алайҳи васаллам меърожга робиъул аввал ойида чиққанлар, дейилса, баъзиларида ражаб ойи, яна бошқа ривоятларда эса бошқа ойларнинг номи зикр қилинган. Шунинг учун аниқ ишонч билан «Набий соллаллоҳу алайҳи васаллам фалон кечада меърожга чиққанлар», деб айтиш дуруст эмас.
📌
НИМА УЧУН МЕЪРОЖ ВОҚЕАСИНИНГ САНАСИ МАЪЛУМ ЭМАС?
Шундан билиб олиш мумкинки, агар меърож кечаси қадр каби махсус кеча бўлганида, албатта, қадр кечаси каби у ҳақда ҳам оят ёки ҳадислар орқали махсус бир ҳукм собит бўлган ва у куннинг тарихини, ойини ёдда тутишга катта эътибор қаратилган бўлар эди. Лекин меърож кечасининг тарихини ёдда тутишга қаттиқ эътибор берилган эмас. Демак, «Ражаб ойининг 27 кечаси меърож кечасидир», деб аниқ тарзда айтиш дуруст эмас.
📌
У УЛУҒ КЕЧАДИР
Меърож кечасида буюк воқеалар содир бўлганлигида шак-шубҳа йўқ. Чунки унда Набий соллаллоҳу алайҳи васаллам осмонга кўтарилиб, у зотга «қурб мақоми», умматларга намоз туҳфаси ато этилган. Ҳеч қандай шаксиз у кеча улуғ кечадир. Ҳеч қайси мусулмон у кечанинг улуғлигига шубҳа қилмайди.
📌
БУ КЕЧАДА ХОС ТАРЗДА ИБОДАТГА ЭЪТИБОР БЕРИШ БИДЪАТ
Ражаб ойининг 27 кечасига хос тарзда ибодат учун эътибор қаратиш бидъатдир. Аслини олганда, Аллоҳ таоло қайси кечада ибодат қилишга тавфиқ берса, нур устига нур. Лекин бир кунни алоҳида ибодатга хос тарзда тайин қилиб бўлмайди.
قال الطيبي وفيه أن من أصر على أمر مندوب وجعله عزما ولم يعمل بالرخصة فقد أصاب منه الشيطان من الإضلال فكيف من أصر على بدعة أو منكر
“Тийбий раҳматуллоҳи алайҳ айтди: “Бундан келиб чиқадики, ким мустаҳаб ишда бардавом бўлиб, буни қилмасам бўлмайди деган эътиқодда бўлса ва рухсатга амал қилмаса, шайтон уни адаштиришга муваффақ бўлибди. Энди, бидъат ва мункар ишда қаттиқ туриб олган кишининг ҳоли қандай бўлади”
(Мирқотул мафотиҳ).
📌
27 РАЖАБ РЎЗАСИ
Шунингдек, 27 ражаб кунининг рўзаси ҳақида баъзи одамлар «Ашуро ва арафа кунларининг рўзаси каби, ражаб ойи рўзасининг фазилати бор», деб тушунадилар. Ражаб ойининг рўзаси ҳақида бир-иккита заиф ривоятлар нақл қилинган. Лекин бу ҳақда саҳиҳ санад билан бирор ривоят собит бўлмаган.
📌
ДИНГА ЗИЁДА ҚИЛИШ
Бир киши ражаб ойининг 27-куни рўзасига алоҳида эътибор қаратса, у шахс динга ўз томонидан бир қўшимча киритган бўлади. Шунинг учун ражаб ойида алоҳида эътибор билан рўза тутиш жоиз эмас. Ҳа, агар бошқа ойлар ва кунларда рўза тутиб юрган одам ражаб ойида ҳам рўза тутишни ирода қилса, ҳеч қандай муаммосиз рўза тутиши мумкин ва бундан қайтарилмайди. Лекин аксинча, ражаб ойида рўза тутиш фазилатли, деб тушуниб ёки суннат ёки мустаҳаб ёки зиёда ажру савобга ҳақли деб билиб рўза тутса ёки ражаб ойининг 27 кечасини алоҳида эътибор билан нишонласа, бидъат ишга қўл урган бўлади.
👉
Тўлиқ маълумот
:
https://islom.uz/maqola/2100
📚
KУНЛИК ҲАДИС
#суннат_рўза
#Тошкент_вақти
ЭРТАГА САҲАРЛИК
☝️
Агар қодир бўлсангиз рўзани ният қилинг. Агар қодир бўла олмасангиз - бошқа диндошларимизга эслатинг ...
Бу хабарни эшитганлар ўзлари рўзани ният қилиб, яқинларига ҳам эслатиб қӯйишса, икки карра кӯпроқ савобга эга бӯладилар, ин шаа Аллоҳ.
Расулуллоҳ соллаллоҳу алайҳи васаллам душанба ва пайшанба кунлари рўза тутганлар ва бошқаларни ҳам бу кунларда рўза тутишга ундаганлар.
📌
Ният:
Ният қилдим холис Аллоҳ учун нафл рўзасини тутмоқликни
. (қазо бўлган фарз рўзалар
нияти
ҳам жоиз).
📌
Саҳарликка ухлаб қолса нима қилиш керак?
📚
KУНЛИК ҲАДИС
Ҳикмат мўминнинг йўқотган нарсасидир
Аллома Ибн Абдулбарр Моликий «Ат-тамҳид» китобида ёзади: «Кўпчилик шайхларимнинг шундай хотирлаганларини эшитганман: Ғозий ибн Қайс (бу киши Мадинага келганида имом Моликдан дарс эшитган, қори Нофеъдан эса Қуръонни ўтказган) Мадинада Расулуллоҳ соллаллоҳу алайҳи ва салламнинг масжидларига биринчи бор кирган пайтида Ибн Абу Зиъб (мужтаҳид) ҳам масжидга киради ва «Таҳийятул-масжид» намозини ўқимасдан ўтиради. Шунда Ғозий у кишига қарата: «Эй сен! Тур, икки ракат намоз ўқи. Чунки икки ракат намоз ўқимай, масжидга салом бермай ўтириш жаҳолатдир», деди ёки шунга ўхшаш гаплар билан дашном берди. Ибн Абу Зиъб ўринидан сакраб туриб, икки ракат намоз ўқиди.
Намозни тугатиб, ортига суянмасидан, атрофини одамлар ўраб олди. Бу ҳолни кўрган Ғозий хижолат, уят ва пушаймонликда қолди. Ибн Абу Зиъб ҳақида одамлардан сўраганди: «Бу зот Мадинанинг фақиҳ ва ҳурматли кишиларидан», деб жавоб қилишди. Ўзида йўқ Ғозий узрини айтишга тутинганди, шунда Ибн Абу Зиъб: «Эй биродар, ҳеч хижолат бўлманг. Сиз яхшиликка буюрдингиз, биз эса итоат қилдик», дедилар.
Абдуллоҳ ибн Аббос розияллоҳу анҳумо айтадилар: «Аллоҳнинг Каломидаги «فاطر السماوات والأرض» (Осмонлар ва Ерни йўқдан бор қилувчи)
оятининг маъносини (тўлиқ) билмасдим, бир куни икки аъробий бир қудуқни талашиб, хусуматлашиб менга шикоят қилиб келишди. Уларнинг бири қудуқ ҳақида: أنا فطرتها «Ана фатортуҳаа», яъни, «илк бор мен уни йўқдан бор қилганман (йўқ пайтда ковлаб очганман)»деди. Шунда «Фотир» сўзини чуқур англаган эдим».
Хулоса. Абу Ҳурайра розияллоҳу анҳудан ривоят қилинган ҳадисда Пайғамбаримиз соллаллоҳу алайҳи ва саллам: «Ҳикмат мўминнинг йўқотган нарсаси, уни қаерда топса, олишга ҳақлидир», деганлар (Ибн Можа ривояти). Демак, мўмин киши қаерда хайрли сўз ва амални кўрса, ундан ибрат олиши керак.
•
┈┈┈┈•❈•┈┈┈┈
•
📚
KУНЛИК ҲАДИС