Mirzayev's Mind

1️⃣
Biz uchun, PDP Universiteti uchun tarixiy kun!
Butun vujudim to'la hayajon bilan sizlarga ushbu xabarni yetkazmoqchiman.
To'rt yil oldin biz bir orzu bilan yo'lga chiqdik. Kuchli liderlar va mutaxassislar tayyorlaydigan universitet qurish orzusi bilan. O'sha paytda bu yo'l uzoq va qiyin ko'rinardi. Ammo, har bir duch kelgan qiyinchiliklarimiz bizni yanayam kuchaytirdi.
🎉
Va mana, bugun, birinchi bitiruvchilarimizning Davlat tomonidan tasdiqlangan diplomlarini oldik!
Bu diplomlar
-
kuchli va hamjihat jamoamizning va talabalarimizning to'rt yillik matonatli mehnatlari, sabr, ishonch va umidlarining natijasi.
Bu yo'lda birga bo'lgan jamoamizga, ustozlarimizga va boshqa xodimlarimizga cheksiz minnatdorchilik bildirmoqchiman. Sizlarning har biringiz qo'shgan hissangiz bir bo'lib, katta natijaga aylandi. Qiyin damlarda ham ishonchini yo'qotmagan, bir-biriga suyanchiq bo'lgan hamkasblarimga chin dildan minnatdorman.
Va eng muhimi bizning talabalarimizga, ayniqsa mana diplomini qo'lga olish arafasida turgan birinchi bitiruvchilarimizga va ularning ota-onalariga alohida rahmat aytmoqchiman. Sizlar bizga ishondingiz. Hali hech kim bosib o'tmagan yo'lni, birinchi bo'lib, jasorat bilan tanladingiz. Har bir darsda, imtihonda ko'rsatgan sabringiz, har bir loyihada ko'rsatgan mehnatingiz, qiyinchiliklar oldida taslim bo'lmagan matonatingiz, aynan shular bizni oldinga undab turdi.
Sizlar PDP tarixini yozgan birinchi qahramonlarsiz.
🏆
🏆
🏆
Bu g'alaba barchamizniki!

«YANGI SAHIFA» — Taqdimot e’lon qilindi!
— PDP School qanday o’zgarishlar qildi?
— Farzandingiz uchun nima sharoitlar bor?
— O’qitish tizimi haqida batafsil bilmoqchimisiz?
Barchasi haqida onlayn taqdimotda to’liq javob berib o’tdik. Hoziroq quyidagi havola orqali o’tib tomosha qiling.
🎥
Havola:
https://www.youtube.com/watch?v=jSwLwnpiNfc
https://www.youtube.com/watch?v=jSwLwnpiNfc
https://www.youtube.com/watch?v=jSwLwnpiNfc

Har bir otaning ko'zida — o'g'li uchun aytilmagan orzular yashaydi. Ba'zan shu orzularimiz shovqinidan bolamizning ovozini eshitmay qolamiz.
Ko'pincha
"tarbiya beryapman"
deb o'ylaymiz — nasihat qilamiz, tushuntiramiz, yo'l ko'rsatamiz. Aslida bola bizni gapirganimizda emas,
eshitganimizda ko'proq o'rganadi.
Chunki eshitilgan bola o'zini qadrli his qiladi.
Siz farzandingizni oxirgi marta qachon oxirigacha eshitgansiz?
📌
Blog:
@OdilbekMirzayev

Tazkiya ilmida riyo — amalning kuzatuvchiga qarab o'zgarishi!
Blog:
@OdilbekMirzayev

«Divandagi qo'riqchi»
Bugun notanish binoga bordim — syomka bor edi. Kirsam: reception bo'sh. Mehmonlar divanida qo'riqchi telefon ko'rib yotibdi. «Studiya shu binodami?» deb so'radim. U o'rnidan ham turmay, sovuq javob berdi.
Ichimda birinchi paydo bo'lgan so'z:
«tarbiyasizlik»
.
Keyin o'zimni to'xtatdim. Kecha o'zim yozdim-ku:
yorliq narsaga yopishtiriladi, odamga emas.
Yorliqsiz tashxis bunday: bu odamga mehmon kutish odati hech qachon shakllantirilmagan. Hech kim unga «mehmonning birinchi o'n soniyasi — seniki» demagan. Ko'rsatmagan. Mashq qildirmagan.
Endi asosiy savol o'zimga: bizning o'quvchilar 20 yildan keyin o'sha divanda yotmasligi uchun bugun nima qilapmiz? Nasihat yordam bermaydi. Rol kerak: har bir o'quvchi navbat bilan mehmon kutib oladi, joyigacha kuzatadi. Yuz marta qilgan odamning mehmon kirganda tanasi o'zi turadi.
Xushmuomalalik — tug'ma fazilat emas, shakllantirilgan odat!
Ushbu fikrga munosabatingiz qanday?
Blog:
@OdilbekMirzayev

«Dangasa bola» degan bola yo’q!
Yorliq yopishtirish — bir soniyalik ish.
«Dangasa», «beparvo», «qiziqmaydi»
. Aytdik — tashxis tayyor.
Aslida bu tashxis emas, hukm. Bola esa hukmga ishonadi: «Men shunaqaman-da». Va ertadan boshlab o'sha yorlig'iga yarasha yashaydi. Biz uni ta'riflaganimiz yo'q —
dasturlab qo'ydik.
Yaponlar shu o'rinda boshqacha jumla ishlatadi:
bola dangasa emas — odat hali shakllantirilmagan.
Bir qarashda so'z o'yini. Aslida yo'nalish butunlay o'zgaradi.
«Dangasa» deganingizda ayb bolada qoladi. Sizga esa nasihat, tanbeh, taqqoslash qoladi — uchalasi ham ishlamaydi.
«Shakllantirilmagan»
deganingizda esa so'zning o'zida savol yashiringan: kim tomonidan? Ish katta odamga o'tadi. Endi tanbeh emas, reja kerak: kichik vazifa, har kuni, birga.
Xarakterni koyib tuzatib bo'lmaydi. Odatni esa qurish mumkin — g'ishtma-g'isht, kunma-kun.
Yorliq narsaga yopishtiriladi, bolaga emas!
Blog:
@OdilbekMirzayev

“Matematikani yoqtirmaydi,xohishi yo’q”
— kasallik emas, alomat! Asl kasallik — qayerdadir orqada qolgan bo’shliq. Bola matematikani emas,
“qila olmaslik” hissini
yomon ko’radi.
Blog:
@OdilbekMirzayev

🎉
PDP Junior ALGORITM filiali bugundan rasman o‘z faoliyatini boshladi!
Bugun markazimizda quvonchli va unutilmas kun bo‘ldi! Ota-onalar tashrif buyurib, farzandlari uchun yaratilgan imkoniyatlar bilan yaqindan tanishishdi.
😊
Ochiq darslar davomida bolajonlar zamonaviy ta’lim muhiti, qiziqarli mashg‘ulotlar va interaktiv usullar orqali yangi bilimlarni sinab ko‘rishdi. Ota-onalar esa farzandlari qanday muhitda ta’lim olishini ko‘rib, ustozlarimiz bilan suhbatlashish imkoniga ega bo‘lishdi.
Bizning maqsadimiz - farzandlaringizga kelajak uchun kerak bo‘ladigan bilim va ko‘nikmalarni hozirdan berish.
🚀
Farzandingizni ham PDP Junior’ga olib keling va kelajagi uchun mustahkam poydevor yarating!
⚡️
📞
Batafsil ma’lumot uchun:
+998 78 777 74 77
+998 55 511 47 47

🎓
Farzandingiz uchun maktab tanlayapsizmi?
📚
26-iyul kuni bo‘lib o‘tadigan PDP School taqdimotida ta’lim dasturi, yo‘nalishlar va qabul jarayoni haqida batafsil ma’lumotga ega bo‘ling.
🔔
Eslatmalarni yoqib qo‘ying!
📣
Sizni barcha muhim yangiliklar va batafsil ma’lumotlardan muntazam xabardor qilib boramiz.
Telegram
|
Instagram
|
YouTube

Yaponlar tarbiyani o’rgatmaydi — mashq qildiradi.
Blog:
@OdilbekMirzayev