Oqqo‘rg‘on tuman hokimligi

❗️
BEFARQ BO‘LMANG!
Is gazidan zaharlanishning oldini olaylik!
Havo harorati pasayishi bilan xonadonlarda isitish moslamalaridan foydalanish boshlanadi. Biroq yoz mavsumi davomida ishlatilmagan, texnik ko‘rikdan o‘tkazilmagan isitish qurilmalari, ayniqsa, qo‘lbola va nostandart moslamalardan foydalanish, dudburon va mo‘rkonlarning tozaligi hamda sozligiga e’tiborsizlik ayanchli oqibatlarga olib kelishi mumkin.
So‘nggi kunlarda is gazidan zaharlanish oqibatida insonlar hayotdan ko‘z yumayotgani barchamizni yanada hushyor va mas’uliyatli bo‘lishga undashi kerak. Zero, is gazi rangsiz va hidsiz bo‘lib, uni sezish qiyin. Shu bois xavfsizlik qoidalariga beparvolik qilish inson hayoti va salomatligiga jiddiy tahdid tug‘diradi.
Hurmatli fuqarolar! O‘zingiz va yaqinlaringiz hayotini xavf ostiga qo‘ymang!
Isitish mavsumida quyidagi xavfsizlik talablariga qat’iy amal qilishingizni so‘raymiz:
◎ Faqat muvofiqlik sertifikatiga ega, belgilangan xavfsizlik talablariga javob beradigan isitish moslamalaridan foydalaning. Qo‘lbola va nostandart qurilmalarni ishlatmang.
◎ Mavjud isitish moslamalarini mavsum boshlanishidan oldin malakali mutaxassislarga ko‘rsating, ularning texnik holati va xavfsiz ishlashini tekshirtiring.
◎ Dudburon va mo‘rkonlarning holatini diqqat bilan ko‘zdan kechiring, ularni qurum va boshqa to‘siqlardan muntazam tozalab turing.
◎ Xonani isitish maqsadida ochiq olovdan, jumladan, gaz plitadan foydalanmang. Isitish moslamalarini belgilangan maqsaddan tashqari ishlatish xavfli.
◎ Xonalarda havo almashinuvi va shamollatish imkoniyati mavjudligini ta’minlang. Ventilyatsiya kanallarini berkitmang, ularning ishlash holatini nazorat qilib boring.
◎ Isitish moslamalarini nazoratsiz qoldirmang, ulardan foydalanishda ishlab chiqaruvchi ko‘rsatmalari va xavfsizlik talablariga amal qiling.
Is gazidan zaharlanishning dastlabki belgilari bosh og‘rig‘i, bosh aylanishi, ko‘ngil aynishi va holsizlik kabi alomatlar bilan namoyon bo‘lishi mumkin. Bunday holat kuzatilsa, darhol toza havoga chiqing, xonani shamollating, boshqa odamlarni ham xavfli hududdan olib chiqing va tez tibbiy yordam hamda tegishli favqulodda xizmatlarga murojaat qiling.
Unutmang: is gazi xavfini ko‘z bilan ko‘rib yoki hididan bilib bo‘lmaydi. Shuning uchun xavfsizlik choralarini oldindan ko‘rish, isitish moslamalarini tekshirish va dudburonlarni tozalash juda muhim. Bu shunchaki tavsiya emas, hayotni asrashning muhim shartidir.
Aziz yurtdoshlar! Isitish mavsumini xavf-xatarsiz o‘tkazish uchun befarq bo‘lmang. O‘zingizni, oilangizni va yaqinlaringizni asrang. Xavfsizlikka bugun e’tibor qaratish ertaga insonlar hayotini saqlab qolishi mumkin.
📇
Oqqörğon tumani hokimligi Axborot xizmati
😎
Telegram
😎
Instagram
🌐
Facebook
😎
YouTube
🕸
WebSayt

ҚИШ МАВСУМИГА ТАЙЁРГАРЛИК: ХАВФСИЗЛИК ВА ТЕЗКОРЛИК — АСОСИЙ ВАЗИФА
Жорий йилда қиш мавсумини беталофат ўтказиш, аҳоли хавфсизлигини таъминлаш, шунингдек, ис газидан заҳарланиш ҳолатларининг олдини олиш мақсадида масъул ташкилот ва идоралар иштирокида сафланиш тадбири ўтказилди.
Тадбирда Тошкент вилояти Фавқулодда вазиятлар бошқармаси, туман ҳокимлиги, туман Ички ишлар бўлими, Фавқулодда вазиятлар бўлими, коммунал хизматлар, электр таъминоти, табиий газ ҳамда бошқа тегишли ташкилотларнинг раҳбар ва ходимлари иштирок этди.
Сафланиш жараёнида қиш мавсумида юзага келиши мумкин бўлган фавқулодда ҳолатларнинг олдини олиш, аҳолига коммунал хизматларни узлуксиз ва сифатли кўрсатиш, ижтимоий соҳа объектларининг барқарор фаолиятини таъминлаш масалалари атрофлича муҳокама қилинди.
Айниқса, хонадонларда газ ва иситиш мосламаларидан хавфсиз фойдаланиш, мўри ва тутун йўлларининг соз ҳолатини таъминлаш, ис газидан заҳарланиш билан боғлиқ кўнгилсиз ҳолатларнинг олдини олиш бўйича профилактик ва тушунтириш ишларини кучайтириш зарурлигига алоҳида эътибор қаратилди.
Шунингдек, масъулларга мавсум давомида фойдаланиладиган махсус техника ва воситаларни тўлиқ шай ҳолатга келтириш, зарур ёқилғи-энергетика ресурслари захирасини яратиш, авария ҳолатларига тезкор жавоб қайтариш ҳамда аҳоли мурожаатларини ўз вақтида кўриб чиқиш бўйича аниқ топшириқлар берилди.
Тадбир якунида қиш мавсумига тайёргарлик ишларини белгиланган режа асосида сифатли ташкил этиш, ис газидан заҳарланишнинг олдини олиш бўйича профилактик тадбирларни тизимли равишда олиб бориш, шунингдек, масъул хизматлар ўртасидаги ҳамкорликни янада кучайтириш муҳимлиги таъкидланди.
📇
Оққўрғон тумани ҳокимлиги Ахборот хизмати
😎
Telegram
😎
Instagram
🌐
Facebook
😎
YouTube
🕸
WebSayt

Bugun Prezident Shavkat Mirziyoyev Ko‘ksaroy qarorgohida sog‘liqni saqlash va farmatsevtika sohasi xodimlari bilan uchrashuv o‘tkazadi hamda Olimpiya shaharchasiga tashrif buyurib, Prezident Olimpiadasining ochilish marosimida ishtirok etadi.
—
Сегодня Президент Шавкат Мирзиёев проведет встречу с работниками сферы здравоохранения и фармацевтики, а также посетит Олимпийский городок, где примет участие в церемонии открытия Президентской Олимпиады.
Facebook
|
Instagram
|
X

Оққўрғон туманида ёшларнинг бандлигини таъминлаш, уларни меҳнат бозорига муваффақиятли интеграция қилиш ҳамда тадбиркорлик ташаббусларини қўллаб-қувватлаш мақсадида навбатдаги бўш иш ўринлари ярмаркаси ташкил этилди.
Ушбу тадбир Тошкент вилояти ҳокимлиги, Тошкент вилояти Солиқ бошқармаси ҳамда Ёшлар ишлари агентлиги ҳамкорлигида ўтказилди.
Унда вилоят ҳокимлиги ва бир қатор мутасадди ташкилотлар вакиллари, шунингдек, тумандаги битирувчи ёшлар, ишсиз фуқаролар ҳамда бўш иш ўринларига эга бўлган корхона-ташкилотлар иштирок этди.
Тадбирни ўтказишдан асосий мақсад ёшлар бандилигини таъминлаш, иш излаётган ва битирувчиларига ўз мутахассисликларига мос келувчи бўш иш ўринлари таклиф этилди.
Тадбиркорликни ривожлантириш мақсадида ўз фуқаролик бизнес ташаббусига эга бўлган ёшларга имтиёзли кредитлар олиш шартлари ва имкониятлари ҳақида батафсил тушунтиришлар берилди.
Ярмарка давомида очиқ мулоқот ташкил этилиб, ёшларнинг муаммо ва таклифлари эшитилди. Мурожаатларнинг аксарияти жойида ижобий ҳал этилди, қўшимча ўрганиш талаб этадиган масалалар бўйича эса масъулларга аниқ топшириқлар берилди.
Бу каби амалий тадбирлар ёшларнинг жамиятда ва меҳнат бозорида ўз ўрнини топишларига, уларнинг иқтисодий фаоллигини оширишга ҳамда туманда ишсизлик даражасини камайтиришга хизмат қилади.
📇
Оққўрғон тумани ҳокимлиги Ахборот хизмати
😎
Telegram
😎
Instagram
🌐
Facebook
😎
YouTube
🕸
WebSayt

#xushxabar
Bir guruh tibbiyot xodimlari davlat mukofotlari bilan taqdirlandi
O‘zbekiston Respublikasi Prezidenti Farmoniga muvofiq, sog‘liqni saqlash tizimini rivojlantirish, aholi salomatligini mustahkamlash va tibbiy xizmatlar sifatini oshirishga qo‘shgan hissasi uchun Toshkent viloyatining bir qator tibbiyot xodimlari davlat mukofotlariga sazovor bo‘ldi.
🔹
II darajali “Salomatlik” ordeni bilan:
• Qodirova Ra’no Gʻaniyevna — Zangiota tumani yuqumli kasalliklar shifoxonasi bosh shifokori;
• Komilova Xuri — Piskent tumani tibbiyot birlashmasi ichki dorixonasi provizori.
🔹
“Sog‘lom turmush” medali bilan:
• Shoimqulova Malika — Bekobod tumanidagi “Yangihayot” oilaviy shifokorlik punkti oilaviy shifokori.
🔹
“Shuhrat” medali bilan:
• Omonov Faxriddin Saparovich — Respublika tez tibbiy yordam markazi Oqqo‘rg‘on tumani bo‘limi feldsheri.
Mukofotlar muborak bo‘lsin! Barcha tibbiyot xodimlariga mas’uliyatli va sharafli faoliyatida muvaffaqiyatlar tilaymiz!
📇
Oqqörğon tumani hokimligi Axborot xizmati
😎
Telegram
😎
Instagram
🌐
Facebook
😎
YouTube
🕸
WebSayt

O’zbekistonda xizmat ko’rsatgan san’at arbobi, kinorejissyor Zulfiqor Musoqovga Prezident sovg’asi – Yangi Toshkentdan 3 xonali uy topshirildi.

⚡️
Oqqo'rg'on tumani markazidagi piyodalar oʻtish joyi chiziqlari yangilandi.
⚙️
Oqqo'rg'on tumanida piyodalar ishtirokida koʻngilsiz holatlarni oldini olish maqsadida viloyat IIBB JXX Yoʻl harakati xavfsizligi boshqarmasi Ekspluatasiya-montaj boshqarmasi xodimlari tomonidan piyodalar serqatnov boʻlgan piyodalar oʻtish joylarining chiziqlari yangilandi.
📇
Oqqörğon tumani hokimligi Axborot xizmati
😎
Telegram
😎
Instagram
🌐
Facebook
😎
YouTube
🕸
WebSayt

#fursat
| 26.10.2026 | 18:00
📌
OQQÖRĞON TUMANI
TIL – MILLAT KÖZGUSI
📇
Oqqörğon tumani hokimligi Axborot xizmati
😎
Telegram
😎
Instagram
🌐
Facebook
😎
YouTube
🕸
WebSayt

ИЖРО ИНТИЗОМИ — САМАРАЛИ БОШҚАРУВНИНГ МУҲИМ ОМИЛИ
Оққўрғон туман ҳокимлиги ходимлари иштирокида 2026 йилнинг IV чорагида белгиланган режа-графикка асосан иқтисодий ўқиш ўтказилди.
2026 йил 26 октябр куни жорий йилнинг 9 ойи (январ-сентябр) давомида
Ўзбекистон Республикаси Президенти, Президент Администрацияси раҳбари ва Вазирлар Маҳкамасининг назорат топшириқлари ижроси якунлари атрофлича таҳлил қилинди.
Шунингдек, 2026 йил октябрь–декабрь ойларида туман ҳокимлиги томонидан “
Ijro.gov.uz
” тизимида белгиланган топшириқларни ўз муддатида, сифатли, самарали ва тўлиқ бажарилишини таъминлаш борасидаги устувор вазифалар белгилаб олинди.
Иқтисодий ўқиш давомида ижро интизомини янада мустаҳкамлаш, топшириқларнинг мазмун-моҳиятидан келиб чиқиб, уларни белгиланган муддатларда сифатли ижро этиш, масъул ходимларнинг шахсий жавобгарлигини ошириш ҳамда ижро ҳолатини тизимли назорат қилиб бориш масалаларига алоҳида эътибор қаратилди.
Тегишли масъулларга белгиланган вазифаларни кечиктирмасдан амалга ошириш, аниқ натижа ва самарадорликка эришиш бўйича зарур кўрсатма ва вазифалар берилди.
Ижро интизоми — натижадорлик ва масъулият мезони.
📇
Оққўрғон тумани ҳокимлиги Ахборот хизмати
😎
Telegram
😎
Instagram
🌐
Facebook
😎
YouTube
🕸
WebSayt

ФУҚАРОЛАР МУРОЖААТЛАРИ – ЭЪТИБОР МАРКАЗИДА
Оққўрғон тумани Халқ қабулхонаси биносида туман ҳокими ўринбосарлари иштирокида фуқароларнинг навбатдаги қабули ўтказилди.
Қабул давомида аҳоли томонидан бандлик, ижтимоий ҳимоя, коммунал хизматлар, ер муносабатлари, тадбиркорликни қўллаб-қувватлаш ҳамда бошқа долзарб масалалар юзасидан мурожаатлар қабул қилинди.
Ҳар бир мурожаат масъуллар иштирокида атрофлича ўрганилиб, қонунчилик доирасида ҳуқуқий тушунтиришлар берилди. Жойида ҳал этилиши мумкин бўлган масалалар бўйича тегишли чоралар белгиланиб, қўшимча ўрганиш талаб этиладиган мурожаатлар ижроси масъул ташкилотлар назоратига олинди.
Мазкур қабуллар Ўзбекистон Республикаси Президенти томонидан аҳоли мурожаатлари билан ишлаш самарадорлигини янада ошириш бўйича берилган топшириқлар ижросини таъминлаш, фуқаролар муаммоларини ўз вақтида ўрганиш ва уларни қисқа муддатларда ҳал этиш мақсадида мунтазам равишда ташкил этилмоқда.
Оққўрғон туманида ҳам аҳоли билан очиқ мулоқот қилиш, мурожаатларни тизимли ҳал этиш ҳамда ҳар бир фуқаронинг дардига қулоқ тутиш устувор вазифалардан бири сифатида амалга оширилмоқда.
📇
Оққўрғон тумани ҳокимлиги Ахборот хизмати
😎
Telegram
😎
Instagram
🌐
Facebook
😎
YouTube
🕸
WebSayt