Diplomat (Sobirov)

O‘zbekiston SSRning rahbarlari ichidan shu odam ham hurmatga loyiq. To‘g‘ri, u haqidagi aksariyat ma’lumotlar uning o‘zi yozgan “Kremlda o‘tgan yillarim”ga asoslanadi. Biroq uning davrida, hayotida yuz bergan voqealar Muhiddinov haqiqatdan toza insonlardan bo‘lganini ko‘rsatadi.
Afsuski, O‘zbekiston uchun qo‘lidan kelgancha foydali ishlar qilgan bunday rahbarlar nomi asosan ularni taniydiganlar va shu davrda yashagan insonlar xotirasida qolgan. Masalan, Muhiddinov hayoti aslida qiziq, o‘rnakli voqealarga ancha boy.
Xullas,
maqolani
o‘qinglar, juda to‘liq yozmadim, bo‘lmasa o‘qib bo‘lmas darajada uzun maqola bo‘lardi. Lekin maqolani o‘qib Muhiddinov faoliyati, shaxsiyati haqida tasavvurga ega bo‘lish mumkin —
https://oyina.uz/uz/article/4780

Armanistondagi saylovlarga Rossiya aralashuvi haqida ham ko‘p gap bo‘ldi. Putinning shaxsan o‘zi ham Armanistonga tahdid qildi, arman mahsulotlariga cheklov joriy etildi, Rossiyadagi armanlarni yuborish haqida gaplar urchidi. Rossiyaning Armaniston ishiga…

Qiziq
tadbir
bo‘ladi (shekilli), boringlar!
@pan_diplomat

Shaxsiy davlatingizni e’lon qilish mumkin bo‘lgan joy.
Youtube’da to‘liq —
https://www.youtube.com/shorts/VK0Jg8-TxDQ

2018-yilgi Armaniston voqealarini juda qiziqib kuzatgandim. Keyinchalik ham “Baxmal inqilob” haqidagi ko‘plab kontentlarni ko‘rdim. Pashinyan – jurnalist, o‘zi ham siyosiy ta’qib qurboni sifatida, shubhasiz, ko‘pchilikda juda ijobiy taassurot qoldirgandi.…

2018-yilgi Armaniston voqealarini juda qiziqib kuzatgandim. Keyinchalik ham
“Baxmal inqilob”
haqidagi ko‘plab kontentlarni ko‘rdim. Pashinyan – jurnalist, o‘zi ham siyosiy ta’qib qurboni sifatida, shubhasiz, ko‘pchilikda juda ijobiy taassurot qoldirgandi. Qolaversa, uning hokimiyatga kelishi Armanistondagi Tog‘li qorabog‘liklar klani hukmronligiga nuqta qo‘ygandi.
Yillar davomida Pashinyanning tashqi ko‘rinishi bilan birga siyosiy pozitsiyasi ham o‘zgardi
. Dastlab soqoldor, suroviy arman ko‘rinishidagi Pashinyan vaqt o‘tib, soqolidan ajraldi, keyinchalik “yoqimtoy” videolar ola boshladi, “yurakcha” va “avtobusda ovqat” trendini yaratdi, xullas yumshoq va xushchaqchaq inson obrazini yaratdi.
Tashqi ko‘rinishdagi yumshash, siyosiy qattiqlashuv bilan birga kechdi. Pashinyan undan Qorabog‘ haqida so‘ragan fuqaroni keyinroq qamatdi, uni tanqid qilgan cherkov bilan kurash boshladi, cherkovni qo‘llagan oligarxlarni qamadi. Bularning bari “yoqimtoy bosh vazir” ko‘rinishi ostida kechdi.
Ha, Pashinyan uzoq va qonli urushni to‘xtatdi. Qanchalik og‘riqli bo‘lmasin, baribir saqlab qolish qiyin bo‘lgan Tog‘li Qorabog‘dan voz kechdi. Buning uchun u iqtidordan ketgandan keyin ham, hatto o‘lgandan keyin ham malomatga qoladi.
Lekin u ham tipik diktatura tomon ketyapti. Armanistonning sobiq prezidenti Robert Kocharyan bir restoranda uni “Rob” deb chaqirgan
sinfdoshini keyinroq urib o‘ldirtirgani kabi
, Pashinyan ham muxoliflariga shafqat qilmayapti. Ammo Armanistonda
hozir
unga muqobil yo‘q va u endi o‘zidan oldingi diktator prezidentlardan ham ko‘proq hukmronlik qilishi aniq.
@pan_diplomat

Prezident jurnalistdan arazlab
ketyapti
. Shunchaki, ba’zi davlatlardagi kabi “olinglar buni” desa bo‘lmaydimi?)
@pan_diplomat

“Buxoro vohasi daraxtzor xiyobonlar va ko‘plab bog‘lar bilan burkangani sabab, uzoqdan shaharni ko‘rib bo‘lmaydi. Shu bois, Vobkent tomonidan kelinsa, Buxoro shahri faqat 3 verst (taxminan 3 kilometr) masofadan ko‘zga tashlana boshlaydi.
Ushbu manzara yevropalik kishini hayratga soladi.
Shahar markazida qad ko‘targan gumbazlar, masjidlar, madrasalarning baland peshtoqlari, minoralar, saroylar, ularni o‘rab turgan qal’a devorlari, devor yaqinida joylashgan hamda tevaragini uylar o‘rab olgan hovuzlar, nihoyat, poytaxt atrofidagi dalalar, bog‘lar, daraxtlar va jo‘sh urayotgan odamlar – bularning barchasi qandaydir yoqimli taassurot uyg‘otadi.
Biroq shahar ichkarisiga qadam qo‘yishingiz bilan bu illyuziya darhol g‘oyib bo‘ladi.
Chunki hammomlar, masjidlar va madrasalarni aytmaganda, bu yerda faqat tartibsiz ravishda bir-birining ustiga qalashib ketgan, tor, egri-bugri va tasodifiy shakllangan ko‘chalarni egallagan kulrang rangli paxsa binolargina
bor
.
Peshtoqlari hovli ichkarisiga qaragan, ko‘cha tomonidan derazasiz uylar yo‘lovchining e’tiborini tortadigan yoki ko‘nglini quvnatadigan biror-bir unsursiz bo‘lib, ular mutlaqo bir xil. Aholisi zich joylashgan bu shahardagi har bir narsa odamda go‘yo shubha va xavsirash tuyg‘usini paydo qiladi
Odamlarning yuzida deyarli hech qachon quvonch, kulgi alomatini ko‘rmaysiz.
Deyarli umuman shovqin-suronli bayramlar bo‘lmaydi, na bir ashula va na bir musiqa sadosi quloqqa chalinadi. Bu yerda mazza qilib hayot nashidasini surayotgan odamlar yashayotganidan darak beruvchi biror bir belgi yo‘q.
Shu sababli, dastlab sharqona me’morchilik obidalarini ko‘rganimizda uyg‘ongan o‘sha qiziqish va hayrat tuyg‘ulari o‘rnini tez orada tushkunlik ruhi egalladi”, — Igor Meyendorfning “Orenburgdan Buxoroga sayohat” asaridan.
Chet elga chiqib kelgan o‘zbeklar juda kam kuluvchi xalq ekanimizni ko‘p aytadi. Demak bu ota-bobolarimizdan meros ekan.
@pan_diplomat

Britaniyada politsiya oq tanli inglizni pichoqlagan sikxni emas, pichoqlangan inglizni o‘lim oldi kishanband qilib, qamoqqa olgani va keyinroq u vafot etgani ortidan yana etnik mojarolar
boshlandi
. O‘zi yaqinda Britaniyada muhojirlarga qarshi namoyishlar bo‘lib o‘tgandi.
Britaniya, umuman Yevropadagi etnik mavzu – haqiqatdan qiyin va og‘riqli. Masalan, o‘zbeklar bunchalik bag‘rikenglar ko‘rsata olmasdi deb o‘ylayman. Bizda, hozir ozgina xorijlik paydo bo‘lganda, aksariyat “ular ko‘payib ketyapti” deyishni boshladi.
Har ikki tomon o‘zicha haq. Britaniyaliklar ularning vatanida begonalarga ustunlik berilganini ta’kidlayapti. Ushbu qotillikdagi politsiya harakatlari, afsuski, buni tasdiqlashdey bo‘lib qolgan. Qotilga uning onasi ham yordam bergani esa — eng dahshatli qism.
Britaniyaga yaxshi, tinch hayot izlab borganlarni ham qoralab bo‘lmaydi. Ular ham barcha kabi yaxshi yashash, bunga intilish huquqiga ega. Biroq aynan ular aholining kambag‘al qismini tashkil etishi va buning ortidan ular orasida jinoyatchilik ortishi — mutlaq noqulay kartina yaratmoqda.
@pan_diplomat

Inson bo‘yi va uning yashash darajasi uzviy bog‘liqligiga yana bir misol.
Jadvalda postsovet xalqlari erkaklarining Rossiya imperiyasi va SSSR davrdagi o‘rtacha bo‘yi dinamikasi.
Qizig‘i, Imperiya va SSSR davrida xalqlar yashash tarzida deyarli hech qanday o‘zgarish bo‘lmagan. Boltiqbo‘yi xalqlari podsho davrida ham eng bo‘ydor xalqlar bo‘lgan va SSSR tarqab ketganda ham shundayligicha qolgan. Ya’ni, ular qolganlardan sifatliroq yashagan.
Eng dahshatlisi esa o‘zbeklar Imperiya va ilk sovet yillarida qozoq, qirg‘iz va tojiklardan yaxshiroq yashagan. 1970-1990 yillarda O‘zbekiston SSRdagi yashash sharoiti qo‘shnilardan yomonlashgan.
Sabab – bu davrda O‘zbekiston to‘la “paxta koloniyasi”ga aylandi. Oziq-ovqat mahsulotlari ta’minoti to‘liq ittifoqqa bog‘landi. Birlamchi ehtiyoj mahsulotlarini ekish kamayib ketgan. Bunga shu paytda yuz bergan SSSR defitsit davri ham qo‘shilgan.
Hozir ham o‘zbek erkaklarining o‘rtacha bo‘yi 171,5-172 sm tashkil qiladi. Qo‘shnilar bizdan 1-1,5 smga balandroq.
@pan_diplomat