Prezident matbuot kotibi | Sherzod Asadov

Haftaning eng muhim voqealari sharhi: Davlatimiz rahbari ikkinchi yarim yillikda iqtisodiy o‘sishni tezlashtirishni topshirdi. Toshkentdan Samarqandga yetib borish vaqti ikki barobarga qisqaradi. Nurafshonda Kelajak texnologiyalari markazi qurilishiga start berildi.
—
Hápteniń eń áhmiyetli waqıyalarına sholıw: Mámleketimiz basshısı ekinshi yarım jıllıqta ekonomikalıq ósiwdi tezlestiriwdi tapsırdı. Tashkentten Samarqandqa jetip barıw waqtı eki esege qısqaradı. Nurafshonda Keleshek texnologiyaları orayınıń qurılısına start berildi.
—
Обзор важнейших событий за неделю: Глава нашего государства поручил ускорить экономический рост во втором полугодии. Время пути из Ташкента в Самарканд сократится вдвое. В Нурафшане начато строительство Центра технологий будущего.
—
Weekly review of the most important events: The Head of State instructed to accelerate economic growth in the second half of the year. Travel time between Tashkent and Samarkand was cut in half. Construction has started on the Center for Future Technologies in Nurafshan.
Facebook
|
Instagram
|
X

“Menimcha” teleloyihasi
ning ushbu sonida Prezident Shavkat Mirziyoyevning Nurafshon shahriga tashrifi tafsilotlari tahlil qilinadi.
Ko‘rsatuvni bugun,
25-iyul
soat
20:10 da
“O‘zbekiston 24” telekanalida tomosha qilishingiz mumkin.
Ertaga,
26-iyul
soat
12:20 va 17:20 da
takroran namoyish etiladi.
Facebook
|
Instagram
|
X

Tavallud ayyomingiz muborak bo’lsin, Hurmatli Prezident!
Facebook
|
Instagram
|
X

Joriy yilda
Toshkent viloyatining raqamli xizmatlar eksporti ilk bor 50 million dollarga
yetishi kutilmoqda. Hududning mavjud salohiyatini yanada kengaytirish uchun
Nurafshon va Chirchiq shaharlarida zamonaviy IT-park binolari
qurilishiga ham start berilmoqda.
– Uzoqni ko‘zlab, chin dildan amalga oshirayotgan ortga qaytmas islohotlarimiz Yangi O‘zbekiston bunyodkori bo‘lgan yoshlarimiz kelajagi uchun mustahkam poydevor bo‘ladi.
“Raqamli O‘zbekiston” avlodlarimizga bizdan munosib meros bo‘lib qoladi
,
– dedi davlatimiz rahbari.
Kelajak texnologiyalari markazi Toshkent viloyatining sun’iy intellekt va raqamlashtirish markaziga,
yoshlarning bilim va ko‘nikmalarini oshiradigan, iste’dod va qobiliyatini yuzaga chiqaradigan zamonaviy majmuaga
aylanishi ta’kidlandi.
Shuningdek, marosimda
Xitoy, Rossiya va Germaniya
kompaniyalari ishtirokida amalga oshiriladigan, umumiy qiymati
465 million dollar bo‘lgan 9 ta yangi quvvat
qurilishiga start berildi.
Ushbu obyektlar ishga tushishi natijasida
5 mingta yangi ish o‘rni yaratilib, aholining ijtimoiy xizmatlardan foydalanish sifati yaxshilanadi.
Facebook
|
Instagram
|
X

Umumiy maydoni 36 gektar bo‘lgan
Kelajak texnologiyalari markazi
qurilishiga
qariyb 500 million dollar investitsiya
jalb qilinadi. Majmua
ta’lim, ilmiy tadqiqot, texnologik sinov va ishlab chiqarishni birlashtiradigan yagona innovatsion ekotizim
bo‘ladi.
Markaz uchun
Nurafshon shahri
tanlangani bejiz emas. Bu yerda faoliyat yuritayotgan
“Cyber University”da
kiberxavfsizlik va axborot himoyasi bo‘yicha
qariyb 1 ming nafar yuqori malakali mutaxassis
tayyorlanmoqda. Endi universitet atrofida
butun mamlakat uchun namuna bo‘ladigan yaxlit innovatsion klaster
shakllantiriladi.
Klasterda
kiberxavfsizlik, sun’iy intellekt, bulutli texnologiyalar va kriptografiya
yo‘nalishlarida
6 ta zamonaviy laboratoriya,
sun’iy intellekt data-markazi
va
muhandislik klasteri
tashkil etiladi.
Himoyalangan kompyuterlar, ma’lumot uzatish qurilmalari va yuqori texnologik tokenlar ishlab chiqarish markazi
hamda
dron va robototexnika uchun maxsus sinov poligoni
faoliyati yo‘lga qo‘yiladi.
Osiyo taraqqiyot banki ko‘magida
mahalliy texnologiyalarni tijoratlashtirish va milliy mahsulotlarni xalqaro bozorlarga olib chiqish platformasi
yaratiladi. Markaz
5 megavattli energetika quvvatlari
bilan ta’minlanib, bu yerda
5 mingdan ortiq yuqori malakali ish o‘rni
tashkil etiladi.
Facebook
|
Instagram
|
X

Prezident Shavkat Mirziyoyev Nurafshon shahrida
Kelajak texnologiyalari markaziga
tamal toshi qo‘yish va boshqa yangi loyihalarni boshlash marosimida ishtirok etmoqda.
Davlatimiz rahbari insoniyat taraqqiyotining har bir bosqichi
fundamental kashfiyotlar
bilan bog‘liq ekanini ta’kidladi. Buyuk ajdodimiz
Muhammad Xorazmiy nazariy asos solgan algoritmlar bugun global iqtisodiyot o‘zagi va insonlar kundalik hayotining ajralmas qismiga aylandi.
Hozirgi dunyoda
raqobat yillar yoki oylar bilan emas, balki daqiqalar va soniyalar
bilan o‘lchanmoqda.
Raqamlashtirishni ortga surgan, sun’iy intellektni o‘zlashtirmagan va innovatsiyalarga sarmoya kiritmagan davlatlar global rivojlanishdan orqada qolishi
qayd etildi.
– Hayotimizning barcha jabhalarini
raqamlashtirish bilan jiddiy shug‘ullanmasdan turib, rivojlanish mumkin emas. Busiz kelajagimiz yo‘qligini barchamiz teran anglashimiz kerak
,
– dedi Prezident.
Joriy yilning o‘zida O‘zbekistonda
venchur investitsiyalar hajmi 5 barobar ko‘paydi, milliy startap ekotizimi qariyb 4,5 milliard dollarga
yetdi. Innovatsion g‘oyalarni rag‘batlantirish maqsadida
mukofot jamg‘armasi 5 million dollar bo‘lgan Prezident startap tanloviga
start berildi.
Facebook
|
Instagram
|
X

Toshkent – Samarqand yangi avtomobil yo‘li
hududlarda iqtisodiy faollikni yangi bosqichga ko‘taradi.
Jahon banki tahliliga ko‘ra, bunday loyihalarga sarflangan
har bir dollar investitsiya iqtisodiyotga 5 barobargacha qaytadi.
Yangi magistral
Toshkent shahri, Sirdaryo, Jizzax va Samarqand viloyatlari yalpi hududiy mahsulotining 3 foizga ko‘payishiga
turtki beradi. Yo‘l o‘tadigan
aholisi 2 milliondan ziyod 13 ta tuman uchun minglab ish o‘rinlari va yangi daromad manbalari
paydo bo‘ladi.
Yo‘l bo‘yida
logistika markazlari, omborlar, sanoat va agrosanoat korxonalari, savdo-servis, mehmonxona va turizm obyektlari
barpo etiladi. Qurilishda
mahalliy xizmatlar va qurilish materiallaridan keng foydalanish
tadbirkorlar uchun yirik buyurtmalar va yangi ishlab chiqarish quvvatlarini yaratadi.
Davlatimiz rahbari
Xiva – Urganch yo‘li
qurilishi boshlangani,
Toshkent – Andijon yo‘li
bo‘yicha xalqaro tender yakunlanish arafasida ekani,
Toshkentni Bo‘stonliq bilan bog‘laydigan yo‘lni
loyihalash ishlari yakuniga yetkazilayotganini qayd etdi.
– Biz bugun
Vatanimiz mustaqilligining o‘ttiz besh yillik to‘yi arafasida
mamlakatimiz
kelajagi, iqtisodiy barqarorligi va xalqimiz farovonligi uchun yana bir mustahkam poydevor
qo‘ymoqdamiz,
–
dedi Prezidentimiz va kapsula qo‘yib, yangi avtomagistral qurilishini boshlab berdi.
Facebook
|
Instagram
|
X

Prezidentimiz Toshkent – Samarqand yo‘nalishidagi yangi avtomobil yo‘li qurilishini
mamlakatimiz transport infratuzilmasini rivojlantirishdagi navbatdagi ulkan tarixiy qadam,
deb atadi.
So‘nggi 10 yilda
78 trillion so‘m
hisobidan jami
128 ming kilometr yo‘lda
qurilish-ta’mirlash ishlari bajarildi. Davlatimiz rahbari bugun sohada
tom ma’noda yangi davr boshlanayotganini
ta’kidladi.
Qiymati
qariyb 2,2 milliard dollar
bo‘lgan
olti polosali
zamonaviy avtomagistralning umumiy uzunligi
282 kilometrni
tashkil etadi. Loyiha doirasida
92 ta ko‘prik, 28 ta yo‘l o‘tkazgich va 60 ta tunnel tipidagi o‘tish joyi
quriladi.
Yo‘lga
og‘ir va yuqori tezlikda harakatlanadigan transport vositalari qatnoviga chidamli monolit beton qoplama
yotqiziladi. Tekis hududlarda
soatiga 150 kilometr tezlikda
harakatlanish imkoni yaratiladi,
zamonaviy xavfsizlik yechimlari va raqamli qulayliklar
yo‘l-transport hodisalarini keskin kamaytiradi.
Yangi magistral ishga tushgach,
Toshkentdan Samarqandga yetib borish vaqti 5 soatdan 2,5 soatga qisqaradi.
Yo‘l
sutkasiga 60 mingdan 80 mingtagacha transport vositasini
o‘tkazadi,
yuk tashish tannarxi esa 20-24 foizga pasayishi kutilmoqda.
Facebook
|
Instagram
|
X

Prezident Shavkat Mirziyoyev O‘rta Chirchiq tumanida
Toshkent – Samarqand yo‘nalishidagi pullik muqobil avtomobil yo‘li qurilishiga tamal toshi qo‘yish
marosimida ishtirok etmoqda.
Davlatimiz rahbari so‘nggi yillarda
mamlakatimiz iqtisodiyoti 3 karra oshgani,
2030-yilga qadar uning hajmini 240 milliard dollarga yetkazish
bo‘yicha katta marra olinganini ta’kidladi.
Bugun O‘zbekiston hududidan
xalqaro ahamiyatga ega 4 ming kilometr tranzit yo‘l
o‘tgan. Ayni paytda
xalqaro yo‘llarning 30 foizi to‘liq quvvatda, yana 25 foizi ortiqcha yuklama bilan
ishlamoqda.
“Xitoy – Qirg‘iziston – O‘zbekiston” va Transafg‘on temir yo‘llari
ishga tushgach,
O‘zbekiston Tinch okeanidan Yevropagacha bo‘lgan eng qisqa quruqlik yo‘lagining asosiy bo‘g‘iniga
aylanadi. Shuningdek, Pokiston portlari orqali
Hind okeani va qariyb 2 milliard aholi yashaydigan Janubiy Osiyo bozorlariga chiqish
imkoniyati ochiladi.
Hisob-kitoblarga ko‘ra, O‘zbekiston yiliga
qo‘shimcha 15-20 million tonna xalqaro tranzit yukini qabul qilsa, 400-600 million dollar daromad olinadi,
logistika markazlari va terminallar qurilishiga
3 milliard dollar investitsiya jalb etiladi, kamida 50 mingta barqaror ish o‘rni yaratiladi.
Facebook
|
Instagram
|
X

Bugun Prezident Shavkat Mirziyoyev Toshkent viloyatining O‘rta Chirchiq tumani va Nurafshon shahriga tashrif buyurib, transport va ijtimoiy infratuzilma, raqamli texnologiyalar, sanoat hamda shaharsozlik sohalarida amalga oshirilayotgan ishlar bilan tanishadi. Shuningdek, davlatimiz rahbari yirik qurilish loyihalariga start beradi.
—
Сегодня Президент Шавкат Мирзиёев посетит Уртачирчикский район и город Нурафшан Ташкентской области, где ознакомится с проводимой работой в сферах транспортной и социальной инфраструктуры, цифровых технологий, промышленности и градостроительства. Глава нашего государства также даст старт крупным строительным проектам.
Facebook
|
Instagram
|
X