Publication_uz
🚨
Hurmatli mualliflar, bunday takliflarga aldanmang!
📱
So‘nggi kunlarda turli Telegram guruhlari va kanallarida "Scopus Q1 jurnaliga maqola yozib beramiz", "Mavzu bering, maqolani o‘zimiz tayyorlaymiz", "Tezkor chop etamiz" kabi e'lonlar tobora ko‘payib bormoqda.
🤔
Rostini aytsam, ayrim tadqiqotchilarimizning bunday va'dalarga ishonayotganini ko‘rib hayron qolasan kishi.
❗
Bir narsani unutmaylik: ilmiy maqola buyurtma asosida yoziladigan referat yoki kurs ishi emas. Ilmiy maqola - tadqiqotchining o‘z ilmiy natijasi, izlanishi, tahlili va mehnati mahsulidir.
🔹
Qanday qilib Sizning ilmiy natijalaringizni boshqa birov yozib bera oladi?
🔹
Qanday qilib haqiqiy ilmiy maqola bir necha kun ichida tayyor bo‘lishi mumkin?
🔹
Qanday qilib bir guruh odamlar barcha fan yo‘nalishlari bo‘yicha "maqola yozib berish" xizmatini ko‘rsatishi mumkin?
📚
Masalan, men Scopus ma'lumotlar bazasida chop etilgan so‘nggi maqolam ustida qariyb 8 oy ishlaganman. Bu ilmiy maqola uchun odatiy holat hisoblanadi. Ba'zan maqolaning o‘zi yozilib bo‘lgach ham taqriz va nashr jarayoni yana bir necha oy davom etadi.
⚠️
Bunday takliflarga ishonib, millionlab so‘m mablag‘ sarflagan mualliflar oxir-oqibat jiddiy muammolarga duch kelishlari mumkin. Chunki Sizga "Scopus jurnal" deb taqdim etilgan sayt aslida soxta yoki klon sayt bo‘lib chiqishi ehtimoli mavjud. Natijada maqola umuman Scopus yoki Web of Science ma'lumotlar bazalariga indeksatsiya qilinmaydi.
🚨
Bundan ham xavflisi, ayrim hollarda "tayyor maqola" sifatida taqdim etilayotgan materiallar boshqa mualliflarning ishlaridan ko‘chirib olingan yoki noqonuniy ravishda o‘zlashtirilgan bo‘lishi mumkin. Plagiat aniqlangan taqdirda esa barcha javobgarlik vositachiga emas, balki maqola muallifi sifatida ko‘rsatilgan shaxsning o‘ziga yuklanadi.
🎓
Ilmiy daraja va ilmiy natijalar qisqa yo‘l bilan emas, balki halol mehnat, sabr va haqiqiy ilmiy izlanishlar orqali qo‘lga kiritiladi.
🏛️
Ilm-fanda eng qimmat narsa maqola emas. Eng qimmat narsa - Sizning ilmiy obro‘yingiz, akademik halolligingiz va nomingizdir.
📨
Ushbu postni Siz uchun qadrli bo‘lgan do‘stlaringiz, hamkasblaringiz va ilmga chanqoq barcha guruhlarga ulashishingizni so‘raymiz.
Murojaat:
https://t.me/publicationu
Telegram:
https://t.me/publish_uz
#phd
#dsc
📚
So‘nggi kunlarda OAK tomonidan tavsiya etilgan bazalar ro‘yxatidan Springer bazasining chiqarilgani haqida turli fikrlar bildirilmoqda. Afsuski, ayrim tadqiqotchilar bu holatni Springer Nature nashriyotining jurnallari bilan bog‘lamoqda.
⚠️
Aslida bu yerda gap nashriyot haqida emas, balki ma'lumotlar bazasining vazifasi haqida ketmoqda.
🌍
Springer Nature dunyodagi eng yirik va nufuzli ilmiy nashriyotlardan biri hisoblanadi. Uning ko‘plab jurnallari Scopus va Web of Science bazalarida indekslanadi. Shuning uchun Springer Nature nashriyotida chop etilgan va Scopus yoki Web of Science bazalariga kiruvchi jurnallar yangi talablar bo‘yicha ham tan olinaveradi.
📖
SpringerLink asosan ilmiy maqolalar, kitoblar va konferensiya materiallarini saqlash hamda ulardan foydalanish imkonini beruvchi platforma hisoblanadi. U Scopus, Web of Science yoki boshqa bibliometrik bazalar singari jurnallarni baholash, saralash va ilmiy ta'sir ko‘rsatkichlarini monitoring qilish uchun yaratilmagan.
🎯
Menimcha, Springer bazasining tavsiya etilgan ro‘yxatdan chiqarilishi aynan shu sabab bilan bog‘liq. Ya'ni, u ilmiy jurnallar sifatini baholaydigan yoki ilmiy faoliyat natijalarini ekspertizadan o‘tkazadigan baza emas, balki ilmiy resurslarni tarqatish va ularga kirishni ta'minlovchi platforma hisoblanadi.
✅
Bu qaror tadqiqotchilar uchun ham qulaylik yaratadi. Chunki endilikda murakkab va turlicha vazifalarni bajaruvchi platformalar o‘rniga xalqaro miqyosda tan olingan Scopus va Web of Science kabi indeksatsiya tizimlariga asosiy e'tibor qaratiladi.
📈
Natijada jurnal tanlash jarayoni soddalashadi, chalkashliklar kamayadi va tadqiqotchilar o‘z ilmiy natijalarini haqiqatan ham xalqaro miqyosda tan olinadigan jurnallarda chop etishga ko‘proq e'tibor qaratadilar.
🔬
Ilm-fan ko‘plab platformalar soni bilan emas, balki sifatli tadqiqotlar va nufuzli ilmiy jurnallarda e'lon qilingan natijalar bilan rivojlanadi.
📨
Ushbu postni Siz uchun qadrli bo‘lgan do‘stlaringiz, hamkasblaringiz va ilmga chanqoq barcha guruhlarga ulashishingizni so‘raymiz.
Murojaat:
https://t.me/publicationu
Telegram:
https://t.me/publish_uz
#scopus
#web_of_science
⏳
Bugun soat 20:00 da iyun oyidagi "Ilmiy maqola yozish sari ilk qadam" nomli ilmiy loyihamizning navbatdagi darsi bo‘lib o‘tadi!
✅
Ushbu darsda Scopus va Web of Science ma'lumotlar bazalaridagi jurnallar talablariga mos ilmiy maqola metodologiyasining integrativ tuzilmasi, natijalarni ilmiy asosda taqdim etish va umumlashtirish strategiyalari hamda maqola yozish jarayonida samarali foydalaniladigan zamonaviy dasturlar haqida batafsil ma'lumot beriladi.
🎯
Ilmiy loyihamizning asosiy maqsadi – tinglovchilarni xalqaro standartlar asosida ilmiy maqola yozishga tayyorlash va Scopus hamda Web of Science ma'lumotlar bazalaridagi nufuzli jurnallarda maqola chop etish ko‘nikmalarini shakllantirishdir.
🌐
Loyihamiz darslariga yozilish uchun quyidagi havolaga murojaat qiling:
https://t.me/publicationu
📨
Ushbu postni Siz uchun qadrli bo‘lgan do‘stlaringiz, hamkasblaringiz va ilmga chanqoq barcha guruhlarga ulashishingizni so‘raymiz.
Murojaat:
https://t.me/publicationu
Telegram:
https://t.me/publish_uz
🚨
Soxta va qaroqchi jurnallarda maqola chop etgan mualliflarga nisbatan jiddiy mas'uliyat va javobgarlik choralarini ko‘rish kerak!
📚
So‘nggi kunlarda mualliflarimizdan eng ko‘p kelayotgan murojaatlardan biri ilmiy maqolalarni OAK tomonidan tan olinadigan jurnallarda chop etish masalasidir.
⚠️
Afsuski, yillar davomida ayrim tadqiqotchilar ilmiy maqolalarni sifatli ilmiy jurnallarda emas, balki tez va oson yo‘l bilan soxta hamda qaroqchi jurnallarda chop etishga odatlanib qolishdi. Natijada ilmiy maqola ilmiy natijani ommalashtirish vositasi emas, balki rasmiy talablarni bajarish uchun oddiy hujjatga aylanib qoldi.
🎓
Aslida esa ilmiy daraja olishni maqsad qilgan har bir tadqiqotchi kamida bir necha muhim ilmiy natijalarini nufuzli va tan olingan jurnallarda chop etishga intilishi kerak. Ilmiy unvon va darajalar haqiqiy ilmiy mehnat bilan qo‘lga kiritilishi lozim.
❗️
Menimcha, muammo faqat soxta jurnal ochayotganlar yoki vositachilarda emas. Eng katta muammo bunday jurnallarda maqola chop etishga ongli ravishda rozilik berayotgan mualliflarning o‘zida. Chunki talab bo‘lmasa, bunday jurnallar ham bo‘lmaydi.
⚖️
Shu sababli akademik halollikni buzib, bila turib soxta va qaroqchi jurnallarda maqola chop etgan mualliflarga nisbatan ham jiddiy mas'uliyat va javobgarlik choralarini ko‘rish kerak deb hisoblayman. Chunki ilmiy daraja va ilmiy yutuqlar halol mehnat evaziga qo‘lga kiritilishi kerak.
🧭
Biroq eng muhimi, bu jarayonni faqat nazorat qiluvchi tashkilotlar yoki jamiyat zimmasiga yuklab qo‘yish noto‘g‘ri. Har bir tadqiqotchi o‘z ilmiy faoliyatiga, natijalariga va nashrlariga nisbatan shaxsan javobgar ekanligini his qilishi kerak.
🤝
Agar har bir olim va tadqiqotchi o‘z vijdoni oldida halol bo‘lsa, akademik halollikni nazorat qilish uchun qo‘shimcha mexanizmlarga ehtiyoj ham kamayadi.
📖
Ilm-fan son bilan emas, sifat bilan rivojlanadi.
📨
Ushbu postni Siz uchun qadrli bo‘lgan do‘stlaringiz, hamkasblaringiz va ilmga chanqoq barcha guruhlarga ulashishingizni so‘raymiz.
Murojaat:
https://t.me/publicationu
Telegram:
https://t.me/publish_uz
#phd
#dsc
🌍
OAK tomonidan tasdiqlangan yangi talablarga muvofiq, ilmiy natijalarni e’lon qilish uchun tavsiya etilgan xalqaro ilmiy-ma’lumotlar bazalari orasida nafaqat A toifa, balki B toifadagi xalqaro ixtisoslashgan ma’lumotlar bazalari ham mavjud.
✅
Bu degani, ayrim fan yo‘nalishlari bo‘yicha ilmiy maqolalarni aynan ushbu bazalarda indekslanadigan jurnallarda chop etish tavsiya etiladi.
🌱
1. AGRIS (Agricultural Science and Technology)
AGRIS BMTning Oziq-ovqat va qishloq xo‘jaligi tashkiloti (FAO) tomonidan yuritiladigan xalqaro ma’lumotlar bazasi bo‘lib, qishloq xo‘jaligi, veterinariya, oziq-ovqat xavfsizligi, agronomiya va turdosh yo‘nalishlardagi ilmiy adabiyotlarni qamrab oladi.
🔗
Veb-sayti:
https://agris.fao.org
🧪
2. Chemical Abstracts Service (CAS)
CAS kimyo, farmatsiya, biokimyo, materialshunoslik va turdosh fanlar bo‘yicha dunyodagi eng yirik ilmiy axborot tizimlaridan biri hisoblanadi. Kimyo yo‘nalishidagi ko‘plab nufuzli jurnallar ushbu bazada indekslanadi.
🔗
Veb-sayti:
https://www.cas.org
🌋
3. GeoRef
GeoRef geologiya, geofizika, mineral resurslar, paleontologiya va Yer haqidagi fanlar bo‘yicha ixtisoslashgan xalqaro bibliografik ma’lumotlar bazasidir.
🔗
Veb-sayti:
https://about.ebsco.com/products/research-databases/georef
🩺
4. PubMed
PubMed tibbiyot, biomeditsina, farmatsiya, stomatologiya, sog‘liqni saqlash va hayot fanlari bo‘yicha dunyodagi eng mashhur ilmiy ma’lumotlar bazalaridan biri hisoblanadi.
🔗
Veb-sayti:
https://pubmed.ncbi.nlm.nih.gov
⚙️
5. Compendex (Engineering Index)
Compendex muhandislik, texnika va texnologiya sohalari bo‘yicha eng yirik bibliografik ma’lumotlar bazalaridan biri bo‘lib, minglab xalqaro jurnallar va konferensiya materiallarini indekslaydi.
🔗
Veb-sayti:
https://www.engineeringvillage.com
🎯
Yangi talablarga ko‘ra, B toifadagi ushbu bazalar ham tavsiya etilgan xalqaro ilmiy-ma’lumotlar bazalari ro‘yxatiga kiritilgan. Shu sababli, qishloq xo‘jaligi, kimyo, geologiya, tibbiyot va muhandislik yo‘nalishlarida faoliyat olib borayotgan tadqiqotchilar o‘z ilmiy maqolalarini ushbu bazalarda indekslanadigan jurnallarda chop etish tavsiya qilinadi.
⚠️
Ilmiy maqolalarni duch kelgan jurnallarda, ayniqsa Telegram kanallarida reklama qilinayotgan 200-400 ming so‘mlik soxta va qaroqchi (predatory) jurnallarda chop qilishdan saqlaning, chunki OAKning yangi talablari bo‘yicha bunday nashrlarda chop qilingan ilmiy maqolalar tan olinmaydi.
📨
Ushbu postni Siz uchun qadrli bo‘lgan do‘stlaringiz, hamkasblaringiz va ilmga chanqoq barcha guruhlarga ulashishingizni so‘raymiz.
Murojaat:
https://t.me/publicationu
Telegram:
https://t.me/publish_uz
#phd
#dsc
🎯
OAK tomonidan tavsiya etilgan xalqaro ilmiy-ma'lumotlar bazalari orasida eng nufuzli va ilmiy qiymati yuqori bo‘lgan bazalar A toifa sifatida e'tirof etiladi.
📚
Bugungi kunda ilmiy darajalar olish, dissertatsiya natijalarini e'lon qilish, xalqaro grantlar va stipendiyalarda ishtirok etish hamda tadqiqotchining ilmiy salohiyatini baholashda aynan A toifa bazalaridagi ilmiy nashrlarga alohida e'tibor qaratilmoqda.
🌍
Web of Science dunyodagi eng nufuzli ilmiy-analitik platformalardan biri hisoblanadi. Ushbu baza yuqori sifat talablariga javob beradigan ilmiy jurnallarni tanlab indeksatsiya qiladi va tadqiqotlarning xalqaro miqyosdagi ta'sirini baholash imkonini beradi. Mazkur baza orqali maqolalarning iqtiboslilik darajasi, mualliflarning ilmiy faolligi, tashkilotlar reytingi hamda fan yo‘nalishlarining rivojlanish tendensiyalarini tahlil qilish mumkin. Web of Science bazasiga kirish ko‘plab ilmiy jurnallar uchun sifat va nufuz belgisi hisoblanadi.
📖
Scopus - Elsevier kompaniyasi tomonidan yuritiladigan va dunyodagi eng yirik ilmiy-ma'lumotlar bazalaridan biri hisoblanadi. Baza minglab xalqaro jurnallar, konferensiya materiallari, kitoblar va kitob bo‘limlarini qamrab oladi. Scopus nafaqat maqolalarni indeksatsiya qiladi, balki mualliflar, universitetlar va ilmiy tashkilotlarning faoliyatini baholash imkonini beruvchi keng qamrovli bibliometrik ko‘rsatkichlarni ham taqdim etadi. Hozirgi kunda ko‘plab davlatlarda ilmiy darajalar, akademik unvonlar, KPI ko‘rsatkichlari hamda xalqaro reytinglarda aynan Scopus bazasidagi nashrlar asosiy mezonlardan biri sifatida qaraladi.
🏆
Journal Citation Reports (JCR) - Clarivate kompaniyasi tomonidan shakllantiriladigan ilmiy-analitik tizim bo‘lib, jurnallarning ilmiy nufuzi va ta'sir darajasini baholash uchun xizmat qiladi. Aynan JCR orqali dunyoda keng qo‘llaniladigan Impact Factor (IF) ko‘rsatkichlari hisoblanadi. Shuningdek, jurnallar o‘z sohalari bo‘yicha Q1, Q2, Q3 va Q4 kvartillarga ajratiladi. Shu sababli ko‘plab tadqiqotchilar maqola yuborishda nafaqat jurnalning Scopus yoki Web of Science bazasida mavjudligiga, balki uning JCR ko‘rsatkichlari va kvartiliga ham alohida e'tibor qaratadilar.
🚀
A toifa bazalari PhD va DSc dissertatsiyalarining asosiy ilmiy natijalarini e'lon qilishda,
ilmiy natijalarning xalqaro tan olinishi, tadqiqotlarning ko‘rinuvchanligini oshirish va ilmiy faoliyat samaradorligini baholashda eng muhim manbalardan biri hisoblanadi. Shu bois ilmiy maqola chop etishda avvalo ushbu bazalarda indeksatsiya qilinadigan va yuqori ilmiy nufuzga ega jurnallarga e'tibor qaratish tavsiya etiladi.
📨
Ushbu postni Siz uchun qadrli bo‘lgan do‘stlaringiz, hamkasblaringiz va ilmga chanqoq barcha guruhlarga ulashishingizni so‘raymiz.
Murojaat:
https://t.me/publicationu
Telegram:
https://t.me/publish_uz
#scopus
#web_of_science
🌍
Siz ilmiy maqolalaringizni Scopus yoki Web of Science bazalaridagi xalqaro jurnallarda bepul chop qilishni xohlaysizmi?
✅
Iyul oyidagi barcha ilmiy loyihalarimizga qabul davom etmoqda!
1.
Ilmiy maqola yozish sari ilk qadam (1 oy)
2.
Scopus sari ilk qadam (1 oy)
3.
Ilm sari ilk qadam (1 oy)
📚
PhD yoki DSc himoyalari, KPI ko‘rsatkichlari va turli ustamalar uchun Scopus hamda Web of Science ma'lumotlar bazalaridagi maqolalar bugungi kunda eng muhim talablardan biriga aylanmoqda.
⚠️
Ko‘plab tadqiqotchilar xalqaro jurnallarda maqola chop etishni qiyin deb hisoblaydi. Aslida esa muammo Scopus yoki Web of Science’da emas, balki maqolani xalqaro standartlar asosida yozish va nashr jarayonini to‘g‘ri tashkil qilishdadir.
🎯
Agar Siz ham ilmiy natijalaringizni xalqaro maydonga olib chiqishni, Scopus va Web of Science bazalarida maqolalar chop etishni hamda ilmiy faoliyatingizda yangi bosqichga ko‘tarilishni istasangiz, ushbu loyihalar aynan Siz uchun!
🌐
Loyihalarimiz darslariga yozilish uchun murojaat:
https://t.me/publicationu
📨
Ushbu postni Siz uchun qadrli bo‘lgan do‘stlaringiz, hamkasblaringiz va ilmga chanqoq barcha guruhlarga ulashishingizni so‘raymiz.
Murojaat:
https://t.me/publicationu
Telegram:
https://t.me/publish_uz
❗️
Soxta jurnallarda maqola chop qilishning jiddiy oqibatlari!
✅
Bugungi kunda dunyoning ko‘plab mamlakatlarida akademik halollikni buzish, soxta yoki qaroqchi(predatory) jurnallarda chop etilgan maqolalarni ilmiy yutuq sifatida taqdim etish hamda ilmiy firibgarlik holatlariga nisbatan qat'iy choralar qo‘llanilmoqda. Ayrim tadqiqotchilar bunday jurnallarda maqola chop qilishning hech qanday oqibati yo‘q deb hisoblashadi. Biroq xalqaro tajriba buning mutlaqo aksini ko‘rsatmoqda.
🇨🇳
Xitoyda soxta yoki qaroqchi jurnallarda chop etilgan maqolalarni ilmiy yutuq sifatida ko‘rsatish jiddiy akademik qoidabuzarlik hisoblanadi. Agar bunday maqolalar ilmiy daraja olish, attestatsiyadan o‘tish yoki lavozimga tayinlanishda foydalanilganligi aniqlansa, ilmiy unvonlar va mukofotlar bekor qilinishi, dissertatsiya natijalari qayta ko‘rib chiqilishi hamda lavozimlardan ozod etishgacha bo‘lgan choralar qo‘llanilishi mumkin. So‘nggi yillarda Xitoy ilmiy hamjamiyati aynan soxta jurnallarga qarshi kurashni kuchaytirib, bunday nashrlarni akademik baholash tizimidan chiqarib tashlashga alohida e'tibor qaratmoqda.
🇩🇪
Germaniyada soxta jurnallarda chop etilgan maqolalardan ilmiy faoliyatda foydalanish akademik halollik tamoyillariga zid deb baholanadi. Agar tadqiqotchi o‘zining ilmiy natijalarini baholashda yoki dissertatsiya ishlarida shunday maqolalardan foydalangan bo‘lsa, doktorlik darajasi va boshqa ilmiy maqomlari qayta ko‘rib chiqilishi mumkin. Ayrim hollarda dissertatsiya natijalari haqiqiy emas deb topiladi, ilmiy darajalar bekor qilinadi hamda universitet bilan bog‘liq akademik faoliyatiga cheklovlar qo‘yiladi.
🇺🇸
AQSH universitetlari va ilmiy markazlari soxta jurnallarda chop etilgan maqolalarga nisbatan juda ehtiyotkor munosabatda bo‘ladi. Agar tadqiqotchi ilmiy faoliyatida bunday nashrlardan foydalangani yoki ularni haqiqiy ilmiy natija sifatida taqdim etgani aniqlansa, maqolalari ilmiy baholashdan chiqarilishi, dissertatsiya ishlari qayta tekshirilishi va ayrim hollarda mehnat shartnomalari bekor qilinishi mumkin. Bundan tashqari, bunday holatlar tadqiqotchining keyingi akademik faoliyatiga, ishga qabul qilinishiga va ilmiy hamkorliklariga salbiy ta'sir ko‘rsatadi.
🎯
Har bir tadqiqotchi ilmiy etika tamoyillariga qat'iy amal qilishi, maqolalarini faqat nufuzli va ishonchli jurnallarda nashr etishga intilishi hamda o‘z ilmiy faoliyatiga mas'uliyat va javobgarlik bilan yondashishi zarur. Chunki ilm-fanning haqiqiy qadriyati maqolalar sonida emas, balki ularning sifati, ishonchliligi va jamiyat rivojiga qo‘shayotgan hissasida namoyon bo‘ladi.
📨
Ushbu postni do‘stlaringiz, hamkasblaringiz va ilmga qiziqadigan barcha tanishlaringiz bilan ulashing.
Murojaat:
https://t.me/publicationu
Telegram:
https://t.me/publish_uz
#scopus
#web_of_science
🌍
Scopus va Web of Science bazalaridagi xalqaro jurnallarda maqola chop etishni xohlaysizmi?
✅
Iyul oyidagi "
Ilmiy maqola yozish sari ilk qadam
" nomli ilmiy loyihamizga qabul boshlandi!
🎓
Ushbu loyiha davomida Siz ilmiy maqola yozishning xalqaro standartlari, maqola strukturasini to‘g‘ri shakllantirish, ilmiy yangilikni asoslash, annotatsiya va kalit so‘zlarni tayyorlash, adabiyotlar bilan ishlash hamda maqolani xalqaro talablar asosida rasmiylashtirishni o‘rganasiz.
📚
Eng muhimi, ilmiy loyihamiz yakunida Scopus va Web of Science ma'lumotlar bazalariga indeksatsiya qilingan xalqaro jurnallarda maqola chop etish uchun zarur bo‘lgan amaliy ko‘nikmalarga ega bo‘lasiz.
🌐
Ilmiy loyihamiz Sizni maqola yozishdan boshlab, jurnal tanlash, maqolani yuborish, taqriz jarayoni va nashrgacha bo‘lgan barcha bosqichlarga tayyorlaydi.
🚀
Ilmiy faoliyatni endi boshlayotgan tadqiqotchilar, magistrantlar, doktorantlar va professor-o‘qituvchilar uchun ajoyib imkoniyat!
🌐
Ilmiy loyihamiz darslariga yozilish uchun murojaat:
https://t.me/publicationu
📨
Ushbu postni do‘stlaringiz, hamkasblaringiz va ilmga qiziqadigan barcha tanishlaringiz bilan ulashing.
Murojaat:
https://t.me/publicationu
Telegram:
https://t.me/publish_uz
📌
Xalqaro ilmiy jurnallar tahrir hay'ati a'zoligiga qo‘yiladigan talablar kuchaytirilishi kerak!
🌐
Vazirlar Mahkamasining 2019-yil 24-dekabrdagi 1030-son qaroriga muvofiq, ilmiy darajaga ega xodimlarga xalqaro ilmiy jurnallar tahrir hay'ati a'zoligi uchun lavozim maoshiga nisbatan qo‘shimcha ustamalar belgilanishi nazarda tutilgan.
✅
Ushbu tartibning asosiy maqsadi olimlarimizning xalqaro ilmiy hamjamiyatdagi faolligini rag‘batlantirish, ularning nufuzli ilmiy jurnallar faoliyatidagi ishtirokini qo‘llab-quvvatlashdan iborat.
❗️
Ammo amaliyotda ayrim hollarda ushbu imkoniyatlardan ilmiy natija yoki xalqaro e'tirof uchun emas, balki moddiy manfaat olish vositasi sifatida foydalanish holatlari kuzatilmoqda.
💵
Afsuski, ustama olish maqsadida ko‘plab tadqiqotchilar hech qanday ilmiy nufuzi bo‘lmagan, soxta yoki predatory(yirtqich) jurnallarning tahrir hay'atiga a'zo bo‘lib, ushbu faoliyatni tasdiqlovchi hujjatlarni taqdim etishmoqda.
📚
Holbuki, haqiqiy xalqaro ilmiy jurnallarning tahrir hay'atiga a'zo bo‘lish oson jarayon emas. Buning uchun muayyan ilmiy natijalarga ega bo‘lishi, xalqaro miqyosda e'tirof etilgan maqolalar chop etgan bo‘lishi, taqrizchilik faoliyatida tajribaga ega bo‘lishi va ilmiy hamjamiyat tomonidan tan olinishi talab etiladi.
❗️
Ayrim oliy ta'lim muassasalari tomonidan nashriyot bilan shartnoma, taqriz qilingan maqolalar soni va boshqa qo‘shimcha talablar joriy etilgan bo‘lsa-da, amalda bunday talablarni ham turli yo‘llar bilan chetlab o‘tish holatlari mavjud.
🎯
Shu sababli ushbu masalani qayta ko‘rib chiqish va tahrir hay'ati a'zoligi uchun faqat Scopus yoki Web of Science yoki OAK tomonidan tavsiya etilgan yangi 12 ta xalqaro ma'lumotlar bazasida indeksatsiya qilinadigan jurnallardagi tahrir hay'ati a'zoligini qabul qilish maqsadga muvofiq bo‘lar edi.
💵
Bu nafaqat byudjet mablag‘laridan oqilona foydalanishga, balki ilm-fan sohasida sifat, halollik va haqiqiy xalqaro e'tirofni rag‘batlantirishga xizmat qiladi.
❗️
Jamiyatimizning ilmiy obro‘si va mamlakatimiz ilm-fanining nufuzi oldida har bir olim o‘zining ilmiy faoliyati va tanlovlari uchun mas'ul hamda javobgardir!
📨
Ushbu postni Siz uchun qadrli bo‘lgan do‘stlaringiz, hamkasblaringiz va ilmga chanqoq barcha guruhlarga ulashishingizni so‘raymiz.
Murojaat:
https://t.me/publicationu
Telegram:
https://t.me/publish_uz