Qarshi davlat universiteti
🏆
⚽️
“Vazir kubogi” yakunlandi: QarDU jamoasi g‘olib!
Vazir kubogi doirasida Surxondaryo viloyatida Termiz davlat universiteti mezbonligida o‘tkazilgan talaba qizlar o‘rtasidagi nufuzli futbol musobaqasi o‘z yakuniga yetdi.
Respublikamizning 13 ta oliy ta’lim muassasalari jamoalari ishtirok etgan ushbu bellashuvlar yuqori saviyada tashkil etilib, sport ruhini, do‘stlik va sog‘lom raqobat muhitini yanada mustahkamladi hamda yangi iqtidor egalarini yuzaga chiqardi.
🔹
Yakuniy natijalar:
🥇
1-o‘rin — Qarshi davlat universiteti
🥈
2-o‘rin — Termiz davlat universiteti
🥉
3-o‘rin — Termiz davlat pedagogika instituti
Musobaqaning tantanali taqdirlash marosimi bayramona ruhda o‘tdi. Unda O‘zbekiston talabalar assotsiatsiyasi raisi o‘rinbosari hamda mezbon universitet rahbariyati ishtirok etib, g‘olib va sovrindor jamoalarga medal hamda qimmatbaho sovg‘alar topshirdi.
Sportchi talaba-qizlarimiz va ularning murabbiylarini ushbu munosib g‘alaba bilan samimiy tabriklaymiz hamda kelgusi musobaqalarda ham yuksak natijalarga erishishiga tilakdoshmiz!
Bizni kuzating
Telegram
|
Instagram
|
Facebook
|
Veb-sayt
Qadrli talaba-qizlar!
Sizlarni nufuzli “Vazir kubogi” musobaqasida qo‘lga kiritilgan yorqin g‘alaba bilan samimiy tabriklayman. Mamlakatimizning 14 ta oliy ta’lim muassasalari jamoalari ishtirok etgan ushbu musobaqada sizlarning matonat, jipslik va yuksak mahorat namoyon etganingiz alohida tahsinga loyiq.
Bu g‘alaba nafaqat universitetimiz, balki xotin-qizlar sportini rivojlantirish yo‘lida muhim qadam bo‘ldi. Sizlar sog‘lom turmush tarzi, kuch va irodaning yorqin namunasini ko‘rsatdingiz.
Barchangizga mustahkam sog‘liq, yangi zafarlar va ulkan yutuqlar tilayman!
Hurmat bilan,
Qarshi davlat universiteti rektori D.Nabiyev
Bizni kuzating
Telegram
|
Instagram
|
Facebook
|
Veb-sayt
#xushxabar
Mana yangilikni zo'ri!!! Qarshi davlat universiteti talaba-qizlar jamoasi mezbon TerDU jamoasini 1-0 hisobida mag'lubiyatga uchratib, "Vazir kubogi" musobaqasida g'oliblikni qo'lga kiritdi!
👏
👏
👏
TABRIKLAYMIZ!!!
BARAKALLA!!!
Bizni kuzating
Telegram
|
Instagram
|
Facebook
|
Veb-sayt
Xushxabar!
⚽️
🎉
Surxondaryo viloyatida, Termiz davlat universiteti mezbonligida o‘tayotgan “Vazir kubogi” musobaqalari Qarshi davlat universiteti jamoasi uchun yanada muvaffaqiyatli davom etmoqda. Yarim final bosqichida jamoamiz Termiz davlat pedagogika instituti…
#Diqqat #OgohBo‘ling #BuMuhim
Telegram orqali tarqatilayotgan .APK fayllar kiberxavf manbai bo‘lib, bank kartangizdagi mablag‘larga jiddiy xavf tug‘dirishi mumkin.
📢
Noma’lum fayllarni yuklab olmang va ochmang!
📢
Shaxsiy ma’lumotlaringizni himoya qiling!
📢
O‘zingizni va yaqinlaringizni asrang!
Bizni kuzating
Telegram
|
Instagram
|
Facebook
|
Veb-sayt
#TalabalarTeatrda
Qarshi davlat universiteti talabalari hamda Yoshlar bilan ishlash bo‘limi tyutorlari viloyat musiqali drama teatrida O‘zbekiston san’at arbobi Olimjon Salimov tomonidan sahnalashtirilgan “Uyg‘on bolam!” spektaklini tomosha qildilar.
Yozuvchi, publitsist, davlat va jamoat arbobi Xayriddin Sulton qalamiga mansub ushbu sahna asarida jamiyat og‘riqlari, millat taraqqiyotiga to‘sqinlik qilayotgan loqaydlik va boqimandalik illatlari fonida uyg‘onish, yangilanish va mas’uliyat g‘oyalari badiiy talqinda yoritilgan.
Spektakl yig'ilganlar tomonidan katta qiziqish va samimiy olqishlar bilan qarshi olindi.
Bizni kuzating
Telegram
|
Instagram
|
Facebook
|
Veb-sayt
Xushxabar!
⚽️
🎉
Surxondaryo viloyatida, Termiz davlat universiteti mezbonligida o‘tayotgan
“Vazir kubogi” musobaqalari Qarshi davlat universiteti jamoasi
uchun yanada muvaffaqiyatli davom etmoqda.
Yarim final bosqichida jamoamiz Termiz davlat pedagogika instituti jamoasiga qarshi maydonga tushib, keskin va murosasiz kechgan bahsda
1:0 hisobida g‘alaba qozondi.
Mazkur muhim g‘alaba evaziga Qarshi davlat universiteti talaba-qizlar futbol jamoasi musobaqa finaliga yo‘l oldi!
🏆
Jamoamizni ushbu ulkan natija bilan samimiy muborakbod etamiz! Ularga final uchrashuvida ham omad, matonat va yorqin g‘alabalar tilaymiz!
Bizni kuzating
Telegram
|
Instagram
|
Facebook
|
Veb-sayt
⚡️
“To‘maris izdoshlari” – talaba-qizlar o‘rtasida sport va ma’naviyat uyg‘unligi
Joriy yilning 22-aprel kuni oliy ta’lim muassasalarida tahsil olayotgan talaba-qizlar o‘rtasida o‘tkazilayotgan “To‘maris izdoshlari” sport musobaqasining yakuniy bosqichi bo‘lib o‘tdi. Mazkur musobaqa Nizomiga muvofiq, talaba-qizlar o‘rtasida sog‘lom turmush tarzini rivojlantirish, milliy qadriyatlarimizga hurmatni kuchaytirish, vatanparvarlik, qat’iyat va fidoyilik kabi fazilatlarni shakllantirishga qaratilgan.
Tadbirni Yoshlar masalalari va ma’naviy-ma’rifiy ishlar bo‘yicha birinchi prorektor O.Kuziyev ochib berib, tanlovning mazmun-mohiyatiga alohida to‘xtaldi. Shuningdek, Xotin-qizlar maslahat kengashi hamda psixologik xizmat markazi rahbari Sh.Karamova ishtirokchilarni musobaqa shartlari bilan tanishtirib, ularga omad tiladi.
Musobaqa “Jamoani tanishtirish”, “Sport bilan hamnafasmiz”, “Birinchi tibbiy yordam” hamda “Velosipedda uchish” kabi shartlar asosida tashkil etilib, ishtirokchilar o‘z bilim, chaqqonlik va jamoaviylik ko‘nikmalarini namoyon etdilar.
Yakuniy natijalarga ko‘ra:
🥇
1-o‘rin — Kimyo-biologiya va Sport fakultetlari
🥈
2-o‘rin — Iqtisodiyot va Ijtimoiy fanlar fakultetlari
🥉
3-o‘rin — San’atshunoslik, Pedagogika, Fizika va Tibbiyot fakultetlari
G‘olib jamoalar mos ravishda 4 mln, 3,5 mln va 3 mln so‘m miqdoridagi pul mukofotlari bilan taqdirlanadilar.
Bizni kuzating
Telegram
|
Instagram
|
Facebook
|
Veb-sayt
⚡️
Xalqaro hamkorlik samarasi: QarDU o‘qituvchilari Latviyada stajirovkada
Qarshi davlat universiteti Algoritmlar va dasturlash texnologiyalari kafedrasi o‘qituvchilari — Shohjahon Davronov, Shahzod Boboqulov ayni kunlarda Latviya davlatining Daugavpils universitetida stajirovka o‘tamoqdalar.
Mazkur stajirovka Qarshi davlat universiteti hamda Daugavpils universiteti o‘rtasida 2025-yil 4-sentyabr kuni imzolangan xalqaro memorandum doirasida amalga oshirilmoqda.
Stajirovka davomida o‘qituvchilar Daugavpils universitetining Axborot texnologiyalari kafedrasi professor-o‘qituvchilari bilan uchrashib, IT ta’lim yo‘nalishlariga oid normativ hujjatlar va o‘quv jarayonlari bilan yaqindan tanishdilar. Shuningdek, universitetda faoliyat yuritayotgan zamonaviy ilmiy laboratoriyalar ish faoliyati o‘rganilmoqda.
Bundan tashqari, ustozlar xorijiy hamkasblarning ma’ruzalarida ishtirok etib, o‘zlari ham dars mashg‘ulotlarini o‘tib berish orqali tajriba almashish jarayonida faol qatnashmoqdalar. Ushbu stajirovka ikki universitet o‘rtasidagi ilmiy va akademik hamkorlikni yanada mustahkamlashga xizmat qilmoqda.
Bizni kuzating
Telegram
|
Instagram
|
Facebook
|
Veb-sayt
⚡️
“Yangi O‘zbekiston yoshlari – 2030” strategiyasining yirik taqdimoti bo‘lib o‘tmoqda
.
Jonli efirni “Yoshlar” telekanali va YouTube sahifasi orqali kuzatish mumkin
.
📹
https://www.youtube.com/watch?v=0flVFF_cigs
Bizni kuzating
Facebook
|
Instagram
|
YouTube
|
Telegram