Mikrofon ko‘targan ayol
Junior “Neftchi” Prezidentimiz bilan maydonda.
Bo’lajak chempionlarga “pas”.
“Neftchi” juniorlarining havo shari qoplamali stadioni men uchun yangilik bo’ldi)
Farg’onada tong otguncha bayram:)
Marg’ilonliklar, Burhoniddin Marg’inoniy majmuasiga farzandlaringizni albatta olib boring. Juda bahavo joy bo’libdi. Kutubxona, Kumushning uyi, hunarmandlar markazi, kafe, mehmonxonalar xizmatingizda.
Videoni
ko’ring. Prezidentimiz qaysi nomni tanlagan bo’lishlari mumkin?
Topganga shu do’ppini sovg’a qilaman.
Xondamir Qodiriy (Abdulla Qodiriyning nabirasi), men va Sinchalak “Mirzakarim Qutidor xonadonida”.
Болалар ва саратон. Ҳечам ёнма-ён тилга олгинг келмайдиган сўзлар.
Шу репортаж давомида болалар олдида кўз ёшимни ичимга неча марта ютганимни ўзим биламан, буни кўрсатиш этикага мос ҳам эмас.
Ўзбекистонда йилига 5 мингга яқин болада онко/гематологик касаллик аниқланяпти. Нега аввалги йиллардан кўра статистика кўп, чунки, бу эрта диагностика, скрининг йўлга қўйилгани билан изоҳланади. Аввал текширилмаган, ташхис қўйилмаган, болалар рўйхатга туришга ҳам улгурмай, жони завол бўлган. Бу касалликларда қанча вақтли аниқланса, шунча умр давомийлиги ва мутлақ даволаниб кетиш шанси каррасига ортади.
Ўзбекистон биринчи хоними Зироат Мирзиёева ва Жаҳон соғлиқни сақлаш ташкилоти бош директори доктор Тедрос Гебрейесус болалар онкологияси ҳолатини ўрганишди.
https://youtu.be/XnORlcq20ck?si=HTNn8FTDeMnXiJ9S
Маъюс куним кўзим тушса,
Куяр осмон — тушунмайсан.
Мени само тушунгайдир,
Сен, эй инсон, тушунмайсан…
Куйиб кўксим ўтар бўлсам,
Оқар бўлсам, кетар бўлсам,
Мени дарё тушунгайдир,
Сен, эй уммон, тушунмайсан…
Мен ҳам шайдо, мен ҳам мафтун,
Мен ҳам ҳеч кими йўқ Мажнун,
Мени Лайло тушунгайдир,
Сен, эй жонон, тушунмайсан…
Менинг йўлим узун армон,
Ўзим довон, ўзим карвон,
Мени саҳро тушунгайдир,
Сен, эй сарбон, тушунмайсан…
Менинг борим эрур кўнглим,
Менинг ёрим эрур кўнглим,
Маъюс танҳо тушунгайдир,
Сен, эй хандон, тушунмайсан…
Маъюс куним кўзим тушса,
Куяр осмон — тушунмайсан.
Мени Оллоҳ тушунгайдир,
Сен, эй хоқон, тушунмайсан…
Кўнглим гул, кўзларим гулдир,
Юзим гул, қўлларим гулдир,
Мени сабо тушунгайдир,
Сен, эй тўзон, тушунмайсан…
Ғуборимдир бўйи райҳон,
Миноримдир тилим бийрон,
Мени дунё тушунгайдир,
Сен, эй нодон, тушунмайсан…
Одамни ўзини ўзига таржима қилиб берган Муҳаммад Юсуфнинг таваллуд куни бугун.
Шоиримизнинг охирати обод бўлсин.
Мана шу қоравойгина, жиддийгина, кам гапириб, кам куладиган, аммо дунёнинг муаммоларини ўйлаб юриб, ота-онасидан-да кўпроқ нарсани биладиган ажойиб Исломнинг онасиман. Ва бундан жуда фахрланаман.
У 14 ёшида, биринчи уринишида IELTS дан 7.5 балл олди.
Ўтган сафар чироқ ўчиб қолгани, кейин шу воқеа сабаб Edu Action марказида қўшимча
генератор
қўйилгани ҳам беҳикмат эмас экан.
Ўзига кўра, агар ўша якшанба кунги тестни охирига етказганимда (listening, reading 40 тасиниям топдим деганида ишонмагандим) 8 ҳам бўларди дейди:)
Исломда ҳаммаси ҳосиятли. Аллоҳга шукр.
Маълумот учун, Ислом Compass хусусий мактабида ўқийди, IELTS Zone Халқлар дўстлиги филиалида тайёрланди. Ҳозирда “Algoritm” ўқув марказида математикага ҳам ўқияпти. Мақсади - Ал Беруний мактабига ўқишга кириш. IELTS сертификатига кўра, энди саралаш имтиҳонидаги 2 босқичда инглиз тили имтиҳонидан озод бўлди. Фокусини математика-физикага қаратади. Стратегиямиз шундай.
Hokimlikdan Prezidentlikka.
Prezident Shavkat Mirziyoyev hokimlik davrida ishlagan tarixiy kabinet qayta tiklandi.
@Sinchalak_blog