Qur'on qalblar shifosi

Муззаммил сураси
Абдулбосит қори

Ассалому алайкум ва роҳматуллоҳи ва барокатуҳ
Аллоҳ барчамизга ушбу кунини ҳайрли ва барокатли қилсин!

Ихлос сураси 11 марта ўқилса...
Чақалоқнинг ўнг қулоғига азон, чап қулоғига такбир айтилгач, 11 марта Ихлос сураси ўқилиб, унга дам солинса, умр бўйи зинога яқин йўламайди, иншоаллоҳ. Бу улуғларимизнинг тажрибасида синалган ҳақиқат.

Ассалому алайкум ва роҳматуллоҳи ва барокатуҳ
Аллоҳ барчамизга ушбу кунини ҳайрли ва барокатли қилсин!

#Мақола
Қуръондаги энг умидворлик оятини биласизми?
Сен (Менинг тарафимдан): «Эй ўз жонларига исроф (жабр) қилган бандаларим, Аллоҳнинг раҳматидан ноумид бўлманг! Албатта, Аллоҳ барча гуноҳларни мағфират этар. Албаттта, Унинг Ўзи ўта мағфиратли ва ўта раҳмли зотдир», деб айт.
Имом Бухорий Саъид ибн Жубайр розияллоҳу анҳудан келтирган ривоятда айтилишича, кўплаб гуноҳлар қилган бир гуруҳ мушрик Расулуллоҳ соллалоҳу алайҳи васалламнинг ҳузурларига келиб: «Албатта, сен даъват қилаётган нарса жуда ҳам гўзал. Қани, айт-чи, биз қилган нарсаларни ювадиган нарса ҳам борми?» деб сўрашганида Аллоҳ таоло ушбу ояти каримани туширган экан.
Тафсирчи уламоларимиз таъкидлашларича, бу ояти карима Қуръондаги энг умидворлик ояти ҳисобланади. Бу оятда бандалар учун энг улуғ башорат бор.
Аввало, Аллоҳ таоло:
«Эй ўз жонларига исроф (жабр) қилган бандаларим», деб бандаларига ўз нисбатини бермоқда.
Аслида, мол-дунёни ортиқча сарфлашга «Исроф» дейилади. Шунингдек, бу сўз маънавий жиҳатдан ҳаддан ошишга нисбатан ҳам ишлатилади. Бинобарин, гуноҳ қилган одам исрофчи бўлади, чунки у Аллоҳ белгилаб қўйган ҳаддан (чегарадан) чиққан ҳисобланади. Гуноҳ туфайли ҳаддидан ошган одам ўзига зарар, жабр қилади. Аллоҳ таоло ушбу оятда бандаларнинг гуноҳ сабабли исрофга йўл қўйиб, ўзларига жабр этишини айтмоқда.
«Аллоҳнинг раҳматидан ноумид бўлманг!»
Унинг раҳмати жуда кенгдир.
«Албатта, Аллоҳ барча гуноҳларни мағфират этар».
Аллоҳ таоло Нисо сурасида ширкдан бошқа барча гуноҳларни мағфират этишини таъкидлаган. Чунки:
«Албатта, Унинг Ўзи ўта мағфиратли ва ўта раҳмли зотдир».
Тавба қилган бандаларнинг гуноҳларини кечиради.
Муфассирларимиз, аввал айтиб ўтилганидек, бу ояти каримани Аллоҳ китобидаги энг умидли оят деб таъкидлайдилар ва, шу билан бирга, бу умид гуноҳга ташвиқ этувчи умид эмаслигини ҳам қаттиқ уқдирадилар. Яъни, Аллоҳ барча гуноҳларни кечиради, деган умид билан билатуриб гуноҳларда давом этишнинг фарқи бор. Бу оятда Аллоҳнинг қонун-қоидаларини билмасдан аввал гуноҳ қилиб юрганлар мағфиратдан, умид узмаслиги кераклиги айтиляпти. Бу ҳақиқатни оятнинг нозил бўлиш сабабидан ҳам билдик.
Зумар сураси, 53-оят
"Тафсири ҳилол" дан

Жин сураси
Абдулбосит қори

#Қуръонга_муҳаббат

Ассалому алайкум ва роҳматуллоҳи ва барокатуҳ
Аллоҳ барчамизга ушбу кунини ҳайрли ва барокатли қилсин!