RIVOYATLAR OLAMI

📚
Binafsha shulasi kitobi
Hamma qidirayotgan kitob kitobxonlar dardini bldmmi
😁
Manba bilan olinsin
Rahmat demoqchi bo'lsangiz
"
🔥
" reaksiyasini bosib ketishingiz mumkin!

#Китоб_мутолааси
" Ҳанзала мунофиқ бўлди! "
Ҳанзала ибн Рабиъ розияллоҳу анҳу уйидан юраги сиқилиб чиқди. Йўлда Абу Бакр розияллоҳу анҳуни учратиб қолди. У киши:
– Қандайсан, Ҳанзала ? – деб ҳол сўради.
– Ҳанзала мунофиқ бўлди, – деди у.
– Субҳоналлоҳ! Нималар деяпсан?!
– Расулуллоҳ соллаллоҳу алайҳи васалламнинг ҳузурларида бўлганимизда у зот бизга дўзах ва жаннатни эслатадилар. Ҳатто биз кўзимиз билан кўргандек бўламиз. Аммо сўнг у зотнинг ҳузурларидан чиқсак, жуфти ҳалолларга, болалар ва молу мулкка аралашиб, кўп нарсани унутамиз, – деди Ҳанзала .
Абу Бакр:
– Аллоҳга қасамки, биз ҳам шу ҳолатга тушамиз! – деди.
Ҳанзала билан Абу Бакр розияллоҳу анҳумо тезда Расулуллоҳ соллаллоҳу алайҳи васалламнинг ҳузурларига боришди. У зотнинг олдларига киргач, Ҳанзала :
– Эй Аллоҳнинг Расули! Ҳанзала мунофиқ бўлди, – деди.
Расулуллоҳ соллаллоҳу алайҳи васаллам:
– Нима учун? – деб сўрадилар.
– Эй Аллоҳнинг Расули! Сизнинг ҳузурингизга бўлганимизда дўзах ва жаннатни бизга эслатасиз. Ҳатто биз кўзимиз билан кўргандек бўламиз. Сизнинг ҳузурингиздан чиққанимиздан кейин эса, хотин, бола-чақалар ва мол-мулкка ўралашиб, кўп нарсани унутамиз, – деди Ҳанзала.
Шунда Набий алайҳиссалом:
– Жоним қўлида бўлган Зот билан қасамки, агар менинг ҳузуримдаги ҳолингизда бардавом бўлганингизда, албатта, мажлисларингизда, уйларингиз ва тўшакларингизда фаришталар сизлар билан қўл бериб кўришар эдилар. Лекин, эй Ҳанзала, бир соат ундоқ, бир соат бундоқ, бир соат ундоқ, бир соат бундоқ, – дедилар.
Қалбимизни текшириб турайлик. Ундаги тақво ва қўрқинчни, Аллоҳнинг ҳаром қилган нарсаларига бўлган муносабатини, махлуқларига раҳм ва шафқатини, ҳаққа бўйсунишини, дин ва унинг аҳлини нечоғли суюшини, куфр ва унинг аҳлини нечоғли ёмон кўришини доим назорат қилайлик.
Ҳанзала розияллоҳу анҳу уйидан бекорга чиқмаган. У киши ўшанда қалбини йўқотиб қўйган. Расулуллоҳ соллаллоҳу алайҳи васалламнинг ҳузурларидаги қалбини топа олмай қолган.
Мўмин кишига Аллоҳга олиб борадиган йўлда сустлашиб қолиш оғир ботади. Бутун кеча қоим бўлиб, нафл ибодатлар қилсаю, бомдодга ухлаб қолса, ичи ўртанади. Яхшиликларга олдингидек пешқадам бўла олмай қолса, виждони қийналади.
Мозийдаги тоатимизга, фаоллигимизга суяниб қолмасдан, қалбимизни текшириб туришимиз лозим. Қанча-қанча собитқадамлар тойилган. Узоқ йиллар сажда қилган қанча-қанча пешоналар кейинчалик чарчаб қолган.
Ибрат хотима биландир!
“Бир соат ундоқ, бир соат бундоқ”.
Мусулмон инсон ибодатларда ҳамиша бир хил ҳолатда бўлиши муҳол ишдир. Турмуш бор. Ҳаракат қилиш керак. Иш бор. Бола-чақа, оила бор. Қариндош-уруғ, қўшнилар бор. Улар билан муносабатда бўлиш, бир-бирини зиёрат қилиб туриш лозим. Булар табиий иш. Ана шулар “бир соат ундоқ, бир соат бундоқ”нинг маъносидир.
Бу гап, бир соат Роббингга, бир соат шайтонга, дегани эмас. Бир соат масжидда, бир соат тунги клубда, дегани эмас. Бир он садақа қилиб, бошқа бир он судхўрлик қил, дегани эмас. Бир соат солиҳлар суҳбатида бўлиб, бир соат фосиқлар суҳбатида бўлиш, дегани ҳам эмас!
“Бир соат ундоқ, бир соат бундоқ” дегани ортиқча ибодатда бўлмасанг-да, ҳаромга ҳам тушмасдан, ҳеч йўғи, мубоҳда турмоғингдир. Ҳатто мубоҳни Аллоҳдан савоб истаб қилсанг, ибодат бўлади. Силаи раҳмни ният қилиб яқинларингни зиёрат этишинг ибодатдир. Ҳалол ейишни ният қилиб, ризқ ҳосил этишинг ибодатдир. Бу буюк дин ҳатто хотининг оғзига солиб қўядиган луқмангга ҳам садақа савобини ваъда қилган!
©
Адҳам Шарқовий : « Набавий тарбия »
@rivoyatlarolami

ТЎЙ ҚИЛМАСДАН УЙЛАНИШ
#никоҳ
❓
2181-САВОЛ: Мени ҳеч нарсам йўқ, икки томон билан келишиб тўй қилмасдан ҳам уйланса бўладими, қизнинг ўзи рози?
💬
ЖАВОБ:
Бисмиллаҳир роҳманир роҳим. Уйланиш учун албатта тўй қилиш вожиб-мажбурий амал эмас. Балки тўй қилиш суннат амал. Пайғамбаримиз алайҳиссалом саҳобийларга тўй қилишни тавсия қилганлари маълум ва машҳур. У Зот алайҳиссалом ҳам тўй қилганлар, баъзи тўйларида дастурхонда ҳатто гўшт бўлмаган.
Аслида никоҳ дуруст бўлиши учун етарли гувоҳлар ҳузурида келин ва куёв шу никоҳга розилигини очиқ ойдин айтишлари ва бу розиликни гувоҳлар ва ўзлари эшитишлари кифоя.
Тўйдан мақсад никоҳни эълон қилиб қўйишдир. Суннат адо топиши учун танишларга, қўни-қўшниларга оз бўлсада, ширинликлар тарқатиш ҳам кифоя қилади.
Аммо саволда куёв ҳам, келин ҳам ўз ота-онасига, яқинларига билдирмай, яширинча никоҳланиш сўралаётган бўлса, бу мақбул эмас. Жуда кўпчилик ҳолларда бундай никоҳлар узоққа бормайди. Валлоҳу аълам.
Ўзбекистон мусулмонлари идораси
Фатво маркази.
👍
YouTube
👍
Instagram
👍
Facebook
👍
Ummalife
😎
РАСМИЙ САҲИФА
✅
УЛАШИНГ
🗣

Кўп йиллар давомида қилган ибодатларим билан мағрурланиб юрган эканман. Бир кеча Аллоҳдан шундай нидо келди: — Эй Боязид! Сенинг ибодатларингда Бизга керак бўлмаган нарсалар жуда кўп. Бизга сенинг намозинг, рўзанг ва тасбеҳинг эмас, балки ҳузуримиздаги синиқлигинг, муҳтожлигинг ва ҳечлигинг керак.
Шунда англадимки, банданинг энг гўзал ҳолати — Ҳақ ҳузурида ўзини ҳеч ким эмас, балки бир чорасиз гадодек ҳис қилишидир. Чунки кибр билан қилинган минг йиллик ибодатдан кўра, тавозуъ билан тўкилган бир томчи кўз ёши афзалдир.
©
Боязид Бистомий
Каналга уланиш учун линк
👇
👉
@rivoyatlarolami

НЎҒАЙЛАР ФОЖЕАСИ ВА СУВОРОВ СОЯСИ: НОҚУЛАЙ ТАРИХ
1783 йилда Россия империяси Қримни узил-кесил ўзига қўшиб олди. Бу сана ярим оролда янги эра – «озодлик», «бирлашиш» ва «қайтиш» даврининг бошланиши сифатида қабул қилинган. Аммо бутун бир халк – асрлар давомида Шимолий Қора денгиз бўйларида истиқомат қилган кўчманчи нўғайлар учун бу мудҳиш инҳойнинг бошланиши эди. Бугун улар ҳақида деярли ҳеч ким эсламайди. Улар янги тартибга мослаша олишмади, аниқроғи, шунчаки қириб ташланди. Тарихчиларнинг таъкидлашича, ушбу жараённинг тепасида шон-шуҳратга ва ҳайкалларга бурканган саркарда Александр Суворов турган эди.
1. Қатл олдидан уюштирилган зиёфат
Тарихий манбаларда ҳам, британиялик журналист Оливер Буллоунинг «Эркимиз асралсин» (Keep Your Freedom) китобида ҳам мудҳиш бир воқеа қайд этилган. Суворов нўғайларнинг «ҳушёрлигини бой бериш» учун гўёки тўкин-сочин зиёфат ташкил қилади: дастурхон ёзиб, 100 та калла сўйдиради, 800 та қўй сўйдиради, 500 бочка ароқ қўяди ва одамлар кайф-сафога берилиб, бўшашган пайтда қирғинбарот қилишга буйруқ беради. Бу эпизоднинг тафсилотлари қанчалик аниқлиги баҳсли бўлса-да, умумий ҳодиса кўплаб гувоҳликлар билан ўз тасдиғини топган. Рус ҳарбий тарихчиси В.А. Поттонинг ёзишича, қаршилик тугатилгач, Суворов «ўлжа» сифатида 300 минг от, 40 минг йирик шохли мол, 200 минг қўй, шунингдек, «саноқсиз аёллар ва болалар»ни қўлга киритган. Жонли мулк. Одамларни худди чорвадек кўришган. Ҳамма нарсани ўзаро талон-торож қилинган ўлжадек бўлишиб олишган.
2. Нўғай гулханларининг кули
Орадан асрлар ўтди. Буллоу Азов ва Кубань бўйларидаги кенг лип-чип степларга сафар қилиб, минглаб ҳайвонлар ҳайдаб кетилган, бутун бир халқ сургун қилинган ерларнинг ҳозирги аҳволини ўз кўзи билан кўрмоқчи бўлди. У серҳосил яйловлар, уюр-уюр отлар, ораста фермаларни кўришни кутган эди. Лекин гувоҳи бўлгани фақат шу бўлди: «...юзлаб километр масофада барчаси бўлиб иккита қорамол, бир тўда ғоз ва битта чўчқа. Хўш, ўғирланган шунча бойлик қани?». Хулоса шафқатсиз: ер империя манфаатлари йўлида унда асрлар давомида яшаб келган эгаларидан тортиб олинган. Оқибатда эса бойлик кўпаймаган – шунчаки буғдой, жўхори ва унутилган хотира қолган, холос.
3. Империя мантиғи: «Қириш – эгалик қилишни англатади»
Суворов шунчаки ҳарбий саркарда эмас эди. У Россия империясининг этник инженерия (халқлар таркибини мажбурий ўзгартириш) қуролига айланган эди. У Польшани «тиз чўктирган» (Варшава атрофидаги Прага ҳудудида амалга оширилган қирғинда 20 000 га яқин аёллар ва болалар ўлдирилган), Қрим татарларининг бўғзидан бўққан, кўчирган, тозалаган ва «янги тартиб» ўрнатган:
-Қирим ноғайлар ва татарлардан «тозаланган».
-Ўнг қирғоқ Украина поляклар ва яҳудийлардан тозаланган.
- Шимолий Кавказ черкаслардан тозаланган.
Ва ҳамма жойда бир хил сценарий: зўравонлик, сургун ва империяга «содиқ» бўлган янги халқларни жойлаштириш.
4. Мактабда ўргатилмайдиган хотира
Александр Суворов ҳамон иззат-икром ўраб олган сиймо бўлиб қолмоқда: кўчалар, ҳайкаллар, орденлар. Уни босқинчи-жоҳиллар билан бир қаторга қўйишмайди, ваҳоланки, унинг «муваффақиятлари» асосан шафқатсизлик ва геноцидга (этник қирғин) асосланган эди. Лекин тарих – фақат ғалаба парадларидан иборат эмас, у сукут сақлаганлик учун тўланадиган бадал ҳамдир. Нўғайлар – ибтидоий замонларда эмас, айнан Екатерина II ҳукмронлиги даврида харитадан ўчириб ташланган кўплаб халқлардан бири. Бу «цивилизация» ва «тартиб» ниқоби остида амалга оширилган онгли қирғиндир.
«Биз тараққиёт олиб келдик» – деб жар солади ва ғазабланади империя ҳомийлари. Аммо бу тараққиёт минглаб инсонларнинг ёстиғини қуритган, маданиятларни йўқ қилган, бир пайтлар уюрлар ўтлаб юрган яйловларни ҳувиллатиб қўйган бўлса, балки бу тараққиёт эмас, баралла чалинган карнайлар остидаги талончиликдир? Бугун чегаралар яна дарз кетаётган, эски империяча инстинктлар яна бош кўтараётган бир пайтда, фақат қаҳрамонларни эмас, қурбонларни ҳам ёдда тутиш жуда муҳим. Нўғайлар унутгани йўқ. Польша кечирмади. Кавказнинг ёдида. Биз эса аччиқ бўлса-да, бутун ҳақиқатни билишга ҳақлимиз.
@Comandante
Ali Sher
Шавкат Ўймовутли тайёрлади

☀️
Aссалому алайкум.
Чоршанба тонги муборак
бўлсин.
🌹
Тонг чоғида эсиб шаббода,
🌹
Дилингизга фараҳбахш этсин!
🌹
Қалбдан сизга гўзал тилагим,
🌹
Аллоҳим сизни асрасин!
🌤
ХАЙРЛИ ТОНГ!
Кунингиз мазмунли ўтсин
🤲
@rivoyatlarolami

Ассаламу алайкум ва рохматуллоҳи ва барокатуҳ.
Аллоҳ таоло Ўзига йўналган қалбларни, дуо билан очилган қўлларни, букилган бўйинларни, муҳтож бўлиб сўраган тилларни бўш қайтармайди...
Хайрли дуоларингиз қабул бўлсин, кунингиз файзли ва баракотли ўтсин.
@rivoyatlarolami

Аёлларнинг кийимлари торлиги, ярим-ялонғочлигида таажжуб йўқ...
Таажжуб, ана ўша аёллар эркаклар бор уйдан чиқиб келаётганида...
@rivoyatlarolami