Ruvayha

CHAQALOQLAR TUG‘RUQ PAYTI NIMALARNI HIS QILISHADI?
Oylab ona qornida yotgan oʻsha chaqaloq ona bilan chuqur bogʻlanish hosil qilgan boʻladi. Yaʼni, aslida tugʻilishi bilan u oʻzi bilgan, oʻzini butunlay xavfsiz his qilgan oʻsha muhitdan chiqadi va mutlaqo boshqa bir dunyoga keladi. Hech tanimaydigan, muqaddam hech tajriba qilib koʻrmagan; kislorod, ovoz, yer tortish kuchi – hamma narsa boshqacha boʻlgan begona bir muhit…
Bu keskin oʻzgarish chaqaloqda stress gormonining keskin koʻtarilishiga sabab boʻladi. U oʻzi tanigan hayotga, oʻsha xavfsiz bagʻriga qaytishni istaydi.
Yaʼni onasiga...
Teri-teriga tegish aynan mana shu oʻtish nuqtasida hayotiy ahamiyatga ega! Yoʻriqnomalar ochiq-oydin aytmoqda: Istar tabiiy tugʻruq boʻlsin, istar kesarcha tug‘ruq, agar ona va bola sogʻlom boʻlsa, chaqaloq tugʻilgan zahoti onaning koʻkragiga berilishi kerak.
Uzluksiz teri-teriga kontakt taʼminlanishi va birinchi emizish yakunlangunga qadar chaqaloq bilan bogʻliq odatiy muolajalar kechiktirilishi lozim.
Tibbiy tavsiyalarga koʻra, teri-teriga kontakt taxminan 60 daqiqa davomida kiyimsiz (yalangʻoch) holda davom etishi shart. Buxalqaro qoʻllanmalar tomonidan belgilangan standart yangi tugʻilgan chaqaloq parvarishidir.
Pediatrning dastlabki qisqa koʻrigi ham koʻp hollarda bola onaning koʻkragida boʻlgan vaqtda amalga oshirilishi mumkin.
Biroq amaliyotda nima sodir boʻlmoqda
ko‘pincha?
Chaqaloq "sovqotib qoladi" degan asossiz xavotir bilan darhol kiyintiriladi. "Tezkor parvarish" degan bahona ostida vazn oʻlchash, kiyintirish, oyoq izini olish, emlashlar va boshqa odatiy muolajalar uchun bola onasidan ajratiladi. Vaholanki, bu muolajalarning aksariyati shoshilinch emas va yoʻriqnomalarga koʻra, birinchi emizishdan keyingi vaqtga bemalol kechiktirilishi mumkin.
Chaqaloq tugʻilgan lahzada aslida nimaga ehtiyoj sezadi?
-Tinch, xira yoritilgan va sokin muhitga
-Kindik bogʻlamini kamida 1-2 daqiqa kechiktirib kesishga
-Tugʻilishi bilanoq kiyimsiz holda onaning koʻkragiga yotqizilishiga
-Dastlabki 1 soat, yaʼni "oltin soat" (golden hour) davomida uzluksiz teri-teriga kontaktga
-Onaning koʻkragi, usti yopilganda, tabiiy kuvez (инкубатор)muhitini hosil qiladi va bu aloqa har ikki tomon uchun ham moʻjizaviy taʼsir koʻrsatadi.
Chaqaloq uchun foydalari:
-Biz u chaqaloqni onasining yoniga qoʻyganimizda, uning yurak urishi va nafas olishi tezda tartibga tushadi va barqarorlashadi
-Tana harorati meʼyorlashadi va issiqlik yoʻqotilishining oldi olinadi
-Stress gormoni biz istagan xavfsiz darajaga tushadi
-Qondagi qand miqdori muvozanatlashadi, gipoglikemiya xavfi kamayadi
-Emish refleksi kuchli boshlanadi, erta emizish osonlashadi va bu kelgusida uzoq muddat emizishni taʼminlaydi
-Xavfsizlik hissi va onaga boʻlgan bogʻliqlik mustahkamlanadi
Ona uchun foydalari (bu faqatgina hissiy jarayon emas):
-Stressning kamayishiga yordam beradi
-Emizishning oson va muvaffaqiyatli boshlanishini qoʻllab-quvvatlaydi
-Xavfsiz bogʻlanish jarayonini kuchaytiradi
-Yoʻldoshning (platsentaning) koʻchishini osonlashtiradi
-Eng muhimi, ona bilan boʻlgan bu kontakt tugʻruqdan keyingi qon ketish xavfini sezilarli darajada kamaytiradi
Tugʻruqning qachon boshlanishini va qanday yakunlanishini nazorat qila olmaymiz. Ammo sogʻlom tugʻilgan chaqaloqning hayotidagi oʻsha dastlabki 1 soatini rejalashtirish butunlay bizning qoʻlimizda.
Bu hashamat emas. Bu – fiziologiyaga hurmat koʻrsatadigan va dalillarga asoslangan yangi tugʻilgan chaqaloq parvarishining aynan oʻzi.
Tugʻruq shaklini soatlab muhokama qilayotgan bir paytda, bolaning sogʻligʻi va ruhiyati uchun eng muhim boʻlgan hayotning birinchi soatini nega bunchalik osonlikcha koʻzdan qochiryapmiz?
Tibbiy sabablar bilan ayri qolinishi alohida masala. Unday xolatlarda eng muhimi ona va bola salomatligi.
Lekin, qolgan xolatlardachi?
Qaysi biri muhim qanday bilamiz? Qaysi biri asosli qo‘rquv, qaysi biri ortiqcha havotir?
Bularni bilish uchun rivojlangan tibbiyotga asoslangan ilm lozim.
Bu ma’lumotni homilador yaqingiz bilan bo‘lishing!
Xonimlar uchun asosiy kanal havolasi:
https://t.me/+Qf3ORiS9mYZiZWI8

Tayyorgarlik hissi muvaffaqiyat garovidir.
Bu yo'lni tasodiflar ixtiyoriga tashlab qo‘ymang!
O'zingiz va farzandingiz kamoli uchun munosib ibtidoni tanlang.
Koshkisiz Tug‘ruq -
Tug‘rug‘ingiz uchun eng ishonchli boshlang‘ich nuqta!
Murojaat:
@ruvayha_manager
Xonimlar uchun asosiy kanal havolasi:
https://t.me/+Qf3ORiS9mYZiZWI8

“KOSHKISIZ TUG‘RUQ”
Homiladorlar uchun maxsus, tug‘ruqqa ongli tayyorlanish kursi.
Kurs
“Istanbul Tug‘ruq Akademiyasi”
dasturi bo‘lib, o‘zbek tilida rasmiy ruxsat bilan akademiya bitiruvchisi tomonidan taqdim etiladi.
Kurs mavzulari
Tug‘ruq og‘riqli bo‘lishi shartmi?
– Tug‘ruq nima?
– Tug‘ruqda og‘riq qanday paydo bo‘ladi?
– Tug‘ruqda ishlaydigan mushaklar bilan tanishish
– Qo‘rquvning tug‘ruq jarayoniga ta’siri
Boshlang‘ich belgilar
– Tug‘ruq yaqinlashayotganini bildiruvchi alomatlar
– Suvning erta ketishi
– Rejali tug‘ruq va kesarcha tug‘ruq
– Qachon shifoxonaga borish kerak?
Bolalar qanday tug‘iladi?
– Tos suyaklari va ularning roli
– Bola anatomiyasi tug‘ruq uchun qanday yaratilgan
– Tug‘ruqning ikkinchi bosqichida bolaning harakatlari
Tug‘ruq bosqichlari
– Sekin faza: tug‘ruqning boshlanishi
– Aktiv faza: o‘rganilganlarni qo‘llash
– O‘tish fazasi: qo‘llab-quvvatlash davri
– Tug‘ruq fazasi: bolaning kelishi
– Tug‘ruq oxiri: tinchlik va hurmat
Tug‘ruq gormonlari
Tibbiy aralashuvlar
Kesarcha tug‘ruq
– Kesarcha tug‘ruq sabablari
– Sog‘lom va g‘amxo‘r kesarcha tug‘ruq yondashuvi
Tug‘ruqni dorisiz yengillatish
– Massajlar
– Nafas mashqlari
– Harakatlar
– Vaginal yirtilishning oldini olish usullari
Video darsliklar (mashqlar)
Video darsliklarimiz turkiyalik mutaxassis,
pelvik fizioterapevt Eda Nur xonim
tomonidan aynan ushbu kurs uchun maxsus tayyorlangan va o‘zbek tiliga professional tarzda dublaj qilingan.
Mavzular:
– Birinchi trimester mashqlari
– Ikkinchi trimester mashqlari (2 ta video)
– Uchinchi trimester mashqlari (2 ta video)
– Tug‘ruqdan keyin tiklanish uchun mashqlar (2 ta video)
– Pelvik og‘riqlar (simfizit) uchun mashqlar (2 ta video)
– To‘p ustida mashqlar
Ushbu kurs tug‘ruqqa
ongli, xotirjam va ishonch bilan tayyorlanish
uchun mo‘ljallangan.
Kursga 20+ haftalik homiladorlar qabul qilinadi.
Joylar soni
20ta
Kurs boshlang‘ich sanasi:
6-iyul
Haftada ikki kundan ikki hafta davom etadi.
Dars kunlari:
Dushanba va Payshanba Toshkent vaqti bilan 20:00 da Zoom platformasida jonli onlayn formatta bo‘ladi.
Saqlab olingan darslar 7-dekabrgacha
sizda bo‘ladi
Video darsliklar(mashqlar) esa, 1-fevralgacha
siz bilan.
Shu bilan birga kurs uchun maxsus PDF kitob ham taqdim qilinadi.
Kurs narxi:
(man progrevchi topgunimcha ^_^)
chegirmali 1 mln 750 ming so‘m
Kursga yozilish uchun:
@ruvayha_manager
ga
murojaat qiling
Xonimlar uchun asosiy kanal havolasi:
https://t.me/+Qf3ORiS9mYZiZWI8

BO‘LAJAK ONALARGA TAVSIYALAR
Turkumidan..
Agar tug‘rug‘ingiz yaqinlashayotgan boʻlsa, bularni albatta bilib oling!
Avvalo, sabrli boʻling! Tugʻruqlarning katta qismi 39- va 41-haftalar oraligʻida boshlanadi.
Toʻlgʻoqlaringizni diqqat bilan kuzating, agar ular har 5-10 daqiqada takrorlansa, muntazam boʻlsa va tobora kuchayib borsa, shifoxonaga borish vaqti kelgan boʻladi.
Tugʻruq jarayonida bolangizga va tanangizga vaqt bering. Shifoxonadagi jarayon birinchi tugʻruqlarda oʻrtacha 6-8 soat davom etadi.
Tugʻruq bosqichlarini yodda tuting: 5-6 soat bachadon boʻynining ochilish davri, oʻrtacha 1 soat esa bolaning pastga tushish davridir.
Bular umumiy bo‘lib, har bir ona va tug‘ruq uchun individual bo‘lishini ham unutmang!
Yana bir gap, bola tugʻilishi bilan tugʻruq tugab qolmaydi, hali yoʻldosh (plasenta) ham chiqishi kerak.
Agar yirtilishlar boʻlsa, ular ham tikiladi.
Chiqayotganda shifokor bergan tavsiyalarni aslo unutmang! Hamda 10 kun ichida yana bir bor koʻrikka boring!
Tug‘ruqqa tayyorgarlik koʻrish jarayonni xotirjamroq oʻtkazishingizga yordam beradi.
Bu postni homilador yaqiningizga yuborib qo‘ying!
Xonimlar uchun asosiy kanal havolasi:
https://t.me/+Qf3ORiS9mYZiZWI8

HOMILADORLIKDA ISHISH
Hayz davridagi qon yo'qotish o'rtacha 50 ml, tabiiy tug‘ruqda 500 ml, kesarcha tug‘ruqda esa 1000 ml ni tashkil etadi.
Shishning (ishishlarning) eng muhim vazifalaridan biri ham hayzda, ham tug‘ruqda yo‘qotilgan qon va suyuqlik o‘rnini qoplashdir. U o‘ziga xos zaxira (ombor) vazifasini bajaradi. Buning natijasida tug‘ruq paytida jiddiy qon yo‘qotish bo‘lsa ham, oyoqqa tura olasiz, yura olasiz va chaqalog‘ingizga g‘amxo‘rlik qila olasiz.
Ishishlik chaqaloq uchun ham juda muhim! Chaqalog‘ingiz ham ortiqcha suv bilan tug‘iladi. Dastlabki kunlarda sut kam kelgan taqdirda ham, bu ishish chaqalog'ingizni suvsizlanishdan himoya qiladi.
Hatto chaqaloqlar ana shu ortiqcha suvni organizmdan chiqarib yuborganliklari sababli, dastlabki kunlarda vazn yo‘qotadilar.
Ayol organizmi ushbu qon yo‘qotishlarini hisobga olgan holda oldindan tayyorgarlik ko‘radi.
Yo‘qotilgan miqdorni hisobga olib, oddiy bir qiyoslama qiladigan bo‘lsak: hayz ko‘radigan ayolda 1 barobar ishish bo‘lsa, tug‘ruqqa kiradigan ayolda kamida 10 barobar ko‘proq ishgan bo‘lishi kerak.
Bu yerda biz fiziologik ishishni nazarda tutyapmiz. Ya'ni, uzoq vaqt tik oyoqda turganda yer tortish kuchi ta'sirida ko‘payadigan ishishlik.
Homiladorlikdagi qon bosimi (toksikoz/preeklampsiya) kabi ishishning muvozanatsiz va nazoratsiz bo‘lgan holatlari bundan mustasnodir. Ular patologik ishish hisoblanadi va shifokor tomonidan albatta tekshirilishi kerak.
Xulosa qilib aytganda, ishishlik siz va chaqalog‘ingiz xavfsizligi uchun xizmat qiladi. Va ha, u ma'lum miqdorda albatta bo‘lishi kerak.
Shunga o‘xshash ma’lumotlardan xabardor bo‘lish uchun asosiy kanalimizga obuna bo‘ling, yaqinlaringizni taklif qiling!
Xonimlar uchun asosiy kanal havolasi:
https://t.me/+1b46MznK8Rg0ZDM0

YANGI ONALARGA TAVSIYALAR
Turkumidan..
Emizish jarayonida onalarni juda ko‘p ikkilantiradigan uchta jihat bor va ko‘pincha bu uch nuqta asossiz xavotirga aylanadi. Keling, bugun shu haqda suhbatlashamiz.
Birinchisi, emish davomiyligi.
Ba’zi chaqaloqlar 5 daqiqa emadi, ba’zilari esa 45 daqiqa. Agar faqat vaqtga qarab baholasangiz, “Qisqa emsa, bolam ko‘krakni rad etyaptimi? Uzoq emganda esa to‘ymadimi, sutim yetmayaptimi?” deb o‘ylashni boshlashingiz mumkin. Lekin emizish bu soniyalar poygasi emas, aziz onalar. Har bir bolaning emish kuchi, ritmi va ehtiyoji har xildir. Shuning uchun daqiqalarga emas, bolaning kayfiyati, xotirjamligi, vazn ortishi, peshob va axlat chiqarishiga qarashingiz kerak.
Ikkinchisi, ko‘krakning yumshoqligi.
Ha, yumshoq ko‘krak mutlaqo normal holat. Hatto aslidagi bo‘lishi kerak bo‘lgani ham shudir. Ko‘krakning yumshoqligi yuzning yonoqlari yumshoqligidek bo‘lishi lozim. Aslida bu haqda ortiqcha gapirishga hojat yo‘q, lekin “Avvaliga toshdek qattiq edi, hozir yumshab qoldi. Sutim kamayib ketdimi?” deb o‘ylayotgan bo‘lsangiz, iltimos, xotirjam bo‘ling va chuqur nafas oling. Chunki bu ham juda normal holat.
Biz har doim nima deymiz? Ko‘kraklar ombor emas, ular – fabrika.
Ya’ni, ko‘krakda sut to‘planib, kutib turadigan narsa emas va bunday bo‘lmasligi ham kerak. Sutning katta qismi bola emishni boshlagan soniyada ishlab chiqariladi. Demak, yumshoq ko‘krak aksariyat hollarda “Men tayyorman, kutyapman. Sen signal ber, sut albatta keladi” deganidir. Hatto ko‘krakning doimo haddan tashqari tarang va to‘la bo‘lib yurishi, ba’zida ko‘krak yetarlicha bo‘shamayotganidan dalolat berishi mumkin. Tasavvur qiling, biz kamida ikki yil emizishni tavsiya qilamiz; xo‘sh, siz ikki yil davomida tinmay taranglashgan ko‘kraklar bilan yurmoqchimisiz? Alloh tizimimizni mukammal yaratgan, u o‘z ishini biladi. Bu sizga og‘irlik qilmasligi, emizishdan charchab qolmasligingiz uchun ham ko‘kraklar yumshoq bo‘lishi kerakligi uchun ham kerak.
Uchinchisi, sutni sog‘ganda chiquvchi miqdor.
Onalarning og‘riqli nuqtasi...
Ha, bu kayfiyatni juda tushiradigan mavzu. Apparatda (sut sog‘gichda) kam sut chiqqanda, darhol “Mana, sutim yo‘q, yetmayapti” deb xulosa chiqaramiz.
Lekin biz bilamizki va bilishimiz kerakki, eng kuchli apparat bu sizning farzandingizdir va shunday bo‘lib qoladi. Nima uchun? Chunki bolangiz emayotganda uning tili, jag‘i, ritmi va siz bilan bo‘lgan emotsional aloqasi birgalikda ishlaydi. U tili va milklarining harakati bilan vakuum hosil qiladi. Sut sog‘ish apparati esa shunchaki mexanik jihozdir, u har doim ham kerakli gormonal reaksiyani uyg‘ota olmaydi. Ayniqsa, stress holatida bo‘lsangiz yoki “Tezroq sut chiqsin!” deb o‘zingizni majburlasangiz, tanangizda sut refleksi bloklanadi. Ya’ni, sog‘ib olingan sut miqdori sutingizning bor-yo‘qligi haqida yakka o‘zi ishonchli o‘lchov bo‘la olmaydi.
Eng muhimi bolaning emish jarayonida qancha sut chiqara olgani va 24 soat ichida qancha sut iste’mol qilganidir. Buni esa siz qisqa muddatda bolaning peshob va najas chiqishidan, uzoq muddatda esa vazn olishidan bilib olishingiz mumkin.
Xonimlar uchun asosiy kanal havolasi:
https://t.me/+1b46MznK8Rg0ZDM0

HOLISTIK YONDASHUV BILAN TUG‘RUQDAN KEYINGI VAGINAL CHOKLAR PARVARISHI
Tug‘ruqdan keyingi ilk kunlarda perina (vaginal) choklarini to‘g‘ri parvarish qilish og‘riqni kamaytiradi va to‘qimalarni hujayra darajasida tez, asoratsiz tiklaydi.
-Joyni quruq va toza tuting
Vaqti:
Har hojatdan keyin yuvish 1-2 daqiqa + quritish 1 daqiqa (yoki fenning iliq rejimida 30 soniya). Kuniga 2-3 marta tagliksiz 10-15 daqiqa havo vannasi qilish bitishni juda tezlashtiradi.
Sababi:
Zararli bakteriya va zamburug‘lar ko‘payishining oldini oladi, mikrobioma muvozanatini himoya qiladi.
-Og‘riq va shish uchun muz xaltasi
Vaqti:
Har safar 5-10 daqiqa (maksimal 15 daqiqa) yurg‘iziladi. Kuniga ehtiyojga qarab har 2-3 soatda 1 marta. Dastlabki 24-48 soatda samarali.
"Shamollab qolmaydimi?" degan xavotirga javob: Muz toza, yupqa matoga o‘rab, 15 daqiqadan oshirmay qo‘yilsa, ichki a'zolarni shamollatmaydi. Faqat yuzadagi nervlarni va shishni xavfsiz tinchlantirib, tabiiy og‘riqsizlantiradi.
Moychechak damlamasi
Vaqti:
Iliq tibbiy moychechak choyi bilan hojatdan keyin yuvish yoki o‘tiradigan vanna (Sitz Bath) suvida 10-15 daqiqa o‘tirish. Suv issiq bo‘lmasligi va keyin ohista quritish shart.
Sababi: Tabiiy tinchlantiruvchi va yallig‘lanishga qarshi (anti-inflamatuar) ta'sirga ega. Achishish, shish va gemorroy bezovtaligini oladi. (Allergiya, infeksiya yoki yomon hid bo‘lsa, shifokor/doyaga murojaat qiling).
-Hamamelis suvidan (Witch Hazel) kompres
Vaqti va usuli:
Ped ustiga: Gigiyenik ped ustiga bir necha tomchi tomiziladi.
Kompres: Steril dokaga quyib, chok sohasiga 5-10 daqiqa qo‘yiladi.
Gemorroy va yuvish: Paxta bilan gemorroyga surtiladi yoki iliq yuvish suviga qo‘shiladi.
Sababi: Shish, ta'sirchanlik va gemorroy noqulayligini oladi. To‘qimalarni tez burishtirib, tiklaydi. (Alkogolsizini tanlang, faqat tashqi sohaga qo‘llang).
- "Donut pillow" teshik yostiq va to‘g‘ri o‘tirish
Vaqti:
Dastlabki 2-3 hafta har o‘tirganda teshik yostiqdan foydalaning. Bir marta o‘tirish 20-30 daqiqadan oshmasin. Har yarim soatda biroz yotish yoki yengil yurish tavsiya etiladi.
Sababi: Choklarga tushadigan mexanik bosimni kamaytirib, to‘qima tolalarining to‘g‘ri shakllanishiga yordam beradi. Oyoqni oyoq ustiga tashlamaslik chanoq simmetriyasini va qon oqimini saqlaydi.
-Ich qotishining oldini olish
Vaqti:
Magniy yoki tabiiy kletchatkali ovqatlanish tug‘ruqdan keyingi ilk 1-2 hafta (hojat mutlaqo og‘riqsiz bo‘lguncha) har kuni davom etishi shart.
Sababi: Tug‘ruqdan keyin ich qotishi va hojat paytida kuchanish choklarga og‘irlik qiladi va ularning ochilib ketish xavfini tug‘diradi. Holistik tibbiyotda dorilar o‘rniga Magniy Sitrat, suyak sho'rvasi (kollagen va glitsin manbai), sifatli yog'lar (zaytun yog‘i, kokos yog‘i) va ko‘p suv ichish tavsiya etiladi.
Xulosa:
Tug‘ruqdan keyingi ilk kunlarda ushbu tashqi tabiiy parvarish usullarini, to‘g‘ri ovqatlanish va ruhiy xotirjamlik (oksitotsin gormonini oshiruvchi muhit) bilan birlashtirsak, onaning tanasi eng xavfsiz va qisqa vaqt ichida to‘liq shifolanadi, Allohning izni bilan!
Shifo bo‘lsin!
Xonimlar uchun asosiy kanal havolasi:
https://t.me/+1b46MznK8Rg0ZDM0

TAJRIBADAN TARJIMALAR
Bir kun kelib farzandingiz o‘z bolaligini siz umuman tanimaydigan bir insonga so‘zlab beradi.
U siz qurmagan dasturxon atrofida o‘tiradi. Siz joylashtirmagan bir uyda. Uni faqat ulg‘aygan holida tanigan insonlar qarshisida. Va ularga sizning uyingizda ulg‘ayish qanday bo‘lganini hikoya qiladi.
U hamma tafsilotlarni emas, faqat yodida qolganlarini aytadi.
Eshikdan kirganida qalbida uyg‘ongan ilk tuyg‘uni eslaydi. Dasturxon atrofidagi ovozlarni… So‘zlarning ohangini… Uyning iliqmi yoki sovuqroq va masofalimi bo‘lganini. Quvonchga to‘lganmi yoki tajanglik hukm surganini. O‘zini xavfsiz his qilganmi yoki doimo “yaxshi bo‘lishi kerak” degan bosimni sezganini.
Ular aytib beradigan hikoyani biz tanlay olmaymiz. Keyin uni tuzatish imkonimiz ham bo‘lmaydi. Ammo o‘sha hikoyani bugun yozmoqdamiz. Oddiy kechki ovqatlarda, tasodifiy oqshomlarda, aynan hozir yashayotgan lahzalarimizda.
O‘yinchoqlar yo‘qolgach, jadval va rejalar o‘zgargach, uy jimjit bo‘lib qolgach ham, uy haqida qolgan xotira yashashda davom etadi.
Dasturxon atrofidagi suhbatlar…
Eshik oldidagi kutib olishlar…
Ko‘z yoshlariga ham, quvonchlarga ham joy topilgan lahzalar…
“Men bu yerda sevilaman” degan tuyg‘u…
Ana shular farzandingizning qalbida uy degan tushunchaga aylanadi.
Bir kun kelib ular aytib beradigan hikoyani men tanlay olmayman.
Lekin bugun o‘sha hikoyaning har bir satrini mehr bilan yozishim mumkin.
Chunki yillar o‘tib, ular uylarini emas, o‘sha uyda qanday his qilganlarini eslaydilar…
Xonimlar uchun asosiy kanal havolasi:
https://t.me/+1b46MznK8Rg0ZDM0

Bugun Arafa duolar qabul bo‘ladigan kun!
Duolaringizni yozib oling va kun bo‘yi, o‘tirsangiz ham tursangiz ham duo qilib yuring.
Zikr, takbirlarni ham unutmang!
Ideali bugunni butunlay ibodatlarga ayirish, qila olsangiz shunday qiling!
Qila olmasangiz, siqilmang, til bilan qilinadigan ibodatga hech nima to‘sqinlik qila olmaydi.
Qadr kechasi noaniq, lekin Arafa kuni aniq!
Bu kundan unumli foydalanib qolaylik!
Man ham esinglarga kelsam nobodo, hisobsiz azobsiz jannatga kiruvchilar qatoridan bo’lishimni va ijtimoiy tarmoqlardagi sahifalarim hammaga manfaatli bo’ladigan bo‘lib rivojlanib, yuz minglab, milyonlab kuzatuvchisi bo‘lishini so‘rang ^_^
Xonimlar uchun asosiy kanal havolasi:
https://t.me/+1b46MznK8Rg0ZDM0

"Gapni nimadan boshlashni ham bilmayapman... Oʻzi odatda hissiyotlarimni koʻrsatib, chiroyli yozish qobiliyatiga ega emasman. Shuning uchun imlolani tog’irlashda geminidan yordam oldim:))
Lekin bu kursda oʻrganganlarim, his qilganlarim haqida yozmasam, kimga boʻlsa ham aytib bermasam boʻlmaydi.
Men ancha yillardan beri farzand kutayotgan onaman. Taxminan ikki yil oldin oʻzimni davolash maqsadida ilmga asoslangan hijoma va zuluk kurslarida oʻqidim. Keyinchalik SAST kurslarida o’qidim, koʻplab tabiiy retseptlarni tayyorlab ichdim. Bularga hijoma va zuluk muolajalarini ham qoʻshib, oʻz sogʻligʻim ustida tabiiy yoʻllar bilan ishlay boshladim. Avvalo Allohning rahmati, qolaversa, oʻqigan kurslarim va Ruvayha opam sababchi boʻlib, Robbim menga farzand neʼmatini berdi! Bu xushxabarni birinchi boʻlib turmush oʻrtogʻim yoki onam emas, aynan Ruvayha opam bildilar — buning oʻzi alohida bir mavzu :)
SASTda oʻqib yurgan kezlarim "Koshkisiz tugʻruq" kurslari ochilgandi. Oʻshanda oʻqimoqchi boʻlganimda, "faqat homiladorlar qabul qilinadi" deyishgandi. Oʻshanda ichimdan: “Inshaalloh, homilador boʻlsam, albatta shu kursda oʻqiyman”, deb niyat qilgandim. Lekin bu kursga erishishim ham oson boʻlmadi. Uyimdagilarni koʻndirolmay, ikkita patokni oʻtkazib yubordim, yigʻlab yurib, oxiri qo’limdagi tilla uzugimni sotib, kursga toʻlov qildim. Nega deysizmi?
Chunki bu mening yillar davomida kutilgan ilk homiladorligim edi! Farzandimning bu dunyoga kelishi "koshki"larsiz boʻlishini, goʻzal oʻtishini xohladim. Bu mening tugʻrugʻim va farzandimning hayoti... Uning umrida bir marta boʻladigan tugʻilish hikoyasi “koshki”larsiz boʻlishini istadim.
Kursning yakuniy qismiga kelib, oʻsha sotilgan tillamdan ham ming chandon qadrliroq, qimmatliroq maʼlumotlarni oldim va oʻpkam toʻlib, hiqillab-hiqqilab yigʻladim.
Yaxshiyam... Yaxshiyamki, shu kursda oʻqibman! Yaxshiyamki, bu bilimlarni oʻrganibman. Alhamdulillah, bu farzandim uchun hayotimda qilgan eng toʻgʻri va eng birinchi investitsiyam boʻldi.
Ruvayhapam bir ne’matla ulani qancha gapirmay qancha maqtamay bu kamlik qiladi, ularni qanchalik yaxshi ko’rishimni tariflab berolmayman Allohim qalbimdagi samimiy hislarimni ularga bildirsin
🫂
Sevgiyle Sumayya Sara
🌱
👶
“Koshkisiz tug‘ruq” kursiga “jivoy” izoh
.
Bu yerda qo‘shimcha nimadir deyish ham shart emas, Allohumma baarik
Xonimlar uchun asosiy kanal havolasi:
https://t.me/+1b46MznK8Rg0ZDM0