Sarvinozdan chizgilar

Hayotimizda katta va muhim bir ish paydo boʻlganida — uni yaxshi bajara olishimiz, kuchli konsentratsiya qilolishimiz uchun boshqa yoqimli mashgʻulotlarimiz, ichki bolakayimizga xos ehtiyoj va istaklarimizni chetga surib turish mantiqliroqdek tuyuladi. Lekin oʻz tajribamda buning toʻgʻri emasligiga koʻp amin boʻlaman.
Aslida hozir oʻrinsiz tuyulgan kichik zavqlar oʻsha muhim ishni qilishga kuch beradi. Chalgʻishga legal ruxsati bor diqqatim yana asosiy oʻzanga qaytadi.
Shu kunlarda va keyingi oylarda yoqimli mashgʻulotlarimdan mosuvo boʻlayotganim qaygʻusi qiynayotgani haqida yozgandim tepada. Keyin nimadir qilolmasam ham, uni rejalashtirish bilan shugʻullanishim mumkinligi esimga tushdi.
Hozircha oʻzim istaganday kiyinolmayman — lekin qanaqa yangi kiyimlar sotib olishimni rejalashtirishim mumkin. Sayohatga chiqolmayman — lekin qayerlarga borish qulayligini izlashtirishim mumkin.
Youtube’ga videolar olishning ham mavridi emasday tuyular, lekin bu menga koʻp dofamin berishini bilgan holda boshlab yuboraverdim. Qanaqa kontent yaratishni rejalashtirish, videolarni tahrirlash, izohlarni oʻqish juda xursand qilyapti
🚙

Shu kunlarda na ishlashga (biror proyekt yaratishga) kuchim bor, na zavq keltiradigan narsalarga imkonim bor. Homiladorlikning oxirgi haftalari ruhan qiyinroq oʻtyapti.
Biror kun uygʻonib “bugunni juda yaxshi oʻtkazaman” deyman va nimadirlar qilaman, keyingi bir necha kun passiv va tushkun boʻlib qolaman. Yangi vlogda shunaqa kam sonli faol kunlarimdan biri aks etgan. Oʻsha kuni ovqat pishirmay, buyurtma qilganim uchun 3-4ta ish qiloldim va kechga borib kuchli charchoq bilan uxlab qoldim.
“Ogʻirlashmay yuribsizmi?” deb kimdir savol berib qolsa — “Ogʻirman, oʻta ogʻir!” deb hayqirib javob bergim kelyapti…

Yangi video!
https://youtu.be/bJN5_DGan7g?si=E3I_OkrE7sLgtY09

Menda bitta yangilik bor. Yoq, tugʻish emas
😄
Nihoyat sifatliroq telefon olgach, anchadan beri xohlab yurgan ishimni qildim — youtube uchun vlog suratga olib joyladim!
Bundan keyin davomli ravishda videolar joylab borishga harakat qilaman. Kanalimga a’zo boʻling, video ostida fikrlaringizni qoldiring
❤️
https://youtu.be/KyATE7akCHw?si=QwZRDOVrq_ZnkcpF

"Orzularingdan qo'rq" degan gapga meni bitta misolim paydo bo'ldi.
O'tgan yili Leoga qarab "Sen men xohlagan mushuk bo'lmading. Na quchog'imda o'tirasan, na sho'xliklar qilib o'ynaysan" derdim. Keyin turmush o'rtog'imga "Yana bitta mushuk olaylik, Leo zerikyapti, birga o'ynaydi ikkalasi" derdim.
Boshqa mushuk boqishga hech hojat qolmadi. Leoning sho'xliklari kundan-kunga yoqimli bo'lishdan asabiylashtiruvchi ko'rinishlarga o'tyapti. Bugun bir metrlik shkafning ustidan yaqinda olgan ayfonimni o'ynab tushirib yubordi. Ekran chetidagi yoriqlarni ko'rib yuragim shuv etib ketdi. Himoya ekraniga zarar yetgan ekan, o'ziga hech narsa qilmabdi.
Stollar, shkaf ustiga na kosmetika, na dekorativ buyumlar, na boshqa zarur narsalarni qo'yib bo'lyapti. Ba’zida kitoblarni gʻajishga harakat qiladi. Bugun telefonlarni ham biror joyga qo'yishdan oldin "Leo tushirmasmikan" deb o'ylashim kerakligini tushunish alam qilyapti. Orzumning ichida komplekt bo'lib shunaqa narsalar ham keldi
😫

“Adelaide”ni oʻqib tugatdim. Kitob meni yana kundalik yozishga ilhomlantirdi. Kichik holatlar, kuzatuvlar, dialoglar, yeganlarim, qilgan ishlarim haqida kundalik yozishga.
Avvallari ham shu tarzda yozib turardim, lekin homiladorlik boshida butunlay toʻxtatib qoʻydim. Boshqa sevimli mashgʻulotlarim singari. Keyin ish va ijod borasidagi insaytlarimni bir bloknotimga yoza boshladim. Unchalik muhimday tuyulmaydigan gaplarim uchun boshqa kundalikka ehtiyojim borligini “Adelaide” sezishga yordam berdi.
Bunaqa kundalik tutishning foydalari juda koʻp aslida. “Hozirga qaytish” va xotirjamlashish, minnatdorchilik hissining koʻpayishi, hislarni konteynerlash va badiiy yozish qobilyatini kuchaytirish singari
📝
☕️
Siz kundalik tutasizmi?

“Men bilan nima boʻlayotganini nihoyat tushunyapman va yengil boʻlyapman, aybdorlik hissidan xalos boʻlyapman”
—
Structure & Flow
kursi ishtirokchilari shunaqa deyishyapti hozircha. Kursning yarmini oʻtdik va bugundan amaliyroq qismni boshlaymiz.
Keyinchalik ham a’zo boʻlib, darslarning yozib olingan variantini koʻrishingiz mumkin, lekin narx koʻtariladi. Bugun kursni 720 ming soʻm bilan sotib olishning oxirgi kuni
🙌🏻
Ishlar, yumushlar — hayotimizning katta qismini tashkil qiladi. Ularni osonroq/xotirjamlikda/hayajon bilan qilish — kayfiyatimiz, sogʻligʻimiz, munosabatlarimizga juda katta ijobiy ta’sir koʻrsatadi. Kurs sizlarga bu borada tushunarli, aniq va keng yechimlar beradi. Siz ham qoʻshiling
🌿
A’zo boʻlish uchun
@ps_sarvinoz_omonova
akkauntimga murojaat qiling.

“Boshingga tushmaguncha, bilmas ekansan” degan gapni homiladorlikda koʻp aytadigan boʻldim. Avvallari “nozikoyim”larga xos va aslida nolishga arzimaydigan holatlarni boshdan kechirganimdan keyin…
Masalan, toksikozda hech narsa yeyolmaslik, 3-tremestrda harakatlanishning juda qiyinlashib qolishi kabilar erkalikday tuyulardi. “Hamma narsaning iloji bor” deya fikrlaydigan miyam adashgani borasida yaxshi darslar olyapti.
Hamma narsaning iloji yoʻq. Homiladorlar uchun ham, yaqinda ona boʻlganlar uchun ham, har qanday odam uchun ham.
Ba’zida shaxsiy bloglarning shunaqa reklamasiga koʻzim tushib qolsa koʻnglim ayniydi: “18 yoshida turmushga chiqib, chet elda magistraturani oʻqiyotgan, 3ta bolasi bilan hamma narsaga, jumladan, yana 2ta tilni oʻrganishga ulgurayotgan 23 yoshli falonchi qizning kanaliga qoʻshiling”.
Yoki ba’zi marketologlarning shunaqa agressiv postlaridan: “Hozir faqat kasbingizni oʻzi bilan shugʻullanish yaramaydi. Oʻzingizni qurbon roliga solmang. Kerak boʻlsa, ham psixolog, ham marketolog, ham aktrisa, ham fotograf boʻlasiz blog yuritish uchun!”. Odam psixikasiga zamonaviy dunyo shart-sharoitlari qanchalik bosim berayotgani bilan ishi yoʻq.
Kecha shifoxonaga koʻrikka borgandik. Ikki soat navbatda turish va koʻrikdan keyin uyga qaytgach, uxlashdan oʻzimni tiyolmadim. Shu bilan oqshom choʻkdi va boshqa ish qilolmadim. Butun kunni behuda yoʻqotganlik hissidan qutulishim qiyin boʻldi. Aslida goʻdakning yaxshi rivojlanayotganini bilib kelishdan muhimroq ish bormi hozir, dedim keyin.
Prioritetlarni, oʻzingga munosabatni, ichki dialoglarni oʻzgartirish oson emas. Lekin juda yoqimli jarayon. Kuchli va muvaffaqiyatli boʻlishdan koʻra.

Twitter akkauntimni oʻchirganimga besh oy boʻlibdi. Hamma narsadan koʻnglim aynib yurgan paytlarda nishonimga twitter tushib qolgandi va yozganlarim-u yigʻilgan auditoriya miqdoriga hech achinmay sahifamni butunlayga koʻmgandim. Faqat qiziq, kulgili, hayotiy qisqa matnlarni oʻqishdan mahrum boʻlgim kelmayotgandi — mental ahvolimni ulardan ustun qoʻydim keyin.
Qiziq tweetlarsiz ham bemalol yashay olyapman (Lekin ora-sira yana qaytgim kelib qoladi). Biror ijtimoiy tarmoqdan doimiy foydalanib yurganingda xuddi usiz hayotingda katta kemtik paydo boʻlishi hissini tuyish gʻalati-a? Yoki a’zo boʻlgan sahifalaring sonini kamaytirayotganda xuddi juda kerakli resurslarni yoʻqotayotganlik hissi.
Yaqinda “infoholic” (“infogolik”) degan tushunchaga duch kelib qoldim, informatsiya olishga qaramlik degani ekan. Bir oʻrganib koʻrmoqchiman nimaligini
🙂
Boshqa odamlarning uyidagi ortiqcha narsalarni tashlab yuborib, tartib oʻrnatish ishi bilan shugʻullanish kasbi bor ekan. Bu kasb egasi sizni har bitta buyum borasida bosh qotirishdan ozod qiladi. Kun kelib ijtimoiy tarmoqlarimizni tozalab beradigan kasb egalari ham paydo boʻlsa kerak. Ularga murojaat qilarmidingiz yoki koʻzingni chirt yumib akkaunt, bloglaridan voz kechib ketoladiganlardanmisiz?)

Ertaga (6-may) soat 20.00da
"Structure & Flow"
kursining ilk darsi bo'ladi. Qatnashish istagida bo'lsangiz, kutib qolaman
🫶🏻
Bu kurs sizga nimalar borasida yordam beradi:
🍃
Hayotingiz, miyangizda tartib paydo bo'lishi
🍃
Kundalik hayotingizdan ko'proq qoniqish his qilish
🍃
O'zingizga qaratilgan har kungi yuzlab mikro-ayblovlardan xalos bo'lish
🍃
Charchoq, tushkunlik, xavotir paytida nimalar qilishni tez tushunish
🍃
O'z tempingiz, nerv sistemangiz, qadriyatlaringiz, imkoniyatlaringizga mos maqsadlar qo'yolish va ularga erishish
🍃
O'zingizga ishonch va hurmat hissining ortishi
⭐️
Kurs bir necha terapevtik yondashuv va ADHDga oid bilimlarni birlashtirgan.
Darslar haftaning chorshanba (20.00) va shanba (15.00) kunlarida bo'ladi.
💜
Ertaga (6-may) — kurs uchun bo'lib to'lov qilish imkonining so'nggi kuni.
💜
7-maydan boshlab bir martalik to'liq to'lov (720 ming so'm) asosida yozilingiz mumkin.
💜
21-maydan kurs narxi 920 ming so'm bo'ladi.
Kursga yozilish va kurs borasidagi savollaringizga javob olish uchun
@ps_sarvinoz_omonova
akkauntimga murojaat qiling!