فَذكِّر بالقرآن🕊🦋

مؤخرًا بقيت أحاول أحذف جملة "الدنيا ما بتديش كل حاجة" من قاموسي نهائيًا وأستبدلها بعبارة "ولعبدي ما سأل"
آه عارفين إن الدنيا دار ابتلاء وفانية بكل ما فيها، ولكن خالق الدنيا أمرنا نسأله كل حوائجنا ولا نقتصد في الطلب.. سبحانه يداه مبسوطتان ينفق كيف يشاء!

السلام عليكم ورحمة الله وبركاتة
هما طريقان:
الأول: فَاذْكُرُونِي أَذْكُرْكُمْ
الثاني: نَسُوا اللَّهَ فَنَسِيَهُمْ
فَاخْتَرْ لِنَفْسِكَ.

آية مُرعبة!
"وَعَصَيْتُم مِّن بَعْدِ مَا أَرَاكُم مَّا تُحِبُّونَ".
قد يرزقك الله السمع والبصر، فـ تستعملهما في الأغاني والحرام، بدلًا من طاعته وشُكره على نعمه!

إلى كل من يقول:
«لسه بدري… هتوب بعدين»
.
محدش ضامن كلمة «بعدين» دي.
كم من إنسان نام وهو يظن أن أمامه عمرًا طويلًا، ولم يستيقظ.
– صلاتك لا تؤجلها.
– توبتك لا تؤجلها.
– القرآن لا تهجره.
– والذنب لا تستهين به.
العمر أقصر مما تتخيل، والقبر أقرب مما تظن، والرجوع إلى الله لا يحتاج إلا خطوة صادقة منك.
فلا تنتظر أن تصبح صالحًا حتى تتوب… تُب، وسيعينك الله على الصلاح.
🕊
🕊
🤍

بمناسبة دخول التوقيت الشتوي
حابة أقول كلمتين كده يمكن يفكرونا ببعض الحاجات اللي بننساها، وربنا يجعل فيها نفع لينا كلنا
أولاً:
المغرب هيأذن بدري جدًا ووقته ضيق، فخلي بالك منه، لو بتخرج من الشغل مثلًا على خمسة، صلِّي قبل ما تمشي، متأجلش عشان الوقت بيجري بسرعة.
ثانيًا: الفجر اتأخر شوية، فمش هتقومله تلقائي زي الأول، لازم تصحاله مخصوص، ومفيش عذر يخليك تسقطه! ظبط منبهك ونام بدري شوية، لأن اللي حاسس بمسؤولية الصلاة هيسعى ليها مهما كان.
ثالثًا: الصيام في الشتا سهل جدًا، اليوم قصير والعطش قليل، فاغتنم الأيام دي خصوصًا لو عليك قضاء من رمضان.
رابعًا: ناس كتير بتغلط في النقطة دي، متتعمدش تتعب نفسك، يعني لو الميه ساقعة جدًا مش لازم تتوضى بيها عشان تاخد ثواب أكبر! الدين يسر، والمشقة المقصودة هي اللي بتكون في أصل الطاعة، مش اللي بنصنعها بإيدينا، فلو بتبرد استخدم ميه دافية وريح نفسك.
خامسًا: الليل في الشتا طويل، يعني عندك فرصة كبيرة لقيام الليل أو حتى شوية ذكر ودعاء بعد العشاء، والقيام بيبدأ من أول ما يدخل وقت العشاء.
اللهم أعنا على اغتنام الشتاء في طاعتك.

من فترة سمعت شخص بيقول إنك عشان تستفيد من قراءتك للقرآن، حاول تقرأ الآيات وكأنك إنت المخاطب بيها، وحتى قصص الأقوام السابقة حاول تفهم إيه العبرة اللي ربنا عايز يوصلهالك منها.
والفكرة دي فرقت معايا فعلًا، بقيت بقرأ القرآن وأنا بدوّر على معنى يلمس قلبي، أو حكمة أتعلم منها، أو آية تطمّني وتواسيني في حاجة بمر بيها.
بدل ما تكون قراءتي مجرد ورد بخلصه، بقيت بحاول أفهم إيه اللي ممكن أتعلمه من كل آية، وإزاي أستفيد بيها في حياتي.
ساعات آية واحدة بتقراها في وقتها، تحس كأنك لقيت فيها إجابة على حاجة كانت شاغلة بالك من زمان.

صيام الاثنين
بُعد عن النار سبعين خريفا
.

فاكر الركعتين اللي صليتهم بخشوع وبكاء؟
هياخذهم اللي اغتابته!
والصدقة اللي أخفيتها؟
هتروح للي بتنم عليه!
قيامك، ذكرك، وسعيك للخير؟
هيضيع لو مابطلتش غيبة ونميمة!
احفظ حسناتك... عشان الثمن غالي جداً.

تَخيَّلي!
أنْ تَنشُري تِلاوَةً أو فائِدةً وَهُناكَ مَن يَستَمِع إلى ما نَشرْتِهُ ويَسْتفيد مِنه ويَنشُرُه، أو رُبَّما تُوْقِظي قَلباً غَافِلاً، أو تُثَبِّتٓ بِها صَالحًا.
هَلْ حَسبْتِ كَم نِلتِ مِنَ الأجُور؟ تَنامي أوْ تَنشَغِلي وحَسناتُك تَزِيد
جَدِّدي نِيَّتُك والله يُسَخِّرَ لَكِ مَن يَنتَفِع بِكْ
🫀