Seul Global Markazidagi tajribam

Madrahimov Aziz vatandoshimiz Seul Global Markazida ishlagan paytlarim ishlari bo'yicha maslahat olib turardilar. Miya saratoni tashxisi qo'yilgandan keyin davolanish sabab O'zbekistonga ham borolmay davolanib yuribdilar. Bu kasallik jiddiy davolanishni talab qiladi.
Bu kishiga achinganim, uydagilarini hammalarini uylantirib, turmushga berib, uy-joylarini qilganlar, faqat endi o'zlariga kelganda kasal bo'lib qolganliklari juda achinarli holat. Shu kishiga birgalashib yordam beraylik, ilohim davolanib ketsinlar.
Afsuski, bunday yurtdoshlarimiz, ya'ni o'zlarining sog'liqlarini oxiriga qo'yadiganlar ko'pchilikni tashkil qiladi.
"Faqat o'zingizni o'ylab ish tuting, egoist bo'ling" demoqchi emasman, lekin shaxsiy hayotingiz, sog'lom bo'lishingiz yoki kelajakdagi hayotingiz, oilangizga, jamiyatimizga manfaat keltiradigan inson bo'lish uchun reja bilan ish tutishingizni maslahat bergan bo'lardim.
Taassufki,O'zbekistondagilarning hammasi ham Koreyadagi real hayotni bilishmaydi, balki joyi kelganda, haqiqatni aytish kerakmikin???
Ilohim, hamma yurtdoshlarimizga oila a'zolari oldida sog'lom qaytib borish nasib qilsin. Qilgan mehnatlarining rohatini ko'rsinlar!
O'zingizni ehtiyot qiling!
@seul_global_markazi

Assalomu alaykum, Koreyadagi yurtdoshlar!
Yurtdoshimiz Madrakhimov Azzijo og‘ir dard — miya saratoni (Glioblastoma Multiforme) bilan kurashmoqda ekanlar. Ular bir necha yil davomida jarrohlik amaliyotlari, radiatsiya va kimyoterapiya muolajalarini boshdan kechirgan bo‘lsa-da, hozir ham muntazam davolanish va nazorat ostida qolmoqdalar.
Kasallik sababli davolanish xarajatlari juda katta bo‘lib, oilaning moddiy ahvoli ham og‘irlashgan. Shu sababli saxovatpesha yurtdoshlarimizdan imkon qadar yordam berishlarini so‘rab qolamiz.
🤲
Bir insonning dardiga malham bo‘lish — eng ulug‘ savoblardan biridir.
Payg‘ambarimiz Muhammad ﷺ: "Kim bir mo‘minning dunyoviy g‘amlaridan birini yengillashtirsa, Alloh uning qiyomatdagi g‘amlaridan birini yengillashtiradi."
💳
Ehson uchun hisob raqami
: Hana Bank 722-910461-14107 MADRAKHIMOV AZZIJO
📞
Bog‘lanish uchun:
010-4498-5833
Sizning ozgina ehsoningiz ham davolanish xarajatlariga katta yordam bo‘lishi mumkin.
🤲
Alloh taolo qilgan sadaqa va ehsonlaringizni o‘z dargohida qabul qilsin, rizqingizga baraka va oilangizga salomatlik ato etsin.

(고유지원금)Yoqilg'i narxi oshishi sabab davlat tomonidan beriladigan yordam puli
Chet elliklar orasida F-5, F-6 va F-2-4 viza egalari ariza qilishlari mumkin.
Oson ariza qilish yo'li: 신한(Shinhan) 하나(Hana) 우리(Woori)카드 앱 karta ilovasi orqali ariza qilish mumkin.
Ariza topshirish tug'ilgan yilning oxirgi raqamiga qarab o'sha kunga topshiriladi.
Dushanba: 1, 6 (masalan, 1981-yil va 1996-yilda tug'ilganlar)
Seshanba: 2, 7
Chorshanba: 3, 8
Payshanba: 4, 9
Juma: 5, 0
Agar tasdiqlansa, kamida 100ming won beriladi.
@seul_global_markazi

📣
Janubiy Koreyada 2026-yilning Qurbon Hayiti qachon?
Janubiy Koreyada
2026-yilning Qurbon Hayiti 27-MAY (chorshanba) kuni
deb rasman e'lon qilindi.
Manba:
Koreya Musulmonlar Federatsiyasi (KMF)
KMF:
02-793-6908.
Eslatma!
Koreyada Hayit namozini o'qish vaqti har bir hududdagi masjidlarda o'sha yerdagi sharoitdan kelib chiqib belgilanadi.
—————————
🔸
Hayit namozini o'qish tartibi:
[VIDEO]
(Bu video pandemiya paytida yozilgani uchun orada masofa saqlangan)
🔸
Koreyadagi masjid va musallalarni topish uchun mobil dastur:
[LINK]
🔸
Koreyada masjidlar manzilini topishning oson yo'li:
[LINK]
(borishdan oldin tekshirib oling)
📱
KakaoMapdagi manzillar jamlamasi:
[LINK]
#HayitQachon
#KoreyadaHayit
#KoreyadaHayitQachon
—————————
Kanalga a'zo bo'lish uchun:
👉
t.me/SalomKorea
Koreyadagilar uchun guruh:
👉
t.me/SalomKoreya
Koreyadagi startapchilarga:
👉
t.me/OasisStartup
Koreyaga kelmoqchi bo'lganlar uchun:
👉
https://t.me/Koreyaginam

⚠️
출입국 (Immigratsiya) nomidan qilinayotgan ovozli firibgarliklardan ehtiyot bo‘ling!
Seoul 출입국·외국인청 rasmiy ravishda ARS avtomatik qo‘ng‘iroqlari orqali hech qachon shaxsiy ma’lumot talab qilmasligini ma’lum qildi.
Yaqinda
+0068210695059682 kabi xalqaro raqamlardan qo‘ng‘iroq qilib:
“Immigratsiyaga topshirishingiz kerak bo‘lgan hujjatlar bor.” “1 tugmasini bossangiz 담당자ga ulanadi.”
degan avtomatik ovozli xabarlar tarqalmoqda.
❌
Bunday qo‘ng‘iroqlarda hech qachon tugma bosmang!
❌
Pasport, ARC karta raqami, bank ma’lumoti yoki boshqa shaxsiy ma’lumotlarni bermang!
Immigratsiya idoralari odatda bunday usulda shaxsiy ma’lumot so‘ramaydi. Shubhali qo‘ng‘iroqlarga aldanib qolmang va atrofdagilarni ham ogohlantiring.

📣
Ayrim talabalarning F-3 vizadagi turmush o'rtog'iga ishlash uchun ruxsat olish tartibi
(2026-03-30)
Koreya immigratsiyasi tomonidan yaqinda joriy qilingan bu yangi imkoniyat hozircha
sinov tariqasida 1 yil davomida (2026-03-30 ~ 2027-03-29 gacha) amal qilishi belgilangan.
Undan keyin bu imkoniyatni bo'lish yoki bo'lmasligiga alohida qaror qilinadi.
F-3 vizadagilar quyidagi vizalardan biriga bog'liq bo'lsa, postda keltirilgan cheklangan sohalardan tashqari boshqa ishlar uchun tegishli hujjatlarni tayyorlab, immigratsiyaga topshirib, oldindan ruxsat olish orqali ishlashlari mumkin bo'ldi:
- D-2-3 (magistr),
- D-2-4 (PhD),
- E-1, E-3, E-4, E-5.
✅
Bu imkoniyatdan foydalanish uchun F-3 vizadagi kishi Koreya qonunchiligi bo'yicha voyaga yetgan bo'lishi kerak. Shuning uchun rasmiy manbada shunchaki "배우자" deb emas, aynan "성년 배우자" deb yozilgan. Koreyada voyaga yetish yoshi 19 yosh deb belgilangan.
✅
2026-04-22 sanasidan boshlab bu imkoniyat uchun immigratsiyaga bormasdan,
hikorea.go.kr
sayti orqali ham ruxsat olishga onlayn ariza topshirish imkoniyati ko'zda tutilgan.
Batafsil ma'lumot postdagi rasmda keltirilgan.
*Eslatma:
Yuqorida sanab o'tilgan asosiy vizalardan tashqari yana boshqa ayrim vizalarga bog'liq bo'lgan F-3 vizadagilarda ham ruxsat olib, ma'lum sohalarda ishlash imkoniyati bor. Bu haqida keyinroq alohida post qilamiz.
Kanalga a'zo bo'lish uchun:
👉
t.me/SalomKorea
Koreyadagilar uchun guruh:
👉
t.me/SalomKoreya
Koreyadagi startapchilarga:
👉
t.me/OasisStartup

MAQSADLILAR BIRLASHGANDA | UMIDJON ISHMUKHAMEDOV & MUHAMMADALI ESHONQULOV
Bu galgi suhbatimiz mehmonlari — ustoz Umidjon Ishmukhamedov (“Millat Umidi” asoschisi) va Muhammadali Eshonqulov (“Yuksalish” maktab asoschisi).
Suhbatimiz davomida ta’lim, shaxsiy rivojlanish va yoshlar kelajagi haqida muhim va chuqur mavzularni muhokama qildik. Ushbu suhbat siz uchun foydali bo‘ladi degan umiddamiz.
Videoni ko‘rib, yaqinlaringizga ham ulashsangiz mamnun bo‘lamiz. Ajratgan vaqtingiz uchun rahmat, haqqimizga duoda bo‘lishni unutmang.
https://www.youtube.com/watch?v=eviing0xGOM

Koreya maktabida qatnaydigan bolalarning ota-onalari uchun Seul shahar ta'lim boshqarmasi tomonidan har xil seminar, treninglar o'tkazib turiladi.
Quyidagi saytga a'zo bo'lib har xil seminarlarga onlayn/oflayn qatnashsangiz bo'ladi. Sayt manzili:
https://parents.sen.go.kr/
Har xil mutaxassislar, yozuvchilar, professorlar seminarni olib borishadi. Juda foydali. Keyingi seminarga yozilish 8-aprelgacha ekan. Mavzulariga qarasangiz, hozirgi kundagi dolzarb mavzulardan hisoblanadi.
Ma'lumot sifatida bilib qolsak, zarar qilmaydi deb o'ylayman.
Boshqa viloyatdagilar uchun o'xshash sayt manzili
bu yerda
@koreyada_farzand_tarbiyasi

Uy ijara shartnomasi haqida xabar berish tizimi
Koreys tili va o'zbek tilida
Ma'lumot Seul Chet elllik Fuqarolar Markazi tomonidan tayyorlangan.
@seul_global_markazi