Sevgi haqida sherlar
AZIZIM
Og‘ir botdi so‘zlaring, jindek,
O‘z-o‘zimdan pushaymon yedim.
Mendan buni kutmaganingdek,
Sendan buni kutmagan edim.
Xalaqit beradi masofa,
Yuragingda qoldirib izim.
Kechir, xayollaring uchirgan
Begona shamolman, azizim.
Hadimni bilmaslik — gunohim,
Ishq — qalbimda yonayotgan cho‘g‘.
Meni kimlargadir o‘xshatma,
Erkim hali sotilgani yo‘q.
Mendagi tashvishlar seniki,
Nazarga bir bora ilmaysan.
Sendagi bari dard men bilan
Tunu kun yashashin bilmaysan.
Biror kun tushingda yo‘qlasam,
Eng yaxshi yomonman, azizim.
Ruxsatsiz sochingni silagan
Begona shamolman, azizim.
©
Botir Bannop (
©
BB)
https://t.me/sevgi_haqida_sherlarimiz
🔥
Meniki bo‘lmagan faqat sen qolding...
Yurakni ozorlab to‘ymaydi firoq,
Manzillar yaqinu ko‘ngillar yiroq,
Men neni xohlasam erishdim biroq,
Meniki bo‘lmagan faqat sen qolding...
Dilimga havaslar to‘ldirdi dunyo,
Gullatdi gohida so‘ldirdi dunyo,
Bo‘lmagan ishimni bo‘ldirdi dunyo,
Meniki bo‘lmagan faqat sen qolding...
Eslasam ko‘zimda paydo bo‘lar nam,
Ichimni yoritmas yoqilsa ham sham,
Hamma narsam boru hayotda erkam,
Meniki bo‘lmagan faqat sen qolding...
Ishqimni soylarga so‘zlab o‘tyapman,
Visoling hayolda ko‘zlab o‘tyapman,
Yillarki kechalar bo‘zlab o‘tyapman,
Meniki bo‘lmagan faqat sen qolding...
Meni suyganlarga mening xushim yo‘q,
Oh seni ko‘rmagan biror tushim yo‘q,
Qo‘limda nima bor bunga ishim yo‘q,
Meniki bo‘lmagan faqat sen qolding...
Baxtliman deb qo‘yar gohida tilim,
Inkor qilaverar barchasin dilim,
Borligi quvonchim bo‘lgan sevgilim,
Meniki bo‘lmagan faqat sen qolding...
Yurakni har kecha qiynaydi firoq,
Manzillar yaqinu ko‘ngillar yiroq,
Men neni xohlasam erishdim biroq,
Meniki bo‘lmagan faqat sen qolding...
📝
Muallif: Zohid Ziyo...
https://t.me/sevgi_haqida_sherlarimiz
* * * *
Qarshingga kelganman doldek egilib,
Mehringdan hech judo etmagin meni.
Axir dunyolarni kezib, sargardon,
Million yil deganda topganman seni.
Tushun muhtojingman, g‘amlarga cho‘kkan,
Sening g‘aribingman, mehrga to‘ldir.
Bir fursat bo‘lsang-da, ko‘nglim bahori,
So‘ng mayli, roziman o‘ldirsang, o‘ldir.
Qarshingga kelganman takror egilib,
Hokisor bu dilim mehrga to‘ldir...
©
DILAFRO‘Z JAMOL.
https://t.me/sevgi_haqida_sherlarimiz
✍
Nurullo Nurliy
https://t.me/sevgi_haqida_sherlarimiz
Olislardan sevaman...
Hamma oshiqlarning asli dardi bir,
Yurakda aytilmas, ketmas gardi bir,
Qoʻrqoqlari birki, jasur, mardi bir,
Olislardan turib sevaman seni!
Koʻngillar yaqin-u manzillar uzoq,
Orzuyim visol-u yetganim firoq,
Qaysar yurakchangga aytib qoʻy biroq,
Olislardan turib sevaman seni!
Hayolim lolazor, bagʻrim tikanzor,
Tuygʻularim chalkash, hislarim bozor,
Hatto tushlarimda totganim ozor,
Olislardan turib sevaman seni!
Koʻzlaringni koʻrmay yigʻlaydi koʻzim,
Qismatdan soʻrayver holimga toʻzim,
Hatto oʻz ustimdan kulay deb oʻzim,
Olislardan turib sevaman seni!
Joning ogʻritmasin joningdagilar,
Ham yaxshi, ham yomon oningdagilar,
Haddidan oshmasin yoningdagilar,
Olislardan turib sevaman seni!
Bahorda qalbimga qoʻnmaydi bahor,
Mumtozbegim mushtoq, telba , intizor,
Oʻzingni asragin koʻnglimdagi yor,
Olislardan turib sevaman seni!
✍
Mumtozbegim
@sevgi_haqida_sherlarimiz
☝️
Obuna bo‘lishni unutmang!
06.06.2026 chiroyli sanadamiz
#ПРЕМЬЕРА
🔥
Cho‘pon yutib ketdi...
Bir zamonda bir yurt qo‘ynida,
Juda go‘zal masjid bor edi...
Bir imom ham bor edi unda,
U imomga omad yor edi...
Dars berardi Alloh ilmidan,
Yesa faqat halol yer edi,
Goh gohida so‘zin so‘ngida,
Cho‘pon yutib ketdi der edi...
Talabalar hayrondir bundan,
Ko‘p aytardi bu gapni imom...
Tushunishmas edi hech biri,
Voqifmasdi bu ajib sirdan...
To‘planishdi ular bir kuni,
Bir savol bor g‘azabdan qayting,
Takrorlaysiz shu gapni ko‘p bor,
Cho‘pon neni yutdilar ayting...
Imom kulib chordona qurdi,
So‘z boshladi bizlar yosh edik...
Do‘stim bilan tahorat olib,
Birga namoz o‘qiymiz dedik...
Ibodatni boshlar onimiz,
Kelib qoldi uzoqdan cho‘pon...
Sizlar bilan ibodat qilsam,
Berasizmi dedilar imkon...
Birga namoz o‘qidik keyin,
Xushimizga bir xis urildi...
Keling duo qilaylik deya...
Cho‘pon bizga qarab burildi...
Men boshladim bir masjid bo‘lsa,
Imom bo‘lsam qaniydi robbim...
Gar bandangga bir imkon bersang,
Kalomingdan dars berar edim...
Do‘stim aytdi yo parvardigor,
Qo‘li ochiq boylardan bo‘lay...
Ehson qilay nochorga yordam,
Qarzdorlar qarzlarin to‘lay...
O‘sha onda cho‘pon qo‘l ochib,
Biz kutmagan duoni qildi...
Men sendan ming roziman tangrim,
Sen ham mendan rozi bo‘l endi...
Yillar o‘tdi men masjiddaman,
Dars beraman yoshu qariga...
Duolarim ijobat bo‘lgan,
Shukur qilgum buni bariga...
Do‘stim ham u katta shaxarda,
Boylardan ham boy bo‘lib ketgan...
Aniq bildim u on so‘ragan,
Duosiga ijobat yetgan...
U paytda so‘ragan barcha,
Narsamizga egamiz bugun...
Demak cho‘pon yutib ketibdi,
Haqdan rizo so‘ragani uchun...
Bir paytlar bizlar tilagan,
Duolarga ijobat yetdi...
Oddiygina qo‘y boqib yurgan,
Cho‘pon bizdan oldinlab ketdi...
📝
Muallif: Zohid Ziyo....
@sevgi_haqida_sherlarimiz
🥀
JIMGINA YIG‘LAYMIZ...
Ko‘chalarda ko‘zni yoshlamay,
Sog‘inchlarda dilni g‘ashlamay,
Bevafoga nigoh tashlamay,
Kel, jimgina yig‘laymiz yurak.
Muhabbatdan noma bitmaymiz,
Ko‘chasidan endi o‘tmaymiz,
Bag‘ritoshdan najot kutmaymiz,
Kel, jimgina yig‘laymiz yurak.
Talab qilib ko‘ksim o‘ymagin,
Hijronida bag‘rim so‘ymagin,
Sog‘inganim sotib qo‘ymagin,
Kel, jimgina yig‘laymiz yurak.
Dunyolarga faryod solmasdan,
Ismin endi tilga olmasdan,
G‘ururimiz o‘lib qolmasdan,
Kel, jimgina yig‘laymiz yurak.
Dilni yoqib,o‘tsiz tutunda,
Oyga boqib zimiston tunda,
Hasratimiz sezishmas shunda,
Kel,jimgina yig‘laymiz yurak.
Ohlarimiz yo‘lini to‘sib,
Sog‘inchimiz dorlarga osib,
Ko‘zimizni yostiqqa bosib,
Kel,jimgina yig‘laymiz yurak.
Kelishdikmi,g‘amga botish yo‘q,
Qovrulsakda na’ra tortish yo‘q,
Bevafoga meni sotish yo‘q,
Kel,jimgina yig‘laymiz yurak,
Dardimizni ichlarga yutib,
Tushimizda diydorin kutib,
Yuzimizni yomg‘irga tutib,
Bildirmasdan, yig‘laymiz yurak.
Kel, jimgina yig‘laymiz yurak.
Maktuba SHAYDO
@sevgi_haqida_sherlarimiz
OTA UY
Otamdayin kutgil meni ota uy ,
Sog‘inchim ostonang supirsa kelib .
Armonim birma- bir o‘ldirsam deyman ,
Ukamda padarim siymosin ko‘rib .
Otamdayin suygin meni ota uy ,
Har kun kelishlarim kutgil intizor .
Yurakda alamning uchquni so‘lsin ,
Onam ko‘zlarida yashasa bahor .
Tortinib bossam - da , qadamim gohi ,
Yoshligim xumori tutsin qo‘limdan.
O‘sha eski ayvon burchagi yig‘lar ,
Ro‘zg‘or degan tashvish chiqsa yo‘limdan .
Bilasan yetimning to‘lmaydi bag‘ri ,
So‘ringda bormikan o‘tmishning izi ?
Jimirlab vujudim tilka - tilkadir ,
Bag‘ritosh ekanman --- osmonning qizi .
Otamdayin kutgil meni ota uy ,
Ostonang sizlasa sog‘inchim kelib .
Armonlarim birma - bir o‘lsinlar endi ,
Hovlingda mehribon ukamni ko‘rib....
✍️
Baxtiyor Ikromov
@sevgi_haqida_sherlarimiz
Olislardan sevaman...
Hamma oshiqlarning asli dardi bir,
Yurakda aytilmas, ketmas gardi bir,
Qoʻrqoqlari birki, jasur, mardi bir,
Olislardan turib sevaman seni!
Koʻngillar yaqin-u manzillar uzoq,
Orzuyim visol-u yetganim firoq,
Qaysar yurakchangga aytib qoʻy biroq,
Olislardan turib sevaman seni!
Hayolim lolazor, bagʻrim tikanzor,
Tuygʻularim chalkash, hislarim bozor,
Hatto tushlarimda totganim ozor,
Olislardan turib sevaman seni!
Koʻzlaringni koʻrmay yigʻlaydi koʻzim,
Qismatdan soʻrayver holimga toʻzim,
Hatto oʻz ustimdan kulay deb oʻzim,
Olislardan turib sevaman seni!
Joning ogʻritmasin joningdagilar,
Ham yaxshi, ham yomon oningdagilar,
Haddidan oshmasin yoningdagilar,
Olislardan turib sevaman seni!
Bahorda qalbimga qoʻnmaydi bahor,
Mumtozbegim mushtoq, telba , intizor,
Oʻzingni asragin koʻnglimdagi yor,
Olislardan turib sevaman seni!
✍
Mumtozbegim
@sevgi_haqida_sherlarimiz
☝️
Obuna bo‘lishni unutmang!