Sevgi haqida sherlar

Onajon men sizga qo‘ng‘iroq qilay.
(Musofir o‘g‘il nomidan)
Yuribman ro‘zg‘or deb, arvasin tortib.
Bemehr o‘gilman burchimni bilay.
Bitmas tashvishlardan bir zumga ortib.
Onajon men sizga qo‘ng‘iroq qilay.
Men sizdan olisda o‘zimdan ortmay.
Yuribman yulingiz tunda yoritmay.
Sog‘inchni o‘ldirib, sizni qaritmay.
Onajon men sizga qo‘ng‘iroq qilay.
Meni sog‘ingansiz men ham sog‘indim.
Kuksimga musht o‘rib o‘zdan og‘rindim.
Suratingiz quchib zo‘rg‘a ovindim.
Onajon men sizga qo‘ng‘iroq qilay.
Musofirlik dardi dilimni ezdi.
Sog‘inib o‘g‘lingiz har nedan bezdi.
Sizdan olislarda qadringiz sezdi.
Onajon men sizga qo‘ng‘iroq qilay.
O‘g‘lim degan ovoz bossin xumorim.
Musofirda o‘tar yoz, qish, bahorim.
Yerdagi farishtam ham yo‘g‘-u borim.
Onajon men sizga qo‘ng‘iroq qilay.
Sizdan olis bo‘ldim, pul  topay deya.
Ortda qolib ketdim, tez chopay deya.
Sizni o‘ylamadim o‘z g‘amim yeya.
Onajon men sizdan kechirim so‘ray.
Maza-matrasi yo‘q yegan oshimda.
Qiynar meni sog‘inch bu yosh boshimda.
Kasal bo‘lsam hech kim turmas qoshimda.
Onajon har damda siz bilan bo‘lay.
Kim do‘st dushman bildim, oq-qora ko‘rib.
Tun-u kun ishladim tik oyoq turib.
Qadringizni bildim musofir yurib.
Onajon men sizga qo‘ng‘iroq qilay.
Qaytayin yoningizga o‘g‘lingiz bo‘lay.
✍
Sobitjon Eshtemirov.

✍
Sobitjon Eshtemirov.
💻
🎙
Saidxon uz.

💻
🎙
Saidxon uz. Mira.
✍
Sobitjon Eshtemirov.

Bosh ustiga bevafo!
Ketaman deding mana
Yurakni yeding yana
Boraver endi ana
Bosh ustiga bevafo
Xiyonatga botibsan
Endi qayda yotibsan
Sevgimizni otibsan
Tosh ustiga bevafo
Yillar soching tarashgan
Chiroyinga qarashgan
Ajinlaring yarashgan
Qosh ustiga bevafo
Yetdim desam yiqildim
Azobingda siqildim
Tomog'imga tiqildim
Osh ustiga bevafo
Sevgimiz bo'ldi armon
Bo'lmading dardga darmon
Ko'zimda marjon marjon
Yosh ustiga bevafo
Xiyonating o'q endi
Menga farqi yo'q endi
Ketavergin xo'p endi
Bosh ustiga bevafo.
(Mualliflik huquqi bilan himoyalangan)
Farhod Mo'min. 11.04.2025 yil.
@sevgi_haqida_sherlarimiz

#premyera
Bahtlimisiz sevilmaganlar
Yuraklari kemtikib, urgan
Dardlarini ichiga yutgan,
Erta xazon guldek sòligan
Bahtlimisiz, sevilmaganlar
Kòngil olib ,yolģon bo'lsa ham,
Uxlamaysiz yarim tunda ham,
Sevgi yo'qdir,ko'zingizda nam
Bahtlimisiz ,sevilmaganlar
Hayot achchiq zardobin yutib,
Òzingizni ,butkul unutib,
Xiyonatkor erga ham kònib
Bahtlimisiz, sevilmaganlar
Tunlar sochin taraydi hurlar,
Tongda shabnam ,yuvadi yuzlar,
Shirin sòzga,muhtojdir dillar
Bahtlimisiz, sevilmaganlar
Xislarini yashirib ichga,
Jim yashaydi,kònib bariga,
Farzandlaringiz bilan birga
Bahtlimisiz, sevilmaganlar
Mehrli nigohni ,sog'inib yashar,
Turfa urushlardan, yuragi qaqshar
Hayolida ketsaydi Maxshar
Bahtlimisiz, sevilmaganlar
Sevmoq gòzal asli,sevilmoq go'zal,
Shoirlar siz uchun bitadi g'azal
Bilsayding, hammadan eng go'zali bu
Sevganing bilan birga,qarimoq go'zal
Muallif:
✍
Tursunoy Dushamova
@sevgi_haqida_sherlarimiz

OMAD KЕLGANDA
G‘am qaddimni ekkanda
Ketdingiz qilib xanda,
Gaplashamiz siz bilan,
Hali omad kelganda.
Kuyib nima qilaman,
O‘shanda men kulaman,
Kelishingiz bilaman,
Menga omad kelganda.
Borimda oshimni yeb,
Yo‘g‘imda boshimni yeb,
Kelasiz jigarim deb,
Menga omad kelganda.
Goh do‘stimdek boqasiz,
Goh g‘animdek chaqasiz,
Eshigimni qoqasiz,
Hali omad kelganda.
Umr shamoldek yelar,
Hayot elakda elar,
Balki sizga g‘am kelar,
Menga omad kelganda.
Xurshid Karim
@sevgi_haqida_sherlarimiz

(Oʻsha mashxur boʻlgan she’rim)
Sal rangim oqarsa soʻraysan holim
Erkalab aytasan"Hayotim, borim"
Senga bir sirimni ochaymi yorim
Bemorlik ham yoqar yonimda boʻlsang
Aytganim muhayyo qilasan zumda
Parvona boʻlasan hoh yarim tunda
Atay ham betobman har ikki kunda
Bemorlik ham yoqar yonimda boʻlsang
Boshlangan kunlarim mazmuni oʻzing
Mehrla boqadi bu qaro koʻzing
Faqat mening uchun kulsa bu yuzing
Bemorlik ham yoqar yonimda boʻlsang
Baxtlarga toʻldirding har bir kunimni
Muhabbat bobida axtliman bilsang
Jannatda ham oʻzing tutsang qoʻlimni
Betoblik ham yoqar yonimda boʻlsang
Baʼzida koʻnglingni qilaman yarim
Seni yaxshi koʻraman Alloh berganim
Sen boʻlsang yonimda qolmaydi kamim
Bemorlik ham yoqar yonimda boʻlsang
Yonimdan ketmaysan bir qadam nari
Dorilar tutasan tabib singari
Sevgingni kuchini koʻrganim sari
Bemorlik ham yoqar yonimda boʻlsang...
Yelib-yugurasan koʻnglimni olib
Umidsiz qalbimga umidlar solib
Men bilan boʻlganda ishlaring qolib
Bemorlik ham yoqar yonimda boʻlsang
Yoʻllarim intizor har kuni kutsang
Soatlar toʻxtaydi qoʻlimdan tutsang
Yonimda gʻamlarni mutloq unutsang
Bemorlik ham yoqar yonimda boʻlsang
Yuz-u, koʻzlaringda havotir kezar
Bilaman qalbingni nimalar ezar
Balki koʻngling sezmas, yo balki sezar
Bemorlik ham yoqar yonimda boʻlsan
Qalbimda sevgini yaratganimsan
Doimo tug'ri yul ko'rsatganimsan
Alloh deb qiblaga qaratganimsan
Bemorlik ham yoqar yonimda boʻlsang
Tanamdan jonimni olsa ham Xudo
Roziman shu on ham yonimda tursang
Ahir qalbimiz bir boʻlmaymiz judo
Oʻlim ham yoqadi yonimda boʻlsang...
Yasemin
@sevgi_haqida_sherlarimiz

QIZI BOR OTALAR
Hayoti quvonch-u, nurga to‘larkan,
Uylari iforli gulga to‘larkan,
Qiz bola bilarkan ota qadrini,
Qizi bor otalar baxtli bo‘larkan.
Ko‘ngillar tin olar mehrin taftidan,
Parilar suv ichar nozik kaftidan,
Quvonib yayrarlar bir kun baxtidan,
Qizi bor otalar baxtli bo‘larkan.
Yog‘ tushsa yalarlik ostonasini,
Mehrla bezarkan dil xonasi,
Alloh yarlaqagay peshonasini,
Qizi bor otalar baxtli bo‘larkan.
Jonga darmon bo‘lar shirin so‘zlari,
Gul-u, rayhonlarga to‘lar izlari,
Jannat eshiklarin ochar qizlari,
Qizi bor otalar baxtli bo‘larkan.
Bu dunyo o‘tkinchi, o‘tkinchi g‘amlar,
Goh quvonch, goh g‘amdan ko‘zlarda namlar,
O‘g‘lim yo‘q deb g‘amga botmang odamlar,
Qizi bor otalar baxtli bo‘larkan.
@sevgi_haqida_sherlarimiz

Asirman
Asirman yurakning farmonlariga,
Muhabbat tikoni dilim qonatar.
Sen mendan olislab ketganing sari,
Bu ishq na o‘ldirar, na-da yashatar.
Sezaman, azizim, olis tunlarda,
Alamdan ovozsiz o‘ksib yig‘laysan.
Poyingda gul kabi yotgan ko‘nglimni
Ko‘rib turasan-u, qo‘lga olmaysan.
Asli men tush edim — qaytib kelmas tush,
Uyg‘onding uyqungdan, o‘ngingdan ketdim.
Muhabbat jomidan tomgan bir tomchi
Lablarimda qoldi, o‘zni unutdim.
Qalbingning bir ovloq manzillarida
Yuragimdan toshgan sog‘inchlarim bor.
Bilaman, sog‘inchga to‘lgansan sen ham,
Ammo yo‘qdir endi biz kutgan diydor.
Asirmiz yurakka, lekin qalbimiz
Bizlarga bergandir ixtiyorini.
Tuyg‘ular tob bermas bizning dunyoga,
Faqat jim tinglaymiz ko‘ngil zorini.
Xurshida Namazbayeva she’ri
@sevgi_haqida_sherlarimiz

Yalinmanglar yaratilganga.
Najot kutib, tangriga yuyib,
Nigohingiz qaratilganga,
Yaratganni unutib qoʻyib,
Yalinmanglar yaratilganga.
Inson zoti tuymas ochofat,
Keltiradi turfa tolofat.
Bandasidan kutib iltifot,
Yalinmanglar yaratilganga.
Toʻqlikka bu shoʻxlikmi yoki,
Oʻzidan shoh yasar goʻyoki.
Vallomati boʻlsa ham zoti,
Yalinmanglar yaratilganga.
Yalinib soʻz degandan koʻra,
Minnatli osh yegandan koʻra,
Yaratganning oʻzidan soʻra,
Yalinmanglar yaratilganga.
Xudo berar rizq-u oshingiz,
Tukmang hatto koʻzda yoshingiz.
Magʻrur tuting, egmang boshingiz,
Yalinmanglar yaratilganga.
Yiqildingmi, yana qayta tur,
Hamma ishing, ishon, boʻlar zoʻr.
Sajdaga bosh qoʻyib soʻrab koʻr,
Yalinmanglar yaratilganga.
Oʻtmay qolsin nonga tishingiz,
Bitmay qolsin mayli ishingiz.
U hoh boʻlsin yaqin kishingiz,
Yalinmanglar yaratilganga.
Yordam kutmang yolgʻon dunyodan,
Bandasi koʻr yolgʻon ruyodan.
Soʻrang, berar faqat Xudodan,
Yalinmanglar yaratilganga.
✍
Sobitjon Eshtemirov.23.04.2026.