TATU rektori Baxtiyor Maxkamov

#DIQQAT
Hurmatli universitet xodimlari va talabalari!
🚫
So‘nggi kunlarda noma’lum shaxslar tomonidan universitet rahbariyati nomidan soxta Telegram profillari ochilib, o‘qituvchi va xodimlarga turli topshiriqlar berish hamda xabarlar yuborish holatlari kuzatilmoqda.
Raqamli texnologiyalar va sun’iy intellekt jadal rivojlanayotgan bugungi kibermakonda firibgarlar tomonidan tashkil etilayotgan bunday aldovlarga aldanmasligingizni qat’iy so‘raymiz.
❗️
Iltimos, quyidagilarga alohida e’tibor bering:
— noma’lum yoki shubhali profillardan kelgan xabarlarga ishonmang;
— shaxsiy va maxfiy ma’lumotlaringizni hech kimga yubormang;
— moliyaviy masalalarga oid topshiriqlarni faqat rasmiy manbalar orqali tasdiqlang.
Aks holda, firibgarlar sizning shaxsiy ma’lumotlaringizni qo‘lga kiritishi yoki hisobingizdagi mablag‘larni noqonuniy yo‘l bilan o‘zlashtirishi mumkin.
❗️
Ogoh bo’ling, yolg’on xabarlarga aldanib qolmang.
Rasmiy manbaalar:
Rasmiy telegram kanal:
@tuituz_official
Rasmiy sayt:
tuit.uz
Rektorning murojaat boti:
@taturasmiybot
Har qanday xabarlarni
@tuitpress
profiliga yuborish orqali tasdiqlatib olishingiz mumkin.
✈️
@taturektori

#Ispaniya
|
#Rektorlar_forumi
🇺🇿
🇪🇸
Madrid shahrida O‘zbekiston va Ispaniya OTMlari rektorlarining birinchi forumi boshlandi
10-iyun kuni Ispaniya Qirolligining Madrid shahrida O‘zbekiston va Ispaniya oliy ta’lim muassasalari rektorlarining birinchi forumi o‘z ishini boshladi.
Forum Madrid va Barselona shaharlarida o‘tkazilishi rejalashtirilgan bo‘lib, unda O‘zbekistondan 30 nafarga yaqin oliy ta’lim muassasasi rektorlari ishtirok etmoqda.
Forum doirasida
“Opportunities for Cooperation: Green and Digital Transition”
mavzusidagi panel sessiyada moderator sifatida qatnashdim. Mazkur sessiyada yashil va raqamli transformatsiya jarayonlarida universitetlar o‘rtasidagi hamkorlik imkoniyatlari, innovatsion ta’lim yondashuvlari hamda raqamli iqtisodiyot uchun zamonaviy kadrlar tayyorlash masalalari muhokama qilinmoqda.
📌
Forum davomida Ispaniyaning yetakchi universitetlari bilan ta’lim va ilm-fan sohasida o‘zaro manfaatli aloqalarni kengaytirish, qo‘shma ta’lim dasturlari va ilmiy loyihalarni amalga oshirish, professor-o‘qituvchilar hamda talabalar almashinuvini yo‘lga qo‘yish, qisqa muddatli stajirovkalar tashkil etish, ma’ruzalar va seminarlar o‘tkazish bo‘yicha hamkorlik masalalari ko‘rib chiqiladi.
✈️
@taturektori

#tashrif
#hamkorlik
🇺🇿
🇪🇸
TATU delegatsiyasi Madrid Politexnika universitetiga tashrif buyurdi
✅
Muhammad al-Xorazmiy nomidagi Toshkent axborot texnologiyalari universiteti delegatsiyasi Ispaniyaning nufuzli oliy ta’lim muassasalaridan biri —
Madrid Politexnika universitetiga
(Universidad Politécnica de Madrid)
tashrif buyurdi.
Tashrif davomida Madrid Politexnika universiteti rektori
Óscar García Suárez bilan rasmiy uchrashuv tashkil etildi
. Muzokaralar davomida ikki universitet o‘rtasidagi mavjud hamkorlik aloqalari, qo‘shma ta’lim va ilmiy loyihalar hamda istiqboldagi hamkorlik yo‘nalishlari muhokama qilindi.
Ma'lumot uchun: TATU va UPM o‘rtasida 2019-yildan buyon Erasmus+ dasturi doirasida 3 ta hamkorlik loyihasi amalga oshirilgan bo‘lib, yana 2 ta yangi loyiha yo‘lga qo‘yilishi rejalashtirilgan. UPM universiteti QS 2026 dunyo universitetlar reytingida 334-o'rinni egallagan.
Shuningdek, delegatsiya universitetning Telekommunikatsiya tizimlari va muhandisligi instituti faoliyati bilan yaqindan tanishdi. Institut rahbariyati tomonidan zamonaviy ilmiy laboratoriyalar va innovatsion loyihalar taqdim etildi.
✈️
@taturektori

#TATU
#TUIT
#RUR
#TOP750
#WorldUniversityRanking
TATU — dunyo TOP-750 universitetlari safida!
💻
Muhammad al-Xorazmiy nomidagi Toshkent axborot texnologiyalari
universiteti nufuzli
Round University Ranking (RUR)
xalqaro reytingida dunyo miqyosida
736-o‘rinni
,
O‘zbekiston oliy ta’lim tashkilotlari o‘rtasida esa
2-o‘rinni
qayd etdi.
RUR — Round University Ranking
dunyo universitetlari faoliyatini baholovchi xalqaro reyting tizimi bo‘lib, oliy ta’lim muassasalarini ta’lim sifati, ilmiy tadqiqotlar, xalqaro hamkorlik va moliyaviy barqarorlik kabi muhim yo‘nalishlar bo‘yicha tahlil qiladi.
E’tiborlisi,
TATU
ta’lim sifati yo‘nalishida dunyoning eng yaxshi universitetlari o‘rtasida 200-o‘rinni
egallad
i. Bu — universitetimiz uchun ulkan yutuq, katta e’tirof va xalqaro maydondagi muhim marradir.
Ushbu natija Yangi O‘zbekistonda oliy ta’lim tizimini modernizatsiya qilish, universitetlarning xalqaro raqobatbardoshligini oshirish, ilm-fan va innovatsiyalarni rivojlantirish borasidagi davlat islohotlarining hamda yaratilayotgan keng imkoniyatlardan oqilona foydalanilayotganining amaliy ifodasidir.
So‘nggi yillarda TATUda zamonaviy ta’lim standartlarini joriy etish, o‘quv jarayonlarini raqamlashtirish, professor-o‘qituvchilar salohiyatini oshirish, xalqaro hamkorlikni kengaytirish hamda talabalar uchun sifatli ta’lim muhitini shakllantirish yo‘lida tizimli islohotlar amalga oshirilmoqda.
Bugungi tarixiy natija — universitet jamoasi, professor-o‘qituvchilar, ilmiy tadqiqotchilar, talabalar va bitiruvchilarimizning fidokorona mehnati, intilishi va yuksak mas’uliyatining xalqaro e’tirofidir. TATUning RUR reytingidagi ushbu muvaffaqiyati universitetimizning global ta’lim maydonidagi nufuzi ortib borayotganini, xalqaro reytinglardagi o‘rni mustahkamlanayotganini hamda O‘zbekiston oliy ta’limi salohiyati dunyo miqyosida e’tirof etilayotganini yana bir bor tasdiqladi.
🚀
Bu — TATU uchun yangi bosqich, yangi mas’uliyat va yangi marralar sari dadil qadamdir!
Toshkent axborot texnologiyalari universiteti xalqaro maydonda o‘z nufuzini yanada mustahkamlab, Yangi O‘zbekiston taraqqiyotiga munosib hissa qo‘shishda davom etadi.
✈️
@taturektori

#XalqaroSummit
#TATU
#UNESCO
#IIOE
Xitoyning Shenjen shahrida bo‘lib o‘tayotgan “
Global Future Higher Education Summit: A New Ecosystem for AI-Driven Industry-Academia Collaborative Talent Development”
xalqaro sammitida ishtirok etdim.
Sammit doirasida
“Digital transformation of higher education in Uzbekistan: TUIT case”
mavzusida ma’ruza qilib, O‘zbekistonda oliy ta’lim tizimini raqamli transformatsiya qilish borasidagi islohotlar, TATUda ta’lim jarayonlarini raqamlashtirish, sun’iy intellekt texnologiyalarini o‘quv va ilmiy faoliyatga integratsiya qilish hamda IT-industriya bilan hamkorlikda kadrlar tayyorlashdagi tajribamizni namoyish etdim.
Bugungi kunda raqamli va sun’iy intellekt davri oliy ta’lim oldiga yangi talablarni qo‘ymoqda. Shu bois TATUda xalqaro hamkorlikni kengaytirish, amaliy ta’limni kuchaytirish va raqobatbardosh, xalqaro standartlarga mos yetuk mutaxassislar tayyorlash borasidagi ishlarni izchil davom ettiramiz.
✈️
@taturektori

#HuaweiICT2026
#TATU
#XalqaroGʻalaba
YANA BIR XALQARO G‘ALABA!
🏛
Muhammad al-Xorazmiy nomidagi Toshkent axborot texnologiyalari universiteti talabalari xalqaro maydonda navbatdagi tarixiy natijani qayd etdilar.
🇨🇳
Xitoyning Shenzhen shahrida bo‘lib o‘tgan Huawei ICT Competition 2026 Global
Final musobaqasida TATU talabalari tarkibidagi O‘zbekiston terma jamoasi yuqori natijalarni qo‘lga kiritdi.
🥇
Network Track (Tarmoq texnologiyalari) yo‘nalishida Azamat Qodirov boshchiligidagi TATU talabalari jamoasi (Jo‘ramirzayev Islomjon Adhamjon o‘g‘li, Boborajabov Muhammad Sodiq Davlatboyevich)
barcha raqiblarini ortda qoldirib,
1-o‘rinni qo‘lga kiritdi.
🥉
Cloud Track (Bulutli hisoblash)
yo‘nalishida esa O‘zbekiston jamoasi tarkibida
TATU vakili Hafizov Shukrullo Fayzullo o‘g‘li ishtirok etib, faxrli 3-o‘rinni qo‘lga kiritdi
🌟
Dunyoning 100 dan ortiq mamlakatidan barcha bosqichlarda 220 mingdan ziyod ishtirokchilar qatnashgan nufuzli musobaqada talabalarimiz networking yo‘nalishida dunyoning eng kuchli jamoasi ekanligini isbotladilar.
👏
Ushbu yutuq TATU va butun O‘zbekiston IT ta’limi salohiyatining xalqaro miqyosdagi yana bir yorqin e’tirofidir.
🇺🇿
Talabalarimiz, ularning ustozlari va murabbiylarini ushbu ulkan g‘alaba bilan samimiy tabriklaymiz! TATU talabalari dunyo sahnasida yana bir bor O‘zbekiston bayrog‘ini baland ko‘tardilar.
Bizni kuzating:
🚀
Telegram
📷
Instagram
🎬
You Tube
🔵
Facebook

#XalqaroHamkorlik
#TATU
#UNESCO
#IIOE
🇨🇳
Xitoyning Shenjen shahrida tashkil etilgan
“Global Future Higher Education Summit: A New Ecosystem for AI-Driven Industry-Academia Collaborative Talent Development” xalqaro sammiti
doirasida Muhammad al-Xorazmiy nomidagi Toshkent axborot texnologiyalari universiteti delegatsiyasi
va
UNESCO homiyligidagi Oliy ta’limda innovatsiyalar xalqaro markazi
(UNESCO-ICHEI) rahbari
Bi Xiaohan
o’rtasida uchrashuv bo‘lib o‘tdi.
📑
Uchrashuvda IIOE (International Institute of Online Education)ning O‘zbekiston milliy tarmog‘i bilan birgalikda TATUda Markaziy Osiyo universitetlari uchun online ta’lim tarmog’ini yo’lga qo’yish, unga mintaqaning yetakchi ta’lim muassasalarini jalb etish, sun’iy intellekt ekotizimini tashkil etish hamda universitetni mintaqaviy HUBga aylantirish loyihasini amalga oshirishga
qaratilgan memorandum imzolandi.
♻️
Shu bilan birga TATU va UNESCO-ICHEI o‘rtasida amalga oshirilayotgan hamkorlik loyihalari muhokama qilinib, hamkorlikni yangi yo‘nalishlarda kengaytirish masalalari ko‘rib chiqildi.
‼️
Ma’lumot uchun, TATU 2023-yildan buyon IIOEning O‘zbekistondagi milliy markazi sifatida faoliyat yuritib kelmoqda. IIOE tashabbusi UNESCO-ICHEI tomonidan ilgari surilgan bo‘lib, Osiyo, Afrika va Lotin Amerikasi mamlakatlaridagi oliy ta’lim muassasalari hamda sanoat hamkorlari o‘rtasida raqamli ta’lim va kadrlar tayyorlash sohasidagi hamkorlikni rivojlantirishga xizmat qiladi.
✈️
@taturektori

#1iyun
#BolalarBayrami
1-iyun — Xalqaro bolalarni himoya qilish kuni
munosabati bilan barcha bolajonlarni chin qalbdan tabriklayman!
Bolalar — hayotimiz quvonchi, Yangi O‘zbekistonning ertangi kuni va kelajagimiz bunyodkorlaridir. Ularning beg‘ubor kulgusi, orzu-intilishlari va yutuqlari doimo barchamizga ilhom bag‘ishlasin.
Bayram muborak, aziz bolajonlar!
✈️
@taturektori

БАХТ САРИ 5 ҚАДАМ
1️⃣
Ҳал қилинмайдиган муаммонинг ўзи йўқ. Шунчаки, хаёлни чалғитувчи вазиятлар бор, холос.
2️⃣
Ҳаётингизга янгилик киритишни истасангиз, ишни ўзингиздан бошланг. Зеро, ўзингиз ўзгармас экансиз, буни бошқалардан талаб қилиш тўғри бўлмайди.
3️⃣
Ҳеч қачон ҳеч нимадан афсусланманг! Ҳаммаси яхшиликка!
4️⃣
Бир эшикни очиш учун иккинчисини ёпишга тўғри келади. Аммо ортда қолганини зичлаб ёпингки, кейин  яна очиш истаги пайдо бўлмасин.
5️⃣
Ишонинг! Бу туйғу ҳар биримиз учун ғоят зарур! Ҳатто атрофингиздагилар "тамом бўлди" дейишса ҳам, "яшашни энди бошлаяпман" дея ишонч билдиринг. Ўзингизга, қалбингизга ва танлаган йўлингизнинг тўғрилигига...
Хуллас ишга барибир чиқиш керак....)

#Тафаккур
“КУЛФАТЛАР САБАБЧИСИ КИМ?”
Ота-онам ва бошлиқларим ишонч билан у мендан аввал туғилганлигини айтишади. Бу гап ҳақиқатми ёки йўқ билмайман – лекин шуни яхши биламанки унинг иродасига бўйсунмай, унинг изми-ихтиёрида бўлмаган бирор кунимни эслай олмайман. Туну кун у мендан ажралмайди; ундан қочиб қутилиш менинг ҳам хаёлимга келмайди – жуда қаттиқ ва мустаҳкам боғланиб қолганга ўхшайман... Ҳали ёш қизалоқ бўлган ўқувчим менга кўп ҳавас қилманг!.. Бундай таъсирли алоқа менга кулфатдан бўлак ҳеч нарса олиб келмади.
Биринчидан бу “қиз” меники, кечаю кундуз ёнимдан кетмасдан иш билан машғул бўлишимга сира йўл бермайди. У ўқиш, ёзиш, сайр қилиш, табиатдан баҳра олишимга мудом халақит беради.
Иккинчидан худди француз суюёоёқ аёлидек мени хонавайрон қилмоқда. Унинг менга нисбатан оташин муҳаббатига: карьера, шон-шуҳрат ва бадастир ҳаётимни қурбон қилдим. Унинг туфайли кийм-кечакларим афтадоҳол, арзон меҳмонхоналарни ошиён тутяпман, оғизга олиб бўлмайдиган таомларни тановул қилишга мажбурман, энг сифатсиз сиёҳ билан ёзаяпман... Еб тўймас юҳодек ҳамма нарсамни ямламай ютмқода у. Мен ундан нафратланаман, ирганаман. Аллақачон ундан ажралашим лозим эди. Ўртада ҳозирча болаларимиз йўқ.  Унинг исмини билгингиз келяптими? Марҳамат.
Унинг исми –
Дангасалик
!
А.П.Чехов, рус мумтоз ёзувчиси
Жалолиддин Сафоев таржимаси.