Tez tibbiy yordam Buxoro
🤔
Огоҳ бўлинг!
Ис гази ҳаёт учун хавфли! Хонани иситиш вақтида техника хавфсизлиги қоидаларига риоя қилинг.
😎
Бухоро тиббиёти
⏺
🟦
🟦
🟦
🟦
✅
“Эл-юрт саломатлиги — жамиятнинг бебаҳо бойлигидир.”
✍🏻
Ўзбекистон Республикаси Президенти Шавкат Мирзиёев
.
😎
Бухоро тиббиёти
Hurmatli Xalq posbonlari,
Sizni kasb bayramingiz bilan chin qalbimdan tabriklayman!
El-yurt tinchligi, fuqarolar xavfsizligi va qonun ustuvorligini ta’minlash yo‘lidagi mas’uliyatli faoliyatingizda ulkan muvaffaqiyatlar tilayman. Doimo sog‘-salomat bo‘ling, xizmat faoliyatingizda omad va zafarlar hamroh bo‘lsin. Oilangizdan tinchlik-xotirjamlik, xonadoningizdan fayz-u baraka arimasin!
Bayramingiz muborak bo‘lsin!
🏥
Тиббиёт ходимлари ўртасидаги спорт мусобақалари ғолиблари тақдирланди
Бухоро вилоятида соғлиқни сақлаш тизими ходимлари ўртасида ташкил этилган спорт мусобақаларининг финал баҳслари ва ғолибларни тақдирлаш маросими юқумли касалликлар шифохонасининг спорт майдонида бўлиб ўтди.
Тадбир аввалида Ўзбекистон Республикаси Давлат мадҳияси янгради. Шундан сўнг сўзга чиққан вилоят соғлиқни сақлаш бошқармаси бошлиғи Мухсин Ражабов барчани яқинлашиб келаётган Тиббиёт ходимлари куни билан самимий табриклади. У ўз нутқида тиббиёт ходимлари нафақат касбий фаолиятда, балки спортда ҳам фаоллик, бирдамлик ва қатъият намоён этишлари муҳимлигини таъкидлаб, мусобақа иштирокчиларига омад тилади.
Мусобақалар давомида соҳа вакиллари футбол, стол тенниси, шахмат ва шашка йўналишларида ўз маҳоратларини намоён этдилар. Қизғин ва муросасиз кечган беллашувлар иштирокчилар учун нафақат ғолиблик сари интилиш, балки ҳамкасблар билан дўстона мулоқот қилиш, жамоавийликни мустаҳкамлаш ва соғлом турмуш тарзини тарғиб этиш имкониятини ҳам яратди.
Футбол мусобақасининг якуний натижаларига кўра, Пешку тумани тиббиёт бирлашмаси жамоаси биринчи, Тез тиббий ёрдам маркази Бухоро филиали жамоаси иккинчи, Ромитан тумани тиббиёт бирлашмаси жамоаси эса учинчи ўринни эгаллади.
Шунингдек, стол тенниси, шахмат ва шашка мусобақаларида ғолиб ва совриндор бўлган соҳа ходимларига ҳам эсдалик совғалари ҳамда ташаккурномалар топширилди. Барча спорт йўналишларида биринчи ўринни эгаллаган ғолиблар республика босқичида иштирок этиш учун йўлланмани қўлга киритдилар.
Таъкидлаш жоизки, тиббиёт ходимлари ўртасида спорт мусобақаларини ташкил этиш яхши анъанага айланиб бормоқда. Бундай тадбирлар ходимларнинг жисмоний фаоллигини ошириш, жамоалар ўртасидаги ҳамжиҳатликни мустаҳкамлаш, бўш вақтни мазмунли ташкил этиш ва соғлом турмуш тарзи тамойилларини кенг тарғиб қилишда муҳим аҳамият касб этади.
Спорт мусобақаларининг финал босқичи ва тақдирлаш маросими кўтаринки руҳда ўтиб, тиббиёт ходимларининг бирдамлиги, фаоллиги ва спортга бўлган қизиқишини яна бир бор намоён этди.
😎
Бухоро тиббиёти
TAVALLUD AYYOMINGIZ MUBORAK BO‘LSIN!
Respublika tez tibbiy yordam markazi Buxoro viloyati filiali jamoasi nomidan filial direktorining tezkor ishlarni tashkil etish bo‘yicha o‘rinbosari
Nasriyev Xurshidjon Savriddinovichni
tavallud ayyomi bilan chin qalbimizdan muborakbod etamiz!
Sizga mustahkam sog‘liq, uzoq umr, oilaviy baxt-saodat, xonadoningizga fayzu baraka hamda mas’uliyatli faoliyatingizda ulkan muvaffaqiyatlar tilaymiz. Tez tibbiy yordam tizimini rivojlantirish, aholiga sifatli va tezkor tibbiy xizmat ko‘rsatish yo‘lidagi sharafli mehnatingizda doimo kuch-g‘ayrat, qat’iyat va omad hamroh bo‘lsin.
Hayot yo‘lingiz doimo ehtirom va yutuqlarga, qalbingiz quvonchga, yuzingiz tabassumga to‘la bo‘lsin. Yaqinlaringiz ardog‘ida, hamkasblaringiz hurmatida yurib, el-yurt ravnaqi yo‘lidagi ezgu ishlaringizda yanada yuksak marralarni zabt etishingizni tilaymiz!
Tavallud ayyomingiz muborak bo‘lsin!
Hurmat bilan,
Respublika tez tibbiy yordam markazi Buxoro viloyati filiali jamoasi
⏺
🟦
🟦
🟦
🟦
✅
«Ақл ва илм бирлашган жойда тараққиёт бўлади.»
🕐
Абу Али ибн Сино
😎
Бухоро тиббиёти
🚨
KRITIK HOLATDA ABCDE ALGORITMI: HAR BIR INSON BILISHI SHART!
Bir insonning hayoti sizning harakatingizga bog‘liq bo‘lib qolsa, nima qilishni bilasizmi?
🩺
ABCDE algoritmi
— bemorning hayotiga xavf soluvchi holatlarni tez aniqlash va yordam ko‘rsatishda ustuvorlikni belgilash usuli.
🔹
A — Airway | Nafas yo‘llari
Nafas yo‘llari ochiqmi? Bemor gapira olyaptimi? Hushsiz bemorda nafas yo‘llarining to‘silmaganiga e’tibor bering.
🔹
B — Breathing | Nafas olish
Bemor normal nafas olyaptimi? Ko‘krak qafasi harakatini kuzating. Normal nafas bo‘lmasa yoki faqat hansirash kuzatilsa, bu yurak to‘xtashining belgisi bo‘lishi mumkin.
🔹
C — Circulation | Qon aylanishi
Kuchli qon ketish bormi? Teri oqarishi va sovuq ter xavfli belgilar bo‘lishi mumkin. Kuchli tashqi qon ketishda yaraga bevosita bosim bering.
🔹
D — Disability | Nevrologik holat
Bemor hushidami? Savollarga javob beryaptimi? To‘satdan hushdan ketish, tutqanoq yoki nutq buzilishi shoshilinch tibbiy yordamni talab qiladi.
🔹
E — Exposure | Umumiy ko‘rik
Jarohatlar, kuyishlar va qon ketishlarni aniqlang. Bemorni sovuqdan saqlang, zaruratsiz kiyimlarini yechmang va uning sha’nini himoya qiling.
⚠️
MUHIM!
Agar bemor hushsiz va normal nafas olmayotgan bo‘lsa, darhol
103 yoki 112
raqamiga qo‘ng‘iroq qiling. Yurak-o‘pka reanimatsiyasini boshlang va imkon bo‘lsa, avtomatik tashqi defibrillyatordan (AED) foydalaning.
📌
Esda tuting:
ABCDE — nafaqat tibbiyot xodimlari uchun muhim algoritm, balki har bir inson favqulodda vaziyatlarda to‘g‘ri harakat qilishni o‘rganishi uchun ham zarur bilimdir.
❤️
Hayotni saqlab qolish bilimdan boshlanadi!
📢
Videoni yaqinlaringizga ham ulashing — bu bilim bir kun inson hayotini saqlab qolishi mumkin.
Respublika tez tibbiy yordam markazi Buxoro filiali axborot xizmati
💊
Тиббиёт ходимлари учун малака тоифасини олиш давлат хизмати нархлари ўзгарди
Тиббиёт ходимларининг малака тоифасини олиш учун аттестациядан ўтиш бўйича давлат хизмати тўловлари миқдори ўзгарди.
Ўзбекистон Республикаси Президентининг 2026 йил 10 сентябрдаги ПФ–191-сон Фармонига мувофиқ, Вазирлар Маҳкамасининг 2023 йил 18 сентябрдаги 477-сон қарори билан тасдиқланган Маъмурий регламентнинг 21-банди янги таҳрирда баён этилди.
Янги тартибга кўра, давлат хизмати учун қуйидаги тўловлар белгиланган:
🔹
Шифокорлар ва фармацевтлар учун
— 2 БҲМ, яъни 880 минг сўм;
🔹
Ўрта тиббиёт ва ўрта фармацевтика ходимлари, шунингдек, тегишли мутахассисликка эга ҳамширалар учун
— 1 БҲМ, яъни 440 минг сўм.
my.gov.uz
орқали мурожаат қилинганда
давлат хизмати учун белгиланган тўловнинг 10 фоизи миқдорида чегирма қўлланади.
Бунда:
▪️
шифокорлар ва фармацевтлар учун — 792 минг сўм;
▪️
ўрта тиббиёт ва ўрта фармацевтика ходимлари учун — 396 минг сўм.
Ҳисоб-китоблар 2026 йил 1 сентябрдан амал қилаётган базавий ҳисоблаш миқдори — 440 минг сўм асосида амалга оширилган.
Тиббиёт ходимларига ҳужжат топширишдан олдин Ягона интерактив давлат хизматлари порталида якуний тўлов суммасини текшириш тавсия этилади.
🔗
Батафсил:
Lex.uz — норматив-ҳуқуқий ҳужжатлар
💊
Тиббиёт дунёси канали
Nihoyat, uzoq yillik tarixiy xato tuzatildi. Bugun Prezidentimiz lotin yozuviga asoslangan özbek alifbosini takomillaştirişga oid qonunni imzoladilar.
Bu yillar davomida bahslarga sabab bölayotgan va oxiri körinmayotgan masala edi. 2023-yil 11-dekabrda jadidlar merosiga bağişlangan konferensiyadagi nutqimda alifboni tuzatiş taşabbusini ilgari surgan holda, mazkur bahslarga nuqta qöyiş vaqti kelganini aytgan edim.
Albatta, özgarişlar oson keçmaydi, kimlardadir e’tiroz yoki xavotir uyğotişi ham tabiiy. Lekin, işoning, yozuvimizdagi noqulayliklarga barham beriş va tilimizning raqamli makondagi örnini mustahkamlaş uçun boşqa yöl yöq edi.
Endi hamma hujjatlar yangidan qilinadimi? Yöq, aslo! Biz xarajatlarni eng minimal darajaga tuşiriş yölini tanladik: amaldagi barça hujjatlar, milliy valyuta va qimmatli qoğozlar öz kuçida qoladi, darslik, peşlavha va körsatkiçlar esa yaroqlilik muddati tugagaç, bosqiçma-bosqiç almaştiriladi.
Uşbu qonunning 21-oktyabr kuni qabul qilinişida çuqur ramziy ma’no bor. Tuzatilgan alifbomiz ma’rifatparvar ajdodlarimiz orzusi, yoşlarimiz savodxonligi va tilimiz mavqeini yuksaltirişga xizmat qilişiga işonaman.
Barçangizni Özbek tili bayrami kuni bilan tabriklayman!
—
Наконец исправлена многолетняя историческая ошибка. Сегодня наш Президент подписал закон о совершенствовании узбекского алфавита, основанного на латинской графике.
Этот вопрос вызывал споры на протяжении многих лет, и конца им не было видно. Выступая 11 декабря 2023 года на конференции, посвящённой наследию джадидов, я выдвинула инициативу по доработке алфавита и высказала мнение, что пришло время поставить точку в этих дискуссиях.
Конечно, перемены всегда даются нелегко, и совершенно естественно, что они могут вызывать возражения или опасения. Но, поверьте, иного пути устранить недостатки нашей письменности и укрепить позиции родного языка в цифровом пространстве у нас не было
Придётся ли теперь менять все документы? Вовсе нет. Мы выбрали путь минимизации затрат: все действующие документы, национальная валюта и ценные бумаги сохранят свою силу, а учебники, вывески и указатели будут заменяться поэтапно, по мере истечения срока их службы.
Принятие этого закона именно 21 октября несёт в себе глубокий символический смысл. Уверена, что наш усовершенствованный алфавит послужит воплощению мечты предков-просветителей — повышению грамотности молодёжи и укреплению авторитета нашего языка.
Поздравляю всех вас с Днём узбекского языка!
🇺🇿
Ўзбек тили байрами муборак бўлсин!
Ҳурматли юртдошлар, азиз ҳамкасблар!
Барчангизни миллий ўзлигимиз, маънавиятимиз ва қадриятларимизнинг бебаҳо тимсоли бўлган ўзбек тили байрами билан самимий муборакбод этаман!
Она тилимиз — халқимизнинг кўп асрлик тарихи, бой маънавий мероси, миллий ғурури ва ўзлигини ўзида мужассам этган улуғ неъмат. Уни асраб-авайлаш, софлигини сақлаш, нуфузини ошириш ва келажак авлодларга етказиш ҳар биримизнинг шарафли бурчимиздир.
🏥
Бугунги кунда Бухоро вилояти соғлиқни сақлаш бошқармаси тасарруфидаги тиббиёт муассасаларида турли миллат вакиллари фаолият юритиб, халқимиз саломатлиги йўлида сидқидилдан хизмат қилмоқда.
Уларнинг давлат тилимизга ҳурмат билан муносабатда бўлиши, ўзбек тилида равон сўзлашиши ва беморлар ҳамда ҳамкасблари билан самимий мулоқот олиб бориши таҳсинга лойиқ.
Бу эса ўзбек тили турли миллат ва элат вакилларини бирлаштирувчи, ўзаро ҳурмат, меҳр-оқибат ва ҳамжиҳатликни мустаҳкамловчи муҳим восита эканини яна бир бор намоён этади.
Азиз ҳамкасблар! Давлат тилимизга бўлган ҳурматимизни кундалик фаолиятимизда, муомала маданиятимизда ва касбий мулоқотимизда намоён этайлик. Зеро, тилга эҳтиром — элга эҳтиромдир.
Барчангизга мустаҳкам соғлиқ, оилавий бахт, хотиржамлик ва шарафли фаолиятингизда улкан муваффақиятлар тилайман!
Байрамингиз муборак бўлсин!
Мухсин Ражабов, Бухоро вилояти соғлиқни сақлаш бошқармаси бошлиғи
😎
Бухоро тиббиёти