ТИЛМЕЧ
🔴
АР БИР МУСУЛМАН ҮЧҮН ЗАРЫЛ 15 СӨЗ
1. «Бисмиллах»
– «Аллахтын ысымы менен баштаймын» Ар бир ишти баштаганда ушул сөздү айтуу менен баштайбыз.
2. «Ассаламу алейкум уа рахматуллахи уа баракатух»
– «Сиздерге Аллахтын тынчтыгы, ырайымы жана берекеси болсун». Мусулмандар өз ара салам бергенде айтылат.
3. «Аллаху акбар» – «Аллах улук»
Аллахты улуктоо жана Анын кудуреттүүлүгүн даңазалоо максатта айтылган сөз.
4. «Субханаллах»
– «Аллах айып-кемчиликтерден аруу». Аллахтын улуктугун, кудуреттүүлүгүн жана Анын ар бир кылган иш-аракети кемчиликсиз экендигин даңазалоодо айтылат.
5. «Алхамдулиллах»
– «Аллахка шүгүр, Аллахка мактоолор болсун». Аллах тараптан келген ар бир жакшылыкка шүгүрчүлүк келтиргенде айтылат.
6. «МашаАллах»
– «Аллахтын каалаганы болду». Бул сөз бир нерсеге таң калганда, Аллахтын кудуреттүүлүгүн көргөндө, иш оңунан чыгып кубаныч келгенде айтылган сөз.
7. «ИншаАллах»
– «Аллах кааласа, Кудай буйруса». Бир ишти баштоого ниет кылганда, бирөөгө убада бергенде, Аллахтан үмүт кылууда айтылат.
8. «Хасбуналлаху уа ниъмал вакиил»
– «Бизге Аллах Өзү жетиштүү жана Ал эң жакшы Колдоочу жана Коргоочу». Адам бул сөздү аргасыз абалга, күтүүсүз кыйынчылыкка туш болгондо, кайгы-капага кабылганда айтат.
9. «Ауузу биллахи минаш шайтоонир рожийм»
– «Каргышка калган шайтандан коргоону Аллахтан сураймын». Азгырык ойлор келгенде, жаман ниеттер пайда болгондо, ачууланган кезде айтуу керек.
10. «Астагфируллах»
– «Аллахтан күнөөлөрдү кечирүүсүн сураймын». Күнөө иш кылып, ага тообо кылган кезде, жаңылган, катачылык кылган кезде айтылат.
11. «Аамиин»
– «Кабыл кыла көр». Дуба кылгандан кийин айтылат.
12. «Инна лиллахи уа инна илайхи роожиъуун»
– «Чындыгында Биз Аллахка таандыкпыз жана Ага гана кайтабыз». Жакын адамын жоготкондо, адамдын башына балээ-кырсык түшкөндө, бир адамдын кайтыш болгону тууралуу кабарды укканда айтылат.
13. «Бааракаллаху фиика»
– «Аллах сага береке берсин». Ыраазылык билдирүүдө, адамга жакшылык тилек айтууда, анын ийгилигине кубанууда же көз тийип кетүүдөн сактоо үчүн айтылат.
14. «Жазакаллаху хойрон»
– «Аллах сизди жакшылык менен сыйласын». Бирөөгө ыраазылык, рахмат айтканда айтылган сөз.
15. «Саллаллаху алейхи уа саллам»
– «Ага Аллахтын салам-салаваттары болсун». Пайгамбарыбыздын атын укканда же анын атын айтканда айтылат.
ТИЛМЕЧ |
Эрланбек Кушчубек уулу
═════════
➤➤
https://t.me/tilmech
➤➤
https://t.me/tilmech
💌
Маалыматты башкалар менен бөлүшүңүз
✅
АТА-ЭНЕНИ СЫЙЛООНУН СЫЙЛЫГЫ ЖАНА НААРАЗЫ КЫЛУУНУН ЖАЗАСЫ
Вахб ибн Мунаббих айтты:
«Аллах таала Муса пайгамбарга вахий кылып мындай деди: «Эй, Муса!
Ата-энеңди сыйла. Ким ата-энесин сыйласа, Мен анын өмүрүн узартам жана аны сыйлаган уул-кыздардан берем. Ал эми ким ата-энесин нааразы кылса, Мен анын өмүрүн кыскартам жана аны нааразы кылган уул-кыздардан берем».
Сабит аль-Банани айтат:
«Бир жерде бир адам атасын уруп жатыптыр. Ошондо адамдар ага: «Бул эмнеси?» деп калышты. Баланын атасы адамдарга айтты: «Жөн койгула муну.
Мен дагы бир убакта атамды дал ушул жерден сабаган элем, мына менин башыма да түштү, өз балам мени дал ошол жерде сабап жатат».
═════════
➤➤
https://t.me/tilmech
➤➤
https://t.me/tilmech
🔴
ПЕРИШТЕЛЕРДИ ҮЙҮҢДӨН КАЧЫРБА!
Пайгамбарыбыз ﷺ айтты:
«Ит жана сүрөттөр бар үйгө периштелер кирбейт».
[Сахих Бухари]
✔️
ХАДИСКЕ ТҮШҮНДҮРМӨ:
Бул хадис ар бир мусулман үчүн эң зарыл хадистердин бири болуп эсептелет.
Эгерде кайсы бир үйдө жандуу заттардын (адамдардын, жаныбарлардын, канаттуулардын) сүрөттөрү бар болсо, мисалы, дубалда илинген фото сүрөт болобу же колго тартылган сүрөт болобу же гезиттердеги сүрөттөр болобу же китеп-дептерлердин тышындагы сүрөттөр болобу, мына ошондой сүрөттөр бар үйгө периштелер жолобойт.
Андай сүрөттөрдү үй ичинен жок кылуу керек же көрүнбөй турган жерге катуу керек. Болбосо ал үйгө периштелер кирбейт. Ал эми периште кирбеген үйгө жин-шайтандар толот, ал үйдөн береке кетет. Анткени хадисте айтылган периштелер — жер кезип, үйлөрдү кыдырып жүргөн периштелер. Алар ошол жашаган үйдөгү адамдарга кечирим, ырайым, береке тилеген периштелер.
Ошондой эле ит бар үйгө да периште кирбейт. Эгерде адам шариятта уруксат берилген (аңчылык, короо жайды кайтартуу, мал жаюу) сыяктуу абалдардан тышкары ит бакса, мисалы, каапырларды туурап үй ичинде ит кармаса же мактаныш үчүн бакса же башка дагы уруксат берилбеген себептерден улам бакса, анда андай үйгө да периште кирбейт. Андыктан итти себепсиз багуудан сак болуу зарыл.
ТИЛМЕЧ |
Эрланбек Кушчубек уулу
═════════
➤➤
https://t.me/tilmech
➤➤
https://t.me/tilmech
💌
Маалыматты башкалар менен бөлүшүңүз
🔴
ИСЛАМДАГЫ ЭҢ СООПТУУ ХАДИС
Пайгамбарыбыз ﷺ айтты:
«Кимде-ким жума күнү башын жууса, гусул алса, мечитке эрте барса, хутбаны башынан баштап укса, эч нерсе минбестен жөө басып барса, имамга жакын олтуруп, хутбаны кунт коюп укса жана башка эч нерсе менен алек болбосо, анда ага ар бир кадамы үчүн бир жылдык орозонун жана түнкү намаздын сообу берилет».
|Абу Дауд,345
Кээ бир аалымдар: «Биз шариятта мынчалык соопту камтыган негиздүү хадисти уккан эмеспиз» деп айтышкан. |Тухфатуль-Ахвази, 3/15
￣￣￣￣￣￣￣￣￣￣￣￣￣
Бул хадис шариятта келген эң сооптуу хадистердин бири. Адам жума намазга баратканда ар бир баскан кадамы үчүн бир жылдык орозо жана бир жылдык тахажуд намазын окуду деген соопко жетет.
Элестетиңиз, адам канча кадам басып барышы мүмкүн? Эгерде ушул хадисте айтылгандарды аткарса, канча деген соопторго жетиши мүмкүн? Биз бул хадистен Аллахтын бизге болгон мээримин билебиз. Ал бизге кичине гана ибадаттардын артында көптөгөн сооп-сыйлыктарды даярдап койгон.
ТИЛМЕЧ |
Эрланбек Кушчубек уулу
═════════
➤➤
https://t.me/tilmech
➤➤
https://t.me/tilmech
💌
Маалыматты башкалар менен бөлүшүңүз
‼️
БҮГҮН ЖУМА НАМАЗГА БАРУУНУ УНУТПАҢЫЗ.
➤➤
https://t.me/tilmech