Abylaikhan Suiindik

Енді не үшін Періштелер жерге түседі?
Біріншіден
, Көктер мен Жердегі келесі жылда орын алатын істерді бағыттап реттейді.
Екіншіден
, құлшылық етушілердің құлшылықтарына куә болу үшін.
Үшіншіден
, олармен бірге берекет түседі.
Сондай-ақ, түнін ұйқымен, ойынмен өткізетін хәлдегі пенделермен емес, бәлки, құлшылық-ғибадатта болған құлдарымен Алла Тағала періштелерге мақтанады.
Сондықтан да біз Алла қалағандай болуымыз қажет.
Не үшін
«Раббыларының бұйрығымен»
деместен,
«Раббыларының рұқсаты бойынша әрбір іспен түседі»
деп айтты?
Себебі Періштелер жерге түсуді сағына күтеді. Сондықтан олар Алланың рұқсатына мұқтаж. Көктер мен Жердегі келесі жылда орын алатын істер іске аспастан бұрын түсуге құштар болатындығын білдіреді.
©️
Шейх Әли Һәни (хафизаһулла)
#Тәпсір

Тәпсір: “Қадір” сүресінің төртінші аяты.
Ол түннің ұлықтығының бірі — періштелер лек-легімен жерге түсуі.
تَنَزَّلُ ٱلْمَلَٰٓئِكَةُ وَٱلرُّوحُ فِيهَا بِإِذْنِ رَبِّهِم مِّن كُلِّ أَمْرٍ
Онда (сол түні) періштелер мен Рух (Жебірейіл періште) Раббыларының рұқсаты бойынша әрбір іспен жерге түседі.
Ал енді Жер періштелердің барлығын өзіне сыйдыра ала ма?
“Періштелер түседі” бұл дегеніміз — бүкіл мұсылмандар бір мезетте Қағбаға сыймай, бір бөлігі кетсе, артынан тағы бір бөлігі келіп отыратыны секілді, Періштелер де жерге бірі түсіп, екіншісі көтеріліп жатады деген мағынаны береді.
(Рух) тіпті Жебірейіл ғ.с - нің өзі Алла елшісіне ﷺ бұрын түскені секілді бұл түні де періштелермен бірге жерге түседі.
©️
Шейх Әли Һәни (хафизаһулла)
#Тәпсір

Тәпсір: “Қадір” сүресінің үшінші аяты.
لَيْلَةُ ٱلْقَدْرِ خَيْرٌ مِّنْ أَلْفِ شَهْرٍ
«Қадір түні мың айдан да қайырлы»
Ол дегеніміз — мың ай сексен үш жылға тең келсе, ал Қадір түні одан да артық болғаны. Енді бұл артықшылық амалдарға байланысты. Бұл қасиетті түнде қолдан келгенше ғибадат-құлшылықта белсенділік танытуымыз қажет.
Қадір түні қай түн екенін қайдан білеміз?
Оны бізге Алла елшісі ﷺ: “Рамазан айының соңғы он күнінің тақ түндерінен іздеңдер”, — деген.
Кейбір ғалымдар: “Рамазан айының жиырма жетінші түні”, — деген. Осы түн Қадір түні екеніне үміт басымырақ.
Алайда сен ықтияттық танытып, соңғы он түнде барлық ғибадатыңда белсенді бол. Себебі Рамазан бастау алғанда айға қарап жобалағанда қате кеткен болуы мүмкін.
Күндіз жақсылап тынығып, сосын жуынып, әсемденіп, көркем киім киіп, қонақты күтіп алған тәрізді бұл түнді де күтіп алу қажет. Қадір түні — мың айдан артық.
Ықтималы көбірек күн — Рамазанның жиырма жетінші түні.
Бұған белгі ретінде айтатын болса,«Қадір» сүресі отыз сөзден тұрса, Қадір сөзі жиырма жетінші сөз болып келді. “лайлатул қадр” сөзі тоғыз әріптен құралған, сүреде үш рет қайталанған. Үшті тоғызға көбейтсек жиырма жеті болады.
Енді бұл да — тәпсірдің нәзік бір түсіндірмесі.
©️
Шейх Әли Һәни (хафизаһулла)
#Тәпсір

Тәпсір: “Қадір” сүресінің екінші аяты.
وَمَآ أَدْرَىٰكَ مَا لَيْلَةُ ٱلْقَدْرِ
«
Сен
(уа, Пайғамбар)
Қадір түнінің не екенін қайдан білесің?
»
- деп келуінің себебі — сен қанша ой жүгіртіп ізденсең де, қадір-қасиетіне толық жете алмайсың.
Осы бір сүреде «лайлатул қадр» сөзі үш рет қайталанып келген. «Оны» деп есімдікпен (жасырын) қолданудың орнына түннің ұлылығын, маңыздылығын білдіру үшін «Қадір» сөзін үш рет тілге тиек етті.
©️
Шейх Әли Һәни (хафизаһулла)
#Тәпсір

Не үшін «Қадір түні» деп аталды?
Қадір түні деп аталуының себебі — ол түні бір жылдық тағдыр жазылады. Ол дегеніміз періштелерге алдағы бір жылда болатын істерді хабарлайды.
Алла Тағала «Духан» сүресінде:
«Ха. Мим. Анық баяндалған Кітапқа (Құранға) серт! Шын мәнінде, Біз оны (Құранды) (рамазан айындағы) бір мүбәрак түнде (Қадір түнінде) түсірдік һәм, ақиқатында, Біз ескертушіміз! Онда (Қадір түні) әрбір дана іс ажыратылады — Біздің әміріміз бойынша».
Алла Тағала осылайша Қадір түнін кұрметті және қадірлі етті.
Тағы бір түсіндірме бойынша, «Қадір түні» деп аталуының себебі — ол түннің қадір қасиетінің жоғары, биік болғандығы үшін. Бұл түн Құран түспес бұрын қадірлі еді. Себебі бұл түні тағдыр жазылады және Құранның осы түнде түсуімен қадір қасиеті одан әрі арта түсті. Алла Тағала Құран Кәрімнің түсуіне ең ұлық түнді таңдады.
©️
Шейх Әли Һәни (хафизаһулла)
#Тәпсір

Тәпсір: “Қадір” сүресінің бірінші аяты.
Алла Тағала Қасиетті Құран Кәрімде былай дейді:
إِنَّآ أَنزَلْنَٰهُ فِى لَيْلَةِ ٱلْقَدْرِ
«Ақиқатында, Біз оны (Құранды) Қадір түнінде түсірдік!» («Қадір» сүресі, 1-аят)
Бұл жерде Алла Тағала өзінің ұлылығын таныту үшін “Біз”, (яғни нун ал-азама) - деп қолданды.
Ғалымдардың бір тобы “Қадір түнінде түсірдік”, - деген сөзді “Хира үнгірінде Қадір түнінде түсіп бастады”, — деп түсіндірген.
Екінші топ ғалымдар “Құран толықтай байтул ғиззаға, яғни аспан әлемінде орналасқан мекенге түскен”, — деген.
«Иннә» - сөздегі күшейтпелі шырайды және «нәә» - ұлылықты білдіру үшін қолданды. “Біз Құранды түсірдік”, - деп айтпастан “Біз оны түсірдік”, - деп келуі — Құранның даңқының биік екендігін білдіреді.
©️
Шейх Әли Һәни (хафизаһулла)
#Тәпсір

РАМАЗАННЫҢ СОҢҒЫ ОН КҮНІ - ОСЫ АЙДЫҢ ӨЗЕГІ
Бүкіл мадақ әлемдердің Раббысы Алла Тағалаға ғана тән. Әлемдердің мырзасы, екі дүние сардары Пайғамбарымызға, оның отбасына және сахабаларына салауат-сәлемдер болсын.
Рамазанның соңғы он күні - осы айдың өзегі саналады. Рамазанның алғашқы және ортаңғы он күндігін бос өткізіп алған жан үшін бос өткізіп алған күндерінің орнын толықтыру мүмкіндігі. Ақылды адам өткізіп алған нәрсесінің орнын толтырады.
Күннің бітуін асыр уақыты білдіргені секілді, рамазан айының соңғы он күндігі де рамазан айының бітіп жатқандығынан хабар береді. Сол себепті де Алла Тағала Қасиетті Құран Кәрімде асыр уақытымен ант етіп, «Ақиқатында, адам, сөз жоқ, зиян ішінде» деп баяндады.
Бұрында базарлар асыр уақыты кіргенге дейін тоқтайтын. Себебі ол кезде қазіргі кездегідей жарық беру құралдары болмады. Асыр уақытына дейін табыс көрген көрді, көрмегендер зиянға ұшырады.
Осы тәрізді Рамазанның соңғы он күні де бейне бір қайырлы істерді жасап қалыңдар деп адамдарға хабар беріп тұрғандай.
©️
Шейх Әли Һәни (хафизаһулла)

Алла елшісі ﷺ рамазанның соңғы он күнінде не жасайтын еді?
Пайғамбарымыз ﷺ рамазанның соңғы он күндігіне кірген шақта жеңін түріп, белін буып, үй ішін түнде құлшылыққа оятып, түндерін толықтай намаз оқумен өткізетін.
Соңғы он күнде мың айдан артық болған бір түн бар. Яғни бұл түн — сексен үш жылдан артық.
Үмметтің көпшілігі алпыс үш жыл ғана өмір сүреді, демек, бір түн сенің өміріңнен де артық болмақ. Нух а.с. қауымының өмірі ұзақ болатын. Ал біз бір түнде бір адамның толық өмір сүру уақытына қол жеткіземіз.
Бұл түн — өмірі қысқа болған үмбет үшін ғажап, орнын толтыратын сыйлық. Енді елестетіп көрші, осындай түндегі сауапты зая кетірген жан қапыда қалған жан болмай ма?!
©️
Шейх Әли Һәни (хафизаһулла)

ҒИБРАТТЫ ОҚИҒА
Баяғыда бір кісі балықтың ішінен жақұт тауып алып, зергерлік бұйымдар сататын жерге барып сатпақшы болғанда, сатушы: “Мұның құнын патшадан басқа ешкім төлеп бере алмайды”, — дейді. Сөйтіп әлгі кісі патшаға барып, жақұтты көрсеткен кезде патша оған: "Бұл бұйымың — баға жетпес бұйым екен, мұның құнын төлеу үшін мен сені өзімнің қазына сарайыма кіргізіп, саған алты сағат уақыт берейін. Сен менің қазынамнан қалағаныңды ал", — дейді. Ол кісі патшаның қазынасына кіре салысымен жайылған дастарханды, көз арбайтын неше түрлі нәрселерді көріп, өзінің нәпсіқұмарлығына беріліп, менің алдымда әлі алты сағат бар, мына дастарханнан қалағанымша жеп алайын, төсекке жата тұрайын деп, төсекке жатқан кезде ұйықтап кетеді де, алты сағаттың қалай өткенін байқамай қалады. Алты сағат өткен соң патша уәзірлері келіп, әлгі кісіні оятып, патшаның сарайынан шығарып жатқан кезде:
“Маған сәл ғана уақыт беріңдерші, тым болмаса, қолыма ілінгенін алайыншы", — деп жалынады әлгі кісі. Сол кезде уәзірлер:
“Ей, Ғапілеттегі адам! Саған алты сағат уақыт берілді, сен ол сағатты нәпсіқұмарлығыңа жұмсап, бос өткізіп алдың”, — деп айтады.
Алланың қалауымен, әне-міне рамазан айы іргемізден аттағалы тұр. Біз міндетті түрде Алланың сый-сыяпатына қол жеткізіп, оған амалымыз арқылы лайықты болуымыз керек. Бұл айда мұндай сауаптардан құр қалмауымыз керек.
Алла елшісі (ﷺ) бір хадисінде былай дейді:
“Кім рамазан айына жете тұра, оның күнәләрі кешірілмесе, ол неткен қасірет пен сәтсіздікке ұшыраған пенде”.
Алла елшісі (ﷺ) (қасірет пен сәтсіздікке ұшыраған пенде) деп үш рет қайталаған. Сахабалар Алла елшісінен ﷺ ол кім деп сұраған кезде Алла елшісі ﷺ: “Рамазан айына жетіп тұрып күнәсі кешірілмеген пенде”, — деген.
Бұл ай — жәннәт есіктері айқара ашылып, тозық есіктері жабылатын және шайтандар кісенделетін ай.
Осындай мүмкіндікті өткізіп алған жанды Алла елшісі ﷺ: “Неткен қасірет пен сәтсіздікке ұшыраған пенде”, — деді.
©️
Шейх Әли Һәни
(хафизаһулла)

أَلَا وَإِنَّ شَهْرَكُمْ قَدْ أَخَذَ فِي النَّقْصِ، فَزِيدُوا أَنْتُمْ فِي العَمَل.
Ақиқатында, Рамазан айындағы күндерің кеми түсті. Демек, сендер салиқалы амалдарыңды арттыра түсіңдер!
Имам Ибн Ражаб (рахимаһулла)
«Латойф ал-Мағариф», 184-бет.