Lokomotivlardan foydalanish boshqarmasi

11-iyun kuni “O‘zbekiston” lokomotiv deposida harakat xavfsizligini ta’minlash hamda lokomotivlarga texnik xizmat ko‘rsatish sifatini yanada oshirish maqsadida navbatdagi “Sifat kuni” yig‘ilishi bo‘lib o‘tdi.
Tadbir depo boshlig‘ining ta’mirlash ishlari bo‘yicha o‘rinbosari M.Y. Zulfiqorov boshchiligida tashkil etildi. Yig‘ilishda harakatli tarkibni ta’mirlash bilan shug‘ullanuvchi xodimlar, muhandis-texnik mutaxassislar hamda mas’ul rahbarlar ishtirok etdi.
Uchrashuv davomida lokomotivlarga texnik xizmat ko‘rsatish sifati, ta’mirlash jarayonlarida aniqlanayotgan kamchiliklar, harakat xavfsizligini ta’minlashga oid dolzarb masalalar muhokama qilindi. Mutaxassislar tomonidan mavjud muammolarni bartaraf etish, texnik nazoratni kuchaytirish hamda ish samaradorligini oshirish yuzasidan taklif va tavsiyalar bildirildi.
Shuningdek, depo faoliyatida mehnat intizomiga rioya qilish, texnik reglamentlar asosida ishlash va harakat xavfsizligini ta’minlash har bir xodimning ustuvor vazifasi ekani alohida ta’kidlandi.

YOSHLAR TASHABBUSLARI E’TIBOR MARKAZIDA
Buxoro mintaqaviy temir yo‘l uzeli filiali tezkor boshqaruvidagi Buxoro lokomotiv deposida “Rahbar va yoshlar” uchrashuvi tashkil etildi.
Unda Buxoro transport prokurori R.S. Berdiyev, Buxoro viloyati IIB Kiber jinoyatlarga qarshi kurashish boshqarmasi boshlig‘i U.Y. Xasanov, Buxoro viloyati Transportda xavfsizlikni ta’minlash boshqarmasi boshlig‘i o‘rinbosari A.N. Xolmirzayev hamda korxona boshlig‘i M.M. Suvonov ishtirok etdi.
Ochiq va samimiy muloqot davomida korxona yoshlari tomonidan ish samaradorligini oshirish, xizmat ko‘rsatish sifatini yanada yaxshilash maqsadida sun’iy intellekt, raqamlashtirish hamda startap loyihalari bo‘yicha amalga oshirilayotgan tashabbuslar haqida ma’lumotlar taqdim etildi.
Shuningdek, Buxoro transport prokurori R.S. Berdiyev yoshlarni qiynab kelayotgan muammolar, ularning taklif va tashabbuslarini ochiq muloqot tarzida o‘rganib, tegishli masalalar yuzasidan fikr almashdi.
Buxoro viloyati IIB Kiber jinoyatlarga qarshi kurashish boshqarmasi boshlig‘i U.Y. Xasanov esa yoshlarni kiberjinoyatlardan ogoh bo‘lishga chaqirib, internet tarmog‘idagi firibgarliklar, axborot xavfsizligi va kiberxavfsizlik qoidalariga rioya etishning ahamiyati hamda bunday jinoyatlarning salbiy oqibatlari haqida tushuntirishlar berdi.
Uchrashuv yakunida korxona hayotida faol ishtirok etib, o‘zining tashabbuskorligi va fidoyiligi bilan na'muna bo‘layotgan bir guruh yoshlar estalik sovg‘alari bilan taqdirlandilar.
Yoshlar tashabbuslarini qo‘llab-quvvatlash, ularning fikr va takliflarini tinglash hamda salohiyatini ro‘yobga chiqarish yo‘lidagi bunday uchrashuvlar kelajak taraqqiyotining muhim omili bo‘lib xizmat qiladi.

Lokomotiv xo‘jaligida harakat xavfsizligini ta’minlash, poyezdlar harakati jarayonida yuzaga kelishi mumkin bo‘lgan nosozlik va favqulodda holatlarning oldini olish, lokomotivlardan foydalanish samaradorligini oshirish hamda ularga sifatli va ishonchli texnik xizmat ko‘rsatish hamda ta‘mirlashdan o‘tkazish bo‘yicha
texnik xizmat ko‘rsatish va joriy ta‘mirlash jarayonlarida texnik hamda estetik holatini, elektron qismlar va elektr apparat, yong‘inga qarshi o‘t-o‘chirish vositalari, yurish qismi, dizel va yordamchi qurilmalar hamda stend va stanoklarning soz holda ishlashi bo‘yicha tekshirish ishlari jadal suratda davom etmoqda
.

“Termiz” lokomotiv deposida “Harakat xavfsizligi kuni” doirasidagi navbatdagi yig‘ilish bo‘lib o‘tdi. Yig‘ilish davomida joriy yil mobaynida yo‘l qo‘yilgan baxtsiz hodisalar, mavjud kamchilik va nuqsonlar atroflicha tahlil qilindi. Poyezdlar harakat xavfsizligini ta’minlash masalalari, lokomotivlardan foydalanish sexi ishchi-xodimlarining mehnat intizomi, shuningdek, video kuzatuv kameralari orqali aniqlangan kamchiliklar yuzasidan davra suhbati o‘tkazildi. Mashinistlar va mashinist yordamchilari tomonidan yo‘l qo‘yilgan xato va kamchiliklar bo‘yicha mas’ul xodimlarga tegishli ogohlantirishlar berildi. Shuningdek, yig‘ilishda harakat xavfsizligini ta’minlash, harakat jarayonida yuzaga kelishi mumkin bo‘lgan xavfli holatlar hamda lokomotivlardan foydalanishga doir boshqa dolzarb masalalar muhokama qilindi. Elektron marshrut tizimini mashinistlar tomonidan to‘ldirishda aniqlanayotgan kamchiliklar bo‘yicha nazoratni kuchaytirish masalalari tushuntirildi va tegishli ko‘rsatmalar berildi.

“O‘zbekiston” lokomotiv deposida haftaning har chorshanba kuni an’anaviy tarzda o‘tkazib kelinayotgan “Harakat xavfsizligi kuni”ning navbatdagi yig‘ilishi yuqori saviyada tashkil etildi. Yig‘ilish Lokomotivlardan foydalanish boshqarmasi boshlig‘i Sh.T. Tulyaganov hamda korxona rahbari O.M. Maxsumov boshchiligida o‘tkazildi.
Yig‘ilish davomida, avvalo, harakat xavfsizligi bo‘yicha o‘tgan davrda amalga oshirilgan ishlar va erishilgan natijalar yuzasidan batafsil tahlillar olib borildi. Amalga oshirilgan ishlar, erishilgan natijalar bilan bir qatorda, yo‘l qo‘yilgan kamchiliklar atroflicha muhokama etildi. Harakat xavfsizligini ta’minlashda mas’ul xodimlarning faoliyati tanqidiy-tahliliy ruhda ko‘rib chiqilib, aniqlangan kamchiliklarni bartaraf etish yuzasidan aniq vazifalar belgilab berildi.
Shuningdek, lokomotiv brigadalari tomonidan mehnat va texnologik intizomga rioya etilishi, texnik vositalarning soz holatda saqlanishi hamda harakat xavfsizligiga salbiy ta’sir ko‘rsatishi mumkin bo‘lgan omillarning oldini olish masalalariga alohida e’tibor qaratildi. Yig‘ilish yakunida barcha mas’ullarga tegishli topshiriqlar berilib, harakat xavfsizligini yanada mustahkamlash bo‘yicha belgilangan vazifalarning ijrosi qat’iy nazoratga olinishi ta’kidlandi.

BOLAJONLAR QUVONCHI – BIZNING ENG KATTA MUKOFOTIMIZ!
1-iyun – Xalqaro bolalarni himoya qilish kuni munosabati bilan Tinchlik lokomotiv deposida tashkil etilgan bayram tadbiri ko‘tarinki ruhda, quvonch va samimiy taassurotlarga boy tarzda o‘tkazildi.
Tadbirda korxona ishchi-xodimlarining farzandlari va ota-onalari ishtirok etib, Navoiy viloyati bolalar teatri tomonidan namoyish etilgan qiziqarli sahna ko‘rinishlari, konsert dasturlari hamda ko‘ngilochar chiqishlardan zavq oldilar. Bayram davomida bolajonlarga maxsus sovg‘alar topshirilib, ularga unutilmas lahzalar tuhfa etildi.
Shuningdek, tadbir mehmonlari uchun korxona hududi bo‘ylab ekskursiya tashkil etildi. Bolajonlar zamonaviy teplovozlar bilan yaqindan tanishib, ularning ishlash jarayoni haqida qiziqarli ma’lumotlarga ega bo‘ldilar. Ota-onalar ishlayotgan korxonadagi yaratilgan qulay va zamonaviy mehnat sharoitlari namoyish etilib, temir yo‘l sohasining mamlakatimiz taraqqiyotidagi o‘rni haqida batafsil tushunchalar berildi.
Ekskursiya davomida yosh avlodga temiryo‘lchi kasbining naqadar mas’uliyatli, sharafli va faxrli kasb ekani, Vatan ravnaqi yo‘lida ushbu soha xodimlarining mehnati beqiyos ahamiyatga ega ekanligi alohida ta’kidlandi.
Tadbir yakunida barcha bolajonlar mazali sharbatlar va shirinliklar bilan mehmon qilinib, ko‘tarinki kayfiyat va yorqin taassurotlar bilan kuzatildi.
Bolalar kulgisi va quvonchiga boy bo‘lgan ushbu bayram barchaga iliq xotiralar ulashdi. Tadbirni tashkil etishda faol ishtirok etgan barcha tashkilotchilar va hamkorlarga samimiy minnatdorchilik bildiramiz.
Farzandlarimiz baxtli bo‘lsin, ularning orzu-intilishlari yuksak parvoz qilsin!

1-iyun – Xalqaro bolalarni himoya qilish kuni munosabati bilan Tinchlik lokomotiv deposida tashkil etilgan bayram tadbiri ko‘tarinki ruhda, quvonch va samimiy taassurotlarga boy tarzda o‘tkazildi.
🚉
Tinchlik lokomotiv deposi matbuot xizmati!
Telegram
📱
|
Instagram
📱
|
Youtube
📱

“O‘zbekiston temir yo‘llari” AJ boshqaruv raisi Zufar G‘iyasovich Narzullayevning Jamiyat xodimlariga
MUROJAATI
Hurmatli hamkasblar!
Bugungi kunda mamlakatimizda korrupsiya illatiga qarshi kurashish shunchaki rasmiyatchilik emas, balki davlat siyosatining eng ustuvor yo‘nalishiga aylandi. Davlatimiz rahbari Shavkat Mirziyoyev ta’kidlaganlaridek:
"Korrupsiya – bu ma’naviyatimizga, kelajagimizga va taraqqiyotimizga raxna soluvchi eng xavfli illatdir. Biz korrupsiyaning oqibatlari bilan kurashishdan uning barvaqt oldini olishga oʻtishimiz kerak."
Shu bois, "O‘zbekiston temir yo‘llari" AJ tizimida ochiqlik va shaffoflikni ta’minlash, har bir jarayonni raqamlashtirish orqali inson omilini kamaytirish bo‘yicha tizimli ishlar amalga oshirilmoqda. Biroq, qanchalik mukammal qonunlar yoki nazorat tizimlari yaratilmasin, agar har bir xodimning ongi va qalbida
"halollik vaksinasi"
bo‘lmas ekan, kutilgan natijaga erishib bo‘lmaydi.
Shu munosabat bilan, respublikamizda
korrupsiyaga qarshi
kurashish bo‘yicha 2026 yilda
“favqulodda holat”
eʼlon qilinganligini yodga solgan holda har biringizni quyidagilarga qat’iy rioya qilishga chaqiraman:
·       O‘z faoliyatingizda O‘zbekiston Respublikasi qonunlari va Jamiyatning ichki idoraviy hujjatlari talablarini so‘zsiz bajaring.
·       Korrupsiyaning har qanday ko‘rinishiga, u kichik bo‘ladimi yoki yirik, mutlaqo murosasiz munosabatda bo‘ling.
·       Halollikni nafaqat xizmat vazifasi, balki vijdon amri va insoniy burch deb biling. Unutmang, halol mehnat — nafaqat jamoat orasida hurmat, balki xonadoningizga baraka va xotirjamlik olib keladi.
Xizmat vazifalarini bajarish jarayonida korrupsiyaviy huquqbuzarliklar, manfaatlar to‘qnashuvi holatlari yoki boshqa noqonuniy ta’sir ko‘rsatish holatlari aniqlangan taqdirda, bu haqda belgilangan tartibda Jamiyat rahbariyatiga yoxud korrupsiya haqida xabar berish uchun tashkil etilgan aloqa kanallari orqali darhol ma’lum qilishingiz so‘raladi.
Ishonch telefoni: +998 (71) 237-99-98
Telegram boti manzili:
@uzrailway_anticor_bot
Rasmiy veb-saytdagi aloqa kanali:
https://railway.uz/uz/gazhk/against_corruption
Keling, temir yo‘l sohasida korrupsiyaga nisbatan murosasiz muhitni shakllantirish, tizim faoliyatining shaffofligi va ochiqligini ta’minlash hamda uni zamonaviy boshqaruv tamoyillari asosida rivojlantirish yo‘lida birgalikda mas’uliyat bilan harakat qilaylik. Har bir xodimning halolligi, qonunlarga sodiqligi va fidokorona mehnati Jamiyatning barqaror rivojlanishi hamda kelgusi yutuqlarining mustahkam poydevori hisoblanadi.
|
Site
|
Telegram
|
Facebook
|
YouTube
|
Instagram
|
X